標籤: EDM

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

Man Sir 我最近留意得到，

 

有好多年輕嘅巴打們，成日好想好快地搵到一個女朋友，跟住問我應該點樣溝特定嘅女仔。

 

所以今日想糾正你呢種諗法，因為事實就係：

 

每逢你有一種『我要搵女朋友／我淨係想要一段long term relationship』嘅心態，你就其實流露緊無限嘅neediness，最後導致你一條女都無。

 

我咁樣講嘅原因，就係因為我見得到，

 

好多男人錯誤地認為，短暫嘅歡樂／short term fun同長遠嘅關係／long term relationship，係需要用兩種不同嘅形式去處理。

 

真相就係：女人擇偶嘅機制，女人選擇情人愛人嘅方法，

 

永遠都係『如果男人追我，我就要跑。如果男人唔追我，我就要追佢。』

 

當然以上只係一個概括嘅結論啦，但係絕大部分情況以上都係正確嘅說法。

 

例如好簡單：如果你下下都主動打電話whatsapp俾女仔，佢就幾乎唔會主動打電話whatsapp你。

 

或者如果次次都係你邀請佢出街食飯，就算佢煮飯好叻，佢幾乎都唔會邀請你上佢屋企試下佢嘅手勢。

 

同樣道理調返轉，如果你同個女仔出街跟住大家好啱傾，但係你之後嗰幾日完全唔搵佢；

 

又或者有次佢打電話畀你，跟住因為你好忙所以講咗幾分鐘之後，略略約咗下星期先再見，咁女仔喺嗰幾日就會不斷諗住你。

 

重點就係：

 

如果你一嚟就高姿態地表明自己想要穩定嘅relationship，女人就會有好大嘅決定需要去做，

 

佢就會喺度將所有嘅考慮條件諗得好清楚，你任何嘅小動作都會顯得好似有額外嘅意義。

 

所以如果你淨係喺度認真地『look for RELATIONSHIP』，喺你所有嘅相處／行為舉動溝通，女人都會感覺得到你好乸認真。

 

你就會不其然地『以long term嘅方式』係咁問佢不同嘅問題，

 

『以long term嘅方式』回答問題，『以long term嘅方式』同佢相處。

 

最後產生嘅問題就係：你個人太chur，你個人太認真，你個人太武斷，

 

因為女仔心諗：

 

『屌，你做乜撚嘢啫？我哋好似啱啱識渣喎，你咁快諗咁遠做乜春？

 

你都未認真正認識我嘅真實嘅一面，咁快就同我講咁長遠嘅嘢，應承我咁多濕鳩嘢？

 

冇病呀嘛你！？』

 

所以，醒目嘅你必須明白：

 

只有當你唔好咁快俾壓力大家做決定，只有當你唔好一嚟就『我哋一係結婚一係分手』嘅心態，

 

女人先至可以慢慢地『以真實嘅一面』同你相處同你玩。

 

另外一個重點就係：

 

Just because 你依家唔係搵緊女朋友，唔代表你一個禮拜後唔會遇上適合嘅人！

 

世界上最奇妙嘅事情就係，好多時候當你單身並且放鬆唔再搵女朋友嘅時候，

 

你先至會無啦啦遇上一個好有質素嘅女人，令你想同佢一齊。

 

亦都有好多時候，當你好想要一段relationship嘅時候，

 

但係因為單身嘅你已經有一啲好正好好玩嘅social life，你根本無需要再額外加一段親密關係。

 

所以今日你要帶走嘅就係：

 

無論你喺人生邊一個階段，你都係以一個『我係絕對open任何有可能出現嘅好機會』，

 

我係會以公開嘅態度去迎接女人，並且自然冇壓力地發展可能出現嘅任何關係。

 

啱啱識左幾個禮拜甚至幾個月嘅女人，

 

唔該你唔好係咁俾壓力佢，唔好咁撚try hard，尤其是係一啲大眾都覺得佢有吸引力嘅索女。

 

再加上，好多感情之所以會失敗，

 

就係因為兩個人喺唔認識大家嘅情況下，太快進入一段太深入嘅關係。

 

