分類: 溝女

Yo巴打，我喺MTFU嘅Man神啊，協助男士打拼出人生3大範疇，成為女人想🔞又想愛嘅男人！

雖然關於friendzone嘅呢個topic我哋已經講過無限次，你有聽過並且運用我教你嘅嘢嘅話，其實你係冇可能跌落friendzone，冇可能出現拍拉圖式嘅友誼，冇可能keep住係咁收好人卡。

究竟點樣先至可以永遠避免收好人卡，令你唔好再咁柒呢？我今集就會最後教多你一次，咁所以如果你鍾意呢個topic嘅話，請你依家率先like咗呢段片同訂閱我哋MTFU嘅channel喇，因為你嘅支持係可以令我繼續創造更多價值畀你！ 

＃1 首先，我必須再次提醒你嘅重點喺：你不斷跌落friendzone，你一次又一次收好人卡，完全係因為你自己放自己係咁樣嘅狀態裡面，絕對係你100%嘅責任！

原因就係當你發現自己被某條女吸引嘅時候，你曾幾何時係befriend咗條女，你係曾經友好地以朋友嘅方式對待過佢，並且隱藏你對佢嘅吸引力，隱藏你嘅性慾望與性意圖；然後嘗試不斷等待，不斷說服自己話將來某一個時刻就會行動溝佢，跟住呢段時間就同佢維持一段友誼關係。

咁所以你話我知，你今日表白完收到好人卡，係邊個嘅責任？

你當日淆底唔敢冒險果斷行動，你害怕要面對被拒絕嘅可能性，你害怕被其他人話你狗公係咁溝女，你害怕單對單同條女一齊嗰種緊張唔舒服嘅性愛張力感覺，最後令到自己繼續dry爆晚晚打飛機，又係邊個嘅責任？

＃2 如果你明白我講咩嘅，你就會明白溝女係一定需要冒風險，係一定需要硬著頭皮冒險唔理樣唔樣衰，行動賭博一次，你先至會有機會得到呢條女，並且開始你同佢嘅故事。

有吸引力嘅男人，就係一啲會尊重自己慾望，然後行動實現夢想嘅男人。

只要你溝女同時有界線會尊重自己，只要你係尊重自己嘅時間唔會過份投資係一個冇興趣投資喺你身上嘅女人，並且同時知道自己仲有其他選擇嘅話；你咁樣嘅心態就可以令到你長驅直進，令你無論喺網上定係現實之中都可以不斷識到女仔。

你keep住收好人卡，係因為你犯賤，係因為你keep住虐待自己，不斷呃自己話同條女做住朋友先都冇所謂。

但係真相係咩？真相係你對條女有性慾，真相係你望住佢時好想屌佢，真相係佢同你傾計佢會令到你有心跳。

你想做男人嘅話，就唔該你做返一個領袖，去lead呢段關係去一個你想要嘅狀態，而唔係『袋住先』settle落一段你根本唔想要嘅友誼關係！

＃3 咁所以你係咪真係永遠都唔再收好人卡呢？

係嘅話，請你記住：你嘅訴求，缺一不可！ 

唔好妥協於一啲你唔想要嘅嘢，唔好留喺一啲根本唔係自己想要嘅關係之中，更加唔好白痴地希望將來某一日終於可以等到某條女對你有興趣。

你行動咗，但係條女唔接受？

Okay 冇問題，唔需要嬲佢，亦唔需要lur佢，move on因為你仲有其他選擇。

你行動咗，條女話要考慮下做住朋友先？

唔好講笑，意思即係話對你冇興趣，你係必須連朋友都唔做就消失，因為你係絕對唔可以扮晒nice咁『做唔成情侶都可以做朋友』咁樣妥協於一啲你唔想要嘅嘢！

下次你遇上心儀女人嘅時候，唔該你直接啲引導大家去你想要嘅關係；只要你妥協嘅話，保證你以後都唔再收好人卡！ 

如果巴打你有興趣學習點樣exactly直接地溝女，並且增加你嘅成功率嘅話，你就腥email去support@manthefvckup.com，索取關於加入MTFU Insider內部兄弟幫嘅詳情，睇下課程適唔適合自己啦。

