月份: 2017 年 11 月

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

你應該知道，大部分男人喺約會上面都會問一啲好悶好standard嘅問題。

 

例如話：你喺邊度嚟呢？你做咩㗎？

 

平時有咩興趣？最鍾意睇咩電影？

 

鍾唔鍾意睇書？你冇兄弟姊妹？

 

你今日食咗飯未？你破咗處未？etc.

 

基本上除咗最尾嗰兩條問題之外，

 

一啲中上唔錯嘅靚女過去都經歷過幾百次嘅first date，以前被過千名男士approach，

 

所以佢都唔會想不斷回答一式一樣嘅問題。

 

所以如果你想突圍而出，你想stand out留下一個更好嘅first impression，

 

你就要學識點樣問一啲有質素嘅問題。

 

有質素嘅問題嘅共通點就係：

 

－佢哋係比較original／有創意。

 

－佢哋能夠帶出對方一啲舊事嘅回憶。

 

－佢哋能夠令對方帶出一啲正面嘅情感。

 

－又或者一啲能夠challenge女仔嘅問題。

 

以下我就好慷慨地同你分享好幾條問題，令到你下次嘅date無咁死板無咁悶。

 

第1條就係：『你仲記唔記得細個第一日返學嘅時候係點樣㗎呢？』

 

呢條問題係絕對會帶出一種好強烈嘅情感，

 

因為好大機會好多年都冇人咁樣問過個女仔，

 

而呢就問題絕對會令到大家回憶起細個一啲得意搞笑嘅事情。

 

第2條就係：『如果你聽日擘大眼起身發現自己喺世界上某一個地方，你會希望自己喺邊度呢？』

 

呢條亦都係一條好好嘅問題，去取代平時一條好悶『你鍾唔鍾意去旅行？／今年最近有冇去旅行？』嘅common questions。

 

你問完之後，你更加可以叫個女仔去充滿色彩地形容一下嗰個地方，

 

協助佢感受一下佢喺dream place嘅時候想要嘅情感！

 

第3條就係：『你大部分嘅朋友係男仔多定女仔多呀？』

 

呢條問題會透露畀你知好多關於個女仔嘅性格特質，

 

並且可以慢慢地引導佢哋講一啲佢哋care嘅朋友同人際關係。

 

第4條就係：『有邊一樣嘢你係絕對無法拒絕，見到佢就絕對控制唔到自己一定想要架呢？』

 

呢一個係好好嘅途徑，去發掘一啲女仔好享受鍾意嘅嘢，

 

無論係朱古力／蛋糕／雪糕／甜品定係一啲食物以外嘅嘢。

 

當你能夠令到佢形容一下有嗰種東西嘅時候嘅感受，

 

你就會慢慢引導個女仔進入一個充滿慾望嘅狀態！

 

第5條就係：『啊，你有啲咩好叻嘅skills或者才能，喺會好可能surprise我㗎呢？』

 

呢條係一條好好嘅challenging question，

 

所以如果你一開頭就咁快問佢，個女仔未必想馬上去答你。

 

所以當你進入中期emotional connection／rapport嘅階段，

 

如果你一開頭已經做咗F+C，

 

女仔就會感到有種動力，去答呢條問題去證明自己畀你睇，去qualify自己。

 

以上就係其中一啲好嘅問題，令到你同女仔約會變得更加有趣唔再悶；

 

請你好好運用今日課堂所學嘅技巧，下次同女仔建立深入嘅連繫喇！

 

希望今集幫到你！

 

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

嚟到超男之道系列嘅第48集（Sorry that the past 2 episodes were wrongly numbered），

 

今集叫做女人不能成為男人的第一位，Take into Account the Primary Asymmetry。

 

＃1 作者意思係：Intimate relationship／親密關係，永遠唔會係一個雄性男人生命嘅首要優先事項，但係親密關係就係雌性女人嘅priority。

 

