月份: 2017 年 7 月

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今日星期五，即係又嚟到weekend假期，又係一個離開屋企出去social嘅好時段。

 

問題係，你plan好咗今個星期出去邊度玩未呢？

 

我之所以咁講，係因為我見到有好多巴打好想溝女溝叻啲，

 

但係同時又好驚出去現實世界take action，運用佢哋喺MTFU所學嘅技能；

 

所以如果持續咁樣，係會嚴重影響你進步嘅速度，亦都係一個惡性循環。

 

因為你溝唔到女，好多時係因為你唔夠大膽take action；

 

而你唔出去現實世界嘗試，你就唔能夠鍛鍊自己更加大膽；

 

但係你唔出去嘅原因，又係因為你好驚預計唔到可能會發生嘅事情。

 

所以你學習嘅過程基本上冇開始過，

 

因為你想成為一個womanizer，先決條件就係你要習慣放自己喺身邊有女人嘅位置。

 

矛盾就係，你驚嘅時候就唔想出街，但係你唔出街又唔可以進步，

 

最後唯一可以做嘅，就係決定留喺屋企閱讀多啲，學習多啲。

 

雖然我好鼓勵你不斷學習不斷研究，

 

但係壞消息就係：單憑閱讀學習係唔能夠神奇地令到一個女仔坐喺你大髀上面un。

 

所以如果你係新手，

 

唯一一個我可以幫到你解決嘅方案就係，令到出去social出去玩出去蒲呢件事，變得簡單容易冇壓力。

 

所以我想你首先暫時放棄任何遙遠宏大嘅目標理想，

 

唔好覺得出去識女仔就係想搵到『十分有十分嘅完美女神做你女朋友』，

 

又或者出去social就係為咗cold approach女仔，

 

又或者希望能夠色誘佢跟住當晚即刻上床，

 

又或者同佢傾偈希望能夠攞到佢電話就為之成功等等。

 

以上呢啲『目標性』嘅嘢，暫時對你嚟講都係不切實際，

 

只會令到你太大壓力，減低你出去social嘅意欲。

 

Instead，你係應該定下一啲比較細嘅暫時性目標，而我想你記住你嘅目標有三個。

 

第一個目標就係：

 

喺任何social嘅環境場合或者夜場裡面，能夠正常地運作，感覺自己喺嗰一個環境自然地function。

 

第二個目標就係：

 

喺任何social嘅環境場合或者夜場裡面，能夠正常地同某啲人有正常嘅對話交談。

 

最後第三個目標就係：

 

喺任何social嘅環境場合或者夜場裡面，能夠同某一個女仔或者某一班女仔正常地傾計五分鐘，而唔會感到緊張或者負面。

 

只有當你做到以上三個簡單目標嘅時候，

 

首先能夠正常喺某個場合正常運作，

 

之後能夠正常地同某個人有簡單嘅對話，

 

最後能夠同某一位女仔正常地傾計五分鐘，

 

你先至能夠邁向，將來能夠色誘你睇上眼嘅高質索女嘅現實。

 

所以今集就係咁精簡，麻煩你依家即刻寫低你想開始係邊一個場合簡單練習，

 

唔好再留喺屋企學習，今個星期開始出去同人social並且識下女仔喇！

 

希望今集幫到你！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

各位巴打，琴日講關於James Bond嘅教學片係咪好正呢？:D

 

你仲未睇嘅話，或者想我遲啲拍多啲類似嘅片嘅話，

 

你就記得入去睇番段片like完再留comment比我喇！

 

另外我最近亦都發現，

 

有唔少巴打問我類似『究竟我要花幾多時間，先至可以溝女溝叻啲快啲？』嘅問題。

 

呢啲問題令我諗起，

 

好多時學習任何技能嘅初階／發現新大陸嘅同學仔，都好想盡快完全掌握某一種新技能跟住『畢業』；

 

無論係打波勁啲／攞first hon畢業／考執業試／考車牌／空手道攞黑帶／彈琴演奏級等等，

 

我哋都好想盡快『過關』之後再移去下一個目標。

 

所以今日我想分享一個故事，去提醒你除咗要定下宏大目標之外，

 

你亦都必須享受『溝女進步』呢一趟旅程，你聽完之後就話我知你有咩感想。

 

故事就係講喺日本，有一位年青人好想成為一個日本最偉大嘅武術家。

 

因為佢知道要達成呢個目標係好困難，

 

所以佢就千方百計去尋找日本最好嘅師父，一個幾千公里外好遙遠嘅師父。

 

 

過咗好幾個月嘅資料搜集同旅程，喺佢鍥而不捨嘅精神下，終於搵到呢位師父。

 

呢位師父就問呢個年青人：『你究竟想從我身上學到啲咩呀？』

 

年青人就答佢：『我想你教我你識嘅功夫，協助我成為日本最頂尖嘅習武高手，

 

但係我都有一個問題，就係我究竟要學習幾耐先至可以達到呢個目標呢？』

 

咁呢位師父就答返佢：『至少10年。』

 

咁呢位年青人就心諗『Larn De!? 十年咪好耐！』，

 

佢想再快啲可以達到目標，因為覺得自己冇乜時間剩，

 

 

所以佢就同我師父講：『咁如果我比任何人努力兩倍，又會需要花幾多時間呢？』

 

 

跟住師父就答返佢：『努力兩倍嘅話就要至少20年。』

 

年青人唔忿氣再問：『下？仲多咗嘅？你玩戇我呀？

 

咁如果我用盡我所有努力，日以繼夜夜以繼日去練習，咁又會花幾耐先至可以變成日本No.1呢？』

 

師父就講話：『30年。』

 

年青人覺得好困惑，唔明白點解師父點解越講越長 ，

 

所以最後就問師父：『師父師父，點解每次我同你講我越係勤力用功，即係花時間去鑽研練習，你就同返我講係需要更多時間呢？』

 

師父最後就答返佢：『年青人，答案其實好簡單啫。

 

當你有一隻眼集中喺你最終嘅目的地，咁你就淨返一隻眼去集中睇你嘅路途上面，去搵到自己正確嘅方向，

 

