月份: 2017 年 8 月

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今日想好快分享點解學校嘅教育，係會直接間接令你溝唔到女。

 

最近睇咗一篇幾有趣嘅文章，係講緊原來『學校』呢一個概念原來都算係比較新，只有大約200年嘅歷史；

 

喺之前大部份嘅所謂『學校』其實主要係一啲研究神論研究theory嘅研討會／seminars／神學院，專係畀一啲有財富有地位嘅貴族去嘅地方。

 

原因就係以前嘅人主要都係農夫或者做小生意嘅人，

 

所以只要你有地方學習商業交易／或者跟師傅鑽研學習一門手藝，你嘅知識就能夠幫你維持生活所需。

 

所以以前嘅小朋友大部分時間，都會透過同其他小朋友一齊玩，學習社交活動；

 

其餘嘅時間就會喺度睇啲大人點樣練習鑽研某樣手藝，觀察佢哋人際關係成功與失敗。

 

之後工業革命嘅來臨，突然之間，小朋友就被迫進入『有規劃有規模』嘅教育機器。

 

唔知係咪咁橋，全世界所有嘅學校好叻嘅一樣嘢，

 

就係教導小朋友discipline，教導小朋友必須要有紀律，必須服從權威。

 

當然以前嘅小朋友都係服從長輩親戚嘅權威，但係因為『學校』嘅出現，我哋就會被迫服從一系列成年人嘅命令。

 

好快地，我哋邏輯就由以前嘅『如果你唔餵豬，佢哋就會死。』，

 

去到而家嘅『如果你唔服從老師嘅指令，你就係壞學生，你就會受懲罰，你就會被同輩排斥。』

 

重點就係：學校喺好多方面，其實喺一個去除人性嘅地方；

 

學校喺一件完美機器製造唔同工廠嘅員工，製造社會一模一樣倒模式嘅齒輪。

 

正正係因為學校好叻去製作standardized／統一／被標準化嘅學生，學校根本唔係一個地方去培育個人嘅發展。

 

更加嚴重嘅係，以前可能你會透過同其他小朋友玩，學習社交活動，

 

但係你出生後十幾二十年，我哋都被灌輸一種『唔好同其他同學傾計／唔準同其他人交流／陌生人等於危險』嘅思想。

 

最後嘅結果就係：

 

只有老師講嘢，我哋唔準講嘢，我哋失去曬所有細個可以練習social skills嘅機會。

 

幼稚園係咁，小學係咁，中學係咁；

 

大學可能好少少，但係我哋已經離不開『努力讀書，GPA過三爆四，都係搵份好工算吧啦』嘅社會意識裏面。

 

Anyway，講咗咁耐學校嘅所謂教育，關溝女咩事呢！？

 

答案就係：女人係唔會被一個『齒輪』吸引，

 

女人係會被『個人』，被individauls，被有領袖能力嘅leaders，被一啲夠膽去challenge佢嘅男人吸引。

 

你同我由細到大都被人洗腦去服從命令，

 

但係如果你只係一條一尾聽order嘅走狗，唔單止女人會覺得你好弱雞廢柴，你更加只係一個悶蛋，完全冇創意去創造新奇刺激嘅嘢。

 

所以每當我哋青春期開始想要浪漫戀愛性關係嘅時候，我哋根本就唔識得點做。

 

我哋連同其他男仔傾計嘅機會都冇，有點會識得點同女仔傾計呢！？

 

重點就係：

 

因為當我哋服從嘅時候老師就會開心，令到大部分嘅男人認為服從人哋就係能夠令到對方開心嘅方法。

 

但係我哋唔知道，服從女人正正係最令女人turn off嘅嘢。

 

你毫無尊嚴毫無主見，係絕對唔能夠吸引到佢。

 

所以我今日想同你講嘅就係：It’s okay to DISAGREE with women！

 

你唔認同女人某種觀點或者行為，係絕對冇問題嫁！

 

你講出自己心裏面嘅真相而令到某啲人唔鍾意，係絕對冇問題嫁！

 

女人係會尊重一個講出自己真相嘅男人。

 

做一個gentleman，係代表你尊重並且有需要嘅時候保護女人，

 

而唔係每一次都好似奴隸咁樣聽曬女人話，隨傳隨到即叫即到！

 

當然唔係叫你mean／反抗佢哋啦，我只係叫你唔好咁乞兒係度奉獻你被閹割嘅蛋蛋送畀女人！

 

所以女人問你著某件衫係咪好肥嘅時候，你冇需要特登奉承佢話『唔係呀，你著咩都好睇㗎啦。』

 

Bullshit！

 

你要做嘅，就係首先playful淘氣地回應佢，例如：『你轉身睇睇？Ehh，喺側邊都幾瘦嘅… lol』

 

所以嚟緊呢一個禮拜，我畀一個練習你做。

 

就係每逢女人問你一條問題，想得到一啲特定回答，

 

你唔好咁快認真答佢住，你應該首先講『你認為嘅答案』嘅相反！

 

當然以一種playful好玩嘅語氣去回答佢，而唔係負負氣氣地hea答佢。

 

跟住用你本日記簿，寫低你觀察到嘅反應，做下呢啲唔同嘅社會實驗。

 

當你感到舒適嘅時候，

 

你就可以對住女人好玩地講一啲越來越『預計唔到／unpredictable』甚至係有爭議性嘅嘢，

 

睇下原來你自己同唔同嘅女人可以去到幾盡！

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

【由於小弟由今日開始會喺美國一個月，所以唔好介意我哋會每隔幾日先至出一轉新片，超男之道亦都會變返為一個星期一集，直至9月尾 :-)】

 