醒目嘅做法就係：

 

順其自然地去develop你哋出面嘅男女關係，

 

做一切自然會發生嘅親密性行為；

 

喺女人ready嘅時候，佢係絕對會主動問你，你想大家下一步去邊度。

 

希望今集幫到你！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第34集，

 

今集叫做 Your Excellent Track Record Is Meaningless to Her，

 

男人以往紀錄無論有幾乾淨有幾好，對雌性女人都係零意義！

 

作者意思係：

 

你可以過去十年都做一個完美嘅好男人，

 

但係如果今日你有做一個30秒嘅仆街，女人都可以當你永遠係一個仆街。

 

原因就係，

 

雌性女人會對每一個moment嘅能量有所反應，所以佢係會忘記咗男人以往歷史紀錄嘅行為表現。

 

男人嘅舊有行為，對於女人當下嘅感受係冇關係。

 

雖然男人係會觀察其他男人以往歷史嘅行為表現，並且會根據track record去斷定某啲嘢，

 

但係對女人嚟講一切都唔重要，只有當下嘅feelings先至重要。

 

所以如果你同你老婆原本約咗同其他人食飯，但係你做嘢忙到都唔記得咗。

 

之後你致歉自己遲到，因為你遇上一個好唔尋常好忙嘅工作日，

 

並且解釋平時自己都唔會遲，但係今日迫不得已。

 

對女人嚟講，你今日遲到就係今日遲到，

 

就算你以往100次都信守承諾，100次都冇遲到，

 

但係你今日遲到就係唔啱，佢就可以好嬲你！

 

你冇需要提醒女人你曾經有幾美麗嘅track record，你以往做過幾多次好事，又或者你一直都冇犯錯；

 

如果你今日令佢失望，你就係令到佢呢個當下感受到失望，你以往做過幾多好嘢都冇關係。

 

Your past successes don’t mean shit to her present feeling of you as a failure!

 

你呢一刻嘅失敗，係唔能夠利用以往嘅成功，去彌補佢嘅心靈損傷！

 

所以你要做嘅並唔係解釋，而係馬上改變你哋之間嘅能量流動，改變你哋之間嘅energy。

 

既然你嘅成功咁快被女人忘記， 你呢一刻嘅失敗亦都會好快被佢忘記，

 

只要當你見到佢準備唔開心嘅時候，馬上change her mood，假設一切都好開心。

 

例如利用你的幽默令佢笑，慢慢錫佢頸部位置，

 

無啦啦抱起佢扮KingKong，或者任何以愛嘅方式去surprise佢。

 

咁樣你頭先嘅失敗，就會馬上被呢一刻嘅成功取代，

 

你就能夠回復你哋之間嘅愛與快樂！

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今日想好快分享點解學校嘅教育，係會直接間接令你溝唔到女。

 

最近睇咗一篇幾有趣嘅文章，係講緊原來『學校』呢一個概念原來都算係比較新，只有大約200年嘅歷史；

 

喺之前大部份嘅所謂『學校』其實主要係一啲研究神論研究theory嘅研討會／seminars／神學院，專係畀一啲有財富有地位嘅貴族去嘅地方。

 

原因就係以前嘅人主要都係農夫或者做小生意嘅人，

 

所以只要你有地方學習商業交易／或者跟師傅鑽研學習一門手藝，你嘅知識就能夠幫你維持生活所需。

 

所以以前嘅小朋友大部分時間，都會透過同其他小朋友一齊玩，學習社交活動；

 

其餘嘅時間就會喺度睇啲大人點樣練習鑽研某樣手藝，觀察佢哋人際關係成功與失敗。

 

之後工業革命嘅來臨，突然之間，小朋友就被迫進入『有規劃有規模』嘅教育機器。

 

唔知係咪咁橋，全世界所有嘅學校好叻嘅一樣嘢，

 

就係教導小朋友discipline，教導小朋友必須要有紀律，必須服從權威。

 

當然以前嘅小朋友都係服從長輩親戚嘅權威，但係因為『學校』嘅出現，我哋就會被迫服從一系列成年人嘅命令。

 