最後如果你覺得今集有價值鍾意嘅話，就請你Like呢段片，訂閱我地MTFU嘅channel並且分享出去喇，因為你嘅支持喺能夠幫到我製造更多價值比你！

有咩問題，就下面留言比我知啦，我哋下集再見！

Yo巴打，我喺MTFU嘅Man神啊，協助男士打拼出人生3大範疇，成為女人想🔞又想愛嘅男人！

好多男士都同我講話想脫毒，話想脫離廿幾三十幾甚至四十幾年都係A0嘅dry爆孤獨生活，話自己真係好想精通兩性對弈嘅學問同技能。

但係諷刺嘅喺，每次我建議呢啲男士做某一樣嘢嘅時候，叫佢哋放棄某樣壞習慣嘅時候，佢哋都會諸多藉口話自己唔想咁做，又或者咁做感覺上好唔自然等等。

究竟呢個關鍵領導你終於脫毒溝到女嘅思想或者行為係啲乜嘢呢？我哋今集就會為你拆解剖析，咁所以如果你鍾意呢個topic嘅話，請你依家率先like咗呢段片同訂閱我哋MTFU嘅channel喇，因為你嘅支持係可以令我繼續創造更多價值畀你！ 

＃1 首先等我哋開門見山講清楚，究竟呢個令你脫毒嘅秘密係啲乜嘢呢？

答案就係：呢個可以令你脫毒嘅溝女關鍵，就係你必須暫時放棄以『拍拖結婚生仔，一夫一妻制為目標』嘅諗法！

點解我咁講呢？原因就係因為，一夫一妻制呢種概念，其實只係有權力嘅人用嚟控制社會嘅工具，從而令到大部分無論成功與失敗嘅男人，都有機會平均地分配女人。

可能你會覺得『拍拖結婚生仔』呢種正常概念，係可以令到你將來唔會孤獨終老；因為當你可以透過社會制度箍住對方嘅時候，你就可以得到定期穩定嘅性愛，而且你會得到社會大眾對你嘅認同與嘉許，話你似番個男人do the right thing. 

咁但係人類自古以來，所有嘅王者都係一夫多妻制，都係後宮佳麗三千晚晚食唔同女，而嗰個女人都喺想爭奪一個Alpha返黎，即使明知呢個Alpha男係唔會為咗一棵樹放棄整個森林。

如果巴打你坦白面對自己嘅話，我相信你身為男人都係想享受並且擁有更多女人，只不過你現時未有能力滿足呢種慾望啫，係咪？

既然我哋明白咗男人嘅天性，咁不如我哋就接受『窈窕淑女君子好逑』嘅現實，根據自己嘅nature誠實地建立一種會令自己活得開心嘅lifestyle，成為一個實際地有高價值嘅Alpha男士，無悔地活出真我。

＃2 可能呢一刻你會講：『嘩！要同時溝幾條女handle幾條女，我冇咁多時間精神喎？一條女都未搞掂，點樣搞幾條女呀？』

Well 巴打，你有咁樣嘅觀念，唔怪得知你單身咗咁耐啦。

因為乜你唔知道女人係唔鍾意一啲『冇選擇而淨係想要佢』嘅男人咩？

乜你唔知道其實現今有唔少嘅女士，表面上講到自己好想要長遠嘅relationship，但係其實喺啱嘅timing遇上啱嘅男人，佢一樣唔介意同佢上床，明知無將來但都會選擇喺當下食仔玩下咩？

更加重要嘅係，乜你唔知道就算你想維繫好一段男女關係，你都唔可能經常畀自己時間精神條女，但係你必須製造空間距離（同埋適當嘅妒忌），令到佢keep住對你有性慾，keep住想要你咩？ 

咁所以巴打，當你咁快就以『得到一對一排他性關係』為溝女目標出去識女仔嘅時候，你就會極容易中左『真命天女症』嘅Beta毒，突然撞邪不斷合理化點解某一條女特別好，然後不能自製地愛上佢。 

