作者: Man神

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

嚟到超男之道系列嘅第41集，今集叫做 Allow Older Women Their Magic，讓年長女士展現魔法！

 

＃1 作者意思係： 男人係應該支持年長女士，欣賞佢哋嘅智慧，力量，直覺，同治癒嘅能力；

 

男人絕對唔應該將年長女士降級，並且將佢哋好似年青女士一樣比較。

 

任何年紀嘅女士都有自己嘅價值，而佢哋表面的光芒過渡到深刻嘅光輝，係一個無可避免的過程。

 

＃2 從多種層面嚟講，你好大機會都係對一啲比較年青嘅女士有性趣，

 

行街嘅時候你個頭總係會望一啲十零廿歲嘅靚妹，多過六七十歲嘅年長女士。

 

呢種係好自然嘅生理反應，但係要明白雌性力量係包含比起sexual attraction更加大層面嘅事情。

 

青春充滿性慾嘅吸引力，只係一啲暫時嘅層面，

 

令女士過渡到將來更深層次更加基礎嘅雌性力量，就係radiance／光輝。

 

＃3 Feminine Radiance 並唔係純粹講緊女人皮膚有幾又白又滑，女性的光輝其實正正代表生命力嘅光輝。

 

女人真正嘅radiance，將會透露佢內在特質有幾咁公開，信任，連繫世界，同充滿愛；

 

佢越係能夠去愛其他人或事物，佢嘅身體越係會被呢種生命力推動。

 

＃4 女人年青嘅時候，佢表面上係會散發更多光芒，所以你通常會被佢外在外表而蒙蔽。

 

但係隨著年齡增加，隨住佢嘅肌膚開始失去青春嘅能力，剩低嘅就係佢真正深層次嘅美麗。

 

＃5 嗰種深層次嘅女性美，其實先至係最吸引你嘅特質。

 

如果你望住佢雙眼嘅時候，你係會感受到一種令人屏息嘅深層次同情心，深層次嘅大愛，同埋解釋唔到嘅神秘感。

 

呢度深層次嘅女性美，係唔會隨著年紀減少，而係會隨著年紀增大並且增加光芒。

 

＃6 如果你本身唔係根據自己嘅雄性目的／purpose同意識／consciousness去做人，你就唔能夠睇到深層次嘅女人美。

 

你只會睇到膚淺的表面，你亦都只會膚淺地被青春嘅面紗蒙蔽，永遠追隨一啲會隨時間流逝嘅表面事物。

 

＃7 當然你冇需要去否定年輕女士自然嘅性感美啦！

 

但係你要知道，一個女人由心出發深層次嘅光輝，

 

係能夠停止你嘅思維，擴闊你嘅心，讓你嘅身體驚嘆呢種神秘女性嘅優雅。

 

＃8 女性嘅大愛／光輝，同埋暫時肉體嘅性感，都係一種祝福。

 

你要留意自己每一刻，每一年，究竟係留意讚賞緊女人邊一種嘅特質。

 

＃9 年長有智慧嘅女士，係能夠更加準確地閱讀自然嘅徵兆，佢嘅直覺係會更加精準。

 

超級男人係會尊敬並且欣賞呢種神奇力量，並且知道呢種能力係能夠協助到佢將來實現自己嘅成就。

 

＃10 最後，年長嘅女士係唔會容忍你嘅bullshit嘅。

 

如果你嘅目的係想令到自己更加自由，並且同世界分享你嘅禮物，

 

咁樣一個spiritually mature/靈性上成熟的女人，就會係一個完美嘅夥伴，同你一齊喺你嘅旅程上打拼。

 

希望今集幫到你！

 

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

好耐都冇同大家講過溝女Q＆A，雖然每日都收到巴打嘅問題，

 

不過好耐都冇分享過出嚟，所以今日就整番一條溝女Q＆A送畀大家。

 

不過今日呢條溝女Q＆A比較特別，

 

因為呢位阿D嘅巴打係講英文嘅，不過我之後會用番中文為大家解答。

 

巴打阿D就同我講：

 

『Man，Quick advice needed.  I was texting a girl.

