月份: 2017 年 12 月

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

嚟到超男之道系列嘅第49集，

 

今集就叫做：你對親密關係嘅成長係有責任，You Are Responsible for the Growth in Intimacy！

 

＃1 作者意思係：係親密關係之中，雄性男人同雌性女人都各自有自己嘅責任，去分享佢哋自己嘅禮物。

 

為大家嘅relationship成長去某一個方向，就係主要男人嘅責任；

 

而親密關係之中嘅能量－即係大家嘅歡愉愉快，性愛嘅流動，互相嘅生命力－就係主要女人嘅責任。

 

＃2 簡單嚟講：男人對女人嘅責任，就係大家之間感受到愛嘅深度，同埋情感嘅公開性；

 

而女人對男人嘅責任，就係男人身體內嘅能量同能否令男人繼續『豎立勃起』。

 

＃3 當你終於成長成為一個獨立成熟嘅成年人，你就唔再需要任何人去照顧take care 你，你就係對自己有責任。

 

尤其是對自己嘅快樂有責任，

 

因為冇人可以代替你活你嘅生命，所以你必須自己去製造你嘅健康／你嘅成功／你嘅快樂。

 

＃4 但係呢種嘅self responsibility，對自己嘅責任，只係成熟嘅其中一樣嘢；

 

喺你對自己嘅self responsibility之外，就係share你嘅gifts／分享你禮物嘅責任。

 

 

唔需要依靠你嘅伴侶都能夠自己快樂係非常重要，

 

但係喺完全獨立自主（Independence and Autonomy）嘅階段之外，喺你獲得個人獨立之後，

 

下一個層次就係互相分享禮物，互相喺愛之中侍奉大家。

 

＃5 譬如好多女人變得情緒化嘅時候，佢哋係好難自己有意識地走返出嚟；

 

所以你充滿愛嘅干涉／intervention，就係你其中一樣雄性嘅禮物。

 

重點並唔係要做女人嘅心理治療師／therapist，

 

重點係成為女人嘅wake up call，為佢提供一啲清晰嘅意識，打開佢嘅心，提醒佢佢嘅生命係充滿愛。

 

＃6 所以你雄性嘅禮物就係知道exactly自己喺邊度，知道你想去邊，同埋知道你要做啲乜嘢先可以去到下一個目標。

 

如果你唔清晰自己依家嘅處境同未來嘅方向，你就必須盡快用盡一切方法發掘佢哋出嚟；

 

因為呢一種嘅願景vision，就係你能夠為女人同世界帶來嘅一種基本禮物。

 

＃7 如果你每一日只係勞勞碌碌地做嘢食嘢睇電視等放假，完全冇一個更高層次嘅願景vision，

 

咁樣你就係完全浪費自己與生俱來嘅權利，完全係背叛女人同世界，完全係人生失敗。

 

#8 如果你嘅女人成日都好大壓力，你就需要知道其實佢可以點樣實際地善用自己嘅生命做嘢，咁樣佢先至可以放鬆relax；

 

譬如可能話做多啲運動，做多啲meditation，轉番一份比較fulfilling嘅工作，跳多啲舞，又或者花多啲時間陪佢啲女仔friends。

 

 

你喺親密關係嘅主要禮物，就係引導女人離開佢情緒化嘅moods，進入一個公開充滿愛嘅位置；

 

跟住日復日年復年地帶領佢嘅生命進入一個更加充滿愛嘅國度。

 

＃9 你想分享呢種雄性嘅禮物，你就必須首先每日練習培養自己嘅雄性力量。

 

你必須每日練習感受自己嘅恐懼，感受自己力量嘅邊緣，

 

跟住嘗試擴闊自己嘅邊緣限制，慢慢逐步增長自己嘅能力。

 

你必須根據自己心裏面最深刻嘅真相去做人，

 

你外面做嘅每一樣事物都必須根據呢種根源連成一致，咁樣你個人先至會變得越嚟越有生命力。

 

＃10 相反，其中一樣女人比男人最大嘅禮物，就係協助你進入自己嘅身體，協助你返返嚟當下嘅一刻，協助你連繫係自己根源。

 

透過女人嘅身體接觸，透過佢對你嘅愛，透過佢喺你身上產生嘅吸引力，

 

佢就能夠提供你能量，令到你成個身體變成一種『豎立勃起』 充滿生命力嘅能量棒，然後準備去penetrate穿透進入世界。

 