嚟到超男之道系列嘅第33集，

 

今集叫做 She Doesn’t Really Want to Be Number One，女人其實係唔想做男人嘅第一位！

 

作者意思係：

 

雖然好多時女人睇落似乎都好想成為男人最重要嘅嘢，想成為男人嘅正中心；

 

但係如果女人真係成為男人最重要嘅嘢，

 

佢就會感覺得到佢嘅男人並唔係真正dedicate自己，有方向性地繼續成長並且貢獻社會，成為一個服務人群嘅領袖。

 

女人就會感覺得到男人依賴佢先至能夠得到快樂，

 

女人就會因為男人嘅依附性，依賴性，neediness，而被男人搞到自己窒息。

 

所以女人真正想要嘅，

 

係一個能夠奉獻自己畀更大嘅人生目的嘅男人，一個dedicate自己人生去higher purpose嘅男人，而喺呢趟旅程之中，同時完全地愛佢嘅男人。

 

雖然女人自己唔會承認，亦都未必知道呢樣佢內心真正嘅慾望，

 

但係佢係會想要一個願意放棄relationship，以大局為重，忠於自己人生任務嘅真男人。

 

你試想像下：

 

如果一個男人因為時勢所需，必須出去打仗，保家衛國。

 

佢臨走嘅時候，攬住佢嘅女人，準備say goodbye，女人不斷流淚。

 

跟住女人不斷乞求男人唔好離開佢，但係男人同佢講『你知道我必須要走…』；

 

之後佢哋深深地互相望住大家，男人同佢講『你都知道我好愛你，但係我真係要走…』。

 

女人依依不捨地回答：『我知道，我都知道你一定要走…』

 

最後佢哋深情地吻別大家，男人轉身行去門口度，離開屋企，踏上需要佢嘅命運；

 

而女人望住佢，既傷心又自豪，望住男人慢慢離開消失…

 

以上嘅情節，正正係顯露咗做男人嘅一個大原則：

 

就係雖然你嘅女人睇落似乎好想成為你人生最重要嘅嘢，

 

但係只有當你毫不妥協地奉獻自己去更大嘅人生目的，更大嘅任務，更大嘅使命，女人先至能夠完全相信並且深愛你。

 

男人嘅purpose永遠必須係自己嘅第一位，佢嘅親密關係／relationship永遠係次要，女人係暗地裏知道呢種真相。

 

你試下幻想多一次頭先畀你嘅情節，如果女人挽留準備打仗嘅男人嘅時候，個男人突然之間同佢講：

 

『唉，你都講得啱嘅，我改變主意啦。我覺得你比起拯救人類自由更加重要，所以是撚但啦，我劈炮唔撈啦，打乜撚嘢仗呀，我哋日返去扑嘢啦！』

 

LOL，

 

如果你真係咁做，即使女人部份嘅自己可能因為得到你會覺得開心，

 

但係佢內心嘅深深處其實會覺得好失望好空虛，因為原來你唔係一個真正嘅雄性男人。

 

所以如果女人成為你人生嘅焦點，你就會迷失自己並且立即輸晒！

 

你今日仍然活著，就代表你仍然有一份獨特嘅禮物分享畀世界，

 

一種人生目的去實現，一種啟發你嘅內心衝動去追尋。

 

如果你冇咗呢一種嘅內心慾望，你就會失去靈魂並且開始覺得人生迷茫。

 

你就會人云亦云做相同嘅嘢，

 

你就會活係女人嘅purpose之中，因為佢嘅目的比你更加強大，

 

你就會成為社會機器一粒毫不起眼嘅齒輪，任由外界力量去支配你嘅一舉一動。

 

 

所以唔好被所謂嘅『特定責任／responsibilities』，取代咗自己真正嘅人生目的。

 

工作／家庭／親密關係／朋友固然重要，

 

但係你絕對不能夠利用佢哋為藉口，而唔去發掘自己真正活著的目的。

 

如果你唔係以你嘅core活你嘅生命，分享你最大嘅禮物，

 

所有人都會感覺你係lack of true purpose，你只係一個冇骨幹被風吹走嘅樹葉。

 

重點就係：

 

女人係想知道你有自己人生嘅『中心點』，而佢係唔會想自己成為你嘅中心點。

 

當你發現咗自己最deep最喚醒自己靈魂嘅purpose，

 

你生命嘅任何一part都要與你嘅deep purpose連成一致，做出相應嘅決定。

 

咁樣你就成為女人眼中，能夠信賴能夠相信能夠心愛嘅男人！

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

【Quick Note On My USA Trip ;)】

 

你想唔想知道有咩嘢，除咗M到之外，係特別煩擾有吸引力嘅單身女人呢？

 

你又知唔知道，一個女人可以鍾意你好多嘢，

 

但係如果你做以下我所講嘅任何行為，你所有原本成功嘅機會都會即時滅亡？

 

係今個美麗嘅星期五，我哋廢話少講，馬上開始！

 

第一樣女人最憎男人嘅嘢，

 

就係你放棄自己嘅『地位』，希望換取女人對你嘅注意力（attention）同認同感（approval）。

 

你都應該聽過我之前講過好多次，

 

approval-seeking（希望得到女人對你嘅認同）同埋reaction-seeking（希望從女人身上得到某種反應），係令女人非常反感嘅嘢。

 

更差勁嘅係，有啲男人會畀曬所有控制權女人，

 

畀女人話曬事，會願意白馬王子地為公主做任何嘢『效勞』，藉此換取女人嘅attention同approval。

 

Fvck that shit！

 

因為最大嘅問題就係，

 

女人根本唔想你放棄自己嘅地位同男子氣概，女人根本唔會鍾意一個毫無尊嚴弱雞猶豫不決嘅死廢柴！

 