And everything was awesome.

 

And I was telling her that even though I am helping her, she owes me an ice tea.

 

中文翻譯…

 

But she didn’t come online for like a day.

 

I checked right now and she was online but my guess is my message got buried in the load of messages a girl gets.

 

So should I text her something or should I drop it?』

 

中文翻譯…

 

之後佢再補充：

『We use WhatsApp. She has a test on Monday. She’s a classmate.

 

The one thing that worries me is that I’m actually giving a fvck that she isn’t replying.

 

I’m being needy here. That’s an issue too. 』

 

中文翻譯…

 

我嘅回覆：

『You’re right bro, the behavior of “needing her to always respond” is needy.

 

Yet, such feeling is just an indicator that you haven’t built an active social life + haven’t had an inspiring mission that excites you.

 

So I’d say:

 

#1 Create a life that’s passionate for yourself

 

#2 Be social, meet new people weekly, so that you don’t overweight the importance of one tiny interaction.』

 

中文翻譯…

 

#1 創造一個你無女都熱愛嘅lifestyle

 

#2 每星期keep住認識新朋友

 

希望今集幫到你！

 

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

各位巴打，成熟嘅你應該知道，

 

要健康地搵到屬於你嘅女朋友，並且擁有健康社交生活嘅life，

 

你係必須首先清楚自己係一個點樣嘅人，你係必須知道自己嘅identity，自己屬於乜嘢。

 

所謂嘅『Identity／你嘅身份』，

 

就係一啲屬於你本質嘅性格特點，一啲突顯自己personal character嘅素質。

 

而每個人總有兩三點係令其他人注目嘅，

 

譬如話人哋可能會覺得你係一個『真誠，公開，開朗』嘅男仔，又或者你畀人嘅感覺係一個『負面，揮霍，猜疑』嘅人。

 

重點就係，

 

你必須明白自己嘅內在性格特質，再加埋你點樣喺外界『顯示』自己嘅personality，你先至能夠改善自己同女人嘅關係。

 

所有受女人歡迎嘅男人，全部都係有real life，並且根據自己identity而活著嘅人。

 

佢哋受女人歡迎，係因為佢哋能夠congruent／一致地活著，能夠忠於自己，

 

而絕對唔係純粹因為佢哋著衫好睇／用咗咩pickup lines／routines。

 

所以以下想好快教各位巴打四步曲，點樣健康地建立自己嘅identity，讓自己活出一個健康嘅lifestyle。

 

第一步：你究竟想要啲乜嘢？你覺得自己活著嘅purpose／目的係乜嘢呢？

 

如果你今日要離開世界，你有啲乜嘢係後悔／未做令到你感覺悲傷呢？

 

要建立自己identity，就必需要首先清楚並且感受自己嘅life purpose。

 

如果你依家暫時唔清楚自己生命嘅意義，你就至少應該開始好奇去發掘多啲關於自己嘅嘢。

 

第二步：當你大概知道自己嘅purpose嘅時候，你就要問下自己應該點樣花自己嘅時間呢？

 

如果你每一日都可以根據自己嘅schedule做嘢，你又會點樣design自己嘅日曆呢？

 

其中一個改善自我形象嘅方法， 就係花多啲時間同一啲令你開心令你成長嘅人一齊，

 

並且為自己做一啲充滿passion充滿快樂嘅事情，咁樣先係真正嘅self improvement！

 

第三步：近朱者赤，近墨者黑；

 

你花最多時間同某啲人相處，你就會汲取某啲人嘅性格特質。

 

所以你依家嘅社交生活有幾active呢？你一個禮拜有幾多次嘅social interaction呢？

 

我同你都需要balance單獨思考/相處，同其他人相處嘅時間，你依家嘅生活方式又bal唔balance呢？

 

