月份: 2017 年 4 月

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

其中一樣最令男人洩氣嘅，就係當女人Shit Test你嘅時候你唔識得點樣反擊。

 

點解女人要咁樣做呢？

 

原因就係，索女一整日都有男人撩佢哋傾計，

 

而佢去篩選你係咪一個『真男人』，就係揼一啲Shit Test落你到，睇下你識唔識得反擊，睇下你係咪真係你所講嘅Alpha咁勁。

 

Shit Test最常見的例子，就係當佢同你講：『啊，不如你買杯嘢飲畀我呀。』

 

或者『欸，其實我有男朋友㗎喇。』

 

或者『我唔會同XYZ類型嘅男仔出街囉。』

 

或者『你呢條pick up line通常work唔work㗎？』

 

又或者當佢知道你溝好多女或者食過多女嘅時候，佢會同你講『依，你嘅行為好嘔心囉！』

 

以上呢啲都係其中一啲女人測試你最常見嘅例子，如果你唔識得點樣回應，佢就會好快對你失去興趣。

 

如果你有subscribe落我哋私人嘅newsletter裡面，你都應該會知道我哋最新嘅training係會教你點樣摧毀女人畀你最常見嘅33種Shit Test。

 

等我依家好快教你其中一條啦。

 

其中一條最常見嘅Shit Test，就係當佢同你講：『依，你咁player／你咁玩家／你咁食家㗎。』

 

又或者係：『話，你肯定同過好多女人瞓啦／你肯定好濫啦。』

 

你有冇試過聽過女仔咁樣同你講你呢？

 

畀著你又會點樣回應呢？

 

好多男人都唔知其實佢哋喺嗰一刻畀個女仔測試緊，如果fail咗呢，你就拜拜係咁先，你會輸咗個遊戲。

 

咁應該點樣回應呢？

 

錯誤嘅方式，

 

就係好似大部分男人咁樣去『保護自己形象』，話自己真正唔係咁樣，同佢講話：『唔係啦，我真正想要一段long term relationship囉。』

 

咁樣做就錯喇巴打：

 

無論女人把口講啲乜嘢，佢哋內心係想要一個有好多女人都想要嘅男人，一個有無限sex options嘅男人。

 

所以佢係想你Own It，佢係想你承認你有好多選擇，你嘅反擊就可以直接係：

 

『係呀我係player啊，咁你嘅重點係？』

 

或者『係呀咁點呀？你係咪想而家同我走？』

 

或者『係呀，我由朝到晚都同女人瞓㗎喇，你又想同我瞓啊？』

 

個重點係：

 

永遠唔好搵藉口話你自己唔係，唔好嘗試去解釋話佢點解睇錯你。

 

Own It，你係一個喺dating market嘅玩家，

 

你係一個有好多女想追你嘅男人，

 

你係一個可以隨時move on唔在乎得唔得到呢個女仔嘅高地位男人。
以上只係最常見嘅Shit Test嘅少少，

 

你有興趣再學多啲嘅話，你就喺我哋嘅newsletter同我繼續討論啦。

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第4集，今集嘅主題係叫做Live As If Your Father Were Dead！

 

聽落去非常有爭議性，但係係一個非常之有威力嘅定律你必須遵守，因為佢正正hit得中生命嘅真相。

 

即使你好愛你嘅父親，如果你想成為一個真正自由嘅成熟男人，你都必須放棄『為你daddy俾你嘅預期或者批評』而去活你嘅生命。

 

大部分男人都係live in a quiet desperation，默默地喺一種絕望之中生活。

 

每一日都係好似隻倉鼠咁樣重複做同一樣嘢，潛意識地跟住大部分人做佢以為應該做嘅嘢，好似一隻喪屍咁樣『夢遊』佢嘅人生…

 

原因就係因為佢哋潛意識地，仍然好驚佢爸爸會批判佢。

 

好驚老豆會批評佢嘅選擇，好驚老豆會話佢嘅成就唔夠好， 好驚佢哋嘗試做任何嘢都會畀老豆reject或者鬧，

 

所以一直以嚟佢都係以一種『討好老豆嘅方式』去活佢哋嘅生命。

 

有啲更極端嘅例子，就係某啲男人會非常反叛，嘗試去180度調返轉做佢老豆叫佢唔好做嘅嘢。

 

但係其實佢哋都係仍然被動地圍繞著『父親』而活佢嘅生命，而唔係主動地為自己規劃佢真正想要嘅生命，

 

佢嘅父母仍然係控制緊佢。

 

所以今日嘅重點就係：

 

你必須假設你爸爸已經死咗，即使你好愛佢，你都必須咁樣做。

 

你幻想一下如果你Daddy已經走咗，你會唔會有一種唔需要再比佢批評，放鬆咗嘅感覺呢？

 

你會唔會覺得有一種唔需要再討好你父親嘅感覺呢？

 

你會唔會覺得有一種唔需要再特登證明自己叻過佢嘅感覺呢 ？

 

喺接下來嘅72小時，我想你至少做一樣活動，一樣因為你爹哋嘅存在，而你嘗試抑制或者放棄嘅活動。

 

你要開始練習點樣唔好再活喺佢嘅陰影之下，唔好再因為佢對你嘅期望或者批評而去做決定。

 

即使你有可能會感到恐懼，感到自卑，或者感到壓力，

 

