分類: 我們之間的化學反應

歡迎嚟到《The Chemistry Between Us/我們之間的化學反應》Ep.10，今集我哋會講呢本書嘅Ch.9嘅Rewriting The Story of Love／重寫愛情故事，解釋點解可能我哋喺愛情上其實喺無乜自由意志；可能我哋感受到嘅愛，都只係一場大腦嘅化學反應。

雖然喺咁講，但『愛』可能仍然喺正常真實誘發出嚟嘅嘢；所以如果我哋明白呢啲神經化學嘅流程嘅話，我哋或者可以能夠改變社會科學，令社會各方面都受益。

如果巴打你鍾意呢個topic嘅話，就請你而家率先LIKE咗呢段片，同訂閱我地MTFU嘅頻道先啦；因為你咁樣做，喺可以幫到我繼續製造更多價值比你！

重點＃1 好多人好驚當我哋依靠神經系統嘅化學物質去影響自己情緒嘅時候，我哋就會令到自己嘅emotions變得虛假，所有嘅感覺都變得唔真實。

但係作者認為，呢種用化學物質去影響自己情緒嘅知識，喺可以對社會有利。

譬如話基因檢測可以預計到某個人將來嘅行為，又或者改善甚至治療類似自閉症嘅社交恐懼症。

呢個現象同時亦都意味著喺將來，我哋好可能會用一啲『愛情藥物』去控制自己嘅戀愛生活，而我哋感受到嘅『愛』，亦都唔會假得去邊。

重點＃2 催產素喺可以提供『社會軟滑劑』，令人與人同整個社會都更加互相信任。

但係隨住我哋嘅社交環境變得越嚟越緊張大壓力，成年人嘅荷爾蒙水平亦都會有負面影響，最後影響埋小朋友。

同時間，一啲導致內分泌失調叫EDC嘅環境污染物，喺好多塑膠／除草劑／藥物都有，佢哋全部都會改變我哋社交嘅大腦，就好似食避孕丸一樣，會改變我哋嘅情緒同行為模式。

Anyway，點解最後呢個chapter要同各位講咁多化學社會學嘅嘢呢？

原因就係因為呢本書，想話我哋知文化其實唔能夠製造一個性別出嚟，文化只能夠反映性別出嚟。

意思係：性別同性取向喺天生嘅，並唔係受社交媒體嘅渲染而影響。我哋喺唔能夠招攬更多人變gay，亦都唔可以所謂『治療』gay嘅人變返異性戀。

好多時，我哋喺無自由意志去控制自己鍾唔鍾意某個人，或者去選擇愛與被愛。

我哋其實都係自己同自己講愛情故事，所謂嘅『同對方產生化學反應』，可能其實都只係自己同『體內嘅化學反應』談戀愛。

科學家解釋唔到點解我哋要『愛』，而好多宗教／哲學／神話嘅出現，其實都喺令我哋更加容易『講故仔』合理化我哋嘅世界觀，令我哋明白呢個宇宙。

有時我哋明知自己喺被『演員／導演／寫作家』操控緊我哋，但有時我哋為咗感受某種情感，我哋仍然需要呢啲『故事』去感受一趟情感上嘅旅程。

面對一個黑暗嘅世界，你又會同自己講咩故事呢？面對複雜嘅化學反應，我哋又會點樣處理人際關係同埋愛情呢？

巴打，呢本《我們之間的化學反應》就已經告一段落啦，你有冇咩書籍或者topic想我講下呢？有嘅話，就喺下面留言話我知喇。

如果你覺得今集有價值鍾意嘅話，就請你Like呢段片，訂閱我地MTFU嘅channel並且分享出去喇，因為你嘅支持喺能夠幫到我哋成長，繼而製造更多價值比你。 

我哋遲啲再見！

歡迎嚟到《The Chemistry Between Us/我們之間的化學反應》Ep.08，今集我哋會講呢本書嘅Ch.7嘅 Addicted To Love／深愛成癮，