另外，你又係咪經常出去『探險』嘗試新事物呢？

 

無論係試下新嘅餐廳／新嘅events／新嘅活動／新嘅電影／新嘅旅行地方，

 

如果你每個月至少有一次自己一個或者同朋友一齊去試下新嘢，咁樣你嘅social life先會係長期刺激好玩。

 

第四步：你可唔可以繼續擴展呢個朋友圈呢？

 

你可唔可以主動啲開始邀請一啲諗嘢相近，興趣相同嘅新朋友仔呢？

 

如果你每個禮拜keep住認識到其他frd嘅frd，

 

如果你本身都做緊一啲有趣好玩嘅活動，要認識新朋友並且邀請佢哋join你根本就好容易！

 

當你做到以上四步嘅時候，你就會根據自己嘅性格特質，去開始建立自己嘅self-esteem／自我形象／自我認同感，

 

你就會透過不同嘅人同經驗，間接地搵到真正屬於自己嘅identity。

 

健康嘅女人係唔會期待無啦啦係街上比某個random男人cold approach嘅；

 

最好嘅方式去識女仔並且建立relationships，

 

就係透過你誠實地活著屬於自己嘅生命，透過你自然流露嘅socializing，跟住『自動地』吸引佢哋埋身。

 

所以你又準備好發掘自己嘅identity，知道自己代表啲乜，知道自己活著嘅目的未呢？

 

希望今集幫到你！

 

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

各位巴打聽咗咁耐MTFU，你都知道我一向提倡你去首先成為一個社交達人，

 

學識點樣同唔同類型嘅人都social到玩到，建立自己嘅朋友圈，之後先至慢慢進展到溝女。

 

最主要嘅原因，

 

就係因為如果你成個PUA咁日以繼夜夜以繼日出去cold approach，

 

你每次都係由零開始，完全係一個短視+無高ROI嘅策略。

 

但係social circle對於大部分男人嘅最大問題，

 

就係自從中學大學畢業返工之後，佢以前認識嘅frds大部份都各散東西，各有各忙，好難再成日一齊相聚。

 

所以佢哋先至會逼於無奈成日去酒吧／夜場clubbing，嘗試去溝女。

 

但係如果你有蒲過一段時間，你都知道bars ＆ clubs唔係一個認識新朋友最理想嘅地方，

 

而你每個星期都見到嘅大部分regular蒲友，好多時都好難做到交心嘅frd。

 

Anyway，今日想講嘅重點就係：

 

如果你有聽教聽話，開始建立自己嘅社交帝國，你就必須留意做一個社交達人，其實係一個長遠長線嘅溝女策略。

 

如果你唔小心用咗PUA教你嘅心態去對待social circle，

 

如果你純粹嘅目的係為咗diu曬你之後認識嘅女仔frd，

 

你咁樣嘅變態mindset最後只會fvck yourself up！

 

所以如果你唔想之後俾你啲新朋友排斥，以下兩條建立社交圈子嘅規則你必須遵守：

 

規則一：你必須首先同唔同嘅女仔們做frd！

 

意思就係：

 

你必須首先frdzone一咋女仔，無論如何佢哋只係純粹朋友，你係絕對唔會同佢哋上床嘅！

 

原因就係，呢啲女仔只係你釣大魚嘅誘餌，令其他人知道女仔係鍾意同你一齊玩，有啲甚至都鍾意你，但係你唔會diu佢哋！

 

所以當你有幾個外表唔錯嘅女仔都鍾意你，但係你又唔會同佢哋上床，

 

你就會製造一個好屈機嘅social proof，令你朋友圈以外嘅索女都想認識你溝你搞你。

 

規則二：永遠都唔好食咗你自己釣大魚嘅誘餌！

 

你嘅baits越係吸引，你嘅baits越係公認地『好味』，

 

你能夠吸引其他相同高質素嘅索女就會大大增加！

 