好快地，我哋邏輯就由以前嘅『如果你唔餵豬，佢哋就會死。』，

 

去到而家嘅『如果你唔服從老師嘅指令，你就係壞學生，你就會受懲罰，你就會被同輩排斥。』

 

重點就係：學校喺好多方面，其實喺一個去除人性嘅地方；

 

學校喺一件完美機器製造唔同工廠嘅員工，製造社會一模一樣倒模式嘅齒輪。

 

正正係因為學校好叻去製作standardized／統一／被標準化嘅學生，學校根本唔係一個地方去培育個人嘅發展。

 

更加嚴重嘅係，以前可能你會透過同其他小朋友玩，學習社交活動，

 

但係你出生後十幾二十年，我哋都被灌輸一種『唔好同其他同學傾計／唔準同其他人交流／陌生人等於危險』嘅思想。

 

最後嘅結果就係：

 

只有老師講嘢，我哋唔準講嘢，我哋失去曬所有細個可以練習social skills嘅機會。

 

幼稚園係咁，小學係咁，中學係咁；

 

大學可能好少少，但係我哋已經離不開『努力讀書，GPA過三爆四，都係搵份好工算吧啦』嘅社會意識裏面。

 

Anyway，講咗咁耐學校嘅所謂教育，關溝女咩事呢！？

 

答案就係：女人係唔會被一個『齒輪』吸引，

 

女人係會被『個人』，被individauls，被有領袖能力嘅leaders，被一啲夠膽去challenge佢嘅男人吸引。

 

你同我由細到大都被人洗腦去服從命令，

 

但係如果你只係一條一尾聽order嘅走狗，唔單止女人會覺得你好弱雞廢柴，你更加只係一個悶蛋，完全冇創意去創造新奇刺激嘅嘢。

 

所以每當我哋青春期開始想要浪漫戀愛性關係嘅時候，我哋根本就唔識得點做。

 

我哋連同其他男仔傾計嘅機會都冇，有點會識得點同女仔傾計呢！？

 

重點就係：

 

因為當我哋服從嘅時候老師就會開心，令到大部分嘅男人認為服從人哋就係能夠令到對方開心嘅方法。

 

但係我哋唔知道，服從女人正正係最令女人turn off嘅嘢。

 

你毫無尊嚴毫無主見，係絕對唔能夠吸引到佢。

 

所以我今日想同你講嘅就係：It’s okay to DISAGREE with women！

 

你唔認同女人某種觀點或者行為，係絕對冇問題嫁！

 

你講出自己心裏面嘅真相而令到某啲人唔鍾意，係絕對冇問題嫁！

 

女人係會尊重一個講出自己真相嘅男人。

 

做一個gentleman，係代表你尊重並且有需要嘅時候保護女人，

 

而唔係每一次都好似奴隸咁樣聽曬女人話，隨傳隨到即叫即到！

 

當然唔係叫你mean／反抗佢哋啦，我只係叫你唔好咁乞兒係度奉獻你被閹割嘅蛋蛋送畀女人！

 

所以女人問你著某件衫係咪好肥嘅時候，你冇需要特登奉承佢話『唔係呀，你著咩都好睇㗎啦。』

 

Bullshit！

 

你要做嘅，就係首先playful淘氣地回應佢，例如：『你轉身睇睇？Ehh，喺側邊都幾瘦嘅… lol』

 

所以嚟緊呢一個禮拜，我畀一個練習你做。

 

就係每逢女人問你一條問題，想得到一啲特定回答，

 

你唔好咁快認真答佢住，你應該首先講『你認為嘅答案』嘅相反！

 

當然以一種playful好玩嘅語氣去回答佢，而唔係負負氣氣地hea答佢。

 

跟住用你本日記簿，寫低你觀察到嘅反應，做下呢啲唔同嘅社會實驗。

 

當你感到舒適嘅時候，

 

你就可以對住女人好玩地講一啲越來越『預計唔到／unpredictable』甚至係有爭議性嘅嘢，

 