你又點會進步得比其他人更加快呢？』

 

故事就好快完咗喇，個重點就係：

 

當你有一半嘅注意力喺放喺你嘅目標上面，你就剩低只有一半嘅注意力去集中喺你必須經歷嘅練習階段。

 

你要記住，

 

任何嘅旅程，任何嘅理想，任何嘅遠景都係需要龐大嘅effort／努力去實現；

 

但係更重要嘅係，更加需要你嘅耐性／patience去令到某一件事，實現喺你眼前。

 

如果我哋只有努力effort而無耐性patience，又或者只有耐性而無努力，我哋都係唔能夠達到目標。

 

缺乏耐性patience = 你會嘗試再嘗試，

 

 

但係當你見唔到想要嘅成績，或者覺得成績嚟得太慢，你就會好憔悴困惑，跟住覺得好攰，好容易放棄。

 

 

相反，缺乏努力effort = 你永遠都係半桶水／吊兒郎當地去做某件事，

 

 

你一樣係冇必需要嘅責任感／commitment去100%投入，令一件事變得完滿。

 

 

無論你係想溝女溝得勁啲容易啲，返學讀書想考好啲成績，

 

定係你想練習meditation鍛鍊控制自己嘅情緒，又或者係去成為下一個打MMA嘅Conor Mcgregor，

 

你都係一定要有耐性加努力練習，先至有機會攀越人生嘅巔峰，接著另一個巔峰。

 

希望你get到今集嘅重點，

 

所以如果你仲未睇琴日嘅James Bond《Spectre》開場溝女分析片，

 

你喺度做乜撚嘢！？

 

快啲去仔細研究呢一段26分鐘嘅詳細教學，之後再畀個like同comment我啦，

我哋聽日再講！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

咁多年嚟，James Bond喺幾乎所有男人嘅男神，

 

因為佢每一次嘅出場，佢都係又打得又睇得又屌得，

 

喺女都冧死，係所有男人都想做到嘅Alpha Male。

 

Just saw this clip yesterday, rmb how stunning it was when I first saw it in cinema.

 

One of my favorable scenes, definitely we should 模仿 his behaviors。

 

今日就會同大家分析一下，

 

2015年《Spectre》一開場嘅時候Jame Bond係有啲乜嘢行為特質咁吸引女仔，

 

相信大家今日亦都會獲益良多！

 

 

There’s 9 specific learnable behaviroal traits you’ll want to learn.

 

 

＃1 White Suits Guy High Status WALK (00:20-00.47)

• Heads Straight like a line
• Comfortable Walk
• Stick = symbolic power
• Head never fidget

 

 

#2 Patience + Unreactive (00:20-0:50)

• Bonds hands comfortable in front, not back!

 

#3 LEAD her + left hand 拖手without even fvcking looking！ (0:50- 1:10)

－ Eyes on his prize
－ Beware of enemies (1:03)

 

 

#4 拖手note (your thumb over her thumb) (1:10-1:30)

• fvcking STRAIGHT body language, head straight
• NOT beta male playing phones/ fidgeting
• 100% present +alert + beware of enemies (1:39-1:44)

 

 

#5 She starts to SEDUCE him (1:47)

• No response from Bond, use her breast, but Bond still alert on MISSION
• 咬耳仔 (1:58- 2:05)
• She did sth good (got key?), bond looks at KEY first (2:03) !
• Turn body, Reward her with your ATTENTION slightly, SHE touches his body (2:04-2:15)
• Her Seductive Look (2:18-2:25)
• Immediate Mission Mode, Be Alert (2:26-2:30)

 

 

#6 Escalation, Build Tension (2:30)

• Tension, NOT breaking eye contact
• Slow, walk slowly to her, dominant presence  (2:30-2:40)
• Her eyes look down and up (mouth, she wants to be kissed!) (2:37-2:38)

 

 

#7 Kissing

• NOT hurry, NOT suffocating
• Stop 2-3 secs, before kiss (2:40-42)
• BETTER if Bond pulls away, but she pulls away, but BOND remains unreactive  (2:45)

 

 

#8 She wants to get fvcked, but she can’t (2:51-3:00)

• 諗住十拿九穩，but SHOCKED that Bond is leaving

• Bonding is MOVING already
• She asked where are you going, Bond said “I won’t be long”
  =>Meaning, my MISSION is No.1, I will get it down first, then I will come back and fvck the shit out of you 😉

#9 Fvcking Badass Mission Mode Walk (3:04)

• Eyes Always on target when preparing
• Heads always up, even needs to tidy collar
• Steady no-fidgeting pace
• 100% present on moment, Be alert to see if any enemies behind (3:38)

 

 

Let me know if you want MORE of these kinds of 溝女分析，now go PRACTICE the above! 🙂

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

最近有好多巴打問我，

 

類似『同女仔傾計應該傾啲咩？點樣防止deadair？遇上deadair點算？』等等嘅問題。

 

所以今日有一個小貼士畀你，教你可以點樣對住女仔傾計傾耐啲。

 

首先想講嘅就係，一個良好對話／conversation嘅來源可以有三個地方：

 

＃1 我最唔主張嘅死記硬背scripts，一啲你一早預備好嘅lines／routines。

 

＃2 你自己製造嘅scripts，一啲你發現自己成日講嘅嘢。

 

例如有時你出去發覺心情好嘅時候，無啦啦諗到一啲特別搞笑嘅嘢或者有趣嘅故事，

 

你就可以儲低呢啲材料日後有機會講。

 

 

＃3 我最主張嘅自然流露，好多時候都係你個腦諗到乜就講乜，完全冇壓力地講你想講嘅嘢。

 

 

今日就等我教你點樣可以利用natural flow，等你咩情況場合都可以同女仔傾到計。

 

第一樣嘢你要需要做嘅，

 

就係列出五至十個大topics你係好舒服／好有信心／完全冇問題地去講嘅。

 

呢啲話題係應該一啲你充滿passion，充滿熱情嘅話題，

 

又或者一啲你好熟悉或者擁有好多知識嘅話題。

 

