分類: 超男之道

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第9集，亦都係我哋MTFU其中一條做人嘅宗旨，

 

就係叫做Lean Just Beyond Your Edge。

 

要輕輕推過自己嘅comfort zone／舒適範圍， 要以一種傾過自己極限邊緣嘅態度去活你嘅生命。

 

如果你好懶，太過滿足於現狀，永遠滯留喺一個安全舒服嘅景況裏面，其實你係自我毀滅緊；

 

因為life is either growing or dying，如果你唔係成長進步緊，你就係死亡近。

 

另一方面，你亦都唔應該太過『不自量力／好高騖遠』哋嘗試太勇猛地衝破自己嘅極限；

 

因為咁樣你咁樣做，只會無謂地比好大壓力自己／不理智地『自殘』做一啲根本呢一刻你未鍛煉到有足夠能力去做嘅嘢。

 

所以最好嘅平衡點，就係lean just beyond your edge，

 

就係做一啲超過你呢一刻能力範圍外少少嘅嘢，有一種少少唔舒服+少少緊張嘅感覺就係最好。

 

咁樣你先能夠以最快嘅速度去成長，去擴闊自己嘅能力，去一步一步轉化你嘅恐懼成為你嘅好朋友。

 

好少男人係能夠誠實地面對自己真正嘅極限，並且每日練習點樣去輕輕擴闊自己嘅極限。

 

大部分男人一係成世甘於係一條平庸簡單嘅道路上settle，一係有勇無謀地選擇一條超難嘅道路上。

 

佢哋之所以咁極端，係因為前者嘅insecurity令到佢哋懷疑自己能力，唔夠膽think big act big，

 

所以淆底連自己嘅極限／潛能／上天賦予俾佢哋嘅禮物都唔敢面對並且好好善用；

 

相反，後者嘅insecurity就會令到佢哋狂妄自大地push-push-push，因為內心嘅空虛而不斷搵新嘅方法／途徑去達到勝利。

 

兩種情況其實都係逃避現實，逃避自己面對恐懼嘅真相；

 

如果你好有壓力地不斷搵藉口唔面對自己嘅恐懼，你就唔能夠放鬆自己成為一個『無畏無懼』嘅人。

 

點解？

 

因為你嘅恐懼就係最能夠顯示最真實嘅你，最能夠反映你係一個真正點樣嘅人。

 

你一定要將恐懼『化敵為友』，你先至唔會再對住佢咁唔舒服。

 

事實上，你係應該每一日都搵方法去感受恐懼，

 

咁樣就代表你係輕輕超越緊自己嘅極限，容許自己嘅進化transformation慢慢進行。

 

你既不是懶惰，亦不是狂妄。

 

你係真實地面對每一刻，而唔係搵藉口扭曲事實，你係living in your authentic truth。

 

因為驚某啲嘢發生而『未發生先驚』，你就永遠活喺一個框框裏面，你永遠都唔能夠達到你潛能賦予俾你嘅可能性。

 

『因為驚而驚』係會推你去一個虛擬嘅世界，

 

一個令你唔能夠完全感受生命嘅世界，

 

一個到你臨走嗰一日會充滿後悔嘅世界。

 

只有你完完全全感受每一刻，feel this moment，包括你嘅恐懼，

 

你先至能夠創造一種aliveness，一種充滿生命力既生活。

 

你必須準備好完全擁抱任何嘅『不確定性』／uncertainty，

 

以同情心同大愛去challenge自己嘅極限，

 

以一個開放嘅心離開你嘅安全地帶，赤裸裸地，有意識地站喺呢一個『不可預知嘅現實裏面』。

 

Own Your Fear，接納你嘅恐懼，唔好再嘗試逃避佢，

 

咁樣你先至能夠由今日開始，彰顯你生命每一小部份嘅潛在價值。

 

 

希望今集幫到你！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第8集，

 

亦都係我最鍾意嘅一集，因為今集嘅主題係叫做Your Purpose Must Come Before Your Relationship！

 

亦都即係我成日講嘅，你人生嘅目的／你嘅任務／你每日活著嘅原因，一定要凌駕你其他任何嘅人際關係。

 

因為每一個雄性男人，

 

當佢哋仔細沉思嘅時候，其實佢哋都知道，

 

佢哋人生最大嘅目的，唔可能係純粹為咗有一段精彩嘅relationship；

 

更加絕對唔可能將整個人生縮小到淨係維持某一種關係，無論係父母／女人／朋友／子女定係其他任何形式嘅relationship。

 

每次佢將自己嘅relationship凌駕於佢嘅life purpose，

 

佢就係衰弱緊自己嘅大能，亦都係同時傷害緊整個宇宙，

 

因為佢冇盡佢嘅責任，擴大自己係世界上正面嘅影響力。

 