我之所以建議巴打你要謹守『同時溝幾條女』嘅原則，係因為你要鍛鍊自己擁有『我唔怕失去任何一條女，因為我仲有十條女選擇』嘅心態。

係咁樣嘅狀態下，你先至可以由毒撚過渡去一個啲女爭住要嘅型男！ 

＃3 講到呢度，你可能又會有藉口同我講話：『但係Man神，呢個真係唔係我呢，我唔想畀人覺得我唔認真玩玩下，我又點可以咁樣對女人呢？』

拿拿拿，巴打你聽唔聽得到自己有幾咁無知呀，見唔見到自己有幾咁唔了解女人呢？

因為事實喺：女人係會寧願分享一個成功高價值型男Alpha，都唔願意settle落一個極度忠誠，發誓會專一愛佢一生一世嘅弱雞Beta！ 

你好可能唔想接受嘅真相係，女人天生就係一啲『同時溝幾條仔』嘅高手，

佢哋由細細個開始已經習慣練習點樣同時keep住幾打嘅仔對自己有興趣，一邊吊住士兵嘅癮，一邊選擇佢手頭上最好嘅貨。

但係女人有一個弱點，就係佢哋同時害怕同其他姊妹競爭爭仔，但係又鍾意咁樣形式下去爭個個女人都想要嘅仔。

呢個就係點解女人不斷化妝，不斷著靚衫，不斷買鞋，甚至不斷豐胸整容，透過提升自己嘅美感去希望keep到高價值男人嘅心。

咁所以重點就係：如果你真係決心脫毒嘅話，就唔該你唔好再咁單純地以『拍拖結婚生仔，一夫一妻制』為你嘅溝女目標，唔好喺你嘅行為舉止滲透到呢種觀念出嚟。

我唔係話你成世都唔可以結婚生仔建立家庭，但如果你仍然係新手處於溝女起步階段，咁你有嗰種心態就絕對會令你百害而無一利！

如果巴打你有興趣學習點樣exactly做到『同時溝幾條女』嘅效果，繼而令到自己終於有更多女性選擇嘅話，你就腥email去support@manthefvckup.com 索取關於加入MTFU Insider內部兄弟幫嘅詳情，睇下課程適唔適合自己啦。

最後如果你覺得今集有價值鍾意嘅話，就請你Like呢段片，訂閱我地MTFU嘅channel並且分享出去喇，因為你嘅支持喺能夠幫到我製造更多價值比你！

有咩問題，就下面留言比我知啦，我哋下集再見！

Yo巴打，我喺MTFU嘅Man神啊，協助男士打拼出人生3大範疇，成為女人想🔞又想愛嘅男人！

巴打，雖然我唔知道你依家幾多歲喇，但係間唔中我都會收到某啲男士嘅問題，

因為佢哋擔心自己年紀開始大，可能去到三十幾40歲，驚自己將來只可以溝返啲同齡嘅女士，冇辦法溝到一啲索啲青春啲嘅廿歲妹妹。

我係絕對明白呢種恐懼嘅，因為有唔少嘅男士都驚畀人標籤話喺度搞埋啲『父女戀』或者甚至『爺孫戀』，

所以叫佢哋溝一啲細自己五年十年甚至十幾廿年嘅女仔，佢哋就會好冇信心做得到。

我一陣就會同你分享溝細過你後生妹妹嘅秘密，咁所以如果你鍾意呢個topic嘅話，

請你依家率先like咗呢段片同訂閱我哋MTFU嘅channel喇，因為你嘅支持係可以令我繼續創造更多價值畀你！ 

＃1 首先想講嘅就喺，如果巴打你而家係30幾40歲，你就記得睇我之前《30多40歲嘅男士點溝女？用呢兩招！》嘅片，因為裏面教咗你點樣可以成熟地handle女人。

如果你睇咗，但係仍然係擔心唔識點樣溝18/22嘅靚妹嘅話，其實你就要明白真正嘅問題並唔係你唔識點溝佢哋…

真正嘅問題係：點解你要喺度『自我限制』自己，要set一個極窄嘅年齡層俾自己，迫自己只可以溝或者唔可以某個年齡嘅女士呢？ 

坦白講，要溝一啲細過你後生過你女仔最大嘅貼士：就係你要停止不斷諗『呢啲靚妹』會可能點樣諗你，開始直接追隨你心裏面想要嘅女人。 

唯一一個障礙，就係喺你大腦裏面自我限制嘅障礙，

就係你自己心裏面成日諗『後生靚妹一定唔會鍾意大過自己十年嘅阿叔架啦，都係揀返啲同我年齡差唔多嘅女人算啦』等等嘅限制性思維。

＃2 但現實喺：有頗多嘅女人都係年紀鍾意大個自己男士，好多妹妹仔其實都同過一啲大自己五年，十年甚至廿年隻男士拍拖結婚生仔，而呢啲案例亦都非常普遍。

譬如話：相差22年嘅鄭嘉穎同陳凱琳，相差18年嘅甄子丹同汪詩詩，相差接近50年嘅謝賢同Coco，相差24年嘅杜德偉同李曉冰，

相差21年嘅郭富城同方媛，相差19年嘅黎明同佢嘅女助手阿Wing，相差11年嘅黃曉明同angelababy（雖然佢哋好似就快離婚），又或者相差14年嘅周杰倫同昆凌等等…