解釋點解人類墮入愛河嘅時候，其實就好似放咗一把槍喺自己嘅腦袋出面，隨時都係令自己上癮玩命。

當巴打你知道今集所講嘅一系列荷爾蒙反應之後，希望你有更大嘅意識去控制自己將來點樣戀愛。

如果巴打你鍾意呢個topic或者類似呢本書嘅系列嘅話，就請你而家率先LIKE咗呢段片同訂閱我地MTFU嘅頻道先啦！

重點＃1 雖然作者認為戀愛係一個恰當並且進化論上健康嘅適應，但係其實love同藥物一樣，兩者都係用相同嘅途徑令人類上癮，只不過濫藥嗰種嘅威力係更重更強勁。 

人類之所以會對愛情或者藥物上癮，好大程度都係因為多巴胺／Dopamine不斷被釋放嘅反應，令我哋好想繼續追隨嗰種high嘅感覺。

但係隨住我哋對藥物或者性愛嘅耐受性提升，我哋就需要更多先至可以維持到嗰種難以抑壓嘅渴求；

最後無論係想要更強劑量嘅藥品又或者睇更多更裸露嘅索女相或影片一樣，我哋就會慢慢進入一種需要更刺激更興奮嘅上癮狀態。 

重點＃2 你可能會問，既然呢種多巴胺反應令我哋更有動力去解決我哋嘅飢渴，點解長遠地係對我哋有害呢？ 

答案就係：因為上癮者最後係會進入一種叫做negative motivation嘅狀態；

佢原本相對正面嘅期待／快感／同埋衝動，最後係會演變成極度緊張／煩躁不安／同埋強迫症嘅感覺，佢需要不斷強迫自己食更多藥先至可以防止恐懼發生，先至可以舒緩壓力。

咁所以真正嘅癮君子，其實繼續濫藥並唔係想high或者感覺良好，

而係已經演變成短暫定逃避惶恐不安嘅恐怖心理狀態，所以先會不能自製地越食越多藥，就算解毒成功都會好容易舊病復發，一步步摧毀自己一切。

重點＃3 雖然戀愛嘅感覺並無濫藥咁嚴重，但係兩者嘅刺激對人都有相近嘅影響。

譬如話：當人類嘅感情變得沉悶嘅時候，分手或者分開就會好容易出現，令到人突然覺得自己生存冇意義，令到我哋陣容易出現一啲憂鬱嘅行為，好想避世唔想社交所面對其他人。

點解墮入愛河就好似用支槍指住自己腦袋咁危險呢？

原因就係因為每次分手分開嘅時候，一系列嘅負面情感就會突然爆出嚟，隨時攞你命。 

同濫藥一樣，每次當你食食下藥想停嘅時候，放喺你腦袋側邊嗰支槍就會突然開槍，令你極速感覺辛苦極不快，最後令到你冇辦法唔繼續濫藥；

成個過程就好似令到好多啱啱分手嘅人冇辦法唔返返去繼續同返ex一齊一樣，明知道對自己有害都冇辦法忍受痛楚割席，而繼續留喺一段毒性關係之中。

重點＃4 可能你會好奇：究竟男人出現抑鬱症多啲，定係女人出現抑鬱症多啲呢？答案係各有各慘。

一方面，大部分男人都會將自己情感上嘅投資放曬喺自己嘅女性伴侶身上，而女人通常都會放感情喺佢嘅屋企人親戚或者朋友身上；

咁所以每次女人身邊重視嘅人出事嘅話，佢都可能會有更多機會憔悴抑鬱，令到佢傷心悲哀。

但係另一方面，正正亦都係因為大部分男人投資所有嘅感情喺佢嘅女伴身上，而女人通常都有一班姊妹支持自己；

咁所以每次分手嘅時候，男人好可能就會更加受苦，因為女人就係佢人生嘅一切。

咁所以無論係男人定女人分手都好，喺呢啲階段佢哋就會更加容易同佢哋嘅Ex或者新歡透過上床去治療情傷，釋放更多催產素去抑壓身體裏面嘅壓力反應。 

 Anyway巴打，你明白今集Ch.7所講嘅嘢嘅話，我希望你亦都明白以上所描述嘅男士係大部分嘅男士，亦都即係話大部分喺兩性感情上缺乏意識嘅男士。

既然巴打你知道大部分男士會因為缺乏意識下而遇上嘅慘痛經歷同埋遭受惡果嘅話，你又會點樣面對自己嘅戀愛感情呢？ 

正如我喺MTFU一直教你：你會唔會將自己所有情感投資咁快放曬喺一條女身上？

你會唔會無知地為咗追求更多性快感，而繼續同一個錯嘅女人因為怕悶而一齊呢？ 

更重要嘅係，你會唔會有意識地去建立自己嘅social support group，去同一班可以信賴『並非女人就是自己人生一切』嘅兄弟共同進退呢？

以上嘅問題我相信你識得點樣答，亦都係正正呢一個原因，

我先至會成立MTFU Insider嘅內部兄弟幫，去為各位有大志嘅巴打提供戀愛上最全面嘅支援。 

咁所以如果你明白brotherhood嘅重要性，有興趣想了解Insider適唔適合自己嘅話，

你就腥email去 support@manthefvckup.com 查詢關於Insider嘅詳情喇！  

最後，你覺得今集有價值鍾意嘅話，就請你Like呢段片，訂閱我地MTFU嘅channel並且分享出去喇，

因為你嘅支持喺能夠幫到我哋成長，繼而製造更多價值比你。 

我哋聽下一集就會講Ch.8 The Infidelity Paradox／出軌怪圈，將會有好多你想學嘅正嘢，所以萬勿錯過，我哋下集見！

歡迎嚟到 《The Chemistry Between Us/我們之間的化學反應》Ep.07，今集我哋會講呢本書嘅Ch.6嘅 Be My Territory，

解釋點解人類嘅戀愛感覺其實都係好大程度地被大腦裏面嘅化學反應操控自己意識，解釋基因同埋環境因素點樣影響某啲人進入一段排他性嘅戀愛關係，

同埋解釋點解戀愛中嘅男人會出現一系列侵略性嘅行為，咁想將女人據為己有。

如果巴打你鍾意呢個topic或者類似呢本書嘅系列嘅話，就請你而家率先LIKE咗呢段片同訂閱我地MTFU嘅頻道先啦！

重點＃1 首先巴打你要知道我哋身體裡面兩大荷爾蒙：Vasopressin 血管加壓素／抗利尿激素 and oxytocin 催產素。

Vasopression = 負責我哋身體裏面嘅水分平衡，譬如醫生會用『血管加壓素』去幫一啲成日賴尿嘅小朋友。

但係血管加壓素同催產素一樣都係有一種『擴展適應』，兩者都可以用已經存在嘅molecule／分子去做其他嘢。 

科學家發現，原來人類同動物一樣，我哋係可以利用血管加壓素去宣示自己領土嘅主權，

咁所以男性通常都會有較好嘅『空間感記憶』，等佢記得自己領土嘅位置，並且有決心打鬥，誓死保護自己嘅領土。

而科學家亦都普遍認同，正如催產素係依賴雌激素一樣，血管加壓素嘅製造其實亦都依賴男士嘅睪丸酮指數。

如果男士搞完嘢之後大腦嘅血管加壓素係有增加嘅話，佢就會對呢個伴侶產生偏好；

相反如果血管加壓素被堵塞嘅話，佢就唔會咁想雌性伴侶bond埋一齊。

咁所以Vasopressin 血管加壓素呢隻荷爾蒙，似乎係能夠控制一啲大男人嘅社會行為，令某啲男士傾向『佔據某個女人』進入排他性關係，又或者繼續前進。

重點＃2 科學家發現咗，原來令某種生物傾向一夫一妻制，係可以透過開啟一隻叫做avpr1a嘅基因，就可以製造生物上嘅pair bonding／配偶融合。

原因就係因為男士身體裏面嘅血管加壓素同埋多巴胺，呢兩隻荷爾蒙係可以製做好強嘅神經聯繫，將性愛sex呢種獎勵連繫到某條女嘅氣味或者面孔上面，令到你有更大動力同佢排他性地一齊。 

而且當男士嘅avpr1a基因被開啟嘅時候，佢亦都會以父親嘅角色更加留意自己嘅嬰兒，令到大自然嘅世界裏面大概六成嘅雄性會想settle down落一個雌性伴侶身上。