所以各位巴打，

 

喺你整個人生會有無限次嘅引誘或者測試，你將會好多時被放喺一個兩難嘅位置：

 

你一係可以選擇一個所謂『完美嘅親密關係』，又或者你可以選擇去追隨你最高嘅人生目的；

 

而如果你想最能夠彰顯自己生命，

 

你每一次必須選擇喺你嘅purpose上面成功，你嘅relationship無論如何都唔可以成為你嘅首選。

 

你嘅mission一定要係你嘅priority，

 

因為每當你嘅mission唔係同你嘅生命規劃成一致，

 

其實你嘅core，你嘅內心係會有一種空虛感，有一種講不出聲嘅失落感。

 

所以當你下一次發現自己『為咗女人妥協某啲基本原則』，

 

又或者『為咗陪女人』將你嘅任務延期，

 

甚至係所謂『為咗女人開心』而否定屬於自己嘅true purpose，

 

 

巴打，你就一定要停止繼續否定你嘅calling。

 

你可以同你嘅女人講你好愛佢，但係你唔能夠因為咁樣，而掩蓋住自己嘅心裏面知道正確要做嘅事。

 

你可以同佢講，

 

我接下來半個鐘（或者任何特定時間）都會100%同你一齊，畀曬所有嘅注意力你；

 

但係過咗之後，我必須返去喺屬於我嘅任務打拼，我必須繼續行屬於我嘅道路。

 

如果你真係喺嗰半個鐘裏面100%全心全意同佢一齊每一刻，你嘅女人係會比起你『一齊出街食飯睇戲六個鐘，但係兩個人冇乜溝通，成日喺度各自玩電話』更加滿足。

 

要記住：

 

每次你花時間同女人一齊，你每一秒都係應該當時真心想同佢一齊；

 

而唔係因為大家想搵盤hea時間，

 

互相浪費青春，

 

互相『人在心不在』，

 

互相無意識地隨波逐流，跟住社會大眾節奏走。

 

 

所以各位巴打，同有質素嘅女人一齊互相去感受世界係好開心嘅，

 

你亦都好應該去擴闊同唔同女人嘅experience；

 

但係去到某個位，

 

當你自己feel到好似總係有少少空虛感，

 

好似硬係有啲嘢欠缺咗，

 

好似個心同你講仲有啲其他更大嘅嘢想做，

 

喺呢一刻，喺呢一個時刻，就係好好嘅跡象話你知：

 

你喺時候返去追隨番屬於你嘅人生任務，

 

你喺時候接受生命賦予畀你更大嘅project，

 
你喺時候勇敢地踏進新一趟具挑戰性嘅旅程，希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第7集，今集嘅主題係叫做Never Change Your Mind Just To Please A Woman！

 

好簡單亦都係我經常講嘅重點：就係你永遠唔好為咗奉承女人而改變自己諗法！

 

冇錯，正如作者所講，你當然係應該仔細聆聽女人嘅意見，應該了解一下佢哋嘅感覺感受。

 

但係，喺你用心聽完佢講之後，你喺應該根據你最新嘅資訊，去自己決定應唔應該更新你嘅諗法。

 

你絕對唔可以為咗『唔好嗌交』，為咗同意佢『免傷和氣』，為咗奉承女人而去背叛自己心裏面最深入嘅『智慧』『直覺』同『真相』。

 

你咁樣做，你同你嘅女人都會被削弱。

 

大家之後就會因為種種嘅『虛偽／唔真實』而怨恨大家，你哋背叛咗大家之間嘅真愛。

 

因為當你係咪都同意女人嘅時候，你嘅潛台詞就係『我唔相信自己嘅智慧』。

 

即使表面地你地冇乜語言衝突，但係你覺得你嘅女人仍然會相信你嘅智慧咩？

 

當你為咗please女人而否定自己最深入嘅真相，你身邊嘅人都會感覺到你『個人好假』，你完全係lack authenticity。

 

就算你嘅朋友／你嘅仔女／你嘅生意上夥伴好愛你，佢哋都唔能夠完全相信你，因為你自己都唔相信自己嘅core。

 

『自己相信自己』／Self-Trust係令到人哋相信你嘅第一步。

 

即使你最後可能係錯，但係如果你願意去忠於自己並且發掘真相，你就能夠從人生嘅經驗之中學習成長。

 

冇錯，聽前人嘅建議係重要，但係到最後都係你嘅責任去做『你嘅決定』，結果最後係點樣你都唔可以怪任何人。

 

你更加唔可以因為『選擇聽女人講』之後瀨咗嘢，就責怪佢做錯嘢；如果你咁樣做，你都算係幾仆街幾無賴幾不負責任囉！

 