雖然以上某啲明星未必係好嘅role models，而我選擇佢哋做例子係純粹因為你知道佢哋係乜水，但係佢哋全部都證明咗畀你睇：

只要個男人係一個高價值嘅人，女人係絕對唔介意一個男人大過自己十幾廿年甚至四五十年；

咁所以巴打你唔好覺得你溝女嘅選擇就係唯一溝番年紀相若幾年嘅女性，年齡之間嘅差距其實真係唔重要。 

＃3 事實係：男人年紀越大，通常都係比起自己年紀細嘅時候更加有吸引力。 

因為男士通常細個嘅時候都仲係搵緊自己，通常都未建立到自己嘅價值，未有足夠嘅情感成熟程度，自信或者生活質素嘅獨立性。

無論你而家咩年紀，只要你係打拼緊我哋MTFU所講嘅人生3大範疇，身邊任何一條女（無論係大過你定係後生過你嘅女人），全部都可以被你吸引。

咁所以唔好再被年齡限制你自己溝女或者成功嘅可能性，因為你得唔得到你想要嘅嘢，一切都係取決於你自己點樣睇自己，點樣一步步釋放思想被囚禁嘅自己！ 

如果巴打你覺得今集有價值鍾意嘅話，就請你Like呢段片，訂閱我地MTFU嘅channel並且分享出去喇，因為你嘅支持喺能夠幫到我製造更多價值比你！

有咩問題就下面留言比我知啦，我哋下集再見！

同未見過嘅囡囡第一次約出街，相信對於好多缺乏經驗嘅巴打嚟講，都會喺特別緊張特別重視嗰次嘅約會。

事實係：喺呢個咁多選擇嘅年代，如果條女first date完對你嘅感覺唔好嘅話，基本上你都唔會有第二第三次見面。

咁所以今日想好快為初階年輕嘅男士列出一系列常見嘅新手約會錯誤，等你可以避免自己fvck up咗嚟緊嘅溝女機會啦！

以下就係一系列你初次約會唔應該做嘅事情：

＃1 約會時間拖得太長

要記住：你喺一個高價值有其他女人選擇嘅男士，咁所以第一次見面你喺無可能無啦啦比幾粒鐘一條淨係網上傾過計嘅女人。

咁所以你嘅first date喺絕對唔應該超過個幾鐘，甚至最理想地喺應該最盡一個鐘之內。係短短呢段時間，大家都係飲杯嘢，透過真人見面feel下有無化學反應，比佢感受你唔係一個creepy嘅男人。

理想地，當你發現同佢有講有笑幾啱傾嘅時候，你就要完結呢個約會話自己有嘢做，下次再見。咁樣喺情感嘅高潮位完結嘅話，條女對你嘅印象就會更加深刻，會相對期待下次見到你。

＃2 唔好太過吹噓自己成就，而忘記咗收集情報

意思係：當你太過集中去透過自己做嘅工作或者成就去impress條女嘅時候，你好容易就會墮入一個approval-seeking／從女人身上取得認同嘅狀態，令佢覺得你好用力好想證明自己『夠好』去溝佢。

Instead，你係應該講番啲輕鬆casual啲嘅話題，講下你享受做嘅嘢，講你鍾意玩嘅嘢，又或者最近你做過啲乜嘢高風險嘅探險之旅等等。

另外你亦都唔好太過overshare自己嘅嘢，講太多自己嘢比條女；因為女人喺鍾意一啲自己觸摸唔到嘅男人，中意一啲有神秘感令佢少少困惑嘅男士…

咁所以你喺應該畀機會條女講自己嘅嘢，盡量製造7-8成時間佢講嘢，2-3成時間喺你講嘢或者回應佢所分享嘅情感。

記住：女人最care嘅就係講自己嘅感受情感，所以比佢講，仔細聆聽佢提及過嘅資料或者細節，因為呢啲收集到嘅情報對你之後溝佢都可能有用。

＃3 唔好負面地講你以前嘅exes有幾衰

點解？原因好簡單。

因為第一，你咁做只會顯得你唔明白女人內心想要咩，同埋無能力應付女人。

第二，你攻擊你嘅exes，好容易會令到『條女幫女人講嘢』，令佢同你處於一個對立嘅位置。

咁所以你無需要話條ex有幾衰幾賤幾唔忠誠／分手有幾痛心，因為條女都只會詮釋為『你無能力handle女人！』

＃4 唔好講一啲長遠結婚生仔嘅嘢

我相信如果你聽得MTFU一段時間，你喺唔會犯下呢啲嚴重錯誤…

因為記住first date喺輕鬆casual表面少少嘅，你無啦啦講『結婚』呢啲大topic，你只會令女人覺得你好desperate好飢渴地想搵女人結婚生仔，而女人絕對會被你呢種『認真』嚇走！

再加上，『settle down／定落黎』呢種思維模式好多時都係反映你喺一個Beta底嘅人，反映你已經妥協唔再去打拚夢想，反映你願意隨時放棄溝女訓身落去照顧老婆做奴隸。