＃11 你嘅女人可能唔想接受你嘅禮物，甚至拒絕你嘅禮物，世界亦都一樣；

 

但係你想人生活得精彩嘅話，你就冇選擇。

 

你必須活係自己能力嘅邊緣，你必須擴大自己愛嘅能力，

 

你必須利用由心出發的能量令自己身體『豎立勃起』，以愛去感受女人同世界，

 

你先至能夠死而無憾地分享你最終極嘅禮物！

 

希望今集幫到你！

 

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

琴日我哋就講咗，點解透過合適嘅稱讚／compliments係可以令到你順利地同任何女仔展開話題，

 

今日就想講下比起語言更有威力嘅non verbal communications應該點樣做。

 

首先你要注意嘅就係自己嘅body language，你可以做嘅程序就係：

 

首先喺你有興趣嘅女仔身邊略略行過，之後停低，

 

跟住如果佢係坐喺度或者企喺度嘅話，你就略略扭動你上半身向番住佢，

 

跟住輕輕拍著膊頭去攞佢嘅attention。

 

好重要嘅一點就係：你要確保當時你雙腳係facing away from her，並唔係指向佢。

 

咁樣嘅話，因為你略略扭動咗你上半身向住佢，但係隻腳又唔係指住佢，

 

所以成個感覺就好似你真係好random哋見到佢某啲特別嘢，所以想好快友善地比個compliment佢。

 

你之所以唔想approach嘅時候，成個身向住曬個女仔嘅原因就係：

 

＃1 你咁快就將成個人嘅attention畀曬個女仔，感覺上係非常try hard，

 

有啲太過侵略性，亦都令女人覺得你成個人冇乜value『太容易得到』。

 

＃2 你成個身對住佢，就會畀佢好大壓力，感覺你將會好似一啲好煩膠嘅sales咁，

 

唔知道你會逗留幾耐傾幾耐計，覺得你可能會講好多嘢，所以就會潛意識地好快想離開或者reject你。

 

所以如果你唔咁快畀曬自己body language人哋，

 

畀人嘅感覺係『可能你讚完佢，講幾句之後就會好快走』，個女仔將會更加接受你嘅approach並且同你傾幾句。

 

另一樣嘢就係：你係supposed去緊某一個地方，行過見到佢，所以先至好快停低讚一讚佢嘅。

 

所以你一開頭可以講嘅說話就係：

 

『喂／Hi，啱啱我行緊去XYZ (e.g. 洗手間／吧檯／攞車／商場等等)，

 

但係我見到你把髮染得幾靚／剪得幾有層次／化嘅妝幾有韓feel／你對boot幾型／你條頸鏈幾特別等等，

 

所以想喺走之前讚下你啫。』

 

當你講嘅時候有一種『你會好快走人』嘅感覺，

 

女仔同你呢個陌生人傾偈嘅壓力將會大大減低，亦都會令到佢更願意有禮貌地去同你繼續傾幾句。

 

最後就係：通常你讚完佢之後，你都需要去主動followup繼續講嘢嘅，所以最好嘅下一句都係關於你頭先讚佢嘅一啲嘢。

 

譬如話：『唔使客氣，你做fashion design㗎？／你讀arts㗎？』等等。

 

更加好嘅就係利用cold reading嘅陳述句去冷讀佢，

 

比如話：『唔使客氣，你睇落似乎係一個讀arts嘅女仔喎。／ 你畀我嘅感覺都幾似一個時裝設計師喎。／我感覺你應該都係嗰一種會睇cosmopolitan嘅女仔喎。』

 

有上過誘惑式冷讀術嘅巴打就知道我講咩喇，你咁樣followup嘅話，就好容易令到女仔嘅繼續想同你傾計喇。

 

Anyway，一連三集嘅『如何順利地同女仔展開話題？』已經提供足夠嘅彈藥畀個位巴打，喺任何地方都識得點樣同女仔開始傾計，

 

你依家需要做嘅，就係出去你運用呢幾日嘅技巧去不斷練習。

 

當然你冇需要一次過用曬我講過嘅技巧嘅，唔係嘅話你又會諗下自己係咪每一步都做得啱。

 

你要做嘅就係首先專注去比合適嘅讚賞，訓練下自己對女仔外表嘅觀察力先；

 

當你順利知道講啲咩嘅時候，你先至再執番好自己嘅身體語言同之後嘅followup。

 

要講嘅基本功都已經講曬，

 

你依家係應該有信心出去任何地方，開始同你有興趣嘅女人傾計啦！

 