Anyway，重點就係：

 

你要保持一個open mind去聆聽女人揭露畀你聽嘅嘢 ，

 

（無論係透過佢嘅言語或者body language都好），你之後就要base on自己嘅知識直覺同智慧，決定下一步點做。

 

結果係啱係錯都唔重要，

 

重要嘅係你已經盡力作出一個當時最好嘅決定，並且忠於自己去take action。
希望今集幫到你！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第6集，今集嘅主題係叫做Always Hold To Your Deepest Realization！

 

我首先需要好坦白同你講，我暫時唔算太完全明白作者喺呢一個chapter所講嘅idea，

 

但係我都略略get到佢想講啲咩，所以今日都好快同你分享一下。

 

作者一開頭就講話，男人一定要每一刻都以『Eternity／永生』作為佢嘅居所，

 

所以佢嘅首要任務係要去做『真正嘅自己』，去以最深入最deep嘅being去做人。

 

其他所有嘅嘢都係次要，

 

無論係你嘅工作，你嘅兒女，你嘅妻子，你嘅財政狀況，你嘅藝術家設計，你嘅娛樂等等。

 

如果你唔係用你最深入有意識嘅being去做人，以上嘅事物都只係一啲空虛膚淺嘅表面。

 

想問你一個問題：每一日你有幾多個鐘喺將自己嘅attention放喺無時無刻嘅外在改變？

 

你會花幾多時間留意世界大事，其他人發生嘅嘢，其他嘅諗法或者experience？

 

你感唔感覺到自己呢一刻係咪『有意識』去做人？

 

你察唔察覺到你內心最深深處係想你點樣做人呢？

 

呢一種最deep既野就係作者所講嘅The Source，你自己嘅根源係永遠唔會變化，佢係永遠留喺度等你去連繫佢。

 

你一定要首先connect你自己內心最deep嘅根源，你先至好再次接觸你嘅工作，你嘅關係，你嘅家人，同埋你創造嘅事物。

 

好多男人犯嘅錯誤，就係將佢哋寶貴嘅attention，放喺一啲塵世間無謂嘅紛爭上面，

 

浪費自己嘅能量喺一啲過眼雲煙嘅世事，日復日年復年，虛度自己嘅歲月，將自己『被吸引入去』一啲無謂嘅『責任』裡面。

 

要將『責任』變得有意義，變得有價值，你就一定要首先connect內心最深處，之後用嗰一種嘅態度去做每一件事。

 

所以作者建議我哋，周不時都要閱讀一啲書籍去提醒自己『真正係一個點樣嘅人』；

 

我哋亦都應該花最多嘅時間，同一啲啟發到自己+最反映到真實自己嘅人相處學習。

 

當你知道自己嘅higher self，

 

當你用盡一切方法以『最deep嘅being』去活出你生命嘅細節，

 

當你能夠stay grounded腳踏實地去面對每日嘅挑戰，

 

 

你就能夠以一種幽默嘅態度去處理每日必需嘅事項，知道其實呢啲都只係霎眼嘅『海市蜃樓』。

 

我相信作者所講嘅『Know Eternity』，就係講緊當你能夠以一個最真實／最深入／最理想版本嘅自己去處理任何事情，

 

你就能夠知道自己嘅『永生』，你就唔會因為一啲日常嘅瑣事而影響自己情緒。

 

你會得到絕對嘅清晰，

 

你會感到完滿嘅每一日，

 

你會以『who you really are』去忠於自己活出精彩嘅每一天！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第5集，今集嘅主題係叫做Know Your Real Edge and Don’t Fake it！

 

意思就係，我哋需要知道自己真正嘅極限，知道有啲乜嘢我哋係真係冇可能做得到，而同時間擴闊我哋現有嘅技能同能力，增加自己嘅感染力。

 

雖然一個敢於面對自己恐懼，面對阻力繼續向上游，活喺佢嘅舒適範圍之外嘅男人係好值得仰慕；

 

有時候我哋都必須承認，作為人類，你同我都有一啲限制，你同我都有唔同嘅成長限度，我哋都有各自各嘅命運等待我哋去踏上。

 

譬如，你雄心壯志想征服喜馬拉雅山，但係你連獅子山都未行過，你咁樣去挑戰你就一定死硬；

 

你一定要逐步逐步嚟，慢慢增加自己嘅skills level，先有機會達到目標。

 

又或者你好想好似Elon Musk咁有大志去令人類上火星，但係你連自己第一個startup business都未賺到錢，你係唔會有足夠嘅skills level去應付更大嘅困難。

 

所以我哋冇需要特登去扮我哋比呢一刻真正嘅我哋聰明，去扮我哋比其他人更加有遠見，呢一個就係第一點。

 

第二點就係，即使你要有謙卑嘅心，

 