咁樣嘅潛台詞，絕對令女人turn off無晒性慾！

＃5 唔好臨尾AA制咁樣衰

你聽到呢度，你肯定會問我：『Huh咩話！？Man神乜你以前唔係話唔好用錢去溝女咩？乜Alpha唔係一蚊都唔洗比就可以食女咩？』

冇錯，我的確建議過各位巴打唔好諗住有錢就可以買到女人心，唔好依靠錢作為籌碼去吸引女人，唔好誤以為有錢就代表女人會愛上你。

但係記住：女人同時喺唔鍾意一啲孤寒斤斤計較嘅死cheap精，尤其當喺你約佢出嚟，飲杯咖啡都要AA嘅話就其實都幾樣衰。

我絕對明白你唔想令女人覺得你想用錢買佢芳心，唔想佢覺得你係Beta，咁所以可以點樣俾少少錢得嚟又唔會令你低價值呢？

答案就係：確保條女同時喺有另一方面嘅投資，去換取你對佢嘅投資，譬如話佢一陣請你食番雪糕，定係約會之前或者遲啲之後佢幫你做某啲嘢。

咁所以只要你初次約會時氣氛幾好，之後你elegant優雅地去做『比錢』呢個動作，其實喺唔會突然將你變成一個Beta嘅。

如果巴打你有咩約會細節嘅問題，想我更加貼身協助你解決你嘅兩性問題嘅話，你就腥電郵去support@manthefvckup.com 睇下Insider嘅進階課程適唔適合你啦。