只要你係對個topic好熱愛，無論係咩話題都冇問題。

 

因為女人唔係真係對你嘅information／資訊有興趣，

 

佢哋更有趣嘅，喺你用乜嘢方法點樣去表達自己，點樣express自己嘅情感。

 

所以如果你係一個正常人嘅話，

 

你一早已經有好幾個topics你係可以講得舒舒服服，你好有信心去講，只係你唔比自己permission去自然流露。

 

第二樣嘢你需要做嘅，

 

就係學識點樣去transition／過渡去你呢啲強嘅topics之中。

 

最好嘅方法就係用一條『你有冇試過XYZ…』嘅問題去做。

 

譬如你可以喺任何時候，問個女仔：『啊，話時話，你有冇去過夏威夷呀？』

 

或者『啊，你有冇試過玩yoga啊？』

 

你用咁樣方式去過渡，係會導致佢更加容易personally投資落你嘅topic之中。

 

所以只要你有五至十個topics去講，同埋一個簡單容易嘅方法去transition，你傾計嘅基本功已經唔錯。

 

第三樣嘢你需要學嘅就係叫做『Bridging／搭橋』。

 

意思就係將原本你哋兩個講緊嘅topic，連繫到你嘅strong topic，跟住將成個對話轉換到你嘅strong topic。

 

譬如你講最近有咩電視劇好睇係好渣嘅，但係你講行山去旅行好叻嘅。

 

咁你就可以講類似：

 

『 射鵰好好睇呀？我書就有睇過，不過電視就冇睇過，佢哋今次好似喺大陸拍㗎呵？

 

講開大陸，你有冇去過西安嘅華山呀？ 嗰次呢，我同幾個friend去咗行華山，雖然就見唔到啲人喺度華山論劍，不過超正呀…』

 

好嘞，你肯根據以上三點去做，你就有曬同女仔傾計嘅基本功。

 

重複多一次：

 

＃1 知道自己擅長講嘅5-10 strong topics

 

＃2 用『你有冇試過XYZ…』嘅問題去transition／過渡

 

＃3 用『Bridging／搭橋』技巧將對話重新集中喺你嘅強topics之中。

 

呢三個就係你學識同女仔傾計自然流露嘅基本功，

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第22集，

 

今集叫做 Stay With Her Intensity －To a Point，有限度地陪著女人走過困局。

 

作者意思係：

 

當一個女人情緒變得波動，平庸嘅男人係會想令佢冷靜啲，跟住同佢有商有量；

 

或者完全唔理佢離開，等佢發完癲有意識之後先至再返嚟。

 

 

相反，

 

一個超級男人，係會用佢『沉住氣嘅愛』同『堅定不移嘅知覺意識』去penetrate穿透佢嘅壞心情。

 

 

但係過咗一段時間之後，如果呢位女士仍然拒絕以愛去活得更加精彩，男人係時候考慮let her go。

 

 

如果你好似大部分男人，你好可能好驚女人發癲或者飄忽嘅情緒。

 

你可能會問自己

 

『點解女人咁複雜㗎？究竟佢有咩問題呢？點解永遠佢可以咁三心兩意呢？』

 

 

佢嘅發癲實在太理解唔到，實在太黑暗，令到你好反感。

 

 

同一時間，你發現一部份嘅自己，

 

原來都有啲驚女人可以咁wild，咁瘋狂，咁放蕩胡亂，咁激動，咁無根無據。

 

簡單講，

 

大部分男人都好驚甚至厭惡雌性女人嘅emotions，亦都係點解你嘗試去修理fix佢哋，或者逃避佢哋。

 

要明白，其中一樣雌性女人最享受嘅快感，

 

就係當一個男人能夠喺女人情感風暴發癲嘅時候，仍然能夠stand full，仍然能夠100% be present，仍然能夠情緒絲毫不受影響。

 

 

因為『The way you relate to your woman’s chaos reflects the way you react to the chaos of the world.』

 

 

意思就係，你點樣去回應／連繫女人畀你嘅混亂，反映你點樣去回應／連繫世界俾你嘅混亂。

 

如果你係嗰一種需要咩都整整齊齊／乾乾淨淨／安安全全放喺一個小盒子裏面，

 

咁你亦都會嘗試去box住女人嘅情感，嘗試去限製女人嘅expressions。

 

又或者如果你係嗰種寧願請其他人去幫你處理你啲蘇州屎(e.g. 財政狀況)，你都好可能寧願畀其他人去處理你女人嘅混亂。

 

但係其實你可以訓練自己去master the world，去克服控制你嘅世界，

 

只要你學識點樣喺女人情感發癲嘅時候，繼續保持unreactive，繼續保持自由，繼續去愛。

 

做嘅方法就係stand on your ground，堅定不移地釋放更多嘅愛，繼續分享你作為雄性男人最大嘅禮物。

 

就好似一個優秀嘅船長一樣，遇上海洋嘅風暴大浪嘅時候，

 

你係需要結合雌性非常有威力非常驚人同時可怕嘅能量，一齊去感受高高低低嘅起伏，集中留神地去經歷呢場困境。

 

你好可能會被錯誤嘅掌舵踐踏， 你可能會被海洋吞噬，你可能會被你嘅女人傷害，

 

但係呢啲亦都係你學習成長嘅必經階段。

 

 

之後你要起身，拍乾淨自己，遊返上岸，跟住轉身再次面對你海洋般嘅女人。

 

 

你嘅選擇就只有fear／恐懼或者mastery／征服。

 

 

你可以放棄，你可以選擇淨係海洋平靜，無風無浪嘅時候先至面對女人；

 

 

又或者你可以將嗰一個時刻化為挑戰，睇下自己有冇能力去以愛征服女人同世界。

 

 

記得保持詳盡嘅呼吸，保持你強壯嘅身體，保持你100%活在當下嘅attention。

 

 

無論你嘅女人講或者做啲乜嘢，give her love。

 

 

用盡你一切方法去打開『佢嘅關閉』，讓你嘅愛打開佢嘅心，

 

學識享受佢嘅憤怒／佢嘅眼淚／佢嘅沉默，因為世界亦都會喺適當嘅時候俾相同嘅嘢你。

 