基本上，每條8/9/10分嘅靚女都至少有三五七個差唔多level嘅靚女frd，

 

所以當你有一打索女frd嘅時候，你就能夠非常容易認識其他近百名嘅索女。

 

只要你忍口唔好食咗自己嘅誘餌，喺你核心朋友圈以外嘅其他大魚就會屬於你！

 

希望今集幫到你！

 

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

過去呢幾個月，從巴打們send畀我嘅問題之中，我見到有好幾個常犯錯誤，

 

今日想好快再次提醒大家，唔好再犯呢啲錯。

 

錯誤＃1：太過agreeable，太過容易接受同意女人嘅意見，太過親切友善。

 

呢個係好多好男人唔知自己犯咗嘅錯誤，因為自己只係做番一個友善隨和嘅人。

 

但係對於女人嚟講，成個感覺就係你太過集中地去please／討好佢。

 

女人當然想要一個令佢哋開心嘅男人啦，

 

但係佢哋唔想要一個冇自己主見，淨係一味想女人開心，而忽略自己價值嘅人。

 

當你太過溫和嘅時候，男人畀人嘅感覺就係太過軟弱無力，

 

有啲優柔寡斷，甚至有少少我琴日講嘅approval-seeking／嘗試從女人身上得到認可。

 

女人就會覺得你成個乞兒咁揚喺度賺取佢嘅認同，成件事實在太嘔心喇！

 

錯誤＃2：表現太多interested，太過感興趣，對佢太快太關心。

 

講緊嘢就係，就算你對佢有興趣，你都唔可以太過明顯地express自己嘅desire。

 

當然唔係叫你被動地等對方做主動啦！

 

意思只係，你對佢有興趣係一開頭要主動take action，表達嘅方式就係你主動行去同佢傾計。

 

但係女人係知道你同得佢傾計，都代表對佢有少許興趣，

 

所以你之後冇需再特登再同佢講『話俾佢知你鍾意佢』囉 lol

 

你嘅責任係initiate action，開始動作，跟住『引導大家嘅關係向前走』；

 

但係你冇需要話曬畀佢知道你下一步會點做／你成個腦喺度諗緊咩，

 

因為女人係想感受到一啲神秘感，一啲『摸不著頭腦嘅希望』。

 

錯誤＃3：太過available，太過得閒，太過隨手可得，太過容易聯絡得到。

 

非常容易犯嘅錯誤，就係每次女人搵你嘅時候，你都即刻放低曬所有嘢， 畀曬自己嘅attention佢。

 

講咗十萬次：人類只會對一啲自己得唔到嘅嘢存有慾望；

 

越係珍貴難得到嘅嘢，我哋先會覺得嗰樣嘢有價值，先至會日諗夜諗去珍惜佢。

 

同樣嘅道理係可以應用喺我哋嘅時間，我哋嘅存在，我哋嘅注意力上面。

 

如果你想吸引女人並且讓佢哋珍惜欣賞你，你就絕對唔可以太過available，

 

無論係你真人見佢嘅時候，定係你同佢whatsapp嘅時間。

 

你嘅時間／存在／注意力係好寶貴嘅，

 

你係應該一早已經好忙地 投入緊自己精彩好玩嘅生命，並且好忙地征服緊自己人生任務同目的。

 

所以你除咗要學識對女人say yes，你更加要學識幾時要對女人say no，

 

咁樣佢先至會長期被你吸引！

 

希望今集幫到你！

 

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

＃1 各位巴打應該記得，

 

我曾經三番四次講過話點解你嘅neediness／依賴性，係一種將冇吸引力嘅性格特質，係會令到原本鍾意你嘅女仔都失去興趣。

 

今日就等我解釋一下，其實所謂嘅neediness／依附性／insecurity／缺乏信心究竟係點樣嘅一回事。

 

＃2 所謂嘅 insecurity，

 

就係每當你嘗試喺自己嘅個體以外，尋找一啲外在嘅東西令自己感到安心／安全／穩定／有把握；

 