如果你覺得今集有價值鍾意嘅話，就請你Like呢段片，訂閱我地MTFU嘅channel並且分享出去喇，因為你嘅支持喺能夠幫到我製造更多價值比你！

有咩問題，就下面留言比我知啦，我哋下集再見！

巴打，你有冇見識過一啲臭名遠播嘅壞男人，就算身邊嘅人都知道佢係一個食家，但係有啲女人仍然冇辦法抗拒對方嘅性魅力呢？

點解無論父母點樣勸喻教導自己嘅女要提防濫交嘅壞男人嘅時候，最後都係無法阻止個女仔墮入愛河呢？

要明白點解女人會墮入情網，你就必須首先了解佢嘅心理構造。

＃1 首先，大部分嘅女人都係受制於社會角色嘅規範，被社會預期令到佢喺表面一定要做一個『道德正確／形象正面健康』嘅女人，一定要盡量壓抑自己內在嘅性慾同性幻想。 

正正係因為咁，好多畀人感覺夠曳夠反叛夠刺激嘅壞男孩，佢哋嘅形象就係大部分女人日常生活中唔可以受得到嘅慾望；

『壞男孩』象徵嘅就係純肉體嘅享受，充滿危險性嘅刺激感，同埋解放女人內心性慾望嘅能力。

咁所以當巴打你了解一下象徵反叛嘅男神，譬如話本地嘅張國榮／陳冠希，

或者外國舊少少嘅英倫壞男孩Steven Macqueen／貓王／馬龍白蘭度等等，全部散發著嘅都係一種純粹享樂，pure pleasure嘅味道。

所以有陣時，就算明知同佢哋一齊係冇長遠嘅結果，佢哋仍然能夠提供到一種女人罕有地可以感受到嘅價值，所以女人仍然心甘情願地比自己佢哋。

＃2 第二樣嘢就係，其實所謂趙完鬆嘅『壞男人』，好多時都係講緊佢哋散發出嚟嘅特定味道；唔係講緊佢哋真係有一啲立心不良惡毒嘅心腸去傷害人。 

意思即係話，做得反叛角色嘅badboy，好多時都係有一啲大膽面對恐懼時仍然豁出去做嘢嘅男士；

而女人被佢哋吸引，就係因為欣賞佢哋嗰種『冒風險做自己想做嘅嘢』嘅勇氣，

咁所以就算知道佢哋擺到明係會繼續食女嘅時候，女人都會用一系列嘅原因去原諒呢個已經愛上咗嘅男人。

所以就算你內心係一個有良知嘅好人，你都可以有能力散發一種『反叛嘅型男味道』，透過一系列身體上／情感上／財政上／社交上嘅挑戰去challenge自己，

永不放棄地透過行動解放自己，去爭取自己想要嘅嘢，令女人感覺你都係一個有危險有攻擊性有曳曳一面嘅壞男孩！ 

＃3 所以巴打你要明白嘅就係：就算係你眼中好似好純潔好pure好乖成日返教會嘅好女仔，佢哋都係會被呢種散發『壞男人特質』嘅男士吸引；

就算呢種男人被其他人起底用道德標籤佢為一個『臭名遠播趙完鬆嘅食家』，女人仍然係冇辦法唔被佢吸引。

正正就係因為壞男人坦蕩蕩地承認自己無窮無盡嘅性慾，完全接受自己天生鍾意享受女人嘅慾望，唔會因為受壓力就要為自己嘅性慾道歉等等嘅特質，

所以女人就會愛上呢種可以打破佢慣性思維，帶佢進入冒險刺激嘅wonderland嘅壞男人。

如果巴打你有能力讓女人感受到一系列非理性嘅性愛經歷，帶領佢去發掘一系列危險性愛享受同禁忌嘅話；

你就絕對能夠令女人為咗你而摧毀自己過往嘅界線，以後跟從你去你想探索嘅任何地方！ 

如果巴打你有興趣學習更多更深入類似今集嘅溝女戀愛內容嘅話，你可以電郵去support@manthefvckup.com，去查詢關於我哋MTFU Insider嘅完整深入課程喇，

因為除咗我哋會教導你關於兩性關係同埋成功嘅技術之外，我哋亦都會講及一系列類似今集關於兩性嘅知識，令你更加了解自己，繼而吸引到你想要嘅女人。 

如果你覺得今集有價值鍾意嘅話，就請你Like呢段片，訂閱我地MTFU嘅channel並且分享出去喇；

因為你嘅支持喺能夠幫到我哋成長，繼而製造更多價值比你。 

有咩問題，就下面留言比我知啦，我哋下集再見！

巴打，相信你都應該知道要由一個朋友身份提升去有性愛情人身份呢一個過程係極之困難，亦都係點解你唔應該同條女扮friend跟住嘗試溝佢嘅原因。

如果你唔想放自己落friend zone嘅話，或者你唔想扮曬對條女冇性趣但係又唔想太過aggressive地溝佢嘅話，你又應該點樣製造性吸引力呢？ 

呢個就係我哋今集探討嘅溝女內容，如果你鍾意呢個topic嘅話，就請你依家率先畀一個like呢條片，因為咁樣係可以支持到我繼續製造價值畀你！ 

＃1 首先，如果你想條女視你為一個sexual option，有機會搞嘢嘅對象嘅話，你就必須停止present自己成為佢嘅朋友或者交心知己。

你越係留得耐喺嗰一個友誼位置，你就越會令到女人覺得同你之間冇性愛上嘅化學反應，佢就只會越當你係好好傾嘅姊妹去看待。

點解？因為簡單講，無論係雙性戀嘅男人定女人，每次我哋望到異性嘅時候，我哋各自都會開始偵測對方一系列嘅興趣信號同埋大家嘅兼容性，都會喺頭幾秒一分鐘之內潛意識地決定面前呢一位異性有冇性愛上發展嘅可能性。

咁所以如果你所投射出嚟嘅訊號，完全係一種純粹友誼platonic，毫無性慾無咩慾望嘅感覺嘅話，你就係其實已經自己斬斷咗性關係嘅可能性。

但係調返轉，如果你投射出嚟嘅訊號係一種獨立得嚟又自我滿足，並且係一種有足夠自尊心去果斷行動摘取你想要嘅嘢嘅話，咁條女第一眼望到你feel到你想要佢嘅時候，好自然地佢都會開始以比較sexual嘅角度去睇你。

女人嘅天性係唔鍾意太過feminine軟弱地抑壓自己性慾嘅男士，咁所以如果你能夠更加有勇氣，至少喺你嘅腦海之中果敢地投射出較為sexual嘅vibe，女人除咗會覺得你係更強更無畏無懼之外，有時佢更加會開始幻想你好可能可以喺性愛上滿足到佢。

＃2 咁我哋又可以點樣唔creepy地製造呢種性吸引力，令女人感覺到有feel？以下有一系列嘅簡單招數你可以運用。

－ 首先就係頭先我所講嘅，你要留意一下自己依家投射緊出去嘅vibe／氣氛味道係點樣。雖然實質地形容咩叫做氣氛係比較難，但係你問下自己，你畀人嘅感覺係咪一個有自信，好玩得嚟，又冇咩顧慮暢快嘅人呢？定係你成日情感上都令到人好頹好down，搞到其他人唔係好想黐住你呢？

－ 第二就係，雖然我唔鼓勵你依靠IOI先至去行動溝女，但係你同條女傾計對弈期間，你有feel唔feel到佢係咪暗中send緊訊號畀你呢？佢係咪越嚟越貼近你，望住你成日都會不自覺地微笑，間唔中搵藉口摸你呢？