 

人生嘅遊戲就係找出任何情況嘅可行性，去利用愛去轉化時機，喺每一個當下都分享你最大嘅禮物，

 

 

同時對任何結果完全冇依賴性，

 

因為你知道所有嘢都係會有升有跌，有高有低，有起有伏。

 

當你發現自己冇意欲去逃避或者得到某的結果，

 

當你發現冇嘢再可以限制你嘅自由或者愛嘅能力，

 

你就知道你已經成功征服女人同世界！

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第21集，

 

今集叫做 Don’t Suggest That a Woman Fix Her Own Emotional Problem，唔好叫女人自己處理佢嘅情感問題。

 

作者意思係：

 

叫一個女人去分析或者修理自己嘅情感，其實係否定佢作為雌性女人嘅本性；

 

因為講咗好多次，雌性女人嘅core就係純粹能量嘅流動，好似大海咁樣變幻無窮。

 

佢可以學識祈禱，佢可以學識打開自己嘅心，佢可以學識放低佢嘅武器去相信愛，

 

但係你『分析佢嘅問題』係永遠唔能夠『fix／修理佢』。

 

身為男人，我哋係可以透過分析自己問題去認識自己。

 

其中一個最好成長嘅方法，

 

就係用我哋明辨是非嘅能力，去感受生命有乜嘢痛楚，從而知道有乜嘢你係需要徹底改變。

 

例如，

 

你可能唔鍾意你份工，仔細分析完之後，發覺原來係因為你老闆利用你而你又唔出聲；

 

所以你決定最好嘅方法係step up，鼓起勇氣同佢講啲嘢；

 

無論結果係點都好，你條氣都順番曬，

 

你亦都學識原來坦白同老細講你嘅感受係好重要，問題解決。

 

 

但係對住女人嘅時候，你用同一個方法就可能唔work。

 

例如你唔滿意你嘅婚姻，分析完之後，你發覺如果你老婆煮多啲飯，同你按摩按多啲，你就會開心啲。

 

之後因為你覺得愛情係雙向，所以你就主動同你老婆講你想要啲咩，

 

並且問佢究竟佢想要啲咩，你叫佢諗清楚之後話你知。

 

對男人嚟講，呢種處理方式好公平吖呵？

 

但係對女人嚟講，佢係唔鍾意咁樣。

 

因為雌性女人真正想要一個能夠自己明白佢嘅男人，佢想要一個唔需下下問佢要啲咩+愛佢嘅聰明男人。

 

其中一樣最深層次嘅雌性女人慾望，就係唔需要下下引導男人，

 

唔需要下下直接話畀男人聽佢想要咩，而可以完全放鬆信任男人帶領佢嘅方向。

 

你能夠唔需要問佢嘅情況下，提供一個清晰嘅direction，係作為男人畀女人嘅最大禮物。

 

所以如果係男人生日，女人幫你做你鍾意嘅嘢你會好開心。

 

但係如果女人生日，你又同佢講『佢生日大曬』『佢揸主意』『佢叫你做咩你都會願意做』，

 

呢種絕對唔係女人想要嘅嘢！

 

女人係會寧願聽到你講話：

 

『你依家有半個鐘執行李，唔好問我哋去邊，但係今個weekend我哋會係一個好正嘅地方，我已經plan好曬。快啲執行李，跟住跟我走。』

 

講多次，

 

其中一樣最深層次嘅雌性女人慾望，就係能夠完全放鬆完全投降，讓佢嘅男人take care曬所有嘢。

 

咁樣佢先可以無拘無束，做返雌性嘅自己，隨著能量流動，隨著愛流動。

 

 

就好似大海一樣，雌性女人係想有威力地隨波逐流，但係冇一種特定嘅方法。

 

 

而雄性男人就係需要起一啲河道／大壩／船隻，結合雌性女人嘅大海力量，一齊由A點去到B點。

 

 

雄性男人選擇咗一個目的地，就會向嗰一個方向邁進；

 

 

雌性女人雖然冇方向感，但係佢嘅力量係非常龐大，變幻莫測，美麗同時有摧毀性，係生命嘅根源。

 

 

所以如果你要求女人去邏輯地分析佢嘅情緒或者特定情況，你就係叫佢以一種男人方式去處理事情；

 

 

佢當然可以做得到啦，更可能做得比你更加好添，但係咁樣佢唔開心囉。

 

一個開心嘅女人，係一個能夠放鬆自己身同心嘅女人。

 

 

當你叫女人去分析自己嘅情感，就好似喺海洋某一部份建立圍牆，將佢變成渺小被限制嘅游泳池。

 

 

游泳池當然係安全啲，當然係可以準確預測到，

 

但係同時亦都缺乏生命力，缺乏美麗嘅流動性。

 

就好似女人逼你去睇愛情小說，肥皂劇或者無限個愛情故事，

 

間唔中睇下都okay嘅，但睇得太多你都會開始怨恨佢。

 

雌性女人嘅priority喺關係之中有冇愛嘅流動，

 

雄性男人嘅priority喺你嘅purpose人生目的+direction／人生方向。

 

 

雌性女人嘅自由，就係完全『墮入愛河』之中，未必係你嘅愛，而係佢哋用佢自己嘅生命被愛嘅力量充斥。

 

 

雄性男人嘅自由，就係完全喺自己嘅人生目的／任務／使命上面打拼，有目的性地闖完一個難關再闖另一個難關，不斷penetrate不斷穿透世界。

 

 

所以最好嘅方法去『伺候／serve』女人，

 

就係協助佢去surrender，協助佢去相信愛嘅力量，協助佢打開個心去完全地感受愛嘅流動，

 

而唔係喺度邏輯分析有咩障礙阻住佢嘅愛！

 

請你容許女人繼續做一個無邊無際嘅海洋，

 

鼓勵佢自由啲，鼓勵佢瘋狂啲，鼓勵佢無拘無束啲，

 

 

讓佢嘅情感同愛無限制無邊界地釋放！

 