而正正因為你係尋找一啲外在嘅嘢去令到自己感覺secure，呢啲外來外在嘅嘢，其實就唔係自己能夠100%控制得到。

 

＃3 譬如話，

 

如果我將自己嘅安心／快樂／幸福／自我認同感，放喺得唔得到外在嘅validation，得唔得到外在人哋嘅讚賞認可，得唔得到女人嘅賞識…

 

又或者我將自己嘅心情依附喺『今日天氣係咪陽光普照』嘅外在條件上面，你自己嘅安心／快樂／幸福／自我認同感就會永遠取決於喺別人身上。

 

正正因為你自己嘅價值／你對自己嘅信心，喺依附喺外在嘅條件上面（譬如有幾多架車，買到幾多層樓，自己係做咩工作，每日有幾多個女人like你IG post），

 

你永遠都會係缺乏信心，你永遠都會係insecure。

 

＃4 點解呢？

 

原因就係自身以外嘅嘢，永遠係outside your control，力量永遠唔係自己手上之中。

 

更加諷刺嘅係，每次你咁快就鍾意一個女人，你潛意識地就會想喺佢身上得到一啲認同／讚賞；

 

而每當女人感覺到呢種無形壓力，佢就會覺得有啲唔對路，佢就會pull away唔想理你。

 

＃5 所以無論係我前幾集所講嘅『 如何令自己更加強大』／『 溝女其實係色誘自己』／『 你真係想要一夜情？』，

 

重點都係點解你絕對唔應該好似PUA咁，嘗試從女人尋找自己嘅價值！

 

 

＃6 咁樣要令到自己對自己有信心做人，有咩解決方法呢？

 

PUA就會同你講，快啲diu十條女，搵多幾個性伴侶，你就會對自己有信心…

 

That’s fking bullsh!t!

 

雖然你短暫時間內可能止到血，但係以上只係一種建立自信治標唔治本嘅有毒方法。

 

真正令自己有信心嘅解決方法，就係『自己價值自己攞』，學識點樣 put your OWN sense of worth into your OWN hands.

 

＃7 意思就係，

 

透過自己嘅價值觀，建立自己一套嘅信念，透過你嘅人生目的，學識點樣自主地活你想要嘅生命。

 

呢幾年咁興喺度講autonomy，講嘅就係自己有自治權，講嘅就係點樣自己管理自己嘅生活。

 

你並唔係根據父母老師想你做咩而去活，

 

你並唔係根據其他女人想你做咩而去活，

 

你更加唔係根據『你認為女人想你成為咩』而去活。

 

你只係依據自己價值觀，自己需要咩想要咩，對自己長遠健康快樂嘅嘢，有意識地有目的性地去做每一件事。

 

＃8 而最容易開始感覺自己價值，最容易開始『有安全感』哋去做人，

 

就係知道自己喺世上活著嘅目的，你嘅life purpose，同埋你有咩vision／遠景去一步一步達到自己想見到嘅理想。

 

最簡單一條問自己嘅問題就係：

 

究竟我臨死之前，我應該要做啲乜嘢，我先至感到自己嘅生命完整呢？

 

喺我嘅喪禮上面，我究竟想出席嘅人點樣去形容我嘅人生呢？

 

＃9 講到尾，你想有一個長遠健康嘅social／dating／sex life，你必須首先建立一種同自己心理健康嘅關係。

 

如果你連自己都唔愛，連點樣同自己健康相處都唔識嘅話，你建立其他relationships只會害到人。

 

 

＃10 我明白你同我都有『生活需要做』嘅工作， 我明白你同我都有『唔想做但係必需要做』嘅嘢，

 

但係千祈唔好因為咁樣而忘記咗『自己真正想做嘅嘢』／『自己真正想探索嘅世界』。

 

如果你想學法文，主動啲schedule幾時學法文。

 