希望今集幫到你！

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

琴日鬧爆完一啲懶到出汁嘅細路，心情十分舒暢；

 

跟住收到各位巴打嘅requests，想我教下各位一個幾乎必贏嘅開場白方式，同女仔順利地展開話題。

 

好啦，你哋氹得我咁開心，

 

我唯有協助各位有大志有理想會take action嘅巴打們，令你幾時都知道『見到女仔要講啲乜嘢』，

 

令你永遠知道what to say，令你馬上解決其中一個男人溝女最大嘅問題啦。

 

 

首先想講嘅就係：

 

琴日我都講咗最好嘅方法永遠都係以自然spontaneous嘅方式，馬術郁你隻腳行去個女仔度，

 

跟住講你當下諗到感受到嘅嘢；但係如果你真係咩都諗唔到嘅話，你都可以嘗試以下另外一個方法。

 

 

個方法就喺：利用特定嘅讚賞去打開話題，利用compliments去開場白。

 

當然我唔係講緊求其嘅compliments啦，我係講緊特定女人會接受鍾意嘅讚賞。

 

譬如話，如果你淨係行過去跟住同佢講：『我覺得你好靚／我覺得你雙腿好正／我覺得你對眼好大 etc.』，

 

女人係唔會點樣理你，或者就咁求其講句多謝算數。

 

點解呢？

 

原因就係：以上嘅讚賞，根本就唔係一啲佢曾經用心打造過嘅東西，根本唔係一啲佢花過心機去work for嘅嘢；

 

所以你讚佢一啲天生因為基因良好而得出嚟嘅外在美，基本上根本都唔係一啲讚賞佢嘅嘢。

 

咁有啲乜嘢係可以讚，而女人又會係接受鍾意㗎呢？

 

除咗以前我講過話『傾傾下偈可以讚下佢性格特質』之外，一開頭你亦都可以稱讚以下嘅東西：

 

＃1 佢嘅頭髮／髮型。

 

因為好多女仔都係會幾care佢把髮嘅，佢哋出街之前好多時候都會花唔少時間整理一下。

 

＃2 佢哋嘅化妝。

 

因為你都知道好多女仔都會花無限個鐘，上Youtube睇其他啲女明星點樣化唔同造型嘅妝。

 

＃3 佢哋嘅accessories，譬如耳環／頸鏈／手繩／手帶／錶／戒指等等。

 

因為呢啲嘢通常都係佢哋想更加突出自己嘅輔助工具，好可能好貴，又或者有一啲特別意義嘅事物，容易令你哋出現更多話題。

 

＃4 佢哋點樣襯衫。

 

因為整體而言，女人每日仍然係會比男人更加投資時間精力金錢去襯衫，去襯托一啲能夠突出自己嘅outfit；

 

所以如果你見到佢襯得幾靚嘅話，你不妨可以讚下佢哋呢樣嘢，因為佢哋都應該花咗唔少時間心機去mix and match。

 

＃5 佢哋對鞋！

 

你都應該知道，女人屋企隨時可以有過百對鞋嘅，癲嗰啲可能同一個款唔同顏色都可以有幾對，所以大部分女人都係非常非常著重自己對鞋。

 

所以如果你覺得佢對鞋嘅選擇唔錯，你就可以讚下佢嘅fashion sense或者有唔錯嘅style。

 

以上嘅重點就係：如果你想以compliments／稱讚作為開場白去打開話題，

 

你就應該讚一啲佢係有花過時間去諗去度嘅東西，而唔係一啲佢天生因為好命就有優勢嘅嘢。

 

當你稱讚佢一啲『做過嘅選擇』嘅話，佢就會因為佢嘅decisions而感到愉快，佢亦都會覺得你唔係一個好lame求其搵嘢講嘅人。

 

最後就係，點解適當嘅compliments可以咁有效呢？

 

原因就係，女人無時無刻都花勁多時間金錢去整頭／整甲／shopping買衫買鞋買化妝品買首飾等等；

 

而佢哋買完咁多嘢之後，又會花勁多時間去諗每次出去要點樣襯衫，所以你見到嘅靚女基本上都為咗自己嘅外觀下咗唔少工夫。

 

當你或者佢身邊嘅朋友留意到佢做過嘅嘢，

 

佢就基本上一定好appreciate你對佢細心嘅觀察同留意，亦都更加願意之後友善地同你傾計。

 