你亦都唔應該因為『唔好意思』而喺度扮廢，喺度『留力』，喺度『讓賽』，唔全力以赴做到最好。

 

譬如，你依家做緊某樣工作賺緊錢。

 

你要問下自己：『其實有啲乜嘢恐懼，正在限制緊我去進一步貢獻人類更多，或者進一步創造更多價值賺更多錢，或者進一步去以一種創意享受嘅方法去賺錢呢？』

 

假設你係完全零恐懼，咩都唔怕，你估你呢一刻會唔會仍然淨係搵咁多錢呢？

 

（BTW，我哋之所以用錢做例子，只係因為錢可以量化，容易啲畀你get到你係咪真係實現緊自己所有嘅潛能。）

 

個重點係：

 

你嘅edge／你暫時能力嘅邊緣，正正係阻止緊你去全面發揮你嘅潛能，令到你妥協於你可以為世界帶來最好禮物嘅能力。

 

換句話講：你有冇因為自己嘅一啲恐懼，而限制limit咗自己真正能夠做到嘅事情呢？

 

其實你比任何人更加清楚自己有咩驚，例如好驚去冒險，好驚會失敗，甚至好驚會成功等等；

 

但係你依家覺得生活都幾舒服，所以你好驚如果你放棄現時嘅工作，搭隻腳出去自己創業，你嘅lifestyle將會改變到比之前更差；

 

即使你已經想創業想咗十幾年，即使你知道依家份工唔係最適合你，即使你內心知道自己有更大嘅熱情同潛能喺另一方面；

 

但係由於你好驚會做得比之前差，你選擇妥協，繼續生活喺一個表面相對安全，表面相對舒服，但係內心同靈魂已經死亡嘅一種無生氣嘅生活方式。

 

你有冇見過一啲人所謂『返工』嘅時候係充滿活力，充滿激情，充滿啟發性嘅能量去創造結果啊嗱？

 

有呢一種energy嘅人，正正係一個living in his edge嘅人嘅特徵，

 

佢係充滿自我動力，佢係願意勤力工作因為佢熱愛佢做嘅嘢，佢亦都係一個你可以信賴嘅人。

 

一個知道自己極限嘅人，並且同時願意繼續lean towards his edge，活喺佢極限邊緣，每日將自己放喺恐懼之中嘅人係最能夠信任同有啟發性嘅。

 

千祈唔好做果一個因為恐懼而放棄嘅人，

 

一個每次遇到困難就會瑟縮番自己嘅comfort zone之中嘅人，一個唔願意每一日都嘗試體驗一啲啲恐懼嘅人。

 

一個真正自由嘅男人，係擁有絕對自由去承認自己嘅恐懼；

 

但係即使係咁，

 

佢仍然會繼續將自己放喺恐懼嘅邊緣，

 

仍然繼續每日係屬於佢嘅道路take action，

 

仍然繼續創造自己最想要嘅生活。

 

喺恐懼面前，喺自己極限面前，喺唔熟識嘅挑戰面前，你又會唔會咁樣做呢？

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第4集，今集嘅主題係叫做Live As If Your Father Were Dead！

 

聽落去非常有爭議性，但係係一個非常之有威力嘅定律你必須遵守，因為佢正正hit得中生命嘅真相。

 

即使你好愛你嘅父親，如果你想成為一個真正自由嘅成熟男人，你都必須放棄『為你daddy俾你嘅預期或者批評』而去活你嘅生命。

 

大部分男人都係live in a quiet desperation，默默地喺一種絕望之中生活。

 

每一日都係好似隻倉鼠咁樣重複做同一樣嘢，潛意識地跟住大部分人做佢以為應該做嘅嘢，好似一隻喪屍咁樣『夢遊』佢嘅人生…

 

原因就係因為佢哋潛意識地，仍然好驚佢爸爸會批判佢。

 

好驚老豆會批評佢嘅選擇，好驚老豆會話佢嘅成就唔夠好， 好驚佢哋嘗試做任何嘢都會畀老豆reject或者鬧，

 

所以一直以嚟佢都係以一種『討好老豆嘅方式』去活佢哋嘅生命。

 

有啲更極端嘅例子，就係某啲男人會非常反叛，嘗試去180度調返轉做佢老豆叫佢唔好做嘅嘢。

 

但係其實佢哋都係仍然被動地圍繞著『父親』而活佢嘅生命，而唔係主動地為自己規劃佢真正想要嘅生命，

 

佢嘅父母仍然係控制緊佢。

 

所以今日嘅重點就係：

 

你必須假設你爸爸已經死咗，即使你好愛佢，你都必須咁樣做。

 

你幻想一下如果你Daddy已經走咗，你會唔會有一種唔需要再比佢批評，放鬆咗嘅感覺呢？

 