－ 第三樣好重要嘅就係，你唔好太過質疑自己嘅判斷或者能力，因為每次你等得太耐都唔行動，你嘅大腦就會開始搵到一系列淆底嘅原因，令到你冇自信地繼續溝佢。 

所以就算你有可能會fvck up呢次接觸或者關係，你都要冒著風險assert你想要嘅嘢，你都要嘗試去領導大家去到有性愛嘅位置，無論只係輕輕攞佢電話contact，定係今次第三次約會你想帶佢去開房。

要記住，尷尬地或者樣衰地被拒絕，總會好過你以後一輩子後悔冇行動而唔知道結果。習慣冒險行動，你先至唔會再畀呢啲不確定性搞到你一次又一次失去你嘅目標女性。

咁所以簡單講：如果你想同條女瞓嘅話，你就完全自豪shameless地去嘗試做呢件事，唔好自卑地隱藏你嘅性意圖。

當然我唔係叫你做埋啲超級低俗地周街摸女人呢啲變態佬行為啦；我所講嘅係你要present自己成為一個知道自己想要咩，然後會果斷勇敢行動去爭取嗰樣嘢，並且會領導大家去到你想去嘅位置。 

如果你能夠簡簡單單做到咁樣嘅話，你就會好自然地喺你想要嘅女人面前製造到性吸引力，女人亦都會覺得你更加sexy！

如果巴打覺得今集有價值嘅話，就請你Like呢段片，訂閱我地MTFU嘅channel並且分享出去喇！

因為你嘅支持喺能夠幫到我哋成長，繼續製造更多價值比你。 

有咩問題，就下面留言比我知啦，我哋下集再見！

歡迎嚟到《The Chemistry Between Us/我們之間的化學反應》Ep.09，今集我哋會講呢本書嘅Ch.8嘅The Infidelity Paradox／出軌怪圈，解釋點解出軌其實喺進化論上係有佢嘅需要，解釋點解不忠係一夫一妻制裏面喺其中一樣不可或缺嘅元素，係所有動物都會有嘅正常天性。 

如果巴打你鍾意呢個topic或者想明白更多點解我哋唔應該咁輕易道德批判呢啲出軌cheating行為嘅話，就請你而家率先LIKE咗呢段片，同訂閱我地MTFU嘅頻道先啦！

重點＃1 一夫一妻制嘅矛盾之處，就係其實社交social上嘅一夫一妻制，同性愛sexual上一夫一妻制係有分別！可惜嘅係，大部分的社會就夾硬將social monogamy同sexual monogamy混為一談，令到好多人將性慾同愛誤解成為同一樣嘢。

大部分『喺現有感情出面搞嘢』嘅人，其實都係希望將性生活同佢哋所擁有嘅社交鍵／social bonding分隔開；整體嚟講， 超過六成曾經有婚外情嘅男士，都表示自己從來都無想像過會咁樣做，直至呢一樣嘢發生咗。

當然某啲嘅我哋係有動力特登去追隨更多性伴侶啦，但係其實大部分人都係好想忠誠於自己主要嘅伴侶，並唔希望輕易分開。

重點＃2 其實Infidelity不忠，並唔係由鬆懈或者死板嚴格嘅社會風俗習慣導致；相反，人類想額外得到性愛既慾望其實一直都處於我哋大腦嘅programming之中。 

譬如話生物學家會用伴侶偷獵 ／mate poaching呢個term，去形容唔少嘅男男女女喺會好似動物咁樣嘗試去偷走其他人嘅配偶，同佢短暫偷食。

假設世界上嘅婚姻有30至40%係會出現不忠，大概50%既不忠係會出現喺未結婚但排他性嘅關係上面嘅話，咁世界上其實就有大概10%嘅人嘅爸爸，並唔喺真正血脈相連嘅父親！ 

咁所以Infidelity一直都係人類行為其中一種嘅特質，

即使經過幾千年社會文化嘅教化，宗教政治制度嘅恐嚇或者羞辱，嘗試強迫將social monogamy同sexual monogamy變成同一樣嘢…又或者即使婚姻制度係嘗試透過特定嘅結構同埋法律規則去管制人類嘅性行為都好… 

好多人面對呢啲壓抑最後仍然係會選擇偷食，明知嚴重後果嘅時候，仍然冇辦法超越本身大腦裏面對性愛追求嘅強大推動力。

咁所以問題就係，當人類不斷受各方面壓力去防止cheating嘅時候，當主流媒體不斷宣傳同你講話『婚姻就係提供所有快樂同滿足感嘅終極方法』嘅時候，究竟係有啲乜嘢更強嘅力量驅使人類選擇cheating呢？