Anyway，以上就畀咗足夠嘅細微位你去留意並且稱讚女人，

 

但係你都知道口講嘅嘢只係佔成個interaction少於10%，

 

有超過九成都係關於你當時嘅non verbal communication做得好唔好。

 

你又想唔想知道當你讚女仔嘅時候，一個合適嘅身體語言係點樣去做呢？

 

你當時你講完之後又可以點樣followup呢？

 

想嘅話你就畀個like呢段片，再comment話我知，

 

或者我哋聽日再見啦！

 

希望今集幫到你！

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

各位巴打，最近我成日都聽到好多小朋友問我：

 

『Man神，我之前有個幾鐘意高form嘅女仔呀，但係我唔知道講啲咩好？』

 

『Man神，諗唔到點去隔離班搵女仔講嘢同埋諗唔到有咩話題，點算好？』

 

『Man神，我可以點同女仔打開話題／揾話題，帶女仔去話題中的高潮？』

 

『Man神，究竟點樣同女仔傾計，先至可以自然啲有style多啲呢？』

 

Blah blah blah…

 

其實我已經不厭其煩三番四次講咗十萬次，你講乜春話題／講乜撚嘢topic根本就冇所謂！

 

你有冇朋友㗎？你有冇best friend㗎？你有冇試過同人類傾過計㗎？

 

如果你有嘅話，你根本唔需要成日擔心要講啲乜柒嘢！

 

你需要做嘅，就係假設佢已經係你嘅best friend，

 

用返相近嘅語調語氣去假設大家已經有rapport，假設大家已經幾熟，

 

跟住講你有興趣講嘅嘢，say whatever the FVCK you want。

 

所以如果你仍然問我對住女仔要講啲乜柒嘢，就代表根本你冇聽書，

 

就代表根本你冇做好research睇返我以前已經教咗你嘅三百幾段有價值教學片，

 

就代表根本你只係一個懶到仆街嘅 lazy motherfvcker！

 

如果你繼續係咁嘅話，我都冇所謂，你想繼續做毒撚嘅話你就繼續做，

 

你亦都可以unsubscribe MTFU嘅YouTube channel，因為呢個精英巴打組成嘅大家庭唔屬於你呢啲唔會take action嘅寄生蟲！

 

請你繼續睇你嘅動漫，請你繼續睇你嘅蘋果動，

 

請你繼續睇其人哋個ig跟住對比下自己生活有幾坎坷，

 

跟住你就可以繼續以受害者心態埋怨世界對你好唔公平。

 

WHATEVER THE FVCK YOU WANNA DO！

 

Anyway，鬧爆完呢班懶到仆街嘅寄生蟲之後，

 

小弟就繼續一如以往繼續為各位醒目留喺度嘅巴打創造價值，就係想教你一個成功率極高嘅溝女開場白。

 

正如我一開頭所講，太多白痴仔成日出去見到靚女嘅時候，

 

就不斷去諗有咩最正最搞笑最funny嘅開場白去講，去觸動女仔嘅情緒，去希望用一句開場白就能夠令女人想同你上床。

 

你係咪on戇㗎？ 用下腦啦你唔該！

 

開場白／opener係唔撚會令到你可以即刻上到床架白痴！

 

Anyway，你班白痴仔繼續就overthink，尤其是係喺social場合或者bar／club裡面，花成大半個鐘喺度諗『講咩好』，

 

最後諗到嘅時候就發現個女仔已經同緊其他男人傾計，又或者自己搵唔番個女仔啦。

 

所以亦都係點解，我極力主張各位巴打每次見到合眼緣嘅女仔嘅時候，

 

就馬上旭動你隻腳行過去，跟住『講出你當時嘅感受／諗法／好奇嘅嘢』，

 

或者任何關於當時環境嘅嘢，以最自然最natural嘅方式去同任何人傾計，

 

咁樣基本上你去到邊遇上咩人都會順利地傾到計。

 

但係有啲巴打仍然係會覺得呢個方法好難，自己好淆底好驚到時唔知點做。

 

Well，我明嘅，我都有同情心compassion嘅；

 

咁所以各位巴打，如果你係遇上呢個問題，

 

你又想唔想我去教你一個幾乎必贏嘅開場白呢？

 

你想唔想我教你一招點都用得著去展開話題嘅方法呢？

 

想嘅話你就畀個like呢段片，再comment話我知啦！

 

希望今集幫到你！

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

Many guys had asked me what’s the BEST advice I could give them to attract more women.