每逢你展露呢啲行為，潛意識地話畀女人知『你願意放棄自己嘅power去得到佢』， 女人就會好憎你呢種低價值低地位行為！

 

你又有冇犯過類似嘅錯誤呢？

 

有嘅話，你決定幾時完全停止呢啲乞兒嘅behaviors呢？

 

第二樣女人最憎男人嘅嘢，亦都係我講咗十萬次，拍咗好多集，但係仍然有好多男人犯嘅錯誤：

 

就係表現得needy，充滿依附性（attached），

 

比起鼻涕更加黏貼依賴，

 

比起安全套更加緊貼，

 

缺乏信心冇把握嘅insecure男人！

 

我今日再重複講多次：

 

每逢女仔感受到你『心理上』成隻冤鬼咁樣纏住佢／死都捉住佢／充滿依賴嘅依戀，

 

女仔就會覺得你係一條『情感寄生蟲』，a fvcking toxic parasite，

 

佢就會好想好憎你並且用盡一切方法整走你！

 

例如你啱啱先見完佢，跟住又同佢傾電話，傾咗幾句之後佢話唔得閒遲啲先傾，

 

你就講類似話『啊啊啊…係呀？咁…好啦…或者你返到去再話我知好冇？』

 

That’s fvcking NEEDY！

 

再加上，如果你情感上毫無信心，非常insecure，

 

你可能更加會好beta male地問個女仔對自己有咩印象，

 

問個女仔覺得你自己夠唔夠好，

 

問個女仔覺得你自己好唔好玩，

 

問個女仔覺得大家有冇機會發展等等嘅濕鳩嘢！

 

Fvck that shit！

 

唔該你唔好再做，因為女人真係受夠呢啲低價值行為，

 

聽到都打曬冷震，聽到都想嘔，

 

所以如果你腥嘅emails表露到任何以上嘅行為，我就只會叫你睇多今集一次！

 

最後第三樣女人最憎男人嘅嘢，

 

就係get唔到男女之間吸引力／attraction。

 

女人係絕對可以feel到你get唔get到點玩attraction呢個遊戲，

 

明唔明白自己同女人嘅分別，識唔識得製造並且讓大家享受sexual tension。

 

女人係會知道你係咪同佢哋一樣，暗地裏知道sexual communication點樣做；

 

如果你唔識，女人就會完全停止所有對你嘅性暗示。

 

所以你要記住：

 

吸引力（Attraction）係一種情感並且身體上嘅反應，

 

你絕對唔能夠理用你嘅邏輯／你嘅禮物／你嘅錢／你嘅友善／你嘅nice，理智地說服佢去對你產生吸引力，無法自我選擇地對你有feel。

 

Attraction好多時都係一啲非理智唔make sense嘅行為，

 

所以你要學識點樣製造張力tension／緊張感，

 

停止做一啲『邏輯地佢應該會鍾意你嘅嘢』，

 

特登製造空間讓佢思念你等等嘅嘢。

 

Anyway，要講Attraction仲有排講，

 

今日嘅重點就係記得以上三樣女人最憎男人嘅嘢，

 

並且開始停止做以上厭惡嘅行為！

 

我哋呢個月係美國再見，

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

【Quick Note On My USA Trip :-)】

 

今日想分享喺好幾年前，我發現咗吸引女人嘅一個秘密，

 

而呢個秘密之所以只有千分之一嘅人知道，係因為呢個秘密實在太明顯，所以大部份男人永遠都唔知道。

 

喺呢幾年我自己學習並且教導不同男人嘅時候，

 

我發現大部分男人都有一種強烈嘅慾望，去impress女人，去希望留下好印象令對方鍾意自己。

 

無論係你望到其他男人嘅first date，或者你自己曾經做過嘅，甚至坦白同你講我曾經自己都做過唔少嘅，

 

就係我哋總會一開頭有一種感覺，希望唔好自己『犯錯』／『做錯嘢』；

 

所以喺認識新女人面前總會特別謹慎，特別小心說話，特別有禮貌，

 

特別約束自己要做返一啲所謂『合符規範』『道德標準』嘅『正常嘢』。

 

你點知自己有冇犯過以上嘅錯誤呢？

 

以下係一啲指標，例如：

 

－你可能會嘗試去講一啲『好似好正／好似好型／好似好叻』嘅嘢，show off自己嘅才華學識，去impress女人。

 

－你可能係一個正常對話中特別緊張，特別不知所措，搞到任何事情都顯得『特別formal』，特別正式正規咁樣。

 

－你可能會成日喺度諗，乜嘢先至係『女人啱聽／想聽嘅說話』

 

－如果你講咗一啲女人唔鍾意嘅說話，你可能就會馬上退一步／喺度道歉，跟住嘗試講話『自己唔係咁樣嘅意思』，跟住轉話題希望講返一啲適合呢位女性嘅話題。

 

－你可能唔夠膽『冒險』，唔夠膽揶揄女人，或者完全唔做一啲可能會令佢upset嘅嘢。

 

換句話講，

 

每逢男人對住一個自己『鍾意』嘅女人傾計嘅時候，佢就通常會嘗試以『最好嘅行為表現』／『最好睇嘅一面』去示人，希望留下好印象。

 

但係你咁樣做有咩問題呢？

 

答案就係：

 

你呢種希望impress對方嘅行為，一切都會顯得好假好唔自然好做作。

 

所以千分之一嘅人先至知道嘅溝女秘密係咩呢？

 

答案就係：

 

溝女嘅時候，唔該你stop trying！

 

唔該你停止嘗試去『留下好印象』，咁樣你先至真正能夠自然地『留下好印象』。

 