如果一個男人擁有雄性嘅性本質，

 

男人嘅優先事項就係佢嘅人生任務，佢嘅使命，佢一種邁向更多釋放／更多自由／更多意識嘅方向。

 

相反，如果一個女人擁有雌性嘅性本質，

 

女人嘅優先事項就係佢嘅生命有冇愛嘅流動（the flow of love），

 

包括佢同佢男人嘅關係，包括佢能唔能夠完全地身體上／情感上／思想上／靈性上相信呢個男人。

 

＃2 所以如果女人喺事業上遇上困難，但係佢感受到生命充滿愛嘅流動

 

－例如佢同佢仔女朋友伴侶嘅關係喺非常融洽－女人嘅核心內心／core仍然會感到fulfilling滿足。

 

但係擁有雄性性本質嘅你，就算你嘅女人孩子無時無刻都愛你，

 

如果你嘅事業／任務／使命被阻擋被阻塞，你就會感受到翳住翳住內心唔舒服嘅感覺。

 

你甚至可能冇意欲去同你嘅女人分享親密嘅時間，直至你嘅事業使命任務回復正常。

 

＃3  所以對於擁有雄性性本質嘅你，你要令到自己心靈滿足釋放壓力，

 

你就必須將你嘅生活方式同你嘅人生任務校準成一直線，將你嘅life同mission align番一齊。

 

所有親密嘅關係，都係你搞掂咗自己人生嘅purpose之後嘅附帶享受；

 

Intimacy只係你生命其中一部分，

 

當你係沉醉於喺自己嘅使命上打拚嘅時候，你就好多時自然地能夠暫時完全忘記任何親密嘅關係。

 

相反，女人嘅生命如果唔能夠擁有愛嘅色彩，

 

佢就會感受到冇人錫佢，佢就會感覺被拒絕，佢就會覺得被hurt，覺得被你遺棄。

 

＃4 好殘酷但係你必須接受嘅真相就係：

 

對於大部分男人嚟講，女人係replaceable，女人係可以被取代。

 

因為其實你心底裏係知道，就算你失去咗現時呢個女人，

 

你當然會感到好痛心好惋惜好悲傷，但係你都會知道你最終仍然可以搵到下一個女人。

 

因為雄性男人嘅priority／佢嘅首要優先事項就係佢嘅使命任務，而佢永遠都會被一個最能夠support到自己mission嘅女人吸引。

 

＃5  相反，合適嘅男人係會牢牢地被女人嘅心記住，佢係會全日去感受你，佢係會感應你每一刻喺邊度。

 

喺女人嘅角度嚟講，你未必係咁容易被取代，而佢亦都唔會經常地去考慮其他選擇。

 

你同佢嘅關係唔單止係佢生命嘅核心，但係亦都同時喺主要影響佢情緒心情嘅因素。

 

如果女人同你冇一種深刻充滿愛嘅親密關係，佢就會覺得被hurt。

 

＃6  所以男人女人都要學識honor／尊重自己嘅性本質！

 

擁有雌性性本質嘅女人想生命美滿開心嘅話，

 

佢就必須尊重接受自己內心最大嘅慾望，其實係需要接受愛嘅流動。

 

而擁有雄性性本質嘅男人想生命美滿開心嘅話，

 

佢就必須尊重接受自己內心最大嘅慾望，其實係隨著自己人生嘅方向去闖蕩。

 

＃7 如果女人跟從社會意識去做一個『事業女強人』，

 

冇錯，當然你可以證明自己有能力獨立，『 唔需要靠男人』都可以生存，

 

但係你心靈永遠都唔會完全得到滿足！

 

相反，如果男人跟從社會意識去做一個『住家好男人』，

 

冇錯，當然你係一個充滿愛心照顧屋企錫小朋友嘅『好好先生』，

 

當然你可以擺脫『傳統大男人』嘅形象，但係你心靈一樣唔會完全得到滿足！

 