如果你想攀登喜馬拉雅山，主動啲schedule幾時開始行山，建立自己嘅體魄。

 

如果你唔小心被迫做咗ibanker但係其實自己passion喺煮嘢食，主動啲schedule幾時開始每星期花幾個鐘學習廚藝。

 

＃11 我哋同Elon Musk／Jeff Bezos／Mark Zuckerberg每星期都係只有168小時，

 

所以你並唔係缺乏時間，你只係缺乏priorities／優先處理嘅事項。

 

無論你幾忙，你每星期總能夠搵到幾個鐘做自己想做嘅事情。

 

只要你願意take FOCUSED actions，

 

你就絕對能夠再次熱愛自己嘅生命，

 

再次充滿正能量地衝刺，

 

再次喺女人以外之中搵到自己價值。

 

希望今集幫到你！

 

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

嚟到超男之道系列嘅第40集，今集叫做 The Feminine Is Abundant，

 

女性嘅力量其實係非常豐富，四周圍都有。

 

＃1 作者意思係： Life／生命本身就係一種feminine嘅形態，所以雌性嘅力量其實係遍佈每一個角落。

 

如果男人感覺佢生命冇足夠嘅女人，或者覺得自己得唔到想要嘅生命，

 

好多時係因為佢自己拒絕咗去接收feminine嘅能量。

 

＃2 要明白：我哋每一個人都係活係一個充斥著feminine energy嘅地球上面。

 

Feminine energy其實正在充滿你身體上每一個細胞，讓你能夠呼吸，讓你有心跳。

 

所以如果你覺得自己好飢渴，冇女性嘅滋潤，其實係你拒絕embrace身邊嘅feminine energy 同女人。

 

＃3 作者再講話：如果你感覺空虛，請你嘗試感受當下呢個moment其實就好似一個女人咁樣。

 

試下感覺自己每一下嘅呼吸，其實係不斷吸入女人迷人嘅香氣，

 

讓你嘅身體去享受雌性力量的味道，滋潤緊你雄性男人嘅靈魂。

 

＃4 只有當你能夠放鬆自己嘅身體，你先至能夠感受到身邊充斥著feminine energy。

 

Feminine energy除咗以女人嘅化身存在之外，

 

佢係會以不同嘅形態／不同嘅form存在，不同嘅聲音／不同嘅光線都有佢嘅出現。

 

你一定要利用自己嘅意識同存在感，intention同presence，你先至能夠體會到佢。

 

＃5 同一個道理，係可以運用喺真實女人身上。

 

唔好純粹當女人哋係朋友同事或者親戚家姐細妹，試幻想佢哋係以一種祝福嘅能量喺度行走。

 

打開你嘅呼吸，打開你嘅身體，完整地接收女人獨特不同嘅feminine energy。

 

咁樣嘅話，你先至能夠放鬆感受到無窮無盡嘅雌性力量，你先至唔會感到心靈嘅飢渴。

 

希望今集幫到你！

 

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

嚟到超男之道系列嘅第39集，

 

今集叫做 She Needs Your Consciousness to Match Her Energy，女人需要你嘅意識去match番佢嘅能量！

 

＃1 作者意思係：男人一定要有能力利用自己嘅consciouness／意識，去match到女人相應嘅energy／能量。

 

無論喺光明定黑暗，每當女人去測試你嘅時候，你都要有相應嘅masculine capacity去應付佢。

 

＃2 你可能都會知道，同一位女人，有時佢可以喺一個可怕嘅巫婆，有時佢可以喺光明嘅女神，

 

有時佢可以喺充滿愛心嘅媽媽，有時佢可以喺邪惡嘅化身，

 

有時佢可以喺有智慧嘅導師，有時佢可以喺不能被控制嘅野獸。

 

基本規則就係，女人係會不斷以同一種『你唔能夠應付』嘅能量去測試你，直至你應付到為止。

 

＃3 例如：如果你成日畀女人激嬲嘅話，你就會發覺個女人就會成日做一啲激嬲你嘅嘢，

 