希望今集幫到你！

Yo！又嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

我不妨開門見山同你講，每一個人都必定會喺某一個位『被女仔拒絕』。

 

我唔理你而家溝女有幾勁，我唔理你練咗幾多，冇人係能夠每一次都溝到某一條女嘅。

 

如果你想成為一個ladykiller，

 

但係你又驚rejection或者尷尬，咁你就對成功嘅過程充滿太多不切實際嘅fantasy。

 

想溝女成功，先決條件就係能夠handle一啲對大部分人尷尬嘅情況。

 

如果因為尷尬或者social pressure阻住自己，你好可能仲未有決心取得驚人嘅成就。

 

無論你想成為一個食好多嘢嘅player，定係淨係想要一個女朋友開開心心，

 

你都係會面對排山倒海嘅挑戰，永遠都唔會完嘅challenge，所以你一定要習慣overcome任何困難。

 

我成日都聽到有人問，有冇啲100%會work嘅開場白或者技巧去溝女或者成功。

 

事實就係，你問得有冇100%成功嘅開場白，就係意味著你害怕失敗，

 

你害怕不可預測嘅uncertainty，所以你嘗試play it safe，表面上穩穩陣陣地去做嘢。

 

但係女人係唔被『穩穩陣陣／play it safe／輸少當贏』嘅人吸引，

 

女人係鍾意大膽有guts搏盡無悔止贏家！

 

要明白，你屋企出面喺有與眾不同嘅女人。有啲可能同你好夾，有啲可能同你好唔夾。

 

聽清楚：你開場白嘅目的，並唔係希望令到每一個女仔都同你傾計！

 

你開場白嘅目的，係盡快揭露呢條女係咪有足夠嘅質素，可以成為同你長遠相處嘅人！

 

你approach佢，就係想盡快令佢顯示佢嘅真面目真性情；

 

你絕對應該篩選佢哋，並且盡快踢走一啲唔適合你嘅低質素人類！

 

所以如果你接近女仔開口同佢傾偈嘅首要目的，係為咗篩選評估佢，

 

你散發出嚟嘅能量女人係會feel到嘅，佢係會被你吸引。

 

原因就係因為你approach嘅動機唔同咗。

 

你唔係因為驚樣衰所以淆底冇approach，你唔係因為你嘅ego／自我／想威俾人睇你可以溝到所有女所以approach；

 

你approach嘅motivation喺源自一個有自信嘅信念：

 

就係你相信世界出面，係有足夠嘅高質素女人會同你夾得到，

 

依家你只係感覺下，你主動認識嘅人，係咪嗰一個幸運嘅女人，比你揀到。

 

你有呢種心態，你唔覺得係有威力，有自信好多㗎咩？

 

再講，建立你嘅厚面皮係一個做任何嘢成功嘅必要條件。

 

你每一次approach，你都會一開頭遇上三個情況：

 

＃1 女仔被你吸引

＃2 佢reject你唔理你  

＃3 傾咗半個鐘計最後零收穫

 

女仔被你吸引當然係最理想嘅情景啦，

 

但係至於option＃2 #3，你會寧願被佢即時拒絕，定係浪費30分鐘講埋一啲平平無奇嘅野最後零結果呢？

 

我就寧願畀佢狠狠地reject喇，因為被拒reject係能夠賺取返30分鐘嘅寶貴生命。

 

對我嚟講30分鐘係好撚珍貴。

 

30分鐘可以溝另外一條更索嘅女跟住可能帶佢走，

 

30分鐘可以學習一樣將來能夠賺幾百萬嘅課堂，

 

30分鐘可以同一位好耐冇見嘅朋友建立返親密嘅連繫，

 

30分鐘可以好快跑6km做吓帶氧運動促進血液循環，

 

就算我坐喺度乜都唔做，我都可以做30分鐘meditation，練習男人必須要有嘅presence。

 

所以如果條女真係零反應，收細聲，明顯地好悶；

 

你係咁問佢問題，佢又淨係答你兩個字，佢啲friend又喺度望住你笑。

 

咁個問題好可能唔係喺你身上囉，係條女本身係一個悶蛋，你唔會想佢黐住你囉！

 

一個唔識得傾計，唔識得講笑，唔識得幽默，唔識得social，

 

害怕冒險玩一啲新嘅嘢，害怕享受上床嘅女人，你都唔會想要佢喺身邊啦？

 

要明白，有問題／有情緒病嘅女仔喺任何國家都有唔少，

 

你approach嘅首要責任就係做一個selector／選擇者，filter曬呢啲渣宰，隔離曬有心理問題嘅痴線女囉！

 

最後，你應該點樣處理被拒絕呢？

 

你最唔應該做嘅，就係灰曬頹曬好唔開心，夾著尾巴走人。

 

你應該做嘅，就係完全唔care呢啲小事，更加要感激呢條女送番寶貴嘅30分鐘生命畀你。

 

好多男人都怕尷尬，怕俾其他人見到你畀女仔reject，令你喺嗰一個場合嘅價值下降。

 

但係記住，embarrassment is a choice，尷唔尷尬係你嘅選擇。

 

因為喺幾尺距離之外，根本冇人知道你比條女拒絕。

 

睇落去就好似兩個認識嘅人互相傾計，跟住其中一方或者雙方，轉移佢哋嘅注意力去其他東西上面。

 

而防止自己價值下降嘅方法有兩個：

 

＃1 唔好迫條女繼續同你傾計。

 

當佢拒絕你或者有禮貌地同你講『Nice to meet you』，

 

你只需要答返佢『Nice meeting you too』，跟住停留喺你嘅位置，唔使即刻雞咁腳走人。

 

你只需要轉身，將你嘅背脊面對佢，轉移自己嘅attention。

 

保持正面保持放鬆，或者攞佢隔離張櫈坐，但係身體面向其他地方，搵下下一個目標。

 

你咁樣做，其他人根本唔察覺你被reject，你睇落只係兩個人傾完計。

 

＃2 另一個選擇就係唔好停低係咁諗嘢，因為通常你越諗就越負面。

 