＃8 所以身為男人嘅你，

 

如果你想你嘅女人尊重並且支持你對自由嘅追求，你就必須尊重並且支持女人對愛嘅流動嘅感受。

 

男人無女人咁投入喺某段感情，係一件自然健康無需要感到內疚自責嘅事情。

 

你冇需要扮曬超級投入，你冇需要特登扮曬特別照顧女人；

 

Instead，你必須忠於自己核心嘅慾望，你必須dedicate自己係你選擇最高嘅人生目標。

 

＃9 因為當你真係將你嘅生活方式同你嘅人生任務校準成一直線，

 

你好自然地就會變得更加present，更加活在當下，更加充滿激情充滿愛。

 

而當你變得更加熱愛自己生命嘅時候，你嘅女人就會成為第一個受惠嘅人，

 

佢就會感受到你被放大嘅存在感，更強嘅愛，更加搞笑嘅幽默感。

 

同樣道理，當女人完全投入自己去忠於自己嘅心，

 

你亦都會感受到佢美麗嘅能量，充滿啟發性嘅radiance，令人讚歎具魔法性嘅嘅女性創造力，

 

佢嘅男人亦都會成為第一個受惠嘅人。

 

＃10 所以請你由今日開始尊重男女大不同嘅不對稱性，

 

尊重男女生命不同嘅首要priority，

 

並且支持你伴侶各自嘅核心慾望，

 

咁樣你哋雙方都會能夠得到一種令人滿足嘅生命！

 

希望今集幫到你！

 

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

各位巴打，

 

你有冇問過自己一條問題，就係『點樣由好好嘅良好對話過渡去同女仔kiss呢？』

 

如果依家你係一個中學生大學生，而你有一般唔錯嘅社交技能，你要識女仔可能並唔係一個問題；

 

但係你可能唔係太清楚，應該點樣將對你有興趣嘅女仔變為屬於自己嘅女人。

 

所以據我估計，無論依家你係讀緊書定係做緊嘢，

 

你可能會遇上一啲你知道對你有興趣嘅女仔，你亦都知道個女仔想你錫佢；

 

但係你就係關鍵嘅時刻突然變得僵硬，唔識得點樣去make the move，

 

最後就錯過一個又一個可以溝到條女嘅機會。

 

如果你係一個猶豫成日喺度諗幾時先至係perfect moment去錫女仔嘅人，

 

你要明白九成時候女仔都唔會主動去開展親密行為，所以你都必須take action去『結帳』。

 

以下就係有幾點，

 

教你點樣偵測呢啲黃金機會，並且好好利用佢哋去進一步同女仔develop親密關係。

 

＃1 喺所有kissing可以發生之前，你都要確保你哋雙方係having a good time，有良好嘅氣氛並且相處得唔錯，

 

一早已經開展咗唔同程度嘅身體接觸（無論係小小嘅拖手或者淘氣嘅你推我撞）。

 

 

對你冇興趣嘅女仔係唔會主動掂你嘅，所以佢掂得你都代表佢對你某程度上都有興趣。

 

＃2 當你去到呢一點嘅時候，你就一定要開始將大家interaction／交流嘅能量energy減慢落嚟。

 

開始慢慢暗地裏拉近同佢嘅距離，

 

減慢你說話嘅速度，

 

令自己聲音變得低沉，

 

每句說話之間增加更長嘅停頓位。（記住慢慢暗地裡去做！）

 

＃3 非常之有威力嘅秘密就係：

 

喺每一次你對話嘅程度，你要望一望佢嘅嘴唇幾秒！

 

你甚至可以望住佢嘴唇再開始慢慢講嘢，

 

之後先至再望番佢雙眼，

 

跟住又繼續慢慢移近同佢嘅關係。

 

喺呢一個moment，你講嘅任何詞語已經唔再重要，

 