你都要學識點樣放下呢啲心理負擔， 讓內心真正嘅自己慢慢呈現出嚟。

 

只有咁樣嘅抽離，只有咁樣嘅方法，

 

先至可以令你真正得到解脫，先至能夠讓你自己活喺屬於你嘅『真相』之中。

 

唔係你Daddy嘅『真相』，唔係你Mammy嘅『真相』；

 
係你嘅『真相』，係你嘅『道路』，今集慢慢咀嚼下！

 

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今日想好快教你五種女人好想男人有嘅特質，咁點解我哋要學呢樣嘢呢？

 

其實好簡單，

 

你想吸引一個有質素嘅女仔去你生命，咁你就必須有特定嘅素質display到出嚟，佢先至會想更加要你。

 

問題係，大部分男人都唔知道有乜嘢qualities女人先至會覺得好吸引，而你亦都應該知道qualities唔係講緊有錢有車有樓有大J等等。

 

亦都唔係女人喺公眾場合講嘅廢話例如：

 

男仔要有自信，要funny啲，要對佢嘅情感有敏感度etc. ，呢啲advice完全幫唔到忙。

 

咁我哋事不宜遲，馬上開始喇。

 

特質＃1：你能夠對住女人『內心最真實嘅佢』講說話。

 

如果你已經係我哋『誘惑式冷讀術』training嘅VIP巴打，你應該好清楚點樣做呢樣嘢。

 

個重點就係，當你能夠繞過佢表面嘅防線，減低佢對你嘅戒心，你就能夠『同佢內心最真實嘅佢』傾計。

 

你就會成為佢世界裏面極少數嘅男人，可以真正了解明白佢。

 

你對佢就會變得非常重要，因為好少人有咁樣嘅觸覺知道佢真正係一個點樣嘅人。

 

另外好多男人都唔知道，其實女人係冇一個好強嘅『自我認同感』，

 

佢哋唔係好清楚自己係一個點樣嘅人，佢哋冇男人咁肯定自己嘅價值。

 

女人嘅自我價值觀係比較有流動性，所以好多時候，連佢自己都唔係好肯定佢係點樣嘅人。

 

所以當你能夠幫佢揭開佢嘅面紗，能夠更加清晰地解釋佢其實係一個點樣嘅人，佢係幾乎必定會愛上你！

 

特質＃2：就係你對自己有Conviction，擁有一個堅定信念，一種對自己嘅肯定性。

 

譬如你知道自己去緊嘅方向，你嘅信念，你相信嘅嘢， 你有幾接受自己嘅優點缺點等等。

 

就算你未有好清晰嘅未來，最容易顯示到你嘅conviction就係開始對某啲事物有自己嘅意見。

 

雖然講政治唔係一個太好嘅topic，但係你可以講下你自己嘅哲學人生觀等等。

 

呢樣嘅特質亦都顯示到你唔係人云亦云，隨波逐流嘅一件死物。

 

 

特質＃3：就係你嘅Skills，你嘅技能。

 

任何一種嘅skills都係冇問題嘅，例如玩音樂，玩爬山單車，煮嘢食好叻，就算係整電腦好叻都okay。

 

最重要係，呢啲你獨有嘅技能係你花咗好多時間去練習精通佢，亦都暗示到你有一種『持之以恆』嘅特質。

 

另外就係呢種skills係一樣挑戰自己嘅東西，暗示到當你有目標嘅時候，你係會相信自己能夠達到終點。

 

最後就係你係自願去鍛鍊呢種skills，暗示你係一個為自己做選擇，唔係咁輕易放棄嘅男人。

 

（BTW，你都應該知道PUA從來唔會講呢啲嘢㗎啦？

 

溝女skills當然係重要，但係如果你唔係同時間develop緊自己嘅人生，你始終唔係一個真正長遠有吸引力嘅男人。

 

所以我以上講嘅全部係一啲雌性女人鍾意雄性男人有嘅特質，你想每一年成為一個更有吸引力嘅男人，你就必須要做呢啲事。）

 

特質＃4：Dominance ＆ Strength，即係你嘅支配性同力量。

 

當然唔係講緊你要練到好大隻成個bodybuilder咁表面啦！

 

Dominance嘅意思係你要去主宰統治某啲嘢，

 

例如你喺某一方面你有絕對嘅權威，你有精湛嘅技藝，或者你精通某一方面嘅嘢。

 

雌性女人天生就係submissive嘅，佢哋係鍾意順從你嘅領導嘅。

 

另外，顯示你嘅支配性有好多種方法：

 

例如你嘅身體有幾fit，你有幾多領導能力，你有幾野心同埋自我鞭策自己。

 

因為如果將來世界真係變到好似Walking Dead咁，你有冇呢啲特質，就意味著你能唔能夠喺一個弱肉強食嘅世界裏面生存。

 

 

特質＃5：就係你嘅Social Value，社會價值。

 

Social Value嘅意思係，你嘅朋友屋企人同事等等有幾重視你呢？

 

喺你環境身邊嘅人有幾尊重你呢？

 

Social Value亦都有幾種方式去顯示嘅：

 

例如你係咪一個好玩嘅人一齊hang out呢？

 

你通常係咪都有一種正面嘅態度呢？

 

你係一個giver定係taker呢？

 