你只需要拎向右面／左面，跟住馬上用返頭先你用嘅開場白喺下一個你見到嘅女仔身上面，咁你就唔需要比你嘅負面思維搞到你嘅情緒越嚟越差。

 

只有當你持續不斷地take action，有行為上嘅實質行動，

 

你先至能夠繼續提升自己嘅自信心，繼續修煉自己嘅inner game。

 

要記住，你係會寧願選擇畀50%嘅女仔reject但係另50%對你產生吸引，

 

都唔會選擇100% 同任何人都開到場白，但係條條女對你都係中性，冇咩性趣。

 

唔好再被『尷尬』限制自己想要嘅嘢啦，

 

係時候厚面皮啲，攞番你兩粒蛋蛋，

 

and go for what you REALLY REALLY want！

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

好幾個月前，我拍過一條片叫做『點解港女對你咁撚串？Why Women Act Cold Or Bitchy？』

 

最近收到一位巴打嘅留言，唔太同意我條片嘅睇法，

 

覺得啲女成日bitch face好冇禮貌，做人好低賤，

 

淨係識得係高富帥嘅仔面前拆曬鞋，含曬撚咁。

 

佢認為，尊重人係基本禮貌，

 

就算你心情唔好，都唔應該對一個陌生人咁冇禮貌。

 

所以呢位巴打想請教我有冇咩可以再指導一下，應該用咩心態面對。

 

好好嘅一條問題，

 

我亦都非常之同意， 尊重人係基本禮貌，唔應該對住陌生人西面咁冇禮貌。

 

我亦都同意，間唔中你係會無可避免地遇上一啲『明明好聲好氣同佢傾計，跟住受人氣』嘅人類

 

（男又好，女又好，年紀大嘅阿伯阿婆又好，細路仔又好）， 會覺得唔服氣。

 

 

Well，關於西面，我有以下嘅重點想帶出：

 

＃1 正如我剛剛所講，『西面』唔係女人嘅專利，

 

其實『男女老少多富窮，外死動植飛職攝』（蕭源）全部都係會有機會西你面。

 

你有冇試過好聲好氣問老豆一啲嘢，佢無啦啦好大反應發脾氣吖？

 

你有冇試過用盡一切方法氹細路仔笑同佢玩，佢下一秒無啦啦唔鳩睬你當你冇到吖？

 

你有冇試過好有禮貌地邀請人哋買旗，跟住條友當睇你唔到行開咗吖？

 

冇禮貌嘅人，又何嘗只係一位陌生女子呢？

 

所以首先嘅心態就係，唔好咁快用一個框，框住你自己嘅思維，

 

概括化地覺得『港女=西面=冇基本禮貌

 

=唔識尊重人=冇家教=下流賤格=雞全部都係雞=將來冇人要抵撚死』。

 

 

＃2  『西面』嘅出現好多時都係Context-Based，即係好取決於你同佢初次接觸say hi嘅當時場合環境。

 

 

你估下如果政府安排條女要見習總，佢仲夠唔夠薑西面吖嗱？

 

 

你估下如果佢明知道你係當日搞event嘅大粒搞手，佢夠唔夠膽對你冇禮貌吖嗱？

 

 

又或者係，如果佢見你喺個bar／club裏面不斷同唔同嘅人傾計，好似個個都識，到你走去同佢傾計嘅時候，佢夠唔夠吉士唔撚理你吖嗱？

 

 

所以其實對話嘅Context係好重要，你要留意一下你當時係處於一個咩環境下開口同佢講嘢。

 

 

如果係一個social嘅地方（e.g. 聚會／群體活動／networking event），女仔係甚少會唔識趣地西你面。

 

 

＃3 如果你喺星期五六晚夜媽媽出去蒲識女仔，出現『西面』嘅機會率係會大大增加。

 

原因就係：條女一早假設咗你落場玩都係想溝女，你行得埋去傾偈都係唔單止淨係想『做個朋友』咁簡單，

 

再加上佢化曬妝戰鬥格咁樣，佢好難唔覺得自己係女神喎！

 

 

所以你喺嗰一個地理環境之中，喺嗰一個『只歡迎男人洗無謂錢』嘅場合，

 

你嘅起跑線根本處於一個劣勢，而所有嘢都係支持『女人靚女人索就得』嘅概念，

 

 

就算你有好精湛嘅技能，你都係好難完全扭轉大環境嘅局勢夠喎。

 

 

＃4  『啲女見到高富帥就流晒水』咁又有咩問題？

 

你見到36D 175cm 有樣有身材嘅辣妹咪又係流晒水？

 

你咪又係對一啲冇樣冇身材嘅女冇性趣？

 

你係咪好肯定當一件豬扒向你拋頭露面，不斷同你傾計，展示興趣嘅時候，

 

你係願意好有禮貌充滿微笑地同佢情感交流傾計半個鐘，眼白白睇住其他索女喺你面前走曬先？

 

如果你做得到，我好欣賞你嘅捨生取義。

 

但係如果唔係，說穿了，其實我同你週不時都會瞄人，

 

週不時都會『睇唔起』一啲冇乜價值嘅人，

 

週不時都會唔想同一啲『有禮貌但係感覺太chur太hardsell嘅人』傾計囉！

 

就算有時道德上我哋知道唔應該咁做，但係有時我哋都係控制唔到地做咗先／西佢面先，之後先再懺悔。

 

＃5 最後就係，除咗你選擇係咩環境場合同人傾計，

 

除咗任何人都會有機會西你面，除咗係人都鍾意望一啲外表靚嘅嘢，

 

只要你能夠subcommunicate你係一個高價值高地位嘅男人，女人根本就唔夠膽西你面。

 

你要問自己嘅就係：

 

喺你approach個一刻你嘅body language係透露緊啲咩呢？

 

你當時講嘢嘅聲線有幾響亮有幾清晰肯定呢？

 

你同佢傾計嘅時候有幾多eye contact呢？

 

你行過去嗰一刻嘅時候係用咩方式行過去呢？

 

你見到佢頭十秒嘅西面／木口木面／呆滯面／零反應冷淡面，又會唔會影響你當時嘅情緒，畀佢睇到你站不住腳呢？

 