因為當時嘅氣氛係籠罩著一種好重嘅sexual tension／性緊張感。

 

 

＃4 之後你再慢慢做另一樣非常非常非常有威力嘅技巧，叫做triangular gazing。

 

即係首先慢慢望住佢左眼，之後慢慢移落去望佢嘴唇，

 

再之後慢慢望返上去佢隻右眼，形成一個三角形，

 

跟住重複。

 

如果呢個時候個女仔完全無想移走自己，又或者無乜感到唔舒服，

 

你就可以慢慢將你隻手放喺佢嘅後腰部位置，將佢拉埋嚟你身邊。

 

＃5 咁樣嘅話，好多時候女仔就會將身體傾前向你度跟住kiss你，

 

而你就會成為一個最自然流露，最順滑地過渡去kissing嘅男人喇！

 

以上嘅流程冇需要再複雜化，

 

你肯根據步驟去做嘅話，

 

你就唔再需要擔心你唔能夠將你有興趣嘅女人變成屬於你嘅女人！

 

希望今集幫到你！

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

上個星期出過一集叫做《女人對你不忠的七個徵兆》，

 

各位巴打似乎都對呢個話題非常有興趣，

 

所以等我今日再出一系列嘅signs，令你將來防止自己戴綠帽！

 

當然分享嘅徵兆唔一定代表女人cheat緊你，

 

但係如果signals出現得越多，就代表你嘅女朋友越有可能暗中偷食背叛緊你！

 

以下就係你要留意嘅警號：

 

＃1 當你嘅直覺／gut feeling有少少懷疑，需要問自己你女朋友係咪cheat緊，都有好大機會係。

 

＃2 你條女可能開始過度敏感，收埋自己嘅銀包電話。

 

＃3 當你攞住條女嘅電話嘅時候，佢突然變得緊張。

 

＃4 喺佢嘅衫褲之中，你發現好似有一陣新嘅香水或者古龍水味道。

 

＃5 你條女突然之間鍾意咗某一種全新嘅音樂／聽唔同類型嘅歌。

 

＃6 佢某一日突然之間問你一啲假設性嘅問題，譬如話『你覺得一個人可唔可以同時愛超過一個人呢？』

 

＃7 佢以前可能會留起自己嘅信件／email／FB IG comment，但係你發覺佢最近係咁delete晒啲嘢。

 

＃8 佢可能以前唔太做運動，但係最近突然變得積極去做gym去操fit自己。

 

＃9 你哋之間嘅mutual friends，好似開始對你比起以前有啲奇怪。

 

＃10 你條女花過多嘅時間用電話電腦，尤其是如果你哋一齊瞓覺嘅時候，佢叫你瞓先，但係自己繼續喺度玩電話玩電腦。

 

＃11 你可能同佢拍咗拖好幾年，感情開始變得平淡，但係你最近發覺佢無啦啦容光煥發，心情變得特別愉快興奮有活力。

 

Anyway，以上就係一大咋brainstorm出嚟有機會代表你女朋友cheat緊你嘅警號。

 

如果你發現自己好似中咗幾點嘅時候，就請你多加留意你同條女之間，其實過去嗰幾個月發生咗啲乜嘢問題；

 

因為今日嘅cheating絕對唔係突然之間發生嘅事，

 

男人女人之所以會偷食，好多時都係因為伴侶唔能夠提供一種physical + emotional needs比對方。

 

所以千祈唔好自標唔治本，唔好逃避搵出問題嘅癥結，

 

唔係嘅話就算畀你搵到第二條女，將來你都係不斷畀其他女再cheat過！

 

希望今集幫到你！

 

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

【Hurray！Congrats MTFU on reaching episode 300 :D】

 

你應該知道，無論喺社交上溝女上定係成功上，做一個有power嘅男人對你人生各方面都係利多於弊；

 

所以今日就想同你分享成為有power男人必做嘅五件事，從而協助你獲得一個更加滿足嘅生命。

 