如果你係一個giver，就意味著你有一個豐裕嘅mindset，你知道就算送一啲『資源』畀人哋，你都能夠輕易地再得到更多。

 

相反如果你係一個taker，當佢需要某啲嘢嘅時候你就唔能夠畀佢，

 

例如佢想要你情感嘅支持emotioanl support，你嘅愛，你有時對佢嘅愛慕等等。

 

最後就係你係咪一個好chill，唔太在乎結果，識得放鬆自己嘅人？

 

因為通常一啲好繃繃緊嘅男人，都係因為佢哋好冇信心去處理生活嘅挑戰。
以上就係五種女仔想你有嘅雄性特質，

 

即使今集講嘅嘢比較宏觀，

 

你都千祈唔好忽視呢啲長遠塑造你成為一個更有吸引力嘅男人嘅重點啊！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今日想好快講講所謂嘅Alpha Male／雄性男人嘅三個最大特點，點解我哋要略略搞清楚咩先至係叫Alpha呢？

 

就係因為你都應該聽過，上一兩代嘅人以前成日都會用『大男人』呢個term去形容一啲好專制野蠻，甚至會用暴力欺負女人嘅男人仆街。

 

亦都可能係因為咁，會令到好多我哋呢一代嘅巴打們好驚去做咗嗰一種嘅仆街大男人，

 

所以就走向另一個極端，變得越嚟越溫柔體貼，斯文有禮等等。

 

但係你都應該知道，nice guys係永遠溝唔到女嘅，就算佢哋溝到，佢哋好快都會畀人哋cheat咗都唔知咩事 。

 

咁所以我哋點先可以唔做嗰一種『大男人』嘅同時，又可以做一個有男子氣概嘅真正雄性男人呢？

 

#1 第一種嘅Alpha Male特徵，就係佢有一種領導人嘅態度，佢係會take charge。

 

女人係鍾意一個領袖，一個勇敢做決定嘅男人。

 

即使佢做嘅決定最後係錯誤，但係如果佢知道佢想要啲乜嘢，跟住願意冒險去做一個決定，咁樣嘅態度已經係有吸引力。

 

女人最唔鍾意嘅就係一啲猶豫不決嘅男人，一啲左諗右諗都唔知下一步去邊到嘅男人。

 

所以你要記住嘅係：Lead，Lead， Lead！

 

無論你肯唔肯定個結果，你都必須盡快做一個決定，向前踏出第一步去睇下結果係點樣。

 

＃2 第二種嘅Alpha Male特徵，就係有自信嘅男人。

 

『有自信』嘅意思係，

 

你係一個愛自己嘅人，你係一個尊重自己嘅人，你係一個知道自己大方向嘅人，

 

亦都係因為咁樣人哋先至會尊重你。

 

當你係擁有一種對自己嘅certainty，對自己嘅肯定，你做嘢就能夠更加果斷，更加堅定自信。

 

＃3  第三種嘅Alpha Male特徵，就係一個絕對控製到自己情緒嘅男人。

 

佢嘅情感要係好似石頭咁堅硬，唔會因為外在嘅事物輕易影響自己嘅情緒，包括女人間唔中畀佢嘅shit test。

 

點解呢？

 

因為你都應該知道，女人嘅情感就好似每一刻流動緊嘅春水，

 

所以當佢間唔中情緒去到谷底嘅時候，如果你又因為佢唔開心而搞到自己唔開心，咁女人就唔可以依靠你去帶佢離開谷底！

 

女人唔想要一個大喊包，一個控制唔到自己情緒嘅男人。

 

咁當然呢個你需要好好平衡啦，你當然要有一種同情體諒嘅心，去感受其他人嘅痛苦辛酸啦，

 

但係你都唔可以因為呢啲情感嘅流動令到自己都隨波逐流，大失所措。

 

你亦都唔好去否認自己嘅情感，因為抑壓自己情緒亦都係唔健康嘅。

 

 

感到唔開心或者覺得好嬲係冇問題嘅，但係千祈唔可以讓自己當時嗰一刻嘅情感而佔領咗你做理性決定嘅能力。

 

 

最後畀個Bonus Tip你：

 

當你感到情緒高漲嘅時候，

 

當你feel到自己開始被外來嘅事物影響內在心態嘅時候，

 

當你察覺到自己開始瀨嘢之前，

 

你必須喺你做任何決定之前停低三四十秒，

 

跟住深呼吸吸氣4秒，落你個肚嘅腹部位置並且令佢脹肚，

 

之後閉氣4秒，再呼氣6至8秒。

 

 

如果你可以重複做呢十零秒嘅動作2至3組，我保證你之後做嘅決定會畀30秒前嘅理智好多。

 
唔信嘅話，你下次俾人挑釁嘅時候試一試，之後再話我知你嘅決定有幾聰明得多啦！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

我想你而家誠誠實實評估一下自己。

 

你同女仔相處嘅時候，你係咪嗰一種通常有power話到事嗰一個呢？

 

你識女仔嘅時候，你係咪主動做approach嗰一個，定係你已經建立到一種lifestyle係女仔主動approach你呢？

 

你係咪嗰一個主動約女仔出街，成日喺度諗點樣先可以令到佢肯同你出街，點樣之後可以有2nd date， 定係個女仔會主動去約你呢？

 

 