重點＃3 點解男士成日都對其他男人帶有偏見，尤其是當佢哋覺得對方想入侵自己嘅女人呢？

咁其實原因好簡單：就係因為男士都係被睾丸酮，血管加壓素促使自己想要更多性愛；

而搞完野後身體就會釋放更多血管加壓素同埋催產素，令佢得到一種圓滿感覺嘅獎勵，同埋開始會更加重視雌性嘅性伴侶。 

血管加壓素係會令到男人嘅大腦對性愛有bias之外，佢亦都會令到男人充滿偏見地覺得其他男士係有好戰好鬥，即使對方嘅表情係中性。

咁所以就算對方無釋出任何負面嘅惡意都好，男士嘅血管加壓素都會令佢哋有『唔好諗太多，隨時進入侵略狀態』嘅傾向。

最後＃4 重點就係：男人鍾意宣示領土主權呢種行為傾向，亦都係應用喺女人身上，佢係會上佔有自己嘅女人。

咁所以女人同自己間屋一樣，都係屬於自己嘅財產，都會因為血管加壓素呢種荷爾蒙而產生佔有慾。 

血管加壓素係會令男士bias地覺得其他陌生男人有潛在嘅衝突或者威脅性，但係血管加壓素就會bias地令女人想更加友善地接近其他人，尤其是當佢哋有需要嘅時候。

男人傾向準備戰鬥/fight or flight，但女人就傾向準備結盟做朋友 tend and befriend，呢啲全部都係因為血管加壓素係會以唔同嘅方式影響男女大腦嘅不同部位。

Anyway巴打，你明白今集Ch.6所講嘅嘢嘅話，

你就會明白點解男人嘅侵略性係一種社交上正常出現嘅現象，因為你係絕對應該讓其他人知道你自己個人嘅界線，讓佢哋知道你有啲乜嘢boundaries係會誓死捍衛唔容許其他人侵犯。

雖然有陣時你捍衛自己權益嘅時候係會引起衝突，甚至損害自己利益；

但係你嘅侵略性係有需要嘅，因為你下下都大愛無私損己利人嘅話，你根本就係縱容緊其他人佢剝削你，最後就會完全淘汰你。

咁所以唔好害怕衝突，因為我哋男人嘅構造就係需要學識點樣去為自己嘅權益戰鬥！ 

如果巴打你鍾意呢個系列嘅話，請你記得LIKE呢段片，訂閱我地MTFU嘅頻道，同埋分享呢段片出去啦！

我哋下一集就會講Ch.7 Addicted To Love／深愛成癮，將會有好多你想學嘅正嘢，所以萬勿錯過，我哋下集見！

歡迎嚟到 《The Chemistry Between Us/我們之間的化學反應》Ep.06，今集我哋會講呢本書嘅Ch.5 Be My Baby／戀愛中的女人，解釋點解性愛對女人愛上一個男人係咁重要，

點解荷爾蒙催產素／Oxytocin嘅釋放係會令你進入『愛』嘅大門，同埋解釋點解男人嘅陰莖大細原來某程度上都會影響雙方愛唔愛對方。

如果巴打你鍾意呢個topic或者類似呢本書嘅系列嘅話，就請你而家率先LIKE咗呢段片同訂閱我地MTFU嘅頻道先啦！

重點＃1 你眼望我眼嘅眼神交流，原來喺係建立情感交流嘅層面上非常重要；而缺乏自信內心不安嘅人，係好難令佢哋望住其他人雙眼。 

一般人冇咩嘢係唔會睥住對方雙眼，因為喺動物世界嚟講呢種係代表威脅；

但係當雙方之間係有某段關係，尤其是雙方係搞緊嘢有性關係嘅話，研究人員就發現男女之間就會出現好多對望，互相凝視嘅時刻；

呢一樣嘢唔單只係會令到雙方舒服，而且對維繫感情好重要。

點解呢？

原因就係：就好似當媽媽充滿愛地望住佢親生骨肉張相嘅時候，佢嘅大腦係會釋放一系列嘅催產素；

而實驗亦都發現，當女人望住佢愛人張相嘅時候，原來佢大腦亦都會一樣釋放一系列嘅催產素。 

呢個就係點解男女之間必須搞咗嘢， 女人先至會慢慢真正愛上你嘅原因。

研究人員發現，未搞嘢之前女人聽到『我愛你』呢三個字，佢會係冇乜反應；但係當佢同男人搞完嘢之後聽到『我愛你』嘅時候，佢就會開心好多。

原因可能係因為當女人投資咗佢嘅資產（亦都即係話sex性愛），佢之後聽到『我愛你
』感覺上就會覺得佢自己嘅投資係值得；

但係如果未搞嘢都已經聽到『我愛你』嘅話，女人就會覺得條仔根本唔係真心，只係咁樣講去氹自己上床！

咁所以巴打，你依家又明唔明白點解我成日同你講，話未搞過嘢根本就稱唔上係真正嘅『男女朋友關係』呢？

重點＃2 原來催產素／Oxytocin呢隻荷爾蒙唔單止令人進入『愛嘅大門』，佢原來亦都可以促進兩性之間依附喺對方上面，從而發展出親密嘅關係。

當你身體裏面嘅受體receptors係對於催產素／Oxytocin敏感嘅時候，你就能夠產生一種emotional bonding，亦都即係男女之間情感上的感情。

催產素係可以製造社交上嘅回憶，鴉片類藥物就可以產生性興奮，而多巴胺／Dopamine就可以透過獎勵機制烙印喺我哋嘅大腦裡面，令到我哋繼續鍾意做愛去享受催產素嘅釋放。

咁所以簡單講，人類之所以就算唔係為咗生仔嘅時候都鍾意搞嘢，完全係因為性愛會畀到一種好似食鴉片一樣咁high嘅快感畀我哋；

而性愛呢個行為就會釋放更多催產素同多巴胺，最後令女人出現更多母性嘅行為，令佢更加想同男人結合一齊，令佢出現所謂『墮入愛河』嘅感覺。

另一樣關於催產素嘅有趣之處，就係發現催產素係能夠提升對面部認知嘅回憶，令人更加集中喺對方雙眼上面，繼而令到佢哋盡量準確地閱讀對方嘅意圖（譬如話友善嘅笑容，稱讚，或者身體觸摸）。