譬如話，個女仔請問你做咩工作。

 

Instead of 好正經地同佢講話：

 

『 我喺呢間Biotech公司做工程嘅，但係因為呢幾年我都幫咗唔少，所以美國個老細諗住嚟緊promote我做district manager囉。』

 

（聽落呢啲嘢，你都感覺到好撚show off啦？）

 

你應該講嘅就係類似：

 

『 哦，我結合人類嘅智慧同生物科技做一啲好似Ironman咁嘅嘢囉。lol』

 

條女就會問你『你噏乜春呀？』

 

你就可以繼續講笑地講話：『我認真㗎喎，我哋令到一啲原本身體有障礙嘅人，因為生物機械嘅科技，令到佢哋變返超人囉。』

 

重點就係：

 

任何相對認真嘅topic，你冇需要下下都咁認真咁logical地回答人哋，更加唔應該曬命咁樣，去曬自己有幾咁叻仔。

 

最能夠所謂『留下好印象』嘅方法，

 

就係令到女人感受到對你情感上嘅attraction，亦都係我平時教你需要淘氣地challenge佢揶揄佢嘅方法。

 

只有你保持F+C嘅氣氛，當你哋各自離開嘅時候，

 

女人先至會有慾望去追你，並且調返轉希望『留下好印象』畀你。

 

所以唔該，由今日起，請你停止impress女人，

 

請你畀個機會女人『留下好印象』畀番你，

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

好多巴打之前都問過我，first date／第一次見面應該有咩地方注意，應該有咩行為表現等等嘅問題；

 

所以今日我打算好快share一啲好重要嘅concepts比大家，解決以上嘅問題。

 

唔知你有冇留意得到，當男人女人出去date／認識異性嘅時候，佢哋通常有一種好折然不同嘅心態。

 

女仔出去識男仔，心態行為通常都會類似：

 

『唔，呢個男人都幾有趣，等我再認識佢更加深入先啦，再睇下我哋有冇機會發展。』

 

但係男仔出去識女仔， 心態行為都會類似：

 

『OMG，你實在太靚喇，我對你好有興趣所以我依家好緊張。事實上，其實我已經開始諗緊你有機會做我嘅女朋友或者老婆…

 

OMG，如果唔得嘅話，至少我哋都可以ONS啊？！』

 

換句話嚟講，女仔啱啱認識一個男仔，佢哋通常都係比較causal／laid back，比較輕鬆比較漫不經心；

 

但係男仔識女仔，就會好快當正佢係將來嘅女朋友／老婆咁樣看待。

 

你都可以幻想到，

 

咁樣嘅 dynamics係會製造好多不必要嘅張力同壓力，令到男人非常緊張地抖震，而女人面對一個咁緊張嘅男人亦都會變得好唔舒服。

 

有咩解決方法呢？

 

白痴嘅答案就係，唔該你停止睇得成件事咁大，唔好咁緊張咁慌忙地大失所措。

 

最好嘅辦法就係：

 

首先假設每一個遇上嘅女人，總會有一啲特質係騷擾你／麻煩你，令你好憎佢／令佢失去原本溝到你嘅機會。

 

點解要咁樣做呢？

 

Surprise Surprise！原因就係，根本呢個就係事實！

 

大部分嘅女人，根本就唔能夠同你長遠地compatible；

 

就算你同某個女人認真地開始long term relationship，你絕對會隨時間發現你唔鍾意佢嘅地方。

 

所以無論係心態又好，語言技巧又好，

 

你自己溝女嘅主題都可以係：『唉，你呢種嘅特質／你啱啱所做嘅行為，係會令我反感唔想再要你囉…』

 

又或者佢做咗一啲好白痴嘅嘢，你都可以講類似話：『 唉，你咁樣我哋係冇可能一齊囉…』

 

換句話嚟講，你嘅潛台詞就係『我當正你係我將來嘅女朋友／老婆』嘅180度相反！

 

當你能夠有呢種F+C嘅氣氛，你喺每一個當下享受自己，

 

你展露你不在乎／indifferent嘅態度，你先至會有更大嘅機會溝到某條女。

 

所以唔該你傾後番個身，冷靜自然啲，擺佢上枱講下笑話『你同佢永遠都唔夾』，

 

同佢講佢真係你一個好nice嘅frd，假設佢有一啲你好唔鍾意嘅性格特質跟住列點佢出嚟等等。

 

繼續保持你鋒芒畢露／沉著應戰嘅雄性力量，

 

你唔需要咩pickup lines／魔術技巧／思維操控，女人都會慢慢被你吸引過去！

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

當你攞左女仔電話之後，你會唔會覺得之後要whatsapp佢或者打電話比佢約佢出街，係一件好緊張好困難嘅事呢？

 

你會唔會成日喺度諗，自己應該講啲咩，應該約佢做啲咩，並且如果佢reject你嘅約會，你應該點樣做呢？

 

點解咁多男人，每次想約女仔出街嘅時候，都會覺得係一種咁困難嘅事呢？

 

如果你有以上嘅疑問，你就要明白你有以上感受嘅『根本原因』。

 

＃1 你好可能冇其他女人嘅options

 

如果你坐咗喺屋企淨係得一個女人嘅電話號碼，又或者你已經好多年冇出去date，你好大機會都會特別緊張。

 

因為當你冇其他女人選擇嘅時候，你面前唯一嘅一個女人，就會突然變得十萬倍更加重要。

 

你就會自己喺度幻想，如果今次你衰咗，你嘅人生就會好坎坷。

 

＃2 亦都係因為咁，你投放太多重要性喺某一位女性身上。

 