我之所以咁樣問你，其實我想你睇清楚現今dating嘅一個真相：

 

我哋今時今日生活喺呢個社會，九成九嘅男人都係將屬於自己嘅power雙手供奉畀女人，

 

已經去到一個已經『被合理化』嘅狀況，

 

已經去到一個社會心理學家同研究人員用一種叫做『Sexual Power Shift』嘅term去形容呢種現象。

 

點解叫做一種shift，一種兩性嘅力量大變換呢？

 

就係因為N年前個世界唔係咁樣㗎，以前嘅『現實』係女人需要被訓練去溝條仔返嚟，男人係有絕對嘅power去決定同唔同個女仔一齊。

 

今時今日嘅男人，所受到嘅教育基本上都係細個由阿媽家姐教；

 

更影響得我哋深遠嘅係荷里活電影，主流社會意識政治正確嘅薰陶，永遠都係講失戀嘅愛情歌等等…

 

你都可以見得到以上嘅例子，都係嘗試輸入一種『男人應該追女仔』嘅觀念俾你。

 

 

我自己好清楚，好幾年前嘅我，我係完全buy晒呢一種嘅觀念，

 

我以為『當我可以堅持係咁追個女仔，佢就總會有一日被我嘅誠意打動』…

 

 

我以為喺佢生日嘅時候送隻啤啤熊公仔畀佢成件事就會好啱好浪漫…

 

 

我以為只要我個人夠真心，夠好人，夠細心，夠上進，佢就會想同我一齊…

 

 

好可惜真相就係，以上所有嘅觀念都係錯誤，

 

 

喺現實生活中係唔work㗎，亦都係其中一個原因點解『Sexual Power Shift』會出現。

 

我更加聽過一個研究講，女人係會喺頭1-9秒之中決定會唔會同你上床，

 

即使我未正式搵到呢篇研究，但一個不可爭論嘅事實就係：

 

今時今日嘅女人係會越嚟越快喺瞬間決定你係咪一個『有性價值』嘅男人！

 

 

你明白咗呢一點之後，你就要知道今時今日其實喺有三種男人嘅。

 

#1 永遠都唔會主動學習dating advice嘅平庸普通人。

 

 

呢啲男人所得到嘅『溝女知識』都係由佢阿媽阿爸電視電影電台學番嚟。

 

佢哋好多時都係嗰種nice guy， 嘗試用傳統嘅方式去追個女仔返嚟，跟住唔小心畀個女仔friendzone咗。

 

佢哋嘅服從性係好強，係會完全將自己嘅power畀曬女人，係會成日送花送朱古力，更加可能喺公眾場合畀女人掌摑都唔識得反抗嘅人。

 

 

呢種男人，一係就會繼續做『佢嘅好人』跟著成世妥協於一個佢唔鍾意嘅女人，永遠對住佢恭恭敬敬成個太監咁樣。

 

 

一係佢就極端化，開始好憎恨女人，開始歧視女人，開始做個大仆街打女人，甚至開始做啲變態嘢傷害女人。

 

 

＃2 就係嗰啲會學習dating advice嘅人，但係佢哋被PUA形式嘅教學洗腦。

 

 

佢哋可能會學習唔同嘅pickup lines，唔同嘅routines，而呢啲學習亦真係畀到少少成績個男仔。

 

 

但係如果問心講，呢種形式嘅溝女方法其實唔係真正fulfill到自己，唔係好由內而外地滿足到自己，而且生活質素長遠地唔係真正有改善。

 

 

原因就係因為，你唔可以真係靠一啲聰明嘅句子或者一套特定嘅動作，而長遠地吸引到女人返嚟，

 

你真正嘅底／你最真實嘅性格始終會隨著時間而揭穿。

 

 

所以呢一種嘗試game女仔嘅男人，當佢遇到嗰一個佢真係好鍾意嘅女仔，佢好快就會輸咗，

 

因為其實佢只不過係用另一種方式去『追女仔返黎』，同第一種男人冇太大分別。

 

 

＃3 就係嗰一種唔太在乎得唔得到女人嘅男人，亦都係我最近講過嘅he doesn’t give a fvck嘅男人。

 

佢在乎嘅，係佢喺呢個世界可以創造啲乜嘢。

 

佢在乎嘅，係點樣可以首先『自私啲』擴大自己嘅能力，令自己升呢先，之後利用佢嘅力量去協助身邊嘅人令佢哋嘅生活變得更好。

 

即使呢種男人幾乎唔會cold approach女人，但係好多女人都會被佢吸引，主動去認識佢。

 

佢係有無限量供應嘅貨，鍾意幾時揀邊個女仔過一晚就揀邊個。

 

女人係會爭住約佢出街， 女人喺會做主動去make the first move，女人係會用盡一切方法得到佢嘅注意。

 

所以你見唔見到ManTheFvckUp教你嘅嘢比出面任何人教你嘅嘢喺幾唔同呢？

 

你見唔見到我哋嘅focus係協助你成為一個更全面，更有價值，更有吸引力嘅男人呢？

 

你見唔見到點解我哋嘅brotherhood，係集中喺點樣長遠地令你無論溝女上， 工作上，成就上，社會地位上，人生意義上都有突破性嘅發展呢？

 

你都見到我哋去緊嘅方向，所以問題係：

 