而催產素亦都能夠令我哋冇咁緊張，能夠減低人與人之間嘅隔膜，令雙方更加願意冒險公開正面地去接觸其他人。 

所以當情侶各自嘅催產素指數係夠高嘅時候，研究人員亦都發現佢哋感情嘅成功率亦都係會相對較高！ 

最後呢到我哋今日嘅高潮位，重點＃3 點解男人需要有大J，女人需要大波呢？

原因就係，人類條撚知所以比起好多其他靈長類動物相對大，亦都即係話全世界平均有13 cm／五吋長呢種長度，

原因就係用嚟去刺激女人陰道同子宮頸，令到佢身體做愛錫可以釋放更多催產素，繼而令女人情感上更加接受佢嘅情人。

尤其是當雙方做愛時係望住對方，亦都即係話簡簡單單傳統嘅男上女下，其實係會比起口交，自慰，或者其他形式嘅性行為，令雙方更加貼近親緊對方，最後有更高嘅感情美滿度。

另一樣你應該面貼面做愛嘅原因，就係因為通常男上女下都可以用喺男人去揸波愛撫玩lin，原來實驗發現，咁樣做係能夠刺激更多催產素釋放，大大增加大部分女人嘅性慾望。

最後作者喺Ch.5總結，話全世界嘅男人之所以普遍鍾意玩女人胸，好可能都係因為基於細個bb仔嘅時候，透過媽媽嘅胸部得到飲奶嘅獎勵同埋安全感；

咁所以大過咗之後，胸部就係浪漫感情嘅象徵，令到我哋愛不釋手。

同樣道理調返轉，男人透過自己陰莖同埋玩胸，亦都可以令女人因為催產素而得到一系列嘅快感，令到佢之後出現『男人就係自己bb』好似想湊仔照顧佢嘅感覺，最後令到雙方都鍾意做愛。

Anyway巴打，你聽完今集Ch.5所講嘅資訊嘅話，你又睇唔睇得到點解性愛喺唯一一樣可靠嘅途徑令到女人愛上你呢？

你明白嘅話，你又會唔會戇居居未搞嘢之前就喺度做埋啲好愛條女嘅行為呢？ 

如果你覺得今集有價值鍾意嘅話，就請你Like呢段片，訂閱我地MTFU嘅channel並且分享出去喇；

因為你嘅支持喺能夠幫到我哋成長，繼而製造更多價值比你。 

我哋下一集就會講Ch.6 Be My Territory／戀愛中的男人，你將會明白當男人墮入愛河時嘅一系列生理變化，所以萬勿錯過，我哋下集再見！

歡迎嚟到《The Chemistry Between Us/我們之間的化學反應》Ep.05，今集我哋會講呢本書嘅Ch.4 The Mommy Circuit／母性回路；

解釋點解催產素／Oxytocin係令到女人生育同埋激發母性行為嘅荷爾蒙；

催乳素／Prolaction係刺激胸部製造人奶，為母親抑壓恐懼，令到佢更冷靜地湊仔；

Dopamine／多巴胺點樣獎賞母親，去鼓勵佢繼續照顧小朋友。 

同埋最重要嘅，就係你媽咪細個嘅時候點樣照顧你，好可能係影響咗你現時嘅性格同埋點樣同女人相處；

並且點解你必須學識挑選優質嘅女人，你將來先至唔會繼續禍延下一代。

如果巴打你鍾意呢個topic或者類似呢本書嘅系列嘅話，就請你而家率先LIKE咗呢段片同訂閱我地MTFU嘅頻道先啦！

重點＃1 一個小朋友嘅早期發展， 係幾乎會永久地決定佢將來點樣同其他人社交相處。

如果小朋友細個時候唔能夠得到足夠嘅肌膚接觸，感受唔到母愛嘅基本需要話，咁呢位小朋友將來就會好容易經常住喺一個恐懼驚慌緊張嘅狀態，影響佢整個將來。 

點解大部分母愛感覺上都好似係與生俱來，幾乎每一位女士都擁有呢？

其實原因就係因為佢懷孕或者生仔之後，大腦裏面荷爾蒙嘅改變。

譬如話，喺懷孕期間，Progesterone／黃體素會先增加然後下降， Estrogen／雌激素喺新育期間亦都會達到高峰期，然後刺激大量催乳素產出，繼而增加子宮對催產素嘅敏感度，最後導致子宮有規律地收縮。

經過一系列嘅化學反應同埋荷爾蒙變化，女人就會更容易生仔同埋產生人奶；

而當一個媽媽嘅催產素／Oxytocin指數越高（最高峰係可以超過佢平時嘅三百倍！），女人就會越冷靜快樂，感覺上越想照顧梳理佢誕下嘅嬰兒。 

咁所以透過開刀剖腹生仔嘅媽媽，由於個BB係冇經過子宮生出嚟，所以呢啲母親係對bb嘅喊聲冇咁大反應，相對冇咁想母乳餵哺，而佢亦會相對更容易患上產後抑鬱症。 

點解呢一系列嘅生物學資訊對我哋有影響呢？

原因就係你阿媽除咗會影響你嘅童年記憶同埋心理發展之外，母子嘅連繫，係會將來影響我哋嘅性動機同埋性行為，令我哋出現一系列嘅性癖好！

重點＃2 原來母子嘅bonding，係會透過表觀遺傳學傳遞，通過某啲機制引起可遺傳的基因表達或細胞表現型的變化。

譬如話：細個時如果你阿媽係喺一個充滿壓力恐懼嘅環境長大，到佢生你嘅時候，佢亦都會好大機會重蹈覆轍，營造相同充滿壓力恐懼嘅環境去照顧你。

但係相反，如果佢細個嘅時候得到悉心充滿愛嘅照料，佢係一個能夠適當處理壓力嘅小朋友嘅話，咁樣你嘅童年環境都會相對過得好啲，令你將來有相對多嘅正面影響。

咁所以當你知道我哋嘅基因，係會透過同環境嘅相互作用而被啟動或者關閉嘅話，你就知道點解童年嘅成長環境，對我哋每一個人嘅將來係有咁大影響力。 

譬如話：如果一個人類細個頭幾個月嘅時候無法得到充滿愛嘅注意力嘅話，佢將來就會好大機會出現Empathy Deficit／共情缺陷障礙，

令到佢冇辦法對其他人甚至自己產生同情或者同感，令到佢無法擁有基本嘅人之常情或者同理心；

佢會成日好悲觀好唔開心，因為佢冇辦法想像將來嘅自己係會有開心嘅一日。 

另一樣嘢就係，Empathy／同理心係需要我哋學識點樣偵測別人嘅情緒，並且有慾望去感受對方。

呢種嘅技能，最初就係當我哋透過望住媽媽個樣同埋聆聽媽媽嘅聲音去學習嘅；

咁所以如果你阿媽無足夠嘅催產素去令到佢有慾望去照料你，咁樣你喺嬰兒嘅時期你都會唔識得點樣同情其他人，最後影響你將來點樣去愛錫其他人，點樣面對性愛，點樣照顧你嘅小朋友等等。 