當你誤以為遇上某個心儀嘅女仔係一百萬分之一嘅機會，

 

你就會好自自然然地將你哋之間嘅關係無限放大，你就會投放太多significance喺呢個人身上。

 

但係如果你根本唔算好認識佢，又或者根本你都未date過佢，未見過佢點同其他人相處，

 

你咁快就將佢嘅重要性提升十萬倍，根本就係一種摧毀自己嘅行為。

 

＃3 你覺得你需要去留下好印象，去impress呢個女仔。

 

呢個係對好多男人嚟講，非常致命嘅死因。

 

大部分男人都會潛意識地有種『去留下好印象』嘅心態同行為，

 

佢哋覺得約女仔嘅時候，一定要努力impress佢呢個『幸咗好耐』／非常合心意／完美嘅對象。

 

但係你估下，當一個女人見到一個男人咁try hard咁落力去impress佢嘅時候，女人心裏面係諗啲咩呢？

 

答案就係，佢就會覺得你有啲唔對路。

 

呢條仔肯定有啲嘢隱瞞緊， 又或者佢肯定對自己好無自信，所以先至會咁快就係咁追我。

 

＃4 你不自覺地依附喺呢個女人身上，並且幻想各種美好嘅可能性。

 

當你開始有太大希望或者預期嘅時候，你就會開始attach自己係某女人身上，你就會自己製造好多妄想不切實際嘅fantasy。

 

呢種嘅依賴性，呢種嘅飢渴，呢種嘅neediness，絕對會摧毀你任何溝到佢嘅機會。

 

你太快鍾意佢太多，係會令到你約會女仔嘅時候，做好多黐線白痴嘅錯誤。

 

我哋講咗咁耐，究竟有冇一啲長遠約女仔出街嘅成功方法呢？

 

答案就係，你無時無刻都應該增加自己嘅選擇，increase your options！

 

每次你認識咗一位心儀嘅女仔之後，最好嘅下一步，就係再認識多兩三四個其他心儀嘅女仔。

 

咁樣嘅話，當你同佢哋喺電話溝通或者想約佢哋出街嘅時候，

 

你都知道自己仲有好幾個其他選擇，其他potential dates去約出街。

 

因為現實就係：

 

大部份你遇上心儀嘅女人，都會因為某啲天時地利人和嘅原因，最後失去資格成為你可能嘅對象／伴侶。

 

所以每次你覺得『某一個機會千載難逢』，遇上合適你嘅女人係非常罕見，你自己又會變得needy ＆ desperate。

 

永遠增加自己選擇嘅對象，係一種長遠建立你溝女自信嘅好方法。

 

所以每次你約女仔嘅時候，instead of擺到明想約佢，

 

你應該同佢講你會準備做啲XYZ嘢，但係佢得閒嘅話可以join你。

 

例如：『Hey，我晏啲會去Starbucks溫書呀，你可以join我。』

 

如果佢猶豫不決嘅話，你只需要略略同佢講類似『好啦，你嘅損失。』等等嘅說話。

 

Anyway，今日嘅重點就係：

 

＃1 記得永遠增加自己options

 

＃2 約女仔永遠應該約佢做一啲你一早已經決定會做嘅活動。

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今日想好快教各位巴打一個鮮為人知嘅原因，點解好多男人出去date嘅時候死咗都唔知咩事。

 

首先有三樣細微嘅basic重點我想你記住：

 

＃1 女人係能夠直覺地非常精準地知道自己係咪『俾人追緊』；

 

每次佢感覺到你想喺佢身上得到某啲嘢，佢嘅身價就會頓時提升。

 

＃2 每當女人嘅身價開始提升嘅時候，

 

意思就係女人就會意識到你鍾意佢，佢就會開始吊高嚟賣，play hard to get，而你就會開始失去control，失去控制權。

 

＃3 當你開始失去控制，你嘅選擇好多時都一係『追佢再追得肉緊啲』（呢種行為更加會令到女人攞曬所有power），

 

你一係直接放棄。以上呢兩個選擇都唔會係你想要嘅嘢。

 

所以預防永遠勝於治療，

 

解決嘅辦法就係一開頭你要謹記，唔好放棄屬於你嘅dating power；

 

而其中一個最好嘅方法去keep control，就係永遠唔好約會期間主動畀晒錢。

 

當你唔再顯示傳統1-2-1男女約會，男人最後會比錢請女人食飯嘅時候，

 

你就能夠防止女人感覺你係『追緊佢』，防止佢覺得你處於求偶階段。

 

我當然唔係叫你『永遠唔好請女人食飯喇』，

 

我只係反對你有一種舊有傳統觀念，去利用『金錢／利益／著數』等等嘅外在因素，去嘗試令到女人鍾意你。

 

喺你一開頭認識／見面一啲有吸引力嘅女人嘅時候，你應該擁有咩心態呢？

 

最好嘅心態就係：

 

『呢個女人都好似幾nice嘅，不過我始終有保留。如果我真係想睇清楚啲，或者我都可以投資少少嘅時間金錢飲杯咖啡睇下嘅…』

 

明唔明？

 

你要畀佢少少嘅機會，去證明畀你睇，佢除咗表面幾靚女幾好身材之外，佢嘅性格人格道德操守仍然係一流先至得；

 

而你畀佢嘅機會，絕對冇需要要自己畀錢去一個完整嘅date囉！

 

再加上，如果你有『要畀錢去date，令到女人鍾意你』呢一種諗法，

 

你對女人嚟講一早就已經非常冇吸引力，你嘅態度同埋low self-esteem將會令所有女人厭惡。

 

你應該點樣做呢？

 