 

Biggest mistake men make = NOT meeting enough women CONSISTENTLY

 

You must create a LIFESTYLE where you have new opportunities to meet new women.

 

You must need a BIG sample size of women for you to practice your skills.

 

Commit yourself to meeting just 1 new girl a week.

 

Maybe find a new lunch spot, maybe join a new gym with more women,

 

maybe go to different supermarkets, maybe participate in one event weekly,

 

maybe join a more serious online dating site, maybe just a Thursday/Friday happy hour.

 

In one year, you will have 52 newly met girls.

 

Maybe half of them will disappear for some reason.

 

But 26 of them can still be your friends.

 

Even if you don’t have a girlfriend or get laid in this year,

 

will 26 new girls in your life make you feel happier?

 

Will you learn more about what women think?

 

Will you have more opportunities to practice your flirting?

 

One small weekly action, just meet one girl a week, will you do it?

 

希望今集幫到你！

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

如果你明白琴日講光環效應嘅嗰一集，

 

你就明白點解你見到靚女就馬上覺得佢係有好嘅性格特質，係一種認知上面嘅偏見，係一種illusion。

 

所以如果你係醒目嘅話，你見到索女嘅時候你嘅mindset就應該係：

 

『嘩，條女都幾索喎，完全可以一戰。不過等陣先，我都唔識佢，雖然佢可能有唔少優點，但係佢都可能有唔少性格問題，所以都係等我行過去睇下佢傾唔傾到計先啦。』

 

當女人感受到你呢種抱住樂觀開放但係完全未被說服嘅心態，你哋之間嘅吸引力將會容易產生好多，

 

因為你並唔係投射某一種捧高咗嘅女神樂呢個女仔到，而你只係當番佢一個普通人去看待。

 

好多男人因為被女人嘅first impression震懾，

 

就會突然覺得佢就係你一直想搵嘅女人，跟住就會覺得佢係自己想要嘅天使。

 

當然每個人都有優點同埋個人問題，

 

所以只有當你當番女人都係一個普通人看待，你先至能夠正常人性化地去同佢連繫。

 

所以今日想講嘅就係：

 

如果你覺得『好女人』就係supposed唔會輕易同男人上床，覺得『好女人』supposed係唔鍾意性愛，

 

咁樣你又係中咗光環效應嘅陷阱。

 

意思就係：

 

一啲文化或者社會嘅教育會話畀你知，冇乜性經驗嘅女人先至係一啲珍貴嘅女人，先至係『好女人』；

 

所以一啲鍾意上床做愛嘅女人，就係淫娃蕩婦死cheap精，就係唔識得潔身自愛，就係一啲污糟嘅動物。

 

如果你有咁樣嘅諗法，覺得搞得嘢少或者處女就係天使，

 

當你出去遇上有吸引嘅女人嘅時候，你就會開始投射一啲『理想嘅』qualities落佢到；

 

你就會不斷去幻想呢個好似好乖嘅呢個女人，可能就係心目中想搵嘅『乾淨處女』。

 

你甚至可能會暗地裏透露咗呢啲有偏見嘅expectation落呢個女仔到，

 

而佢就會暗地裏知道原來你係一個對性愛咁judgemental／充滿道德批判性嘅偽君子。

 

就算你同佢之後能夠發展一段關係，你哋嘅relationship都會係建基於一啲illusion／幻覺同謊話之中。

 

如果男人可以對女人嘅性愛歷史少啲道德批判，

 

如果女人唔需要下下證明自己唔係『淫娃蕩婦／雞還是一隻雞』，

 

如果道德撚可以明白男女其實都係同樣地享受性愛，

 

你唔覺得呢個世界每個人都會開心啲自由啲㗎咩？

 

男人同女人其實都不斷被社會壓抑緊，我哋都喺活係一個充滿shame充滿羞愧充滿恥辱嘅文化裏面；

 

如果你都以一種有色眼鏡去看待男女嘅動物性，你其實只係傷害限制緊自己能夠吸引更多女人嘅能力。

 

你想成為一個擁有sexual power嘅男人，

 

第一步就係對sex／性愛放下你現有嘅成見，

 

放下呢種『又想做愛但係又覺得女人同其他男人曾經上過床就係污糟』嘅道德撚偏見，

 

放下『我就係高人一等』嘅自我，

 

你先至能夠自由地客觀地去看待性愛呢件事，從而享受更多性愛嘅歡樂。

 

希望今集幫到你！

 

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

An interesting cognitive bias that affects how you perceive people, and how you are being perceived.

