Welcome to <A Billion Wicked Thoughts/十億個邪惡的念頭> Ep.12，琴日我哋就講咗好多超正關於女人嘅心理慾望同埋女人想要咩嘅男人，
今集我哋就會講埋呢本書Ch.6嘅下半部份，另一樣女人嘅心理慾望同埋男人女人選擇異性嘅分別。
如果巴打鍾意咁嘅題材嘅話，就請你而家率先Like咗呢段片同訂閱我地MTFU嘅channel喇！
重點＃1 另一種女人嘅心理慾望，就係想被人愛慕被人adore，被人因為佢嘅獨特性同埋特質而愛上。
對於女人嚟講，做一個『討人喜歡』嘅女人就係吸引交配對象嘅方法。
但對於男人嚟講，做一個努力奮鬥成為王者，打贏晒其他競爭對手先至可以有機會吸引交配對象。
喺浪漫小說裡面，女人嘅慾望就係希望透過自己有幾咁special／特別，令到男英雄開始『愛上條女』，並且逐漸因為呢種『愛』而透過一系列嘅犧牲同埋承諾去證明自己嘅愛喺永恆持續，會因為『愛』而做出一系列缺乏理性嘅行為。
所以每一本浪漫小說嘅高潮位，都係當男英雄『因為呢種愛而最後同條女示愛求婚』，跟住最後王子與公主永遠幸福快樂happy ending地生活落去。
（講到呢度，巴打記得聽到最尾，唔係嘅話你好容易誤解咗點樣運用以上嘅資訊。）
重點係：『男人墮入愛河』就係女人感到被愛嘅盲點，正當男人喺比較『妒忌女人性愛上嘅不忠』，女人嘅大腦係比較『妒忌男人情感上嘅不忠』。
所以身為男英雄，身體上嘅濫交未必係問題；但情感上嘅濫交就係好多女人都唔鍾意。
就好似男人唔鍾意女人有太多性伴侶亂咁同人訓，女人都唔鍾意男人『亂咁愛上除咗自己以外嘅其他女人』！
重點＃2 作者喺度比較咗男人同女人嘅性慾機制有咩唔同，佢就用咗 Or 同 And 比喻兩性。
男人嘅性慾就係以Or／或者嘅模式去運作。
譬如話：要大波，或者豐滿嘅大籮，或者夠索嘅人妻，或者夠纖瘦嘅長腿等等，只要有一樣符合得到胃口，男人都會即刻有性慾想搞嘢。
但女人嘅性慾就係以And／同埋嘅模式去運作，會比較挑剔。
譬如話：要有自信，同埋要靚仔，同埋要高大威猛，同埋要搵到錢收入穩定，同埋要愛錫小朋友，同埋要比到安全感佢，同埋要有健康習慣，同埋要夠搞笑幽默等等…
女人就或者會因為同時某幾項嘅訊號而被挑起性慾，而呢種門欖好多時亦都會根據佢嘅年紀，佢手頭上嘅選擇，佢嘅文化背景，佢嘅健康同其他因素而有所調節！
簡單講：男人嘅性慾喺好容易被挑起，只要符合其中一樣條件就ok，但就缺乏靈活性。
掉返轉，女人嘅性慾喺比較難被挑起，但就比較高靈活性，可能唔同嘅combo組合都會令佢有feel，包括性別上嘅流動性。
（譬如話一個唔靚仔但係有錢心地好嘅外科醫生，又或者有個夠性感但臭名遠播嘅Alpha型男，又或者一啲夠了解到佢心理需要嘅TB，三者都可以達到女人嘅門欖。）
男人嘅大腦喺會連接生理同心理慾望，但會分開性同愛兩種嘅感覺；但女人嘅大腦喺會分開生理同心理慾望，但好多時性同愛兩種感覺都係緊密地連接一齊。
Anyway 巴打，以上嘅分別雖然有用，但作者都提及我哋要小心太過簡化解釋兩性嘅心理。
而我亦都想提醒各位巴打第一點關於女人想男人『墮入愛河』嘅重點，就係你要知道果度講緊嘅喺女人嘅心理慾望，雖然喺現實發生嘅時候嗰一刻可能會真係『令到女人好感動好開心，因為夢想成真而百感交集』；
但你諗下，當你咁樣完美地達成佢嘅終極fantasy之後，其實同時你就係令到佢永遠都唔可以再『從你身上期待有更多性幻想』，你同佢嘅感情就永遠只有從頂峰開始走下坡，有跌無升。
你要記住，迪士尼荷里活嘅大結局都喺『王子與公主永遠幸福快樂地生活落去』，但呢啲電影永遠都唔會拍下集故事，話你知王子與公主結咗婚之後發生咩事。
點解？因為喺現實裡面，『結咗婚之後』嘅故事永遠都唔夠『結婚前』精彩；如果佢哋拍埋下集講之後50年發生咩事嘅話，根本就無人會想睇咁樣嘅戲。
所以喺巴打你諗住照足電影電視劇嘅情節去溝女結婚生仔之前，請你三思一下，根據客觀數據根據眾多前人嘅經歷等等，傳統果一條路由係咪真係適合你自己行呢？
正當好似全世界都咁樣做嘅時候，你又會唔會覺得呢種行為喺真係理智嘅決定，
定係只係人類被自己『羊群心理』嘅盲點蒙蔽自己，覺得人云亦云先至係『安全穩定』嘅決定呢？
你自己慢慢思考下啦！
如果巴打你鍾意今集嘅話，就Like呢段片同訂閱我地MTFU嘅channel喇。
我哋下一集就會講呢本Ch.7極少探討關於嘅同性戀嘅題材，下集見！