Tip＃1：Leading／主導領導其他人

 

『我可唔可以攞你電話？／你星期三得唔得閒？／唔得閒嘅話咁禮拜二呢？／你幾點方便？／你想做啲咩？』blah blah blah …

 

當你問女人以上呢啲問題，好多時都喺透露你將做決定／decision making嘅power供奉畀女人，絕對唔係一啲啱啱識個女仔一開頭應該做嘅事情。

 

比較好嘅問題係類似：『喂，我有啲肚餓，去食啲嘢囉。／

 

你個人都好似幾好玩，畀你電話我。／

 

（更加好嘅喺：）你個人都好似幾好玩，你有興趣XYZ嘅話就遲啲whatsapp我啦。（提供機會讓佢主動攞你電話）／

 

我諗住去睇呢齣戲／畫展／騷，你有興趣咪join我囉。』

 

以上第二種邀請女人嘅方式， 就係完全冇一種哀求／祈求佢同你出街嘅感覺；

 

你甚至其實唔係真係問佢得唔得閒，

 

你只係有禮貌地去領導佢，並且提供一個機會讓佢去參與你好玩嘅生命，呢種就係有power男人會做嘅事情！

 

Tip＃2：擁有+追隨自己其他酷愛嘅活動／Passions

 

有power嘅男人係一定有自己熱愛嘅興趣，

 

有power嘅男人喺一定有一班佢care嘅朋友同兄弟，

 

而佢喺絕對唔會因為識咗一啲索女之後而放棄佢原本鍾意+重視嘅嘢。

 

如果你因為女人而捨棄你嘅朋友同興趣，將所有時間／精神／注意力畀曬你嘅女伴，

 

你嘅女人最後都會捨棄你，因為你嘅passions同social life就係令你一開頭有吸引力嘅原因。

 

Tip＃3：擁有+闖蕩自己嘅人生目的／Purpose

 

有power嘅男人係絕對有野心，絕對有自己嘅目標，

 

絕對清晰自己究竟為咗咩而活，並且知道自己嘅大方向去緊邊度。

 

任何一啲漫無目的，得過且過，好似一塊落葉咁樣喺水上隨波逐流嘅人，

 

諗住將『所有一切』畀晒女人就會令到雙方開心美滿，

 

根本就喺一啲毫無吸引力+充斥著依賴性嘅寄生蟲！

 

相反，一啲decisive，勇敢果斷做決定，向著目標任務不斷進發嘅男人就係有吸引力嘅男人；

 

如果你都想做一個有power嘅男人，你就必須成為a man in MOTION towards his MISSION all the fvcking time！

 

Tip＃4：展露一啲高地位嘅行為特質

 

所謂嘅status，並唔係純粹講你有冇能力／資源幫女人養育孩子，

 

又或者有幾多架跑車／幾多幢樓／買咗幾多條街／財政實力有幾豐厚做一個有錢provider。

 

女人定義你有冇高地位／high status，其實係從你嘅性格行為特質上面判斷，

 

因為好多外在嘅materialistic things好多人都能夠模仿得到，但係你嘅行為就係一啲比較誠實表露嘅指標／signals。

 

所以高地位嘅行為特質，意思就係你係咪一個對自己有肯定性有自信嘅人呢？

 

你係咪一個有強大意志／tough-minded嘅男人呢？

 

你係咪一個雖然會努力追隨自己理想，但係完全唔會attach自己落得唔得到呢個外在結果上面，隨時能夠自由自在地walk away，保持豁達carefree男人呢？

 

如果你能夠做到一個『有plan但係唔會依附喺自己個plan上面』嘅男人，你就能夠開始展露高地位嘅行為特質。

 

Tip＃5：唔會因為人哋嘅三言兩語而輕易改變自己

 

你想進步就必須要改變，

 