睇下原來你自己同唔同嘅女人可以去到幾盡！

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

【由於小弟由今日開始會喺美國一個月，所以唔好介意我哋會每隔幾日先至出一轉新片，超男之道亦都會變返為一個星期一集，直至9月尾 :-)】

 

嚟到超男之道系列嘅第33集，

 

今集叫做 She Doesn’t Really Want to Be Number One，女人其實係唔想做男人嘅第一位！

 

作者意思係：

 

雖然好多時女人睇落似乎都好想成為男人最重要嘅嘢，想成為男人嘅正中心；

 

但係如果女人真係成為男人最重要嘅嘢，

 

佢就會感覺得到佢嘅男人並唔係真正dedicate自己，有方向性地繼續成長並且貢獻社會，成為一個服務人群嘅領袖。

 

女人就會感覺得到男人依賴佢先至能夠得到快樂，

 

女人就會因為男人嘅依附性，依賴性，neediness，而被男人搞到自己窒息。

 

所以女人真正想要嘅，

 

係一個能夠奉獻自己畀更大嘅人生目的嘅男人，一個dedicate自己人生去higher purpose嘅男人，而喺呢趟旅程之中，同時完全地愛佢嘅男人。

 

雖然女人自己唔會承認，亦都未必知道呢樣佢內心真正嘅慾望，

 

但係佢係會想要一個願意放棄relationship，以大局為重，忠於自己人生任務嘅真男人。

 

你試想像下：

 

如果一個男人因為時勢所需，必須出去打仗，保家衛國。

 

佢臨走嘅時候，攬住佢嘅女人，準備say goodbye，女人不斷流淚。

 

跟住女人不斷乞求男人唔好離開佢，但係男人同佢講『你知道我必須要走…』；

 

之後佢哋深深地互相望住大家，男人同佢講『你都知道我好愛你，但係我真係要走…』。

 

女人依依不捨地回答：『我知道，我都知道你一定要走…』

 

最後佢哋深情地吻別大家，男人轉身行去門口度，離開屋企，踏上需要佢嘅命運；

 

而女人望住佢，既傷心又自豪，望住男人慢慢離開消失…

 

以上嘅情節，正正係顯露咗做男人嘅一個大原則：

 

就係雖然你嘅女人睇落似乎好想成為你人生最重要嘅嘢，

 

但係只有當你毫不妥協地奉獻自己去更大嘅人生目的，更大嘅任務，更大嘅使命，女人先至能夠完全相信並且深愛你。

 

男人嘅purpose永遠必須係自己嘅第一位，佢嘅親密關係／relationship永遠係次要，女人係暗地裏知道呢種真相。

 

你試下幻想多一次頭先畀你嘅情節，如果女人挽留準備打仗嘅男人嘅時候，個男人突然之間同佢講：

 

『唉，你都講得啱嘅，我改變主意啦。我覺得你比起拯救人類自由更加重要，所以是撚但啦，我劈炮唔撈啦，打乜撚嘢仗呀，我哋日返去扑嘢啦！』

 

LOL，

 

如果你真係咁做，即使女人部份嘅自己可能因為得到你會覺得開心，

 

但係佢內心嘅深深處其實會覺得好失望好空虛，因為原來你唔係一個真正嘅雄性男人。

 

所以如果女人成為你人生嘅焦點，你就會迷失自己並且立即輸晒！

 

你今日仍然活著，就代表你仍然有一份獨特嘅禮物分享畀世界，

 

一種人生目的去實現，一種啟發你嘅內心衝動去追尋。

 

如果你冇咗呢一種嘅內心慾望，你就會失去靈魂並且開始覺得人生迷茫。

 

你就會人云亦云做相同嘅嘢，

 

你就會活係女人嘅purpose之中，因為佢嘅目的比你更加強大，

 

你就會成為社會機器一粒毫不起眼嘅齒輪，任由外界力量去支配你嘅一舉一動。

 

 

所以唔好被所謂嘅『特定責任／responsibilities』，取代咗自己真正嘅人生目的。

 

工作／家庭／親密關係／朋友固然重要，

 