 

希望今集幫到你！

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

如果你有不斷出去social，一個好自然出現嘅結果就係你會開始識到好多女仔，

 

有啲可能更加好想要你，並且嘗試同你建立一段long term relationship。

 

但係如果你自己仲未ready好任何認真嘅關係，

 

又或者你想再嘗試多啲非傳統認識嘅relationship，

 

又或者想繼續發掘自己有咩preference嘅時候，你又可以點做呢？

 

好多人都係因為自己嘅neediness／依賴性／依附性，

 

自己一個嘅時候感覺寂寞感覺好lonely，所以先至會好想好想拍拖，

 

並且喺未成熟嘅條件之下，就求其搵個伴進入一段拍拖嘅關係。

 

 

如果你都係嗰一種好想拍拖嘅人，無論你係男定女都好，

 

其實咁樣係一種codependency，

 

會導致雙方互相寄生喺大家嘅生活之中，令到各自各嘅心理變得更唔健康。

 

雖然我哋每個人都想感受love，

 

但係一段健康充滿愛嘅關係，只能夠由兩個完全獨立嘅個體慢慢去成長發展出嚟；

 

所以如果你內在仍然充斥著一種『需要其他人去填滿自己心靈』嘅neediness嘅話，你就其實絕對未ready好進入任何exclusive拍拖嘅關係！

 

所以其實一開頭要keep住一段或者好幾段嘅open relationships，某程度上嚟講都算係一種男女成長時期需要經歷嘅階段。

 

 

問題就係：如果女仔想同你建立一段LTR嘅時候，但係你又未ready嘅話，你可以點樣處理呢啲情況呢？

 

方法有好幾個：

 

＃1 本身你就唔應該每星期都有太多嘅contact，

 

因為你哋越係接觸得多，你哋就會越係容易建立intimacy，你就會容易唔到個女仔你想要變得更加親近。

 

＃2 如果你唔想要一段exclusive嘅關係，

 

如果你想大家公開啲open啲各自各去探索其他關係嘅可能性，你就要令到個女仔知道你呢一刻並唔係『looking for relationship』；

 

而你嘅lifestyle亦都需要讓佢知道你係好忙，並且暗示你喺同其他女仔有一啲好刺激好瘋狂嘅experience。

 

＃3 盡量避免太快去定義你哋兩個人嘅關係，唔好咁容易去define你哋之間嘅relationship。

 

如果女仔問你『我哋係乜嘢關係』嘅話，你可以透過你嘅幽默感轉話題；

 

又或者可以望住佢奸笑定講話：『Aww，你好可愛呀，你真係好鍾意我。』，跟住講其他嘢。

 

如果個女仔仍然push你嘅話，你就只需要坦白地同佢講話

 

『你喺好enjoy同佢一齊相處嘅時間，但係呢一刻嘅你未準備好要一啲好認真嘅嘢，所以你都希望大家可以繼續咁樣輕輕鬆鬆相處落去；但係如果佢唔想嘅話，佢都可以隨時離開。』

 

 

＃4 最後就係，如果你感覺條女太快就想同你有LTR，

 

咁樣意味住佢好可能係一個有心理病，或者好needy，或者完全無社交智慧，又或者佢認真地只係look for LTR。

 

無論係咩原因都好，一個咁快就講話自己一定要LTR嘅女仔其實都有少少奇怪，

 

因為醒目嘅女仔都知道咁快就想鎖死男人，喺會令男人更快離開佢。

 

所以遇上呢啲女仔嘅時候，你就要明白你可能揀錯人同佢傾偈，

 

最好就有禮貌地離開，再去認識其他女仔喇！

 

希望今集幫到你！

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

之前有段時間收到一啲巴打嘅疑問，話自己冇wingman出去溝女，

 

又或者冇咩朋友同佢一樣想變得更加social，擴大自己嘅朋友圈，問我應該點樣做。

 

感覺上，呢啲巴打就覺得冇wingman自己就永遠溝唔到女，

 

所以今日我想你出一系列『自己一個出去識人／識女仔』嘅好處，同埋有wingman嘅壞處，

 

等你再去考慮一下你仲需唔需要依靠其他人，自己先至可以take action。

 

 

以下就係自己一個出去玩出去蒲出去認識新朋友嘅好處：

 

－你唔需要等待任何人，唔需要一早plan好，你幾時想出去就出去。

 