＃1 如果你真係控制唔到自己一定要畀錢請女人食飯，

 

唔該你至少用呢種心態，就係：『我想去呢間我最愛嘅餐廳食飯，如果你想嚟，我都歡迎你join我嘅。』

 

＃2 如果你真係決定去畀錢，至少你要講清楚你係為自己而去做，你唔係為條女而去做。

 

點都好，以上兩點都係唔係最好嘅策略。

 

約女仔出街最好都係creative啲，有創意啲，防止做一啲類似會同女人講『我願意花錢去得到你嘅注意力』嘅潛台詞。

 

所以instead of 傳統嘅dinner dates，

 

我比較主張你去做一啲social dates，做一啲一早已經包含有趣對話元素同刺激感嘅活動。

 

例如去一齊一大班人行山，略略喺某一啲較大型嘅公園行，

 

一齊去睇一啲藝術展覽，參觀一啲你身處嘅城市比較人少去嘅特色地區，又或者邀請佢去個friend嘅party。

 

因為講到尾，第一次就同一個『唔知你鍾唔鍾意』嘅陌生人，

 

一對一花幾個鐘坐喺一張枱食飯，最後唔知道你應唔應該畀錢定係AA制，呢種過時嘅策略已經失去效力。

 

所以唔該你依家花幾分鐘，諗下十種活動你係可以同女仔一齊去做；

 

而呢啲活動係唔需要點樣花錢甚至免費，但係裏面活動包含一啲有趣嘅對話，一啲冒險刺激嘅元素。

 

搞掂之後，你就馬上知道以後你任何嘅dates係應該做啲咩，並且防止自己再思考『應唔應該畀錢』呢啲無謂問題。

 

你哋之間嘅dates，亦都可以集中去玩／just to have fun，

 

而唔會令到雙方有好大壓力去『求偶』，玩樂期間亦都一早有好多有趣嘅對話元素係裏面。

 

最正嘅就係，你就能夠慳番好多錢，

 

首先投資喺自己身上，並且將來投資係一啲真係值得你投資嘅人身上。

 

希望今集幫到你！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第32集，

 

今集叫做 Her Complaint Is Content-Free，

 

女人對你嘅投訴，未必一定係投訴佢口中所講嘅內容。

 

作者意思係：

 

無論女人有咩特定嘅投訴或情緒，女人永遠經常都想要男人神聖嘅masculine presence，雄性嘅存在感。

 

女人嘅投訴係應該以『警告／警號』嚟看待，

 

但係男人必須盡力繼續將佢嘅生命，同佢真正嘅truth+purpose／人生真相+目的連成一致。

 

但係如果男人相信女人literal content／字面嘅投訴，男人就會馬上偏離自己方向，

 

因為其實女人字面嘅投訴，係反映佢當下嘅心情，多過係對你仔細觀察嘅投訴。

 

所以女人嘅complaints，

 

係應該被視作為一種『get it together／係時候改善自己』嘅提醒，多個係一種形容『有咩實質行動應該去做』嘅細節。

 

重點就係：唔好錯誤地輕易相信女人口中所講content，跟住對佢每一點嘅投訴作出回應。

 

如果女人投訴你哋之間財政嘅問題，好多時係因為佢感受到，

 

你缺乏咗屬於你嘅雄性力量，去清晰地／有意識地／有目的性地／有智慧地／正直地去direct自己嘅life，為自己繼續行正確嘅人生方向。

 

財政金錢只係次要問題，因為就算你呢一刻係貧窮無錢，

 

但係你係充滿意識嘅話，正直無懼開心充滿愛地貢獻最大嘅禮物比世界同女人嘅話，女人係唔會投訴你冇錢。

 

又例如，

 

如果女人叫你執下間房／洗下你自己嘅車，但係過咗成個禮拜你都冇咁做，佢投訴你其實唔係真係關於你間房或者車。

 

清潔嘅房或車只係表面嘅事情，

 

真正佢唔鍾意嘅係『你無做到你口講嘅嘢』，你冇『講得出做得到』，你冇做到應承自己嘅嘢，你缺乏integrity，

 

所以佢覺得自己唔能夠相信你，被你深深地hurt咗。

 

對你嚟講，你可能覺得佢神經緊張過份反應，只係一間房或者車啫！？

 

但事實係，

 

你冇follow through自己講過會做嘅嘢，

 

而男人口中嘅words，係顯示你雄性特質嘅core，顯示你雄性嘅目的purpose。

 

當你唔係一個『講完會盡力做』嘅男人，你嘅雄性core就係軟弱，

 

女人就會被你失望，唔再能夠相信你雄性嘅方向，對女人嚟講係一種好大嘅損失。

 

隨時間流逝，女人就會開始建立自己雄性嘅保護機制，去對抗你失去嘅integrity；

 

佢就會『硬化自己』，變得三尖八角同緊張，唔再能夠喺你面前完全放鬆信任你。

 

雌性女人嘅core就係energy同radiance，能量或者光芒流露。

 

所以因為你嘅lack of integrity，當女人唔再take care自己，

 

佢就會變得沉悶冇精神，佢就唔再能夠畀到你，你最渴望得到嘅雌性力量。

 

就好似男人係會被女人嘅feminine radiance吸引，

 

女人係會比你嘅masculine clarity，你雄性嘅清晰方向／正直感／存在感而吸引。

 

當女人投訴你成日睇電視係到hea，其實係求投訴你人生整體嘅生活缺乏持之以恆同清晰度，做人冇咩目的，

 

見你同佢一齊嘅時候又係『人在心不在』，缺乏presence。

 

重點就係：當你聆聽女人，你要視佢為預言家oracle，多過係一個顧問advisor。

 