重點＃3 醒目嘅巴打你依家聽到呢度，你又會唔會突然發現，原來你現時嘅社交或者男女兩性感情障礙，其實好大機會係因為你採取咗你阿媽嘅性格或者策略呢？

你有冇突然諗起細個可能畀人疏忽照顧甚至欺凌過，導致你今日有一系列特別嘅行為呢？

譬如話：我哋每個人都會根據童年經歷，而得出某一種嘅依附型態／Attachment Style；

而呢啲嘅依附型態，就係分別為 1）安全依附型 secure attachment  2）抗拒依附型 insecure-resistant attachment 3）逃避依附型 insecure-avoidant attachment。

安全依附型嘅媽媽，佢哋望到自己骨肉嘅相嘅時候就會激發催產素；

但係拒絕或者逃避依附型嘅媽媽，佢哋望到自己骨肉嘅相嘅時候，佢哋就會產生一系列不公平對待，厭惡，甚至身體上痛楚嘅感覺。

由此可見，只有安全依附型嘅媽媽先至會有動力主動湊仔，而另外嗰兩種媽媽就會避免湊仔。 

而後者嘅BB為咗增加注意力，佢就會一係顯示一系列誇張嘅情感反應，希望得到父母嘅注意力；又或者調返轉，如果佢阿爸阿媽非常冷淡，個bb自己都會扮冷淡冇興趣，做一個隱青BB。

最後呢一種嘅畸形嘅適應方法，最後就會喺學校上，社交上，兩性關係上，同埋將來同自己小朋友嘅關係上出現一系列極端嘅行為，一代代都咁樣被fvck up落去。 

＃4 咁所以巴打，無論今日嘅你係一個你老豆老母寵幸得太多嘅溫室小朋友，定係因為疏忽照顧而令你變成一個冇乜動力淨係想打機嘅隱青，又或者因為受到大小程度虐待而令到你成為一個極度反叛沉迷毒品性愛嘅男仔都好…

…希望你都能夠透過今集，明白到自己現時嘅行為動機同埋行為習慣，好多時都係因為你細個時候嘅成長環境，潛意識地一步步塑造成為今日呢個版本嘅你。

雖然要打破自己嘅枷鎖並唔係無可能，你亦都可以透過好嘅心理治療了解自己點解會做出呢一系列嘅補償行為；

但係如果巴打你明白自己嘅困難並且真係需要幫助嘅話，我邀請你電郵去support@manthefvckup.com，去查詢關於我哋MTFU Insider嘅完整深入課程喇，

因為除咗我哋會教導你關於兩性關係同埋成功嘅技術之外，我哋亦都會講及一係類似今集關於心理學嘅知識，令你更加了解自己，繼而吸引到你想要嘅女人。

咁所以巴打你有興趣嘅話，就馬上電郵去support@manthefvckup.com喇。 

最後，如果巴打你鍾意呢個系列嘅話，請你記得LIKE呢段片，訂閱我地MTFU嘅頻道，同埋分享呢段片出去啦！

因為你嘅支持喺能夠幫到我哋成長，製造更多價值比你。 

我哋下一集就會講Ch.5，Be My Baby／戀愛中的女人，解釋男人係女人眼中嘅baby；所以萬勿錯過，我哋下集見！

歡迎嚟到《The Chemistry Between Us/我們之間的化學反應》Ep.04，今集我哋會講呢本書嘅Ch.3 The Power of Appetide/性慾魔力；

解釋點解世界上會有咁多大大小小嘅性醜聞，點解人類咁多時都會捨棄自身利益，為咗性愛而放棄跟隨社會規則／大眾預期／甚至自己多年嘅信仰；

同埋點解其實每個人都有自己大小程度獨特嘅性癖好，就算係有權力有知識理智成功嘅人，佢哋有時一樣會好多時都會屈服喺自己嘅性慾望之下，做一啲反常嘅行為； 

如果巴打你鍾意呢個topic或者類似呢本書嘅系列嘅話，就請你而家率先LIKE咗呢段片同訂閱我地MTFU嘅頻道先啦！

重點＃1 巴打請你諗一諗，過咗幾千年嘅法律與社會規則，道德嘅教化同行為規範，又或者一啲律己以嚴嘅個人原則，點解我哋有陣時都唔明能夠抑壓自己想要性愛嘅慾望呢？ 

點解我哋大腦『想要嘅嘢』同『應該要嘅嘢』之間成日都出現矛盾呢？無論係性愛又或者普通食嘢，點解人類總會有某啲行為，係極難有規律地做出一啲理性行為呢？ 

經濟行為學家George Loewenstein形容呢種現象叫做『hot cold empathy gap／冷熱同理差距／情緒差異』，講緊嘅就係你喺凍嘅狀態，你通常就能夠運用你有意識嘅頭腦去咗出一系列決定；

但係當你被一系列內在因素影響嘅時候，你就會進入一個熱嘅狀態，你就會比較難抵抗誘惑，做出一啲不理智將來可能會後悔慚愧嘅行為。

問題係點解我哋都會有呢種嘅drive／動力呢？呢種嘅非理性，又可以帶畀我哋有咩好處呢？想明白嘅話，我哋就要了解一下自己嘅大腦結構。

重點＃2 當我哋有食慾或者性慾嘅時候，我哋大腦嘅Reticular Activating System／腦部網狀刺激嘅系統就會被激活，產生一系列feel good嘅良好感覺；

由於RAS係可以命令大腦集中喺特定嘅感官訊號，而忽略其他感官訊號，

所以RAS有時係可以透過『固執沉迷』，控制人類做出一啲自我摧毀嘅行為，無論係暴飲暴食，定係為咗性愛嘅快感而犧牲飲食睡眠直至死亡。 

以上就係科學家從白老鼠嘅實驗得出嘅結論。

佢哋發現咗，就算老鼠天生係一夫多妻制；當一隻雌性老鼠對特定嘅雄性老鼠產生偏好嘅時候，佢係會基於嗅覺偏向繼續選擇同一隻雄性老鼠交配。 

同樣地，當人類透過性愛或者藥物享受到快感嘅時候，人類亦都會偏向繼續留喺嗰一個特定場合位置上，繼續癡癡迷迷地迷戀嗰一種色情嘅快感，繼續想留喺嗰一個地方繼續接收特定嘅感官信號。