你願唔願意投資係你自己身上，

賭博喺自己身上，

努力為自己增值，

踏出自己嘅舒適範圍做一啲未試過嘅嘢，

就好似我哋其他精英巴打咁樣真真正正成為社會嘅Top 1%呢？

 
我而家都要出去為自己增值進步，希望聽得今集嘅你都識得點樣揀！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今日想解答一條好搞笑嘅問題，呢位巴打KHL就問我：

 

『 Hey Man，睇返之前嘅videos，有啲問題想問，究竟氣場有冇得練返黎？堅定嘅眼神又可以點做到？Cheers！』

 

聽落好似好神怪好不可思議嘅嘢，咁不如等我哋首先講下咩叫做『氣場』先啦！

 

人類嘅氣場就喺一種環繞喺身體周圍嘅能量場energy field，佢係以人嘅身體為中心，向四面八方散發一啲睇唔到嘅energy。

 

當你嘅氣場越強大，你受到外界唔友善嘅能量嘅干擾就會越小。

 

如果我哋要講一啲好哲學／好神學／好超自然現象既topic呢，有排都講唔完。

 

我哋只需要知道：

 

氣場喺一種感覺同靈感，係一種你畀人哋嘅impression，係一種能夠對別人產生感染力，帶動其他人情緒嘅力量。

 

人哋可以通過你嘅氣場，去感知你嘅性格，氣質，情緒，目的，精神面貌，心理狀態等等，

 

只不過隨著科技同無限娛樂嘅騷擾，大部分人能夠『感應氣場』嘅觸覺變得越嚟越差。

 

咁可以點樣應用喺溝女上面呢？

 

＃1 其實強勁嘅氣場就好似你有一個牢不可破嘅frame，你有一個絕對嘅state control，你有一個好難被女人影響情緒嘅框架。

 

所以睇起上嚟，你係一個自得其樂，唔太在乎唔care人哋對你嘅睇法意見，無論外在環境有幾咁惡劣你都能夠悠然自得，忠於自己嘅男人。

 

你想要有咁強大嘅心理質素，你就需要鍛鍊你嘅EQ或者Emotional Intelligence。

 

無論人哋喺你面前講啲咩做啲咩，你都要令到自己『喜怒不形於色』，你個樣仍然係要冰冰冷冷，要handle到巨大嘅壓力或者tension。

 

Alpha Male係一個絕對唔會被女人影響自己情緒嘅雄性男人，

 

當你能夠首先征服自己嘅內在情感，你先至有能力去用你嘅『氣場』去主導女人嘅情緒。

 

 

＃2 至於你問我點樣練到『堅定嘅眼神』，其實同氣場都有啲關係。

 

因為當你可以喺巨大壓力情況下保持自己堅定嘅眼神，其實你雙眼已經係釋放緊一種穿透性嘅能量，令對方接收到一啲強烈嘅感覺。

 

所以等我畀個練習你依個禮拜做，等你可以同時鍛鍊兩樣嘢。

 

你要做嘅，就係開電視或者電腦mon跟住是但播一啲片出嚟，你可以教靜音，

 

之後你需要做嘅係望住螢幕中間最上高嗰一點，跟住定住你雙眼至少30秒。

 

如果你覺得30秒太容易，你就嘗試做60秒。

 

你會發覺，你會不斷俾下面嘅畫面騷擾，你會嘗試去眨眼或者望下下低發生咩事；

 

但係你就必須要繼續望住螢幕中間最上高嗰一點，控制自己點都唔好分心，直至夠鐘。

 

呢個練習咁有效嘅原因，係因為你會feel到有一啲好奇怪嘅tension，胸口前會感到有一啲壓力，會有少少不自在嘅感覺。

 

呢種就好似平時你見到靚女會唔知點解突然之間緊張嘅感覺，

 

我哋就係需要練習一下點樣喺類似嘅情況下保持自己嘅emotional state，維持自己嘅心理狀態唔好畀佢影響。

 

 

雄性男人之所以咁吸引，其中一個原因就係佢哋有絕對能力去handle呢啲咁緊湊嘅時刻，佢哋唔會比呢啲tension張力或者性緊張感而大失所措。

 

當你能夠做每日花幾分鐘做我以上畀你練習，你就會慢慢develop到一個面不改容嘅情緒，

 

更加可以喺巨大壓力下仍然保持你穿透性嘅eye contact，對你溝女或者傾生意嘅時候都有莫大好處。希望可以幫到你！』

 

所以聽緊嘅你，唔好睇小呢個咁簡單嘅練習。

 

如果你都係好似ManTheFvckUp嘅精英，

 

 

你嚟緊呢個禮拜就每日練習，下個禮拜你再話我聽你嘅心理質素堅固進步咗幾多啦！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今日想解答一條世紀大難題，就係點解『男人不壞，女人不愛』呢？

 

點解女人成日想話要一個『好男人』，但係佢哋出現嘅時候，佢哋又會覺得佢哋冇吸引力而揀番一個『壞男人』呢？

 

究竟bad boys有乜嘢特質令女人不可抗拒呢？

 

以下有幾個重點你可以參考一下：

 

＃1 『壞男人』係深不可測，永遠都估唔到佢下一步會做乜嘢。

 

但係你要注意，『壞男人』唔係因為為咗溝女而去扮曬神秘，

 