女人通常以一種離題唔相干嘅方式去帶出重點，佢係會揭露你缺乏意識嘅習慣，一啲阻擾你喚醒自己意識嘅壞習慣。

 

如果女人唔能夠相信，你係以最deep嘅智慧同能力去彰顯自己生命，

 

佢就唔能夠相信你能夠帶領佢有最好嘅生命，佢就會慢慢地以靠自己嘅masculinity去補償。

 

所以如果你係愛你嘅女人，就唔該你根據佢表面嘅complaints，

 

坦白反思自己有咩地方係冇盡力而為，

 

坦白反思自己用咗幾多bullshit藉口冇活出自己嘅潛能，

 

跟住man the fvck up再次勇敢係屬於自己充滿目的性嘅道路上打拼！

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第31集，

 

今集叫做 What She Wants Is Not What She Says，

 

女人講嘅嘢未必係佢真正佢想要嘅嘢，即係話女人好多時都係口是心非。

 

作者意思係：

 

有時候女人會要求男人做某啲嘢，唔係因為佢真係想要某啲嘢，

 

而係去測試一下呢個男人係咪真係弱雞到真係會做呢啲垃圾嘢。

 

換句話講，女人係測試緊男人有冇能耐去做正確／啱嘅事情，而唔係女人叫你做乜你就做乜。

 

所以喺呢啲情況，如果男人真係做女人叫佢做嘅嘢，女人反而會變得失望同憤怒，

 

而男人就會完全死咗都唔知咩事，跟住喺度怨恨唔知用咩方法先至可以奉承女人。

 

身為男人嘅你要記住：

 

女人對你嘅信任，並唔係視乎你有幾完全滿足佢嘅要求；

 

女人對你嘅信任，係視乎你能否除咗喺佢嘅要求之外，

 

仍然能夠擴大愛，擴大你哋嘅consciousness／知覺／覺醒，同埋你哋各自喺生命上嘅成功。

 

作者之後畀咗一個真人真事嘅個案我哋。

 

喺不久嘅以前，有一個幾靜幾sensitive嘅男人喺度學習性力瑜珈。

 

喺呢種yoga裏面，佢要學識點樣喺佢高潮嘅時候繞過射精，

 

將佢被刺激嘅能量circulate／循環去身體其他部分同自己嘅心，令到自己有一個全身full body嘅高潮，而唔係平時嘅抽搐射精。

 

男人亦都要學識點樣釋放佢動物性嘅激情，而唔係做愛嘅時候成日太過平靜被動。

 

之後某一日，呢個男人同佢嘅老婆揸緊車，

 

經過一個公園嘅時候，佢哋不自主地決定停車，跟住走去附近隱蔽嘅草叢打野戰。

 

佢哋兩個都未試過喺戶外做愛，所以對佢哋兩個嚟講都係一種突破。

 

突然之間，男人意識到如果佢哋唔減慢啲，佢就會好快射精。

 

所以佢就同老婆講：『老婆老婆，唔得啦，我哋要減慢啲，唔係嘅話我好快射…』

 

但係個老婆un得更加快更加激烈，

 

跟住同老公講：『唔得，我要你喺我裏面內射！我想你用你嘅種子完全充滿我！』

 

跟住佢男人有百分之一秒，決定應該點樣去繼續，

 

最後只決定let it go，內射喺佢老婆裏面，滿足佢老婆嘅慾望。

 

搞掂咗之後，佢老婆個樣好似突然好upset，個男人就問佢發生咩事？

 

女人就好唔開心地答佢，話佢做乜喺佢裏面內射；

 

男人就好困惑，同佢講話：『你明明同我講，你好想我用我嘅種子完全充滿你㗎？』

 

女人就更加嬲地講：『係呀！但係我咁講都係想去睇下，你係咪真係咁strong可以去抵抗誘惑跟住say no咋嘛！』

 

男人覺得好空虛亦都好虛脫，因為佢感覺自己練習嘅性力瑜伽已經失敗。

 

佢知道當時嗰一刻佢唔應該內射，但係佢屈服咗喺佢老婆嘅意願；

 

而家佢老婆又好失望，因為老婆其實真正係想測試佢能唔能夠『做正確嘅事』，而唔係真係想佢射精。

 

因為如果男人能夠跟從自己意願喺關鍵時刻做正確嘅決定，

 

一切對女人嚟講都會更加色情，更加erotic，令女人更加能夠相信男人無論如何都會做啱嘅事情。

 

以上故事就完咗喇，重點就係：你嘅女人好可能會無時無刻都突然之間測試你。

 

女人最終極嘅慾望，係去感受你嘅完全意識／full consciousness，

 

你可以相信嘅正直／trustable integrity，

 

你不可動搖嘅愛／unshakable love，

 

同埋你對自己人生任務嘅自信／confidence in your mission。

 

但係好多時，女人係好少會直接問你以上呢啲重要嘅嘢。

 

女人係會寧願嘗試去distract你，嘗試去打擾你，嘗試去令你分心離開自己嘅道路／真相，

 

但係之後發覺佢唔能夠distract你，因為你能夠一路堅守自己嘅truth，一路去愛佢；

 

咁樣嘅矛盾之下，佢先至會真正覺得你愛自己+你愛佢。

 

如果你係一個弱雞男人，雌性女人呢一種三心兩意／口是心非嘅特質，口講想要一樣嘢但實質想要另一樣嘢，係會令到你好煩惱。

 

你可能會好嬲地怨恨：『點解啲女人唔直接話我知你哋想要啲咩？但係要口是心非，之後要我自己一個去估你想要啲咩！？』

 

如果你有呢種諗法，就代表你唔能夠明白女人係神聖feminine嘅化身，

 