但係你都要同時有自信地保持一啲屬於自己嘅立場，唔會因為女人嘅說話而輕易改變自己。

 

譬如如果你女朋友唔鍾意關於你某啲嘢叫你改下

 

e.g. 你聽歌嘅習慣／你嘅fashion sense／你鍾意睇嘅電影類別，

 

你就只需要仔細聆聽佢嘅觀點，認同佢嘅viewpoint，但係之後只需要根據返自己想要啲乜而做適合自己嘅決定。

 

當然，如果你暗地裏其實係同意佢嘅批評建議，你改變係冇問題嘅；

 

但係如果你唔認同，你就唔應該為佢而改變自己。

 

對於女人嚟講好好玩嘅一樣嘢，就係嘗試改變佢嘅男人，成為佢自己理想中嘅dream guy；

 

女人係有一種慾望去馴服你呢匹野馬，所以希望能夠挑戰成功改變你。

 

但係你要非常小心，因為如果你咁容易就被動搖，就代表你根本冇自己嘅values，

 

而你亦都唔再成為女人嘅challenge，佢最後就會因為你再無挑戰性而離開你！

 

以上就係成為有power男人必做嘅五件事，

 

請你開始馬上運用以上嘅tips喺你自己嘅生活裏面，

 

希望今集幫到你！

 

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

Caveat: Advanced material, requires constant practice.

 

May sound ridiculous, but be open-minded because non-ejaculative orgasm is REAL.

 

嚟到超男之道系列嘅第47集，今集叫做Ejaculate Up the Spine，脊椎射精法！

 

＃1 作者意思係：大部分男人射精嘅時候，都係會透過佢哋嘅生殖器去釋放佢哋嘅能量同精液，之後就會感到釋放壓力。

 

但係作者認為一個超男，係能夠引導佢想釋放嘅能量，透過佢嘅呼吸感覺同意向，

 

將個種爆炸性感覺帶上腦部，最後讓身體感覺一種恢復活力嘅性高潮。

 

＃2 作者繼續講話，有啲男人未『進入』女人就會早洩，有啲可能做咗幾分鐘就會射；

 

但係最重要嘅並唔係你幾時先至射精，最重要嘅係你能唔能夠透過性行為，毫無界限地同伴侶以愛嘅方式溝通。

 

所以如果射精係意味著你同你嘅女人結束咗做愛嘅過程，咁樣你嘅射精就係早洩，你就係有 premature ejaculation。

 

＃3 如果你好似大部分男人咁樣，你第一次嘅性經驗，就係作為年青人係為自己打飛機。

 

你多年嚟不斷嘅自瀆，其實就係訓練緊你嘅身體同神經系統習慣一個特定模式：

 

就係首先性器官被刺激，之後透過自己腦部嘅性幻想／mental fantasy，最後建立張力／tension，繼而射精。

 

所以好自自然然地，當男人同女人做愛嘅時候，佢哋就會重複同一個sequence／過程，

 

sex／性愛就會變成一個寫精嘅途徑，變成一個釋放身體張力嘅慾望。

 

＃4 你想擴展自己嘅性潛能，你就必須學識重新recondition自己嘅身體同神經系統，轉化自己嘅性高潮／orgasm，去到一種能夠延長做愛過程嘅巨大能量。

 

第一步就係學識當被性刺激嘅時候，放鬆你一向被繃緊嘅肌肉部分。

 

譬如如果你做愛嘅時候會『拿起塊面』，學識放鬆佢。

 

如果你留意到自己嘅呼吸變得又急促又淺薄微弱，學識放慢並且深入地呼吸。

 

如果你留意到腹部同胸口非常繃緊，學識打開自己嘅belly放鬆喺心口位置嘅area。

 

＃5 第二步就係學識redirect自己嘅attention，將你嘅集中力放落去感受你嘅伴侶，而唔係純粹感受自己嘅感官享受。

 