你係咪永遠有一種預期，覺得『你去approach人，人哋必須微笑有禮貌地正面回應你』先至係啱呢？

 

如果呢種expectation無出現，你又係咪好唔開心覺得好唔公平呢？

 

 

你當日approach，你嘅衫褲鞋襪又係透露咗你咩style呢？

 

 

高地位男人係唔會要求『我做ABC行動，就一定要有XYZ結果出嚟，唔係我唔做！／事情必須根據我嘅計劃』進行先夠膽去做某件事，

 

 

高地位男人係唔會因為『結果未如想像一般發生』，而情緒大受打擊，跟住以受害者心態責怪對方，

 

 

更加重要嘅係，高地位男人係唔會因為一啲雞毛鴨蒜bitch face嘅小事，而阻礙自己邁進更宏大，比女更重要嘅任務理想。

 

 

『每次遇上的港女都是bitch face』只係你呢一刻嘅story，只係你用呢個lens去詮釋任何事情；

 

如果呢一刻你嘅故事『港女西面=佢唔鍾意我』幫唔到你嘅話，

 

點解你唔試下reframe成件事做『港女西面=佢想測試我係咪受得住壓力嘅雄性男人=呢條女對我有興趣』呢？

 

就算你真係同一百個女仔傾偈，一百個女仔都西面，

 

會唔會係時候檢討一下你present緊一個咩image比世界？你approach嘅energy有咩可以改善呢？

 

好喇，去到尾，盡曬力，呢條女都係有病要西你面，

 

又會唔會係時候walk away and leave that shit alone 呢？

 

今集講咗好多重點，

 

你get到嘅話，你前途將會無可限量！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

如果各位巴打有聽過PUA嘅嘢，你都會知道有Opinion Opener／意見開場白呢樣嘢；

 

佢之所以被PUA提倡，係因為佢哋相對簡單容易去用嚟打開金口。

 

坦白講，

 

我個人係唔鍾意+唔需要再用一啲死記硬背嘅Opinion Opener，好假地去同陌生人傾計。

 

因為我係主張你用你活在當下嘅觀察力，去根據現場實質情況講出當時發生嘅嘢。

 

但係如果你真係想用，我以下有幾點想你可以參考一下。

 

＃1 好多用意見開場白嘅男人所犯嘅錯誤，就係呢一種超級有禮貌好沉悶嘅聲調去嘗試打開話題。

 

感覺上就好似你走入百佳，

 

跟住問啲職員『唔好意思呀，請問你哋有冇賣牛油果㗎？』

 

呢種超級有禮貌+沉悶嘅語調，

 

喺會同女仔暗地裏講咗『你唔想打擾佢或者嘥佢時間』，

 

所以你嘅潛台詞係你係一個低價值冇自信嘅人。

 

所以請你留意一下，每次你打開口嘅時候，你所用嘅聲調係營造緊乜嘢氣氛出嚟。

 

＃2 你之所以用雞仔聲，原因係:

 

－你唔習慣同陌生人傾計，諗太多無謂控制唔到嘅結果，導致AA；

 

－同埋，喺你心裏面，你唔相信自己值得同呢位女士傾計。

 

你唔相信自己有足夠價值同佢講嘢或者flirt，所以你最後冇take action。

 

 

＃3 以下就係一啲小貼士去處理呢啲問題。

 

－ 正如我一直教你，你一定要首先喺自己現實生活中，真係建立一種有價值嘅lifestyle；

 

不斷提升你嘅健康，好玩嘅嗜好，人際關係，財富，影響力，知識，人生任務等等。

 

因為如果你單憑一啲操控性嘅技倆去溝女，而唔係真係塑造自己成為一個有吸引力嘅高地位男人，

 

你嘅雕蟲小技係會好快穿崩。

 

當你係不斷提升自己價值，不斷活喺自己極限邊緣，

 

你先會有足夠嘅原因去說服自己you are good enough for women ALL THE TIME。

 

－當你去講Opinion Opener嘅時候，要記住慢慢講，唔好急，冷靜啲。

 

因為你製造停頓空間，就係製造佢嘅好奇感，期待著聽你下一句講咩。

 

你就可以講：

 

『喂喂！我想好快問你一條問題… [停+眼神交流 = 建立緊張感tension]

 

…因為呢條問題都幾重要…』

 

－記住唔好用『由下而上』，卑躬屈膝，approval-seeking嘅聲調，

 

用一種比較低沉嘅Manly Voice（有關聲調你睇返琴日『如何利用不同聲線色誘女人』短片啦！）

 

－當你面前呢個女人係你已經識咗好耐嘅best friend咁樣傾偈，

 

唔使太過客套，咁樣先可以製造自然嘅舒服感覺。

 

＃4 最後就係，我重複講多一次，

 

我係唔主張用Opinion Opener，因為感覺上實在太假太過做戲。

 

我個人最鍾意嘅開場白，

 

就係根據任何場合／任何環境／任何當下嗰一個moment所發生嘅嘢，我觀察留意到嘅現象，我就會講當時我好奇嘅嘢。

 

 

E.g. 喺一個酒會上面，我可能會講：『Hello，我啱啱見到你同阿Mike傾計呀，乜你都識佢㗎？』

 

E.g. 喺一個行山活動裏面，我可能會講：『咦，乜你又係著Columbia㗎？你覺得對鞋抓唔抓地呀？』

 

E.g. 喺Citysuper裡面，我可能會講：『Hi，我啱啱見到你攞咗呢包XYZ牌子嘅意粉，我諗緊買唔買，你有冇試過好唔好食呀？』

 

E.g. 喺書店裏面， 我可能會講：『Hello，我見你喺度睇緊呢本《The Alchemist》嘅書，你覺得好唔好睇呀？』

 

E.g. 甚至係喺酒樓飲茶嘅時候，你都可以講：『Hi，我見你點咗呢籠鵪鶉蛋燒賣，想請教你你覺得好唔好食呢？』

 

最後呢一句開場白，其實係我阿媽身上學嘅，佢係好鍾意有時不經意地問陌生人意見。 LOL

 

連中年嘅女性都冇approach anxiety，

 