你會唔會覺得有一種唔需要再討好你父親嘅感覺呢？

 

你會唔會覺得有一種唔需要再特登證明自己叻過佢嘅感覺呢 ？

 

喺接下來嘅72小時，我想你至少做一樣活動，一樣因為你爹哋嘅存在，而你嘗試抑制或者放棄嘅活動。

 

你要開始練習點樣唔好再活喺佢嘅陰影之下，唔好再因為佢對你嘅期望或者批評而去做決定。

 

即使你有可能會感到恐懼，感到自卑，或者感到壓力，

 

你都要學識點樣放下呢啲心理負擔， 讓內心真正嘅自己慢慢呈現出嚟。

 

只有咁樣嘅抽離，只有咁樣嘅方法，

 

先至可以令你真正得到解脫，先至能夠讓你自己活喺屬於你嘅『真相』之中。

 

唔係你Daddy嘅『真相』，唔係你Mammy嘅『真相』；

 
係你嘅『真相』，係你嘅『道路』，今集慢慢咀嚼下！

 

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第3集，今集嘅主題係叫做Live With an Open Heart Even If It Hurts。

 

意思係，即使你會受傷感到痛楚，你都應該以一個開放嘅態度，打開你個心去活著。

 

一個喺痛苦期間封閉自己嘅男人，其實係違反佢作為男人嘅本性。

 

真正自由嘅男人，係應該能夠任何時候都自由自在地去感受每一種嘅感覺，去做任何一樣佢哋想做嘅行動。

 

如果情況需要嘅時候，佢係更加應該以一個被傷害嘅心去活著， 而唔係用一個封閉自己嘅心去看待世界。

 

你幻想一下，當你係一個好重要嘅project失敗咗，又或者你嘅女人斷正你喺出面偷食，又或者你無意間聽到佢同其他人講你哋嘅性生活好差…

 

你會有乜嘢反應呢？

 

你嘅身，你嘅呼吸，你雙眼會點樣反應呢？

 

你留意一下，當一個人或者一件事hurt到你嘅時候，你係咪會開始後退自己，嘗試隱藏自己，嘗試封閉自己呢？

 

又或者喺某一啲情況下，當你發覺好難面對面雙眼凝視某一個人嘅時候，又或者你覺得你嘅胸口附近突然之間好緊好壓迫…

 

呢啲時候就係話畀你知，你未有足夠嘅技能去面對被傷害嘅情況。

 

當你感覺自己收縮嘅時候，當你封閉自己嘅時候，你就唔能夠作出有意識嘅反應；

 

你就會因為自我保護知識嘅自動機制，而成為一個關閉嘅人，失去所有自由。

 

所以如果你想成為一個超級男人，你就要開始練習，

 

喺呢啲好自然會封閉自己嘅時候，學識點樣繼續保持你開放嘅心態去面對真相。

 

你要打開自己胸口前嘅部分，坐直或者企直啲，完全係有一個開放式嘅body language，放鬆你嘅胸口同肚腩，之後深呼吸，呼吸到落去你肚腩嘅位置。

 

與此同時，你要正面望住嗰一個人，同時感受自己嘅痛苦同埋對方嘅感覺。

 

只有當你嘅身體係放鬆並且公開嘅時候，

 

只有當你嘅呼吸喺深切詳盡嘅時候，

 

只有當你嘅eye contact喺放下敵意並且嘗試直接連繫面前呢個人嘅時候，

 

 

你先至可以用最大嘅智慧去作出一個最理想嘅合適反應。

 

 

想成為一個超級男人，你一定要用你全身去感受每一個情況。

 

 

一個封閉嘅身體係唔能夠睇得到細微嘅暗示同埋signals，亦都唔能夠以一個充滿智慧嘅角度去做出一個最好嘅決定。

 

 

所以今日想問下你，當你感受到心痛嘅時候，你係會封閉自己嘗試隱藏你嘅真實感受？

 

定係你會勇敢地去打開你嘅身體，去感受每一分每一寸嘅痛楚，

 

然後用你精通嘅技巧同埋你內心嘅『大愛』去為事情作出一個最好嘅反應，

 

並且將來繼續以一個公開嘅心去感受生命，面對世界？

 

 

今日請你慢慢咀嚼呢一集。

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

恭喜曬已經下載免費43頁溝女書嘅巴打們，相信你開始明白10樣女人暗地裡想你知道嘅秘密。

 

仲未下載嘅話，可以㩒一下片中description嗰條link，或者去manthefvckup.com/freebook 去下載呢本書。

 

上個禮拜問咗各位巴打對<超男之道>呢本書有冇興趣，結果係反應非常熱烈，

 