當你能夠感受你嘅partner多過你自己，你就能夠感受佢嘅旭動，佢嘅呻吟聲，佢嘅內部能量；

 

最後你就能夠透過你嘅partner，感受到你哋二人之外嘅能量同意識，呢種就係真正做愛嘅精髓。

 

＃6 除咗放鬆同埋感受你嘅伴侶之外，你一定要對自己嘅呼吸非常敏感，因為你嘅呼吸就係能夠移動你同你伴侶身體裏面嘅life energy。

 

如果你嘅呼吸唔夠deep，你嘅生命力就唔能夠喺你身體之內自由郁動，最後嗰種能量就會累積係你嘅頭部或者性器官。

 

如果你嘅能量喺自己頭部build up，你最後就會不斷fantasize／幻想性愛同女人；

 

如果你嘅能量喺自己性器官build up，你就會感受一種想射精嘅需要，無論喺透過性愛定係打飛機。

 

＃7 所以去防止早洩嘅一大部分，就係學識深入地完全地每分每秒地習慣做deep breathing／深深嘅複式呼吸。

 

你嘅吸氣係應該感覺好似draw緊energy落去身體嘅前面部分，填滿自己的腹部同性器官部分；

 

你嘅呼氣係應該感覺好似將自己嘅能量，從你嘅盤骨位置，透過你嘅脊椎帶去上你嘅頭部。

 

你咁樣不斷循環，從身體正面吸氣落去，從身體脊椎呼上去，你內部嘅能量就能夠自由流動，

 

你嘅energy就唔會閉塞係自己嘅頭部或者性器官，你想射精嘅衝動就會大大減少。

 

＃8 最後作者就分享咗一個叫做kegel exercise嘅練習，協助你解決早洩嘅問題。

 

Kegel exercise／骨盆底肌肉運動，簡單嚟講就係學識有意識地去提肛，

 

感覺就會好似係你去廁所小便嘅時候突然之間忍尿，運用嗰一組嘅肌肉去練習收縮。

 

你一開頭每日只需要練習大約三組，每組做十次嘅提肛，每次hold到幾耐就幾耐（一開頭可能10至15秒，慢慢去到可能20-30秒）。

 

＃9 你持之以恆每日不斷練習嘅話，你就能夠強化骨盆底部肌肉群，預防同治療壓力性尿失禁／早洩。

 

到你下次做愛想射精嘅時候，你就首先收縮自己嘅骨盆底肌肉，並且馬上將能量呼吸上你嘅脊椎，

 

（最好就唔好係咁抽插住…），咁樣係能夠減少射精嘅慾望。

 

＃10 最後作者就畀一個總結我哋，要開始實驗並且練習以下嘅技巧，睇下邊樣對你個人最有效，練習技巧包括：

 

 

－學識抽離自己不必要嘅sexual fantasy，練習totally present／活在當下，留意自己嘅身體呼吸，留意多啲你嘅伴侶，消除自己自瀆嘅習慣。

 

 

－練習維持自己身體同呼吸嘅放鬆同完整性，練習deep breathing。

 

 

－學識感受你嘅伴侶，feel into + feel through your partner，學識感受自己身體以外嘅sensations，最後透過你的伴侶去感受無邊無際嘅世界。

 

 

－平時或者做愛嘅時候，都要練習提肛，強化自己嘅骨盆底肌肉，到你想射精嘅時候運用提肛連同脊椎性呼吸，去將你嘅energy帶去身體各個部分。

 

 

＃11 最後記住，以上嘅練習其實都係協助你喺性愛嘅期間練習愛，練習點樣最健康地去循環自己嘅性能量。

 

當你能夠有意識地控製到自己嘅射精，

 

透過你嘅心帶領你嘅性高潮去到身體各個部位，令你同你嘅伴侶都感受到一種無比嘅極樂。

 

今集非常深奧，請大家重溫內容並且多多練習，

 

希望今集幫到你！