因為如果你咁樣做，你就係reaction-seeking，你就係嘗試得到女人某啲反應而去做一件事。

 

『壞男人』之所以咁unpredictable，係因為佢哋根本唔在乎個女仔，根本唔care個女仔，亦都係之前我所講嘅he doesn’t give a fvck！

 

就係因為呢個『壞男人』太過沉迷喺佢自己嗜好或者任務，

 

例如佢好鍾意玩電單車玩衝浪，或者玩一啲極端冒險嘅運動，或者日日好沉迷去夾band跳hiphop玩滑板，或者佢好反叛好熱血去反對一啲專制嘅政權等等嘅行為。

 

佢咁投入自己嘅『人生目的』，所以佢哋都唔得閒理個女仔，更加唔會為咗得到女仔某啲反應而去做某啲事情。

 

相反，九成嘅男人都嘗試去奉承成個女人，去將女人擺做佢嘅第一位，去please去impress個女人。

 

如果你都好似咁樣做，你就係一個女人可以預測得到嘅男人，佢知道你下一步會點樣做就等於你好悶，畀唔到驚喜佢。

 

所以女人之所以咁鐘意『壞男人』，其中一個原因係佢哋夠神秘，夠刺激，做嘢夠隨機。

 

就好似睇一齣有質素嘅美劇，每次諗住知道會發生啲咩嘅時候，總會有些意想不到嘅插曲出現，令到你好想追下一集睇下故事點樣發展。

 

 

＃2 『壞男人』有一種『毫不在乎』嘅感覺表現到出嚟，有一種『唔理後果係點樣』嘅特質。

 

 

意思係，佢唔會care個女仔點樣諗佢，佢更加唔會在乎人哋點樣睇佢；佢係一個好自由，好放任，好無束縛嘅男人。

 

所以對住女仔嘅時候，佢鍾意講乜就講啲乜，佢想揶揄佢就揶揄佢， 佢想串條女就串條女，

 

佢覺得有啲嘢唔啱嘅時候佢就會去反對嗰個意見，佢會challenge挑戰個女仔睇下佢有咩底細。

 

佢咁樣做完全係因為呢啲行為可以令自己自high一下，

 

亦都係正正因為佢唔在乎個女仔點樣諗佢，個女仔先感覺得到一種抗拒唔到嘅拉力埋佢身邊。

 

＃3 『壞男人』係任何情況下都係一個leader。

 

就好似Fifty Shades of Grey《格雷的五十道色戒》裏面嘅Christian Grey，

 

佢一開頭已經好直率地同Anna講話如果佢想同佢一齊，佢哋就會有乜嘢遊戲規則，仲要真係白紙黑字寫出嚟，簽埋合約之後先至玩SM。

 

個重點係，『壞男人』係知道自己想要乜嘢，跟住就會『坦蕩蕩』地去攞嗰樣嘢返嚟。

 

所以佢係會知道每一餐飯想食啲乜嘢，每一日想玩啲乜嘢，佢係好清晰自己宏觀地去緊邊一個方向。

 

 

＃4 『壞男人』係一個獨立嘅男人。

 

佢唔會依賴人，佢唔會覺得冇左邊個就唔掂，

 

所以即使佢未必好有錢，佢都會用盡一切辦法去做一啲真正令自己開心嘅事。

 

另外一樣嘢就係，即使佢同個女仔一齊咗之後，佢都唔會放棄自己既嗜好，更加唔會妥協自己嘅passion。

 

亦都係因為咁樣，女人會更加尊重佢嘅工作同娛樂，唔會踩過佢嘅界線，畀番啲私人空間佢。

 

#5『壞男人』係一個唔完美嘅男人，一個有瑕疵嘅男人。

 

你可能會心諗：『下！乜女人唔係想要一個完美嘅男人咩？』

 

答案係錯啦，

 

因為女人係鍾意去『改善／改變』個男人，所謂『希望令佢變得更好』，

 

 

而男人係鍾意去『拯救』個女人，希望從佢嘅痛苦之中救佢出嚟，令佢永遠開心幸福快樂。

 

 

咁所以當你嘗試去成為一個『完美嘅男人』嘅時候，對女仔嚟講你就已經冇曬challenge，佢已經冇咗一種挑戰去『將你變得更加好』。

 

所以就算喺埋一齊，你哋之間嘅relationship都已經冇咗一個目的，冇咗一個角色。

 

 

『壞男人』之所以咁吸引女人留喺佢哋身邊，係因為佢哋嘅缺點／瑕疵令到女人有原因去繼續嘗試改變你。

  

 

希望以上五點令你更加明白『男人不壞，女人不愛』嘅真正意思！

 

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

有冇聽過一個叫做Abraham Maslow／馬斯洛呢一位美國心理學家呢？

 

佢曾經講過人類喺有五個需求層次理論（亦都係著名嘅Maslow’s hierarchy of needs），

 

佢話每個人都需要有生理嘅需要，安全嘅需要，愛與歸屬嘅需要，受尊重嘅需要，同埋自我成就嘅需要。

 

無論你認唔認同佢嘅理論都好啦，馬斯洛曾經研究過佢嗰一代最成功嘅人，例如安娜羅斯福（即係美國第32任總統嘅妻子）同埋愛因斯坦等等。

 

馬思洛發現原來人喺需要去實現自己嘅潛能，先至能夠完全開心地活著。

 