但係你絕對不能夠利用佢哋為藉口，而唔去發掘自己真正活著的目的。

 

如果你唔係以你嘅core活你嘅生命，分享你最大嘅禮物，

 

所有人都會感覺你係lack of true purpose，你只係一個冇骨幹被風吹走嘅樹葉。

 

重點就係：

 

女人係想知道你有自己人生嘅『中心點』，而佢係唔會想自己成為你嘅中心點。

 

當你發現咗自己最deep最喚醒自己靈魂嘅purpose，

 

你生命嘅任何一part都要與你嘅deep purpose連成一致，做出相應嘅決定。

 

咁樣你就成為女人眼中，能夠信賴能夠相信能夠心愛嘅男人！

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

【Quick Note On My USA Trip ;)】

 

你想唔想知道有咩嘢，除咗M到之外，係特別煩擾有吸引力嘅單身女人呢？

 

你又知唔知道，一個女人可以鍾意你好多嘢，

 

但係如果你做以下我所講嘅任何行為，你所有原本成功嘅機會都會即時滅亡？

 

係今個美麗嘅星期五，我哋廢話少講，馬上開始！

 

第一樣女人最憎男人嘅嘢，

 

就係你放棄自己嘅『地位』，希望換取女人對你嘅注意力（attention）同認同感（approval）。

 

你都應該聽過我之前講過好多次，

 

approval-seeking（希望得到女人對你嘅認同）同埋reaction-seeking（希望從女人身上得到某種反應），係令女人非常反感嘅嘢。

 

更差勁嘅係，有啲男人會畀曬所有控制權女人，

 

畀女人話曬事，會願意白馬王子地為公主做任何嘢『效勞』，藉此換取女人嘅attention同approval。

 

Fvck that shit！

 

因為最大嘅問題就係，

 

女人根本唔想你放棄自己嘅地位同男子氣概，女人根本唔會鍾意一個毫無尊嚴弱雞猶豫不決嘅死廢柴！

 

每逢你展露呢啲行為，潛意識地話畀女人知『你願意放棄自己嘅power去得到佢』， 女人就會好憎你呢種低價值低地位行為！

 

你又有冇犯過類似嘅錯誤呢？

 

有嘅話，你決定幾時完全停止呢啲乞兒嘅behaviors呢？

 

第二樣女人最憎男人嘅嘢，亦都係我講咗十萬次，拍咗好多集，但係仍然有好多男人犯嘅錯誤：

 

就係表現得needy，充滿依附性（attached），

 

比起鼻涕更加黏貼依賴，

 

比起安全套更加緊貼，

 

缺乏信心冇把握嘅insecure男人！

 

我今日再重複講多次：

 

每逢女仔感受到你『心理上』成隻冤鬼咁樣纏住佢／死都捉住佢／充滿依賴嘅依戀，

 

女仔就會覺得你係一條『情感寄生蟲』，a fvcking toxic parasite，

 

佢就會好想好憎你並且用盡一切方法整走你！

 

例如你啱啱先見完佢，跟住又同佢傾電話，傾咗幾句之後佢話唔得閒遲啲先傾，

 

你就講類似話『啊啊啊…係呀？咁…好啦…或者你返到去再話我知好冇？』

 

That’s fvcking NEEDY！

 

再加上，如果你情感上毫無信心，非常insecure，

 

你可能更加會好beta male地問個女仔對自己有咩印象，

 

問個女仔覺得你自己夠唔夠好，

 

問個女仔覺得你自己好唔好玩，

 

問個女仔覺得大家有冇機會發展等等嘅濕鳩嘢！

 

Fvck that shit！

 

唔該你唔好再做，因為女人真係受夠呢啲低價值行為，

 

聽到都打曬冷震，聽到都想嘔，

 

所以如果你腥嘅emails表露到任何以上嘅行為，我就只會叫你睇多今集一次！

 

最後第三樣女人最憎男人嘅嘢，

 

就係get唔到男女之間吸引力／attraction。

 

女人係絕對可以feel到你get唔get到點玩attraction呢個遊戲，

 