連『女人仔』都可以打破冰山利用佢嘅observational skills 開場白，

 

你作為一個雄性男人係咪應該要做得到呢！？

 

所以無論你用唔用opinion opener，無論你點樣開場，

 

只要你打開金口你就已經贏咗，唔好再比咁大壓力自己去幻想無限個可能性啦！

 

希望今集幫到你！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

你聽咗MTFU咁耐，你應該知道，

 

你同女人講嘢嘅聲調／Vocal Tonality，係比起實際詞語／Wording更加重要。

 

女人係會絕對根據你所用嘅聲調，對你嘅為人作出一系列嘅假設。

 

佢會留意你同佢傾計嘅時候係咪自然放鬆呢？

 

你係咪一個有威力有power嘅男人呢？

 

你係咪一個接受到有性關係嘅男人呢？

 

以上呢啲問題，全部都可以透過你適當嘅聲調，去透露畀女人聽你係點樣嘅人。

 

問一問你呀：

 

你有冇試過喺街上面停低，仔細聆聽一下你身邊嘅人講嘢嘅時候，係用乜嘢語調呢？

 

如果你有細心留意，

 

你係應該察覺到佢哋講嘢係有特定嘅曲調特定嘅旋律，係有一種tone係度。

 

其實人互相傾計並唔係單純就咁講嘢，佢哋其實係對住對方唱緊歌嘅。

 

每一個音高音低，都係溝通緊不同嘅情感比另一方。

 

如果你真係從來冇留意過，

 

我建議你真係仔細聆聽一下身邊嘅人通常用咩聲調語氣，或者睇下電視電影嘅演員有乜嘢voice tone，

 

因為最好嘅演員係一定會不斷留意，鍛煉自己應該用乜嘢聲線去表達乜嘢嘅情景。

 

Anyway，好簡單講講，

 

你想同女人相處得好，你就要留意以下五種嘅聲調。

 

＃1 好有男子氣概好Man嘅音調

 

呢種就係通常比較低音，比正常大聲少少，有權威性嘅音調。

 

你要保持自己嘅聲音低沉，講嘢係堅決有決心嘅，聽落好似有少少命令人哋嘅；

 

並且喺句子中間有適當嘅停頓，

 

因為你應該知道停頓位，

 

係用嚟製造anticipation，等人地集中去期待你下一句將會講啲乜嘢。

 

所以呢種音調最好用嘅時刻，

 

就係啱啱你開頭接近approach女仔，或者講故事，或者叫女人做某樣嘢嘅時候。

 

 

＃2 比較好玩比較Playful嘅音調

 

呢種聽落係多啲抑揚頓挫，多啲高低起伏，相對冇咁成熟小朋友玩嘢嘅音調。

 

你嘅聲音就係由好低層嘅位置，去到比較高音嘅位置。

 

譬如你喺度扮『鍾景輝講嘢』，

 

又或者扮某啲好搞笑嘅口音，

 

又或者扮女人講嘢嘅時候都係可以用得到。

 

所以每逢你想扮低b，同佢調情，間接地揶揄佢等等都可以用得到。

 

＃3 上台公開演講嘅音調  

 

所謂嘅『Stage Voice』，

 

就係當你係一啲好嘈雜嘅環境或者好大班人聚集social嘅時候，去用力投射你嘅聲調出嚟。

 

雖然你唔會講嘢特登高音咗，

 

但係你今次係會用你把好Man嘅聲，講嘢講得比較大聲。

 

你亦都可以喺某啲特定嘅字眼裏面，強調嗰幾個字，令到人哋get到你嘅重點。

 

所以如果你想練習自己能夠大聲啲講嘢，

 

你就要幻想一下你上台公開演講，但係冇咪畀你用，你嘅音量就要絕對可以大聲到最後嗰排觀眾都聽到你講嘢。

 

係需要一段時間練習嘅，

 

如果你真係覺得好困難，你可以去想一啲話劇或者做戲嘅訓練班，佢地係可以教到你點樣用一把上到枱講嘢嘅聲音。

 

對你第時喺好嘈嘅club，

 

或者一大班人去玩，

 

或者同人對質嘅時候想更加保持自己嘅frame，擁有一把咁樣嘅聲音係有絕對嘅優勢。

 

 

#4 比較柔弱比較女人溫柔嘅音調  

 

有時候你係想用溫柔啲嘅聲音去達到某啲結果嘅。

 

例如同小朋友講故事，

 

一對一同女仔嘅特定時候想令女仔舒服啲安心啲，

 

想稱讚女士嘅時候，

 

又或者打開心透露自己少少軟弱嘅時刻，能夠適當運用溫柔嘅聲音係可以令到你嘅性格更加全面。

 

＃5 上床sexy嘅聲調

 

你要用一把性感『鄭子誠』誘惑嘅音調，你先至能夠更有效令到女人進入一個想上床曳曳嘅狀態。

 

呢種聲音係能夠更舒服地安撫佢嘅情緒，顯示你哋之間係有一種sexual energy嘅交流。

 

你只需要喺佢耳仔邊靜靜雞竊竊私語，講嘢嘅時候比較慢，比較細聲；

 

你想增加強烈感嘅時候，就可以突然講嘢講得比較快，加返一啲緊張感；

 

但係你想緩和氣氛嘅時候，又可以慢返落嚟。

 

時快時慢，

 

一時大聲一時細聲，

 

好似波浪咁樣，

 

一下一下咁樣，

 

穿穿插插，

 

進進出出。

 

講一啲好性感嘅嘢，

 

講一啲好肉麻嘅嘢，

 

講一啲好dirty嘅嘢，

 

講一啲令佢感到安全嘅嘢，

 

令佢意識到今晚係你話事，而家係你主場。

 

所以呢種音調係識用於一對一嘅情況，

 

當你同佢一齊肉體升溫嘅時候， 測試下佢對你嘅sexual communication有咩反應。

 

只要你精通以上五種嘅音調，你就能夠有一把全面嘅聲音，

 

去展露自己獨特嘅性格，令女人感受到全面獨特嘅你。

 

希望今集幫到你！