佢講過：『What one CAN be, one MUST be.』

 

意思係，一個人有能力去做什麼，你就必須要順應天命去做嗰一樣事情。

 

呢種就係佢所謂嘅self-actualization自我實現嘅層次，你去到某一個階段，呢種自我實現嘅需要，就好似每一日呼吸咁重要，就好似你靈魂嘅氧氣咁珍貴。

 

所以而家你需要問自己：

 

你嘅MUST又係啲乜嘢呢？

 

你一定需要成為一個點樣嘅人呢？

 

第二個重點，就係馬斯洛同我哋講過，其實每一個moment我哋都有選擇。

 

我哋可以選擇踏前一步去一個唔熟悉，感覺未必舒服嘅地方令自己進步，

 

又或者我哋可以後退一步去返所謂『安全』嘅舒適範圍之中。

 

向前就係你成長嘅道路，向後就係感覺安全嘅原地踏步，你每一秒係選擇緊啲乜嘢呢？

 

你係為自己嘅人生加一分，定係你喺所淨無幾嘅成績表上再減一分呢？

 

我哋每一晚臨瞓之前所得到嘅感受，其實就係取決於我哋呢啲每一秒嘅微小決定，呢啲睇落毫不重要嘅micro decisions。

 

如果你好似大部份人咁樣後退多過前進，你就永遠成為一個冇能力主宰自己生命嘅受害者。

 

相反，如果你每一日能夠滲透少少前進嘅步伐，你每一晚瞓覺就會感到人生燦爛，你熱愛你嘅生命並且每一日都係搏盡無悔。

 

我都仲未講，我哋頭先淨係講緊一日渣。

 

你幻想下，當你能夠儲著呢啲少少嘅進步，一日變到一個禮拜， 一個禮拜變到一個月，一個月變到一年，你慢慢累積嘅就會成為你嘅『命運』。

 

所以你會點樣揀呢？

 

你會為自己嘅成績表加一分定係減一分呢？

 

最後分享多一句馬思洛講嘅說話，佢話：

 

『If you deliberately plan on being less than you are capable of being, then I warn you that you’ll be unhappy for the rest of your life.』

 

意思係，如果你蓄意地計劃唔去實現你自己真正嘅潛能，你將會一世都唔開心。

 

 

你最後嘅選擇會係乜嘢呢？我深信聰明嘅你係識得揀嘅！

 

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第3集，今集嘅主題係叫做Live With an Open Heart Even If It Hurts。

 

意思係，即使你會受傷感到痛楚，你都應該以一個開放嘅態度，打開你個心去活著。

 

一個喺痛苦期間封閉自己嘅男人，其實係違反佢作為男人嘅本性。

 

真正自由嘅男人，係應該能夠任何時候都自由自在地去感受每一種嘅感覺，去做任何一樣佢哋想做嘅行動。

 

如果情況需要嘅時候，佢係更加應該以一個被傷害嘅心去活著， 而唔係用一個封閉自己嘅心去看待世界。

 

你幻想一下，當你係一個好重要嘅project失敗咗，又或者你嘅女人斷正你喺出面偷食，又或者你無意間聽到佢同其他人講你哋嘅性生活好差…

 

你會有乜嘢反應呢？

 

你嘅身，你嘅呼吸，你雙眼會點樣反應呢？

 

你留意一下，當一個人或者一件事hurt到你嘅時候，你係咪會開始後退自己，嘗試隱藏自己，嘗試封閉自己呢？

 

又或者喺某一啲情況下，當你發覺好難面對面雙眼凝視某一個人嘅時候，又或者你覺得你嘅胸口附近突然之間好緊好壓迫…

 

呢啲時候就係話畀你知，你未有足夠嘅技能去面對被傷害嘅情況。

 

當你感覺自己收縮嘅時候，當你封閉自己嘅時候，你就唔能夠作出有意識嘅反應；

 

你就會因為自我保護知識嘅自動機制，而成為一個關閉嘅人，失去所有自由。

 

所以如果你想成為一個超級男人，你就要開始練習，

 

喺呢啲好自然會封閉自己嘅時候，學識點樣繼續保持你開放嘅心態去面對真相。

 

你要打開自己胸口前嘅部分，坐直或者企直啲，完全係有一個開放式嘅body language，放鬆你嘅胸口同肚腩，之後深呼吸，呼吸到落去你肚腩嘅位置。

 

與此同時，你要正面望住嗰一個人，同時感受自己嘅痛苦同埋對方嘅感覺。

 

只有當你嘅身體係放鬆並且公開嘅時候，

 

只有當你嘅呼吸喺深切詳盡嘅時候，

 

只有當你嘅eye contact喺放下敵意並且嘗試直接連繫面前呢個人嘅時候，

 

 

你先至可以用最大嘅智慧去作出一個最理想嘅合適反應。

 

 

想成為一個超級男人，你一定要用你全身去感受每一個情況。

 

 

一個封閉嘅身體係唔能夠睇得到細微嘅暗示同埋signals，亦都唔能夠以一個充滿智慧嘅角度去做出一個最好嘅決定。

 

 

所以今日想問下你，當你感受到心痛嘅時候，你係會封閉自己嘗試隱藏你嘅真實感受？

 