而神聖feminine嘅化身絕對唔會妥貼於一個少於神聖masculine嘅化身。

 

神聖masculine嘅男人，就係你嘅consciousness，你嘅知覺意識，你係咪真正清醒；

 

一個超級男人，喺必須係任何情況之下，練習保持自己嘅full consciousness。

 

你嘅女人每一日都會叫你做不同嘅東西，

 

但係你絕對不能夠容許自己被搖晃，離開自己嘅truth／真相，離開你心裏面屬於你嘅道路！

 

喺女人所有表面嘅請求要求嘅深深處，其實係暗藏佢真正嘅慾望同需要：

 

女人係想要你充滿激情嘅完整性（fullness）去滲透佢，

 

女人係想能夠完全相信你不可動搖嘅愛，

 

女人係想骨子裏感受你神聖嘅雄性力量，感受你嘅存在 ／presence係比起任何令人分心嘅bullshit娛樂更加強壯。

 

所以女人係真正女神嘅化身，嘗試去奚落你，測試你，誘惑你，準備喺你流露軟弱含糊之際『斬你頭』；

 

但係亦都隨時準備，當你能夠充滿愛有意識地保持平穩鎮定，女人就會完全surrender投降於你。

 

所以身為男人，你要做嘅就係永遠保持自己最full嘅consciousness，最完整嘅意識。

 

永遠唔好咁膚淺相信女人表面所講嘅嘢，要記得去利用你嘅智慧同內心嘅真相，

 

去決定做最正確嘅事情，即使有時可能表面上係會令女人失望。

 

因為其實女人並不會真係失望，

 

當佢能夠感受到你係一個強壯清晰嘅雄性男人，能夠永遠忠於自己內心真正嘅道路去做人。

 

如果佢真係因為你內心嘅真相而對你失望，你都應該停止繼續同呢啲咁冇質素嘅女人一齊！

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

各位巴打可能留意到，

 

我係唔鍾意用『pickup』呢個term去形容溝女，

 

我亦唔認為一個真正具吸引力嘅男人係需要做一個PUA，先至可以溝到女。

 

所以今日想分享一個所謂『pickup 女人』嘅真相，一個好明顯但係99%男人睇唔到嘅溝女真相。

 

亦都係點解99%男人不斷重複犯錯，不斷自我毀滅原本對你有興趣嘅女人嘅機會。

 

首先就係，你應該可以睇到，

 

每次有機會認識某女性嘅時候，絕大部分嘅男人都係好畀心機／try so fvcking hard去impress女人。

 

大部分男人都會遲疑不決，口窒窒唔知應該講啲咩，

 

之後一係講太多嘢，一係就收曬聲唔識講嘢。

 

講嘢事講太快，又或者突然語言障礙講嘢講太慢。

 

總之佢哋傾計嘅時候，就會突然好緊張，非常formal／非常客套有禮貌地講嘢，令到成個對話好奇怪。

 

最後佢哋就會唔小心講咗先好lame嘅嘢，令到女人覺得佢有病想走人，

 

跟住個男人又會好緊張地致歉，嘗試解釋佢講嘢嘅真正意思。

 

Anyway，重點就係，每逢你見到想pickup女人嘅男人，

 

佢哋都係唔能夠自然地表達平時自己嘅行為，

 

佢哋都係太過小心謹慎地交際，

 

佢哋都係唔識得好似同best friend咁樣互相揶揄傾計。

 

所以溝女最大嘅地下秘密就係…

 

STOP trying so fvcking hard！

 

意思就係，

 

你必須停止『好努力地』去溝女，你先至能夠慢慢自然地溝到女。

 

當你唔再咁try-hard，當你一切表現得自然流露啲，你就唔會好似其他99%嘅狗公咁樣見到女就想衝過去食咗佢。

 

你就會開始對索女好似對返普通人咁，自然地同佢傾計，

 

自然地睇下對方係咪一個有質素嘅人，自然地好似識咗好耐嘅frd咁去玩吓佢挑戰吓佢。

 

咁樣你先至能夠攞返上把位，

 

你先至會開始假設自己係度努力地防止佢不斷溝你，你先至可以開始tease佢話佢喺你身上出招。

 

女人就會開始對你好奇並且一齊講笑，佢先至會覺得終於有男人可以正常地對返佢，並且開始覺得你與眾不同。

 

女人就會開始同你一齊進入輕鬆好玩嘅狀態，

 

唔再需要擔心去防止你不停嘅溝女攻勢，唔再需要擔心你不斷氹佢上床，唔再需要擔心你係另一個7頭做騷嘅PUA。

 

最重要嘅就係，當你唔再try so hard去溝女，

 

你就係話畀人哋知，你係一個絕對接受自己，舒服自然地表達真實自己既有自信男人，

 

you are just a cool guy who is comfortable in his own skin.

 

你控製到自己嘅現實，你活喺自己嘅現實，

 

你對自己的道路充滿自信，並且為未來嘅願景非常興奮；

 

因為你唔係其他99%嘅beta males，喺度重複做一啲悶死人冇意義嘅工作。

 

呢種就係自然地製造吸引力嘅方法，亦都係所謂『pick up』嘅最大秘密。

 

你越係努力去溝女，你越係try hard to get her，你越係溝唔到佢；

 

相反，你越係集中返喺自己身上，集中讓自己have fun跟住help others have fun，

 

集中地為自己講笑自high，集中毫不吝嗇地散發正能量，

 

集中成為一個同不同人都傾到計嘅社交領袖，

 

女人就會自然地被你嘅energy，被你嘅魅力，被你營造嘅氣氛吸引。

 

希望今集幫到你！