換句話嚟講，人類同白老鼠一樣，我哋都係會特別記得自己享受到快感嘅第一次，然後我哋就會將嗰一個環境同快感associate／關聯埋一齊，

然後呢種嘅動力有時係可以推翻凌駕我哋原本嘅傾向，令我哋嘅性傾向或者行為有所改變。 

譬如話：當一隻雄性老鼠第一次嘅性經驗喺同一隻帶有檸檬味嘅雌性老鼠搞野，咁樣佢將來有得揀嘅時候係好大機會，會揀返帶有檸檬味嘅雌性老鼠。

人類亦都一樣，我哋喺邊度享受過最正最難忘嘅性愛，我哋亦都會對於相應嘅地方產生偏好，即使嗰啲地方可能係好噏耷，譬如話時鐘酒店或者某啲奇怪地方。

呢種就係叫做reward-based learning／以獎勵為基礎嘅學習過程，令到男人同女人都學識點樣work for sex，

為得到性愛而做事，無論係變得更加浪漫／學識調情／買花買禮物／著衫打扮得性感暴露啲／模仿對方鍾意嘅口味／定係努力搵錢等等。

所以當你將某啲嘢associate為可以獲得性愛嘅途徑，咁『嗰啲嘢』就會成為你嘅trigger／觸發點，令你有動力地去做嗰樣嘢，從而得到令你流曬口水嘅性愛獎勵。

我哋點樣設計一個環境，係會絕對影響我哋嘅性慾同埋動力。

重點＃3 聽到呢度，巴打你又能唔能夠根據以上嘅知識，明白到性癖好又係點樣形成嘅呢？

Well，頭先我哋未講嘅就係，Dopamine／多巴胺係可以將到我哋嘅Prefrontal Cortex／前額葉皮質區『滅聲』，令到我哋暫時嘅所有註意力喺曬自己嘅性慾上面。

酒精藥物或者做完大量用腦嘅工作，都係可以令到我哋嘅前額葉皮質區放鬆，令到我哋冇咁抑壓控制自己嘅性慾。

當人類每次透過性交感受到強烈嘅性滿足嘅時候，每一次我哋都係prime緊自己透過嗰次經歷嘅環境信號得到快感；我哋越喺透過呢啲性交得到滿足，我哋對附近環境嘅關聯就會變得越強。

久而久之，呢啲射精與高潮嘅性愛經驗就會開始改變我哋嘅大腦，我哋就會開始對特定嘅女人或者環境產生極強烈嘅偏好，最後有可能成為極端嘅性癖好。

所以就算從進化學上嚟講，雖然呢啲性癖好未必會令到我哋會繼續揀返一啲樣貌對稱，擁有低腰股比例嘅索女；但係我哋之所以會做一啲白痴嘢，係有陣時我哋純粹想滿足我哋嘅性癖好，繼續做返一啲曾經得到過獎賞嘅行為。

咁所以喺極端嘅實驗裏面，就算白老鼠同人類一樣係會極厭惡死屍嘅臭味，但係如果嗰隻老鼠第一次搞嘢係聞著呢啲腐屍味，怎樣佢將來好可能搞嘢嘅時候都想繼續尋找臭屍味！

又或者如果佢第一次嘅射精係透過皮褸嘅觸感令到自己射精，皮褸就會好可能成為挑起性慾嘅信號，最後透過皮褸嘅觸感令自己再次高潮。

重點係：當我哋嘅大腦做某樣嘢嘅時候釋放得越多多巴胺，我哋就會越有動力去達到任何形式嘅目標，無論背後嘅代價係啲乜嘢。 

咁所以巴打，你又可以透過乜嘢形式嘅獎賞，去比自己更多動力做你想做嘅嘢呢？

如果你明知性愛快感係可以咁有威力地影響你之後嘅行為，你又可以點樣有策略地利用你每次做愛嘅session，鋪排你之後擁有更多非比尋常嘅意志，去得到更多成就呢？ 

你又可唔可以諗到一啲方法，專登設計特定嘅系統，特登令到自己要去work for sex，令到你每一次嘅性愛都特別身心暢快呢？

如果巴打你鍾意呢個系列嘅話，請你記得LIKE呢段片，訂閱我地MTFU嘅頻道，同埋分享呢段片出去啦！因為你嘅支持喺能夠幫到我哋成長，製造更多價值比你。 

我哋聽下一集就會講Ch.4，The Mommy Circuit／母性回路，解釋一系列荷爾蒙點樣影響女人產生母愛，你阿媽點樣影響你成長嘅嘢；

所以萬勿錯過，我哋下集見！

歡迎嚟到《The Chemistry Between Us/我們之間的化學反應》Ep.03，今集我哋會講呢本書嘅Ch.2 The Chemistry of Desire／性慾背後的化學反應，

解釋點解荷爾蒙嘅變化，係會直接影響男人同女人各自嘅性慾，讓你明白點解好多嘅愛情感覺其實都係一系列化學反應作怪。 

如果巴打你鍾意呢個話題或者類似呢本書嘅系列嘅話，就請你而家率先LIKE咗呢段片同訂閱我地MTFU嘅頻道先啦！

重點＃1 點解好多男仔細個嘅時候對女仔可能冇乜興趣，但係去到十零歲青春期嘅時候，見到一啲性感女人嘅時候，就會突然之間好有性興趣，跟住開始咗自己打飛機嘅生涯呢？

原因其實好簡單，可能巴打你都知道，就係因為男仔去到青春期嘅時候，身體就會突然之間製造大量嘅睾丸酮，令到男人嘅大腦無時無刻都係諗住性愛想搞野。

呢種嘅睾丸酮激活係可以維持好耐， 只要男士嘅健康良好，佢去到人生後期先至會開始下降減少性慾。

另一方面，其實當女仔開始第一次排卵嚟M嘅時候，女仔都會好似男仔被呢啲青春期嘅荷爾蒙搞到自己開始有性幻想。

雖然女人身體嘅荷爾蒙指數每一個月都為準備懷孕而有升有跌，導致佢哋通常比起男人無咁每一秒都想做愛；

但呢啲強勁嘅化學物質唔單止會影響咗我哋點樣睇世界，佢亦都會大大影響我哋平時嘅行為舉動。

重點＃2 究竟呢啲荷爾蒙變化會點樣影響女人嘅行為呢？

原來當女人進入排卵期（最容易受孕）嘅時候，佢潛意識地係會更加願意冒險同陌生人上床，更加主動同男人調情，更加願意睇咸片，

更加prefer一啲粗曠型嘅型男多過一啲樣子唔錯嘅『好仔』，會避免接觸自己嘅老豆，會食少啲嘢keep fit，會更著重買衫買鞋化妝整靚自己等等。

遇上一個心儀嘅男人嘅時候，佢可能自己都唔為意會成日整自己頭髮，會側著頭同男人傾計，間唔中喺度玩自己耳環，擺手指係自己嘴裏面，有時甚至坐喺度都會傾前同男人傾偈，因為潛意識地佢係想透過自己嘅胸部令男人更加注意自己；