－你可以自己一個探索下唔同場地場合嘅feel，睇下嗰啲環境適唔適合自己性格去識人。

 

－你自己一個出去玩嘅時候，好自然地你就會逼自己變得social啲，好自然地你就會同更多人傾計，並且參加更多不同嘅social活動。

 

－你就會習慣自己一個喺公眾場合都可以好舒服好自然，唔需要依靠其他人去肯定自己嘅價值。

 

－喺女仔眼中，佢會覺得你係一個會冒險探險獨立嘅人。

 

－自己單獨一個都可以去做自己想做嘅事，係一種有膽量嘅表現，咁樣做已經係證明你係一個有吸引力嘅男人。

 

－你唔需要倚靠你嘅wingman令到自己先至可以有好嘅表現，你掌握大權，可以隨時根據當時嘅situation去調節自己嘅vibe。

 

－你唔會浪費時間不斷同你嘅wingman喺度仔細討論下一步做啲乜，你會依靠自己不斷去take action。

 

除咗以上自己一個出去玩嘅好處之外，要有friend先至可以自己出去玩其實有好多弊處，

 

例如：

 

－如果你嘅wingman搞禍咗成件，你都會收皮，因為你嘅成功率係取決於你嘅wingman當晚表演有幾好。

 

－要搵到一個合適嘅wingman，再一齊夾時間約出嚟係一件好q煩嘅事。

 

－你越係覺得自己需要wingman，你就係令到自己變得越來越NEEDY，對你將來自己溝唔溝到女嘅成功率大大減低。

 

－如果你嘅wingman表現得比你更加好，佢嘅光芒就會掩蓋你；但係如果佢表現得比你差，佢又會成為你出去social嘅負累。

 

－最後就係，如果你搵錯嘅人去做你嘅拍檔，最後你哋兩個就不斷製造藉口唔去take action，最後成晚又係徒勞無功。

 

Anyway，事實就係：

 

你根本就唔撚需要wingman，你自己一個已經有足夠嘅潛能資源去發揮！

 

如果你下下出去social都要有人喺身邊去支持你，去approve你嘅行為，

 

你最後咪又係成為一個needy依賴膽小唔能夠獨立自己相處嘅小朋友！？

 

如果你真係想成長令自己成為一個雄性男人，

 

喺時候MTFU學識自己一個出去social出去溝女出去認識新朋友啦！

 

希望今集幫到你！

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

各位巴打，唔知道你幾年前有冇睇過一齣戲叫做《Limitless／逆天潛能／藥命效應》呢？

 

內容係講緊個主角Eddie原本喺一個total loser，喺一個又失業又失戀嘅作家；

 

但係因為遇上一隻類似毒品『變聰明』嘅藥物，突然之間智力大增，極短時間之內由平庸生活達到巔峰狀態，人生一帆風順。

 

之後Eddie就係不斷活喺一啲充斥著外界讚許嘅生活之中，

 

例如某一幕佢喺個酒吧裏面令到所有人都開心大笑，個個都鍾意佢…

 

例如佢成日同啲有錢人一齊還遊世界開party…

 

例如佢可以同女人傾幾句偈之後就同佢哋上床…

 

例如佢可以短時間之內出品一啲非常有質素嘅寫作，令到公司嘅editor非常賞識佢…

 

又例如隨時可以喺餐廳用中文意大利文講笑，令到啲waiter好鍾意佢…

 

簡單嚟講：Eddie就係一個由零變咗英雄嘅傳奇故事，之後得到好多人嘅注意力同讚賞，

 

完全喺活喺每一個男人都想擁有嘅夢想，就係有錢有事業有女有名氣有世界嘅認同等等。

 

呢齣戲當年係非常受歡迎，所以我想問下各位巴打：

 

你又係咪好想好似Eddie咁樣活你嘅人生呢？

 

你係咪都想擁有呢種嘅『dream life』，每日都得到大量嘅外在認同呢？

 

更重要嘅係，呢種嘅『dream life』仲應唔應該係你自己嘅夢想呢？

 

基本上，對於我同你呢啲有大志有理想嘅雄性男人，呢種嘅『dream life』的確係會令我哋流曬口水，

 

好想感受到嗰種嘅人生高峰，好想感受嗰種世界嘅關注認同讚賞。

 

而你今日想學溝女學成功，好大嘅原因都係你想將來某一日終於『be the fvcking man』，

 