佢就會以一種『energy of anger』去測試你，直至你有能力去轉化佢嘅anger成為passion。

 

＃4 所以只有當你有意識地去沉著應戰，唔好咁緊張，唔好咁容易被觸怒，

 

提供一個清晰嘅意識畀佢去『穿越／penetrate佢當下嘅壞心情』，佢先至會最終回復返美麗柔和radiance嘅一面。

 

＃5 而你去match女人嘅energy嘅秘密，就係透過你身體／body去顯示，你嘅勇氣同愛佢嘅表達必須透過身體發出。

 

意思就係，

 

你嘅身體語言／說話語調／望住佢嘅眼神必須係擁有開放性／肯定性／穿透性，佢先至能夠相信你『同緊佢一齊』。

 

如果佢仍然係封閉，你就必須行去用手抱起佢，深深地錫佢，讓佢感受到你嘅愛，利用你嘅身體打開佢嘅身體，而唔係純粹用語言叫佢open啲。

 

＃6 女人嘅情緒同情感，並唔係純粹讓你去奉承佢；

 

相反，你係透過呢種機會，去學識點樣利用自己嘅意識同愛，去穿透女人同世界。

 

＃7 你嘅女人係比起任何人更加清楚你嘅弱點；

 

同時間，佢亦都畀你任何人更加知道你係有好大嘅潛能去成為一個完整自由嘅男人。

 

所以如果佢係一個好女人，佢就會利用自己黑暗嘅情緒去測試你，

 

直至你嘅意識成熟到可以抵受任何女性嘅challenge。

 

只有當你去到嗰一點，你先能夠真真正正地征服任何世界帶俾你嘅挑戰。

 

希望今集幫到你！

 

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

今日想同大家講下one night stand嘅利害關係，等你對一夜情有更清晰更全面嘅概念，先至再決定將來會唔會咁做。

 

首先想講嘅係，好慶幸絕大部分每日聽MTFU嘅巴打，

 

都係一啲諗嘢比較長遠嘅成熟男人，都係一啲想建立健康長遠關係嘅兄弟，唔太鍾意一啲short term表面嘅嘢。

 

不過我必須澄清：

 

我Man Sir絕對唔會去批判／去judge任何想ONS嘅男人女人，如果你想咁做嘅話，just do it；

 

但係我今日喺度就係想話畀你知，其實有其他可能比較好嘅選擇，令到你更加長遠地身心健康快樂滿足。

 

Anyway，如果你曾經考慮過試過ONS，可能你背後嘅動機／得到嘅好處就係：

－你能夠短時間內解決性需要
－你感覺自己好『Man』，好有征服女人嘅虛榮感
－你覺得自己好型好威，因為出面九成五嘅男人都冇咁樣嘅能力去色誘女人

 

Great，冇嘢嘅，你的確能夠短時間內瞬間滿足到多種嘅慾望。

 

但係如果你係嗰種睇嘢比較long term，鍾意更加有效率做事，鍾意有高嘅ROI（Return of Investment）嘅人，ONS就未必係你最有效率嘅選擇。

 

原因1：話明係ONS，同得你ONS嘅囡囡，大部分都好難同佢long term發展。

 

因為女人天生就有一種心理機制，去防止被人標籤為slut／淫蕩。

 

所以就算無論你性技巧有幾高超，要真係由ONS嘅關係發展到long term relationship嘅關係會係非常困難。

 

所以如果你能夠控制自己嘅性慾，唔同啱啱認識嘅女人ONS；

 

如果你哋係被雙方吸引，你哋之間能夠發展short/long term relationship嘅關係就會大大增加，你就能夠experience更多不同種類嘅女人。

 

原因2：如果你習慣咗ONS，你其實係違反咗自己嘅生理機制，你就會越來越困難去將來認真地啲develop一啲超越一夜情嘅關係。

 