咁所以呢我決定嚟緊每個星期六都會對<超男之道>作出一個簡單嘅詮釋，希望裏面比較宏觀嘅concept可以幫到你。

 

咁因為<超男之道>都有51個chapter，所以呢個weekly project好可能會維持至少50個禮拜，亦都係差唔多一年。

 

咁所以我哋畀心機，每個星期六學習少少，慢慢轉化我哋成為一個更加優秀嘅雄性男人。

 

事不宜遲，我哋開始呢一趟旅程啦！

 

<超男之道>嘅第一個chapter，就係叫做Stop Hoping for a Completion of Anything in Life。

 

意思係，好多男人誤以為『事情總會有一日完結』。  

 

例如，佢哋可能諗：『如果我工作夠勤力，咁去到某一日我就可以休息啦。』

 

又或者係：『我嘅女人某一日總會明白我，咁去到嗰一日佢就唔會再成日發我脾氣啦。』

 

又或者係：『我呢一刻做緊呢一樣我好憎嘅嘢，係因為到左某一日我就終於可以做我真正想做嘅嘢。』

 

呢一樣就係雄性男人思考嘅謬誤，總以為事情去到某一個位就會徹底地改變。

 

但係真相就係，唔好意思，事情係唔會有完結嘅一日。

 

只要生命不斷流動，我哋作為男人嘅挑戰就係你要不斷掙扎，不斷爭鬥，不斷打拼，用你獨有上天畀你嘅『禮物』，而去享受每一個當下。

 

正正係因為咁，我哋唔好再成日同自己講要『等到某一日，我哋先會做某樣嘢。』，唔好再等待所謂『奇蹟』或者『好嘅事情』出現。

 

唔好諗住你要等到你嘅財政身家去到某一個位，你先去做某樣嘢。

 

唔好諗住你要等到你嘅小朋友長大曬，離開屋企有能力照顧自己，你先去做某樣嘢。

 

唔好諗住你要等到你要完成所有其他人俾你嘅所謂『責任』，你先去做某樣嘢。

 

你知道你心裏面係有乜嘢好想嘅，所以由呢一刻開始，你應該每日花至少一個鐘去做一啲你一直等緊去做嘅事情。

 

你要開始做你熱愛做嘅嘢，一啲好連繫到你個心嘅事情，因為你每一日嘅『日常慣例同埋責任』正正喺度束縛緊你。

 

雖然某一啲事情係暫時嘅fantasy，但係大部分『你想做嘅嘢』之所以要延期，係因為你唔夠disciplined，對自己唔夠紀律。

 

家庭責任或者有限嘅金錢，從來都唔會阻止一個男人去做一樣『佢真係好想去做嘅嘢』，

 

大部份你同自己講做唔到嘅『原因』只係你畀自己嘅藉口，只係你唔用你嘅創意去諗下點樣做。

 

正如所有成功嘅創業家都知道，

 

resource／資源永遠唔係一個決定你成唔成功嘅因素，resourcefulness／你夠唔夠足智多謀，你能唔能夠有創意地去利用你僅有嘅資源，先至係致勝的關鍵。

 

所以你要做嘅第一步，就係要每日花至少一個鐘去開始做你熱愛嘅事情，容許你發掘並且分享你最大嘅『禮物』。

 

另一樣嘢，就係可能你會錯誤地假設『去到某一日，你嘅女人就會徹底地改變』。

 

咁樣諗就錯喇巴打，唔好再等待嗰一日嘅來臨，你必須假設佢永遠都唔會改變。

 

如果你女人嘅行為或者心情永遠都係咁難容忍，你應該離開佢， 唔好再回頭，因為真實係你唔能夠徹底改變一個人。

 

但係如果佢唔係咁難頂，只係間唔中有少少唔合你心意有啲麻煩，咁樣你就要明白佢好可能永遠都係咁：

 

因為呢個係雌性女人嘅本性特質，femininity係永遠都會變幻無窮，比較雜亂無章 ，比較複雜混亂。

 

所以下一次你察覺到自己嘗試去『fix』個女人，嘗試去『修補整理』佢，令到佢XYZ嘅問題唔再出現…

 

你要停止自己嘅行為，放鬆啲，攬住佢，讓佢知道即使佢係咁樣你都會愛佢， 唔好嘗試阻止佢抒發一啲『可能激嬲你』嘅行為。

 

永遠唔會完結嘅Emotional Drama係雌性女人嘅精神良藥， 你越係嘗試去用力『解決佢嘅問題』你只會越係徒勞無功。

 

你要練習嘅係，嘗試喺呢一啲發癲嘅時候，搵下femininity有趣之處，以一種幽默的角度去睇女性嘅特質，呢一種就係其中一樣你愛佢嘅表達方式。

 