而且就算佢最近同男朋友去過旅行，佢可能都會無意地淨係講話同朋友去旅行，無意地令到自己男朋友被消失。

呢啲嘅行為變化女人有時自己都未必察覺得到，但係當佢哋排卵嘅時候，好多時佢哋都係會更加主動令其他人知道自己嘅availability。

咁所以喺排卵期啱啱開始，排卵期間，同埋排卵期之後短短嘅呢段period，呢啲荷爾蒙嘅改變唔單止會令到女人出現生理變化；

佢嘅大腦亦都會同時影響佢嘅行為，從而增加佢受孕嘅機會率，令到佢唔會嘥咗粒卵子。 

咁所以女人睇呢段時間就會想要『短暫嘅刺激』，多過透過邏輯去揀一個『長遠嘅好爸爸』；佢會著重揀一個『充滿自信支配性嘅贏家』，多過揀一個『品格良好對佢無私奉獻嘅好伴侶』，呢段時間佢唔會太過care你係咪一個勤力用心工作忠誠嘅男人。 

簡單講，女人想唔想放鬆享受性愛好大程度地都取決於佢雌激素／estrogen嘅指數。

當佢嘅雌激素夠高嘅時候，女人就會感覺更加安全；

而作者話紅酒／燭光晚餐／同埋浪漫音樂有陣時之所以會有效地調情，其實只係因為呢啲氣氛可以減低女人嘅緊張程度，令到女人可以聆聽自己身體裏面高昂嘅雌激素，從而享受性愛。 

重點＃3 點解男人長期都諗住性愛，見到索女隨時都ready好去搞嘢，而女人唔需要做啲咩都可以搞到男人欲仙欲死呢？ 

原因就係：大部分男人之所以咁easy易溝，係因為我哋嘅雄激素受體／androgen receptors長期都被撻着， 令到雄性嘅捕乳類動物隨時都可以同一啲排卵中嘅雌性動物交配。

尤其是當我哋十零廿歲卜卜脆後生嘅時候，我哋嘅睾丸酮指數係喺人生嘅巔峰；

精子係唔值錢嘅，我哋每日都製造過千萬粒嘅精子，所以我哋嘅睾丸酮就好似煲熱水一樣，隨時可以候命開水喉爆出嚟，隨時都有性慾ready好去交配。

咁所以聽到呢度，巴打你應該意識到你嘅睾丸酮指數有幾重要。

因為研究發現咗，原來男人做咗爸爸之後，或者當佢要湊小朋友嘅時候，佢嘅睾丸酮就會急速下降。

原因係因為照料看護嘅工作係會降低睾丸酮，令到大腦可以集中照顧小朋友，而令男人無咁兇猛勇武想打交，個人冇咁嬲，並且冇咁大意欲出去搵女人做愛搞嘢。 

另外一啲有趣嘅發現就係：當我哋支持嘅球隊輸波或者打輸仗嘅時候，我哋嘅睾丸酮係會下降；當我哋揸一啲家庭式舊車嘅時候，或者長期結婚嘅男人，或者啱啱畀老闆炒魷魚嘅男人，佢哋嘅睾丸酮都會下降。 

調返轉，當我哋贏嘅時候，無論係打波打仗定係捉棋選舉贏咗，我哋嘅睾丸酮都會增加令到我哋更加有自信；而有自信嘅時候，亦都會增加我哋下一次贏嘅機會率。

揸名貴跑車，聞到身邊有排卵中嘅索女，同索女傾計等等呢啲全部都會增加睾丸酮。

研究人員之前就係脫衣舞夜總會做實驗，發現咗排卵中嘅女人永遠都會收到更多tips；

原因就係男人嘅身體係有能力透過嗅覺，透過聆聽女把聲，透過身體觸碰同埋觀察女人有自信嘅行為，確認一啲處於排卵期嘅女人。

而當男人偵測到呢樣嘢嘅時候，佢嘅身體就會增加睾丸酮，令到佢自我感覺更良好，最後更有動力畀多啲貼士。 

最後重點＃4 其實女人炫耀自己嘅青春同埋生育能力，唔單只係為咗想吸引男人，原來同時間都係想散發訊號比其他競爭對手。

意思係：其實女人之間都係激烈地互相競爭，當佢哋排卵期遇上心儀型男嘅時候，佢都要知道自己係有能力擊敗其他女人得到呢條仔。

咁所以每逢佢去到一啲個個著得靚嘅場合，女人都會特登揀啲更性感嘅服裝去暗地裏競爭，確保自己係最有吸引力。

而每逢女人嘅對手越係有威脅，佢就越有壓力打扮得更索，去增加自己交配嘅成功率。 

調返轉，每逢男人感覺到自己女人進入排卵期嘅期間，男人都會傾向出現一啲『保護配偶／mate guarding』嘅行為，會問女朋友去咗邊度同咩人見面，會變得更加妒忌，會更加主動花時間同條女一齊，會更加流露對佢嘅愛與忠誠。

Anyway巴打，如果你明白今集Ch.3所講嘅嘢嘅話，你就會明白點解你需要提升你自己現時嘅睪丸酮指數，同埋點樣透過以上嘅資訊增加自己吸引力。

所以當你知道呢啲化學反應點樣影響你嘅性慾之後，你又會點樣喺溝女兩性關係上面突圍而出呢？

巴打你鍾意呢個系列嘅話，請你LIKE呢段片，訂閱我地MTFU嘅頻道，同埋分享呢段片出去啦！

我哋下一集就會講Ch.4，The Power of Appetite/性慾魔力，萬勿錯過，我哋下集見！

歡迎嚟到 《The Chemistry Between Us/我們之間的化學反應》Ep.02，今集我哋會講呢本書嘅Ch.1 Building A Sexual Brain／構建性别大腦，解釋點解一個人係男仔定女仔，係取決於佢嘅大腦結構，而唔係被後天社會培養而成，甚至唔係根據佢哋與生俱來嘅性器官而決定。

如果巴打你鍾意呢個topic或者類似呢本書嘅系列嘅話，就請你而家率先LIKE咗呢段片同訂閱我地MTFU嘅頻道先啦！

重點＃1 性別上嘅行為並唔係被父母／社會／文化強加而成，就算你透過後天嘅教育／影響／或者做手術改變，性別其實係唔單止取決於我哋嘅基因體，更加喺大程度地收到之後嘅荷爾蒙水平影響。