能夠著靚衫住大屋，去到任何餐廳酒吧club都享有VIP優待，每個人都鍾意你係一個又搞笑又有魅力嘅型男。

 

如果你都想享有以上形容嘅嗰種lifestyle，其實都係一件非常正常嘅事情，我亦都唔會責怪你去追隨呢啲嘢。

 

但係今日我Man神想話畀各位巴打聽：

 

人生係有更加大嘅事情可以追隨，除咗呢啲VIP特殊對待之外，你嘅人生係可以更加滿足豐盛。

 

呢樣嘢就係我成日同你講嘅『self validation／自我認同感』，

 

就係我成日叫你必須首先認同自己價值，而唔係依賴外界去認同你嘅價值。

 

當你係以一種『self validating／自己認同自己』嘅方式去活你嘅人生，當然你仍然可以成為一個有魅力又成功又享有特殊權利嘅男人啦；

 

但係你暗地裏嘅心理，其實就唔再需要任何呢啲外在嘅認同，唔再需要呢啲external validation。

 

冇錯，去到邊度都有人留意你，去到邊度都有人讚賞你嘅感覺梗係爽皮啦，

 

但係即使以後冇人再重視你，因為你一早已經『self validate／自己認同自己』，就算世界忽視你，

 

你仍然自我感覺良好，你仍然相信自己存在嘅價值，你仍然feel good and worthy about yourself。

 

呢種就係self validation嘅重要性：

 

你永遠都愛惜自己，你永遠都能夠為你自己感到自豪，而唔需要外界嘅人或事物去留意讚賞你。

 

點解今日我要同你講以上嘅嘢呢？

 

原因就係，大部分有野心追隨名成利就嘅人，都會唔小心跌落一個陷阱，

 

都會為咗追隨更多成就／更多女人／更多錢／更多外界認同嘅快感而迷失自己；

 

最後就好似一隻倉鼠咁樣，不斷去跑不斷去追隨下一次嘅讚賞，

 

但係心底裏其實活著一種唔開心唔滿足嘅生命。

 

你依家可能會問我：『Man神，你咁有魅力又靚仔又搞笑又有影響力，你咪又係鼓勵各位巴打去追隨更美好嘅人生？

 

你咪又係鼓勵各位巴打選擇更適合自己嘅女人，追隨自己嘅passion，為自己嘅人生任務同目的打拼？』

 

你講得好啱，我的確喺鼓勵各位巴打去活出一個更精彩嘅人生，

 

我的確鼓勵各位巴打不斷進步去升呢到下一個level，

 

我的確同各位巴打一樣會每日投資增值喺自己身上，成為一個更有價值嘅人，

 

而我亦都的確同時幾享受隨之而來嘅外界認同。

 

但係你要記住：

 

追隨呢一條path to greatness／self-actualization係一件一輩子嘅事，係一件到你死嗰一日先至會有結論嘅事情，你唔小心嘅話途中當然會走火入魔；

 

但係只要你時刻警惕並且勿忘初衷，只要你記住任何時候最重要嘅都係self validation，

 

最重要嘅都係『自己接受認同愛惜自己』，咁樣你就能夠任何時候都以一種正面快樂感恩嘅心態去面對人生。

 

總結就係：我唔會叫你削髮為尼出家修行，為咗逃避誘惑而去避世，

 

我亦唔覺得咁樣做喺能夠對世界有最大嘅正面impact。

 

相反，

 

我會鼓勵你去釋放自己潛能，不斷提升自己嘅影響力同價值，盡自己能力去到世界嘅巔峰。

 

但係你必須同時記得：

 

溝女或成功嘅『進步』只係 a means to an end， 只係達到目的嘅手段，只係去睇下自己有限嘅人生可以去到有幾精彩；

 

最重要嘅係：

 

喺名成利就品嚐世間美食美女佳餚之外，就係學識點樣唔再需要任何人任何事嘅approval，

 

唔再需要external validation，唔再需要外界去認同你嘅價值。

 

呢種就係真正嘅non-needy，呢種就係真正自由真正freedom嘅存在位置。

 

而好諷刺地，

 

亦都係因為你能夠修煉到呢種『self validated／自己認同自己』嘅狀態，

 

你先至會比起之前得到更多女人／更多愛戴／更多注意力，並且真正哋感受到快樂。

 

今集咁deep咁有智慧咁有哲學味道，唔知各位巴打又hand唔handle到呢？

 

鍾意嘅話，就畀個like並且comment話我知啦，

 

希望今集幫到你！