當然亦都唔係叫你去縱容佢去不斷情感地欺負你啦，

 

不過你要明白好多時『女人發癲』只係一場霎眼間嘅風暴，你喺呢一場風暴之中處變不驚，唔好被佢影響你嘅情感，咁樣好快又會雨過天晴。

 

呢個世界同你嘅女人，係永遠永遠都會畀你好多預測唔到嘅挑戰。

 

如果你依家唔係充實地去活你嘅生命，勇敢地面對呢啲挑戰，咁樣你腦裏面『幻想美好嘅某一日』係永遠唔會出現。

 

所有曾經有意義地活過生命嘅男人都唔會去『等待某一日』，你嘅錢／你嘅女人／你嘅任何狀況永遠唔係你做唔到某樣嘢嘅主要原因；

 

你係時候感受一下你最想送乜嘢畀女人同世界，跟住做你今日能力之內嘅事情去滿足呢種慾望。

 

每一刻嘅等待都係每一刻嘅浪費，每一刻嘅浪費亦都係令到你人生目的含糊嘅原因。

 

所以今日畀你嘅action step就係：

 

 

請你開始每一日花一個鐘去做你心裏面知道自己想做嘅嘢，讓自己喺每日重複嘅routines裏面搵到自己嘅passion！

 

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

恭喜曬已經下載免費43頁溝女書嘅巴打們，相信你已經開始明白10樣女人暗地裡想你知道嘅秘密。

 

仲未下載嘅話，可以㩒一下片中description嗰條link，或者去manthefvckup.com/freebook 去下載呢本書。

 

如果你係幾個月前已經開始聽我哋MTFU，你應該有留意到我其中一集講話你點樣征服世界就係點樣征服女人。

 

其實嗰一個concept係我喺一本由David Deida寫嘅書<The Way of Superior Man>裏面學習嘅，呢本書係我其中top5必定推介比任何男人去讀嘅一本書。

 

咁因為嗰一本書好似暫時仲未有中文版，所以某啲巴打就唔太想去睇佢，所以其實今日想問各位巴打，想唔想我每個星期分一集去講一講呢一本書呢？

 

咁你本書都算幾長，有51個chapter，但係佢好處係每個chapter都係好精簡，好到肉，每一次都有一啲擴闊視野嘅concept畀大家見識一下嘅，如果你有興趣嘅話你不妨喺呢段片留言話我知。

 

咁不如我今日略略講下本書係for邊一啲人啦。

 

一本書一開頭就講到明係寫畀新時代進化嘅男人，係嗰一種接受自己係一個雄性嘅男人，嗰一個好有方向性，做嘢係有目的，有自信，知道自己選擇點樣去生活，並且擁有integrity係一個正直嘅男人。

 

同時間，佢亦都係一個對情感有敏感度，做嘢係自發性嘅，而且知道自己都算幾spiritual幾有靈性，好想用心去發掘自己心深處生命嘅真相。

 

而呢類雄性男人係會被雌性嘅女人撻著，佢係好想用愛去『奪走』個女人，令到雙方一同喺嗰個moment消失。

 

佢係一個自由嘅男人，佢唔會被外在嘅傳統意識封閉自己，亦都唔會被內在嘅奈弱去限制自己。

 

呢種新世代嘅雄性男人，係完全擁抱自己嘅雄性特質同雌性特質。

 

佢唔需要每一秒都正確，佢亦都唔會好似一個Mr Nice Guy咁樣需要每一秒都感覺安全，要同人合作，要同人分享。

 

佢嘅生活態度好簡單，就係用最能夠連繫到佢內心深深處嘅core，勇敢地去『送佢嘅禮物』比世界，完全open自己，希望能夠擴大愛。

 

咁其實過去呢一兩代，我哋見到男女之間嘅sexual polarity 『性兩極化』係越來越含糊，女人愈嚟愈似男人，男人愈嚟愈似女人。

 

譬如，作為男人嘅你，你好可能比你阿爸更加識得去表達你嘅情感，更加open-minded去接受新嘅嘢。

 

相反，女人亦都唔再係傳統嘅家庭主婦，佢哋係更加有方向性，得到佢哋學歷上財政上嘅自由。

 

喺社會角色嚟講其實係好事嚟嘅，但係似乎都講到『親密嘅性滿足』，好似雙方都越嚟越冇passion，男人越嚟越『弱雞』，女人越來越乜都話曬事，點解會發生啲咁嘅嘢呢？

 

答呢啲問題，我哋要明白sexual attraction『性吸引』係來自sexual polarity『性嘅兩極性』，就好似地球嘅南極北極會製造磁力呢一種不變嘅原則。

 

所以如果男女之間失去咗呢一種sexual polarity，男女之間就會失去性嘅感覺。

 