因為你可能心理上都感覺得到，你自己會對一啲馬上同你上床嘅女人冇咁吸引。

 

遇上一啲所謂比較『promiscuious』嘅女人，你可能暗地裏都會覺得佢唔係一種專一嘅對象，你都未必會相信佢喺忠誠嘅人。

 

所以就算你能夠同佢好爽過一晚，一切好正爽皮感覺第二朝就會馬上消失；

 

你同佢又會係打回原形，去返ground zero， 你又係咪真係想每晚再搵過其他ONS嘅對象呢？

 

原因3：你唔去ONS，其實係為你自己增加將來嘅options。

 

Alpha male雄性男人好清楚地明白，佢自己嘅power係會同佢有幾多選擇／options成正比例。

 

所以缺乏options = 長期地憔悴，長期地飢渴，長期地needy，長期地『見女就追』

 

相反當你養成『儲蓄嘅習慣』，慢慢滋潤每一個新嘅options，

 

你長遠地就會冇咁飢渴憔悴，你就能夠放鬆地知道自己有大把貨，你亦都會減少自己對某一位女士嘅neediness／依賴性。

 

醒目嘅你，係咪應該選擇去玩long game instead of short game呢？

 

原因4：ONS其實真係好冇意義，會令到你心靈好空虛。

 

要知道，我哋每個人都需要感受到connection，感受到人與人之間嘅連繫。

 

你真係以為純粹嘅肉體性關係能夠帶畀你長期滿足咩？

 

如果你唔係psychopath，如果你唔係心理變態，如果你唔係冷血，

 

你係絕對想要一種真誠深切嘅 human connection。

 

PUA之所以係一個長遠嘅心理陷阱，就係因為你越係好叻去『即晚食女』，

 

你嘅ego／你嘅自我／你嘅短暫快樂／你嘅個人價值越係會依附喺『我有幾快可以秒殺啲女』呢種價值觀上面，

 

你成個人嘅sense of worth都會係被『女人畀幾多正面反應你』嘅成績去決定，你就會絕對地失去自己個人嘅力量。

 

所以如果你現時有想做到『ONS達人』嘅類似目標，

 

但係其實你心底裏係想搵到一啲吸引你+可以一齊分享心底說話嘅女人，你就要三思以後去唔去ONS。

 

ANYWAY，如果你唔肯定我今日同你講嘅呢一番說話，that’s fine，

 

你就更加應該去感受多啲ONS，直至你厭倦為止。

 

但係如果你想長期健康地同女人建立真實嘅關係，你就要注意：

 

＃1  記住每個星期要習慣性地去認識唔同嘅女性，meet多啲唔同女人。你越係識得多，你就會有更多嘅options。

 

＃2 當然你仍然要明白點樣去attract／connect佢哋，並且有策略地去『friendzone佢哋』，但係又唔會斬斷將來可能成為sexual partners嘅可能性。

 

＃3 記住延遲享樂／delay gratification係會帶比你更多長遠嘅好處。

 

＃4 就算條女真係好鍾意你，並且想同你即晚ONS，如果你能夠延遲大家享樂嘅話，你就係擁有所有嘅sexual power；

 

因為你係少數唔needy唔desperate唔猴擒嘅男人，咁樣就會大大增加你認識其他女人嘅自信。

 

總結就係：『即晚嘅成功／Overnight Success』係唔會增加你對自己嘅自尊心／自我認同感(self-esteem)。

 

當你能夠建立一種『一定有新女供應』嘅管道，

 

並且有策略地認識佢哋，篩選佢哋，選擇高質素嘅女人進入你嘅生命，你就唔會再嘥咁多精神能量去『每晚為咗get laid而pickup』。

 

『快餐店雜食』嘅心態可能聽落好吸引，

 

但係如果你係一個有standard嘅男人，quality係比起quantity更加重要；

 

而高quality嘅嘢，需要你嘅耐心耐性去培育。

 

希望今集幫到你！