定係你會勇敢地去打開你嘅身體，去感受每一分每一寸嘅痛楚，

 

然後用你精通嘅技巧同埋你內心嘅『大愛』去為事情作出一個最好嘅反應，

 

並且將來繼續以一個公開嘅心去感受生命，面對世界？

 

 

今日請你慢慢咀嚼呢一集。

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今集嘅靈感係最近同一位朋友傾計時得番嚟嘅，咁佢就問我：

 

佢識咗呢個女仔一段時間，同佢出過一次街，佢就覺得個女仔應該對佢有好感但係又唔肯定 ，

 

所以佢就問我應唔應該問佢哋一個mutual friend嘅女仔，叫佢幫手睇下嗰個女仔係咪對佢有好感。

 

咁我呢個friend講呢個情況嘅時候，不禁令我諗起當年中學嘅時候，

 

我都好似曾經做過呢啲小朋友嘢，成日諗住如果可以令到我個mutual friend幫手，令到對方知道你鍾意佢，咁樣就好似容易啲溝到女喇。

 

而家睇返真係好白痴，青春期嘅小朋友果然係特別單純lol

 

所以我之後強烈建議呢個friend絕對唔可以咁樣做，因為你想像一下呢個畫面：

 

當你叫Mary幫你睇下Susan鍾唔鍾意你，出現嘅情況就係佢哋兩個就會係一個唔知乜嘢嘅環境情況下講緊你， 嗰狀態就係佢哋兩個VS你一個。

 

係咁樣嘅環境條件下，Susan就需要即刻諗一個Yes或者No嘅答案，佢就會諗下同你有冇機會發展。

 

但係你唔會想有呢種情況出現嘅，因為女仔係應該經常follow your lead，經常跟住你嘅步伐走，你係應該經常有power去決定下一步去邊度；

 

你咁樣叫Mary幫你問Susan，你就其實係將一切話事權供奉畀Susan，所以你唔應該咁樣做。

 

咁點先至可以知道女仔鍾唔鍾意你呢？

 

你就要遵守呢條永遠不變嘅定律：

 

就係永遠永遠假設佢係鍾意你！

 

無論呢樣係唔係事實都好，你有咁樣嘅mindset係利多於弊，永遠都會幫到你。

 

你諗下，如果你首先假設佢鍾意你，你就會take action去發掘下呢一個係咪真相。

 

相反，如果你首先假設佢唔鍾意你，咁樣即使佢係鍾意你，你都會搵好多藉口去證明佢唔鍾意你，甚至潛意識地做一啲討厭嘅行為令到佢真係唔鍾意你。

 

明白咗呢一點之後，咁不如等我再畀多三種最常見女仔畀你嘅訊號／signals，讓你知道佢哋對你有冇興趣。

 

Level 1：就係當你哋兩個喺度玩緊串緊嘅時候，佢輕輕地打你手臂／肚腩／膊頭等等身體部位。

 

女仔對周圍嘅環境係非常敏感嘅，尤其是佢哋幾呎內嘅私人空間，所以如果佢對你冇興趣，佢係幾乎唔會嘗試同你有任何嘅身體接觸。

 

Level 2： 佢同你傾計嘅時候，佢都幾踴躍參與你哋之間嘅討論。

 

更重要嘅係，當你哋嗰一個討論話題完結嘅時候，佢會唔會有意識地主動再搵話題同你繼續傾計呢？

 

如果會呢，bro，佢喺冧緊你！

 

又或者無論係bar，party，學校，工作office，參加嘅活動等等呢一啲social嘅場合，

 

每次你哋傾完計之後，如果過咗一陣佢再主動返嚟搵你傾計，呢個係一個好好嘅訊息話你知佢好大機會鍾意你！

 

最後最大嘅hints，就係Level 3：

 

佢開始喺你面前sell自己，想證明自己有幾好，暗地裏希望得到你嘅認同或者讚賞。

 

女仔會做得比較『靜靜雞』嘅，但係個重點係：

 

佢會開始話你知一啲關於佢好正嘅嘢，佢曾經做過一啲乜嘢好勁嘅嘢，同你講佢玩過skydiving，去過邊度旅行等等；

 

證明自己係一個好玩鍾意探險嘅女仔，證明自己內心有幾好，嘗試去保護自己嘅自我形象等等。

 

佢之所以會去嘗試sell自己qualify自己有幾好，都係因為佢care你對佢嘅睇法，佢介意你唔鍾意佢。

 

我相信你明白我講咩嘅，咁所以我哋總結一下今集講嘅重點：

 

＃1 永遠都要假設佢對你有興趣，咁樣係會對你溝女整體上利多於弊。

 

＃2 永遠永遠都唔好問你哋嘅mutual friend個女仔係咪鍾意你，尤其是係叫佢啲朋友幫你搵下答案。

 

＃3  三樣女仔鍾意你嘅時候畀你嘅signals：

 

Level 1：當你哋兩個喺度玩緊串緊嘅時候，佢輕輕地打你手臂／肚腩／膊頭等等身體部位。

 

Level 2：佢同你傾計嘅時候，佢都幾踴躍參與你哋之間嘅討論；而且當你完結咗個conversation之後，佢會再主動同你傾偈。

 

Level 3：佢開始喺你面前sell自己qualify自己，想證明自己有幾好，暗地裏希望得到你嘅認同或者讚賞。