重點＃3 人類天生就係傾向於及時行樂，想得到即時獎勵而放棄一啲更長遠嘅目標，譬如話選擇短暫嘅性愛機遇，而有可能放棄維繫長遠嘅感情。 

咁但係當慾望同理性推論兩者發生衝突嘅時候，我哋嘅大腦裏面嘅PFC同 NAcc + VTA就會出現一種叫做negative signalling 嘅訊號；呢條link越強，我哋就會越自我克制；但係當呢條link越弱，我哋就會越放鬆想享受短暫嘅嘢。

意思即係話：即使男人已經同某條女pairbond咗，佢會為自己條女保護頭家都好，但係當新嘅索女氣味喺佢身邊出現嘅時候，男人嘅性衝動就會好容易被turn on好想去交配。

咁既然都係交配，點解唔留喺屋企同條女做，但係要冒險同新嘅女做呢？

原因就係大自然有少少玩緊我哋：每逢我哋識咗條新女，開頭幾星期都會好想日日做愛，做得多就會自然地想進入排他性monogamous關係；過咗幾個月之後，男女之間就會開始形成一種companionate同伴形式嘅關係，男士嘅睾丸酮會下降，佢想追隨性愛嘅動力就會下降，令到雙方做愛次數亦都開始下降，開始settle down。

呢種嘅適應係有好處嘅，因為呢啲相對溫和嘅男士係比較好嘅爸爸之後去湊仔，而唔係不斷投資健康或者資源去嘗試搞下一條女。

但係最天意弄人嘅地方就係，每逢有其他既有吸引力又心甘情願同你搞嘅陌生索女出現嘅時候，男人嘅性慾同性能力又會再一次大大增加，呢個就係著名嘅柯立芝效應／Coolidge Effect。 

就係講緊：一，幾乎所有人類都會感受到『激情漸漸消逝』嘅感覺；當肉體激情失去嘅時候，兩人嘅關係就開始疏遠。 二，不忠誠係能夠提供到好奇新鮮感，係能夠激活番性慾同性表現，所以人類或動物都會有極大慾望尋求刺激感。 

所以一啲大膽鍾意探險冒險尋求新意嘅男人就會出去搵女人，而女人亦都想從擁有呢一系列特質嘅贏家男士身上攞到佢哋嘅基因，去製造更優秀嘅下一代。

重點＃4  濫交呢種特性，似乎係可以遺傳，某啲人天生係的確會較容易傾向，尋求更多性愛。

簡單講，研究人員發現人類大腦有一隻叫做DRD4嘅受體，係會傾向影響人去變得更外向，更大膽，更鍾意社交同埋更鍾意尋求新鮮感。 

你越係擁有得多DRD4嘅受體，你就會越冒險去闖蕩，無論係你特別好動想玩，定係接觸黃賭毒呢啲嘢。

天性就係天性，因為大自然係唔會講道德唔道德。 

當世界係艱難同埋充滿未知數嘅時候，人類嘅社會就係需要一啲大膽有冒險性嘅人；但係喺平靜資源充裕嘅時代，呢種嘅需要就會少啲。

換句話嚟講，大自然本身就喺人類身上製造左一種對立嘅張力，令到男人女人都係social bonding社會聯繫／同sexual drive性慾兩方面存有利益衝突，令到我哋根據環境嘅變化而選擇最適合我哋嘅行為模式。

一方面我哋又想要穩定交心充滿愛嘅伴侶，但係另一方面我哋又想要激情刺激嘅性享受。 

呢個就係點解我鼓勵巴打你 Be The Man She Wants To Fvck And Love嘅原因，因為愛與激情一向都係兩種截然不同嘅概念；你想喺性愛市場上面成功，你就要同時提升你短期同長期嘅交配價值。

正正就係呢個原因，我先至會成立MTFU Insider嘅內部兄弟幫，去為各位有大志嘅巴打短期長期嘅戀愛提供最全面嘅支援。 

咁所以如果你想了解Insider適唔適合自己嘅話，你就腥email去 support@manthefvckup.com 查詢關於Insider嘅詳情喇！

最後，你覺得今集有價值鍾意嘅話，就請你Like呢段片，訂閱我地MTFU嘅channel並且分享出去喇，因為你嘅支持喺能夠幫到我哋成長，繼而製造更多價值比你。 

我哋下一集就會講Ch.9 Rewriting The Story of Love／重寫愛情故事，將會係我哋最後一個chapter，咁所以萬勿錯過，我哋下集再見！