如果你想大家之間有passion有激情，咁其中一個人一定要係做『征服人』嗰一個，另外一個一定要係做『被征服』嘅一個。

 

而男人同女人其實都有各自嘅雄性特質同雌性特質，就好似男人都可以帶耳環唱歌跳舞，女人都可以打MMA或者做特首。

 

但係今時今日嘅男女問題係：

 

如果喺需要親密嘅時候，你仍然係政治正確地去講『男女平等』，咁你哋之間嘅『性兩極性』就會消失，直至你哋其中一放開始願意去做雄性嘅角色，另外一方願意去做雌性嘅角色。

 

所以你從同性戀嘅現象都可以見得到，性嘅吸引力係唔關男女性別事；只要其中一方能夠飾演雄性嘅角色，佢就能夠吸引到飾演雌性嘅另一方。

 

呢個就係sexual polarity嘅威力，你釋放嘅能量一定要係雄性先至能夠吸引到雌性，而且呢個係唔完全唔關『有冇愛／有冇責任』事，呢個係講緊你哋會否有passion激情既事。

 

當然有啲人唔會care喺一段關係之中有冇激情啦，對於呢啲人嚟講，有一段普普通通可能大家都錫大家嘅朋友關係，有個人可以同你share一啲事，咁佢哋就覺得好滿足。

 

如果你係呢種人，冇所謂嘅，你亦都唔需要再聽我之後講《超男之道》。

 

但係如果你想自己有多啲雄性嘅特質，希望你將來嘅伴侶有多啲雌性嘅特質，咁我相信你會好鍾意我嚟緊每個禮拜講嘅concept。

 

因為雄性男人嘅本質就係你嘅sexual core。

 

如果你有比較多雄性嘅本質，即使你都享受喺屋企同細路玩，但係其實你內心深深處都係好想有一個任務，令你自己人生有意義。

 

即使你呢一刻唔知你嘅任務係咩，你都必須去發掘你嘅人生目的，你先至可以感覺活得死而無憾。

 

相反，如果你有比較多雌性嘅本質，亦都即係大部分女人原本屬於嘅本性，無論你有幾成功，你嘅人生會係好空虛，直至你感覺得到家庭或者親密關係嘅愛喺你身上流動。

 

Mission任務或者『尋找自由』係作為雄性男人嘅優先事項，而『尋找愛』係作為雌性女人嘅priority。

 

所以你見得到，點解大部分男人都係好鍾意玩運動或者睇比賽，

 

因為運動最終其實都係講求達到自由嘅境界，每一場比賽嘅完結，每一次打到就嚟死嘅戰爭，每一樣危險嘅英雄主義，都係對男人嚟講嘅一種釋放。

 

但係對於雌性女人嚟講，浸淫自己係睇劇之中，愛情故事，或者同朋友傾偈講佢哋嘅relationship，呢啲娛樂就係佢哋『渴求愛』嘅表達方式。

 

雌性女人係想被愛去充滿自己， 而雄性男人係想感覺到活喺邊緣個一種極樂。

 

所以想問下你，雖然你可能喺唔同嘅時候會想要唔同嘅嘢，但係問心講，你覺得邊一種能量先至能夠最徹底地滿足到你，最令到你得到快感？

 

大約90%嘅人係會有比較清晰嘅傾向，佢哋係知道內心深深處邊一樣嘢係最fulfill到自己，所以大約90%嘅人係會有比較清晰，知道自己係比較雄性定係雌性嘅能量本質。

 

但係有大約10%嘅人，無論係雙性戀定係同性戀，佢哋係會有一個比較中和嘅能量本質，佢哋唔會特別渴求要有sexual polarity，可能唔需要伴侶身邊有朋友已經好足夠。

 

呢一本書就係引導你點樣去掉走曬所有虛偽嘅bullshit，教你點樣可以忠於自己嘅本質去活你嘅生命。

 

因為大部分人都唔小心忘卻咗自己嘅性本質，所以每一日先至會冇動力冇激情去做人。

 

如果一個人繼續去否定自己嘅性本質，隱藏自己真正嘅慾望，佢哋嘅靈魂只會不斷被擠壓，每一日只能夠以恐懼去活佢哋嘅生命。

 

所以呢本書將會係寫畀一啲鍾意女人嘅雄性本質男人，而為咗方便起見，我之後所講嘅每一集都會用『男人』或者『女人』呢兩個形容詞，來形容雄性本質男人同埋雌性本質女人。

 

你會唔會對呢樣話題有興趣呢？

 

你會唔會想去慶祝你作為雄性男人嚟緊會得到嘅激情呢？

 

 

你想嘅話，請你喺以下比個like跟住留comment，咁我每個禮拜就會教你更多關於《超男之道》既重點！