點解呢？因為細胞係唔會自己做嘢，細胞係需要接收從不同荷爾蒙發出嘅化學訊號，先至會識得運作。

其中一種化學物質係叫做dihydrotestosterone(DHT) 二氫睪酮，係由睾丸酮同一隻叫5-alpha-reductase嘅酵母形成。

如果DHT唔夠，咁就會延遲造成男仔嘅前列腺，陰莖同陰囊，令到身體唔識得開始製造男性性器官，令男仔唔能夠成為正常嘅男人。

重點＃2 點解呢樣嘢重要呢？

因為就算我哋產前嘅荷爾蒙會決定BB係男仔定女仔都好，其實每一個胚胎一開頭都係『女性』；直至之後睾丸細胞識得將膽固醇之中製造睾丸酮，睾丸酮同DHT先會係我哋大腦形成一個『典型男性』嘅神經網絡，繼而改變大腦嘅化學反應，開始產生一系列男性雄性嘅行為。

而睾丸酮嘅最大產生有兩次，一次就係一開頭指引性器官嘅階段，另一次就就係根據性別開始組織大腦，令男仔變得man啲青春期嘅時候。

科學家另外做咗一個馬騮實驗，發現大部分馬騮BB仔都係會自動選擇玩男仔嘅玩具，譬如話車，而絕大部分嘅馬騮BB女都係會自動選擇玩女仔嘅玩具，譬如話毛公仔。

由此證明，呢啲選擇都唔係『後天人為社會培養』出嚟，而係天生一早嘅選擇。

咁所以簡單講：你嘅行為有幾男人有幾man，好大程度地係受你大腦釋放嘅荷爾蒙所影響。

如果你缺乏雄激素，又或者接收傳遞雄激素嘅途徑有問題嘅話，咁樣你就會自自然然地出現一系列『女人／雌性』嘅行為，中意玩女仔嘢，大個咗甚至被男人吸引。

所以從你嘅大腦角度嚟睇，無論你外在表徵係男人定係女人，你都係一個女人。

重點＃3 最後一點就係講緊其實『同性戀／變性』呢種現象，係大自然都頗為常見，包括哺乳類動物。

而作者透過一位叫Dick Swaab嘅科學家嘅論據，解釋話似乎我哋嘅大腦嘅本質，係有能力去顯示『同性戀／雙性戀／變性』嘅行為；而我哋最終會唔會咁做，就出決於我哋成長期間，大腦係點樣被影響。

你有J唔一定令你變成男人，你有西亦唔一定令你變成女人；最重要都係取決於雄激素點樣同發展中嘅大腦交流，繼而影響你嘅性別同性取向。

Anyway巴打，你明白今集Ch.1所講嘅嘢嘅話，你就會明白點解你現時嘅睪丸酮指數有幾高或者低，係會直接影響你嘅思維諗法，同埋你行為模式有幾man或者有幾女人。

咁所以你有咁嘅資訊之後，你又會做啲咩佢確保自己嘅荷爾蒙指數喺高水平呢？

如果巴打你鍾意呢個系列嘅話，請你記得LIKE呢段片，訂閱我地MTFU嘅頻道，同埋分享呢段片出去啦！

我哋聽下一集就會講Ch.2，The Chemistry of Desire/性慾背後的化學反應，將會有好多你想學嘅正嘢，所以萬勿錯過，我哋下集見！

歡迎嚟到 <The Chemistry Between us: Love, Sex, and the Science of Attraction>/《我們之間的化學反應─關於愛情、兩性和吸引力的科學》Ep.01，無錯，我哋將會一齊探索呢本以科學為基礎，全新嘅兩性愛情書籍。

咁所以如果巴打你鍾意呢個系列，就請你而家率先LIKE咗呢段片同訂閱我地MTFU嘅頻道先啦。

＃1 好，第一集當然要先解釋下點解呢本書值得睇下，同埋簡單簡介下先喇。

簡單嚟講，作者Dr. Larry Young 同 Brian Alexander知道兩性之間嘅性慾同愛情，好可能喺世界上最強嘅力量，令到人類做出一系列自己冇諗過會做嘅行為，會因為『愛』而完全改變生活模式等等。

究竟當呢種化學反應發生嘅時候，我哋身體內部喺發生緊啲咩事呢？

點解曾經嘅陌生人，可以過渡去『永遠要係埋一齊』嘅階段呢？

點解男人可以口講話我愛你，但又同其他女人做愛呢？

當浪漫嘅感覺已經消逝，有咩會令到我哋繼續留係段關係之中呢？

點解我哋會愛上一啲『錯誤』嘅人呢？

有咩操控我哋鍾意異性定係同性呢？

以上一系列問題，我哋都會嚟緊逐一解答。

＃2 你會發現，原來慾望／愛情／人與人之間嘅連繫其實並唔係咁神秘；因為我哋好多複雜嘅行為，其實都係因為我哋大腦裡面某啲分子影響唔同嘅情感，導致我哋會作出一啲好大嘅決定。

作者同我哋講，我哋嘅大腦雖然有好幾部分，但無一層喺高過／低過另一層；行為未必成日係根據唔同嘅階級而出現，好多時都係一啲並列嘅合作行動。

我哋唔係完全被非理性嘅動力操控，邏輯思維係可以幫我哋『煞掣』；但性慾同愛係大腦裡面嘅電路實在太勁，所以慣性地呢啲情感會short circuit咗我哋，支配咗我哋理性嘅自己，最後做出一系列受進化論影響嘅行為。

重點係：好多關於兩性吸引力，都係出自於我哋大腦神經系統裡面嘅電路點樣搭嚟搭去。透過唔同嘅神經化學物質，我哋係可以影響自己嘅情感或者感覺。

＃3 咁所以呢本書有9個chapters，每一個章節作者都俾咗好多科學歷史，實驗細節，同埋正反論據等等去解釋某一種點。

我嘅目標係以一chapter一集嘅模式，為你拆解有咩最重要用得著嘅兩三個大重點，盡量以大概5-7分鐘完成每段片。

咁所以我唔會講得太多details，會盡量精簡啲快靚正去同各位巴打搞掂呢本好冗長嘅書；你對科學細節特別有興趣嘅話，你就自己慢慢睇呢本書喇。

Anyway今集介紹就係咁精簡喇，如果巴打你鍾意呢個系列嘅話，請你記得LIKE呢段片，訂閱我地MTFU嘅頻道，同埋分享呢段片出去啦！

我哋聽下一集就正式開始《我們之間的化學反應》嘅全新內容啦，再見！