明唔明白自己同女人嘅分別，識唔識得製造並且讓大家享受sexual tension。

 

女人係會知道你係咪同佢哋一樣，暗地裏知道sexual communication點樣做；

 

如果你唔識，女人就會完全停止所有對你嘅性暗示。

 

所以你要記住：

 

吸引力（Attraction）係一種情感並且身體上嘅反應，

 

你絕對唔能夠理用你嘅邏輯／你嘅禮物／你嘅錢／你嘅友善／你嘅nice，理智地說服佢去對你產生吸引力，無法自我選擇地對你有feel。

 

Attraction好多時都係一啲非理智唔make sense嘅行為，

 

所以你要學識點樣製造張力tension／緊張感，

 

停止做一啲『邏輯地佢應該會鍾意你嘅嘢』，

 

特登製造空間讓佢思念你等等嘅嘢。

 

Anyway，要講Attraction仲有排講，

 

今日嘅重點就係記得以上三樣女人最憎男人嘅嘢，

 

並且開始停止做以上厭惡嘅行為！

 

我哋呢個月係美國再見，

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

【Quick Note On My USA Trip :-)】

 

今日想分享喺好幾年前，我發現咗吸引女人嘅一個秘密，

 

而呢個秘密之所以只有千分之一嘅人知道，係因為呢個秘密實在太明顯，所以大部份男人永遠都唔知道。

 

喺呢幾年我自己學習並且教導不同男人嘅時候，

 

我發現大部分男人都有一種強烈嘅慾望，去impress女人，去希望留下好印象令對方鍾意自己。

 

無論係你望到其他男人嘅first date，或者你自己曾經做過嘅，甚至坦白同你講我曾經自己都做過唔少嘅，

 

就係我哋總會一開頭有一種感覺，希望唔好自己『犯錯』／『做錯嘢』；

 

所以喺認識新女人面前總會特別謹慎，特別小心說話，特別有禮貌，

 

特別約束自己要做返一啲所謂『合符規範』『道德標準』嘅『正常嘢』。

 

你點知自己有冇犯過以上嘅錯誤呢？

 

以下係一啲指標，例如：

 

－你可能會嘗試去講一啲『好似好正／好似好型／好似好叻』嘅嘢，show off自己嘅才華學識，去impress女人。

 

－你可能係一個正常對話中特別緊張，特別不知所措，搞到任何事情都顯得『特別formal』，特別正式正規咁樣。

 

－你可能會成日喺度諗，乜嘢先至係『女人啱聽／想聽嘅說話』

 

－如果你講咗一啲女人唔鍾意嘅說話，你可能就會馬上退一步／喺度道歉，跟住嘗試講話『自己唔係咁樣嘅意思』，跟住轉話題希望講返一啲適合呢位女性嘅話題。

 

－你可能唔夠膽『冒險』，唔夠膽揶揄女人，或者完全唔做一啲可能會令佢upset嘅嘢。

 

換句話講，

 

每逢男人對住一個自己『鍾意』嘅女人傾計嘅時候，佢就通常會嘗試以『最好嘅行為表現』／『最好睇嘅一面』去示人，希望留下好印象。

 

但係你咁樣做有咩問題呢？

 

答案就係：

 

你呢種希望impress對方嘅行為，一切都會顯得好假好唔自然好做作。

 

所以千分之一嘅人先至知道嘅溝女秘密係咩呢？

 

答案就係：

 

溝女嘅時候，唔該你stop trying！

 

唔該你停止嘗試去『留下好印象』，咁樣你先至真正能夠自然地『留下好印象』。

 

譬如話，個女仔請問你做咩工作。

 

Instead of 好正經地同佢講話：

 

『 我喺呢間Biotech公司做工程嘅，但係因為呢幾年我都幫咗唔少，所以美國個老細諗住嚟緊promote我做district manager囉。』

 

（聽落呢啲嘢，你都感覺到好撚show off啦？）

 

你應該講嘅就係類似：

 

『 哦，我結合人類嘅智慧同生物科技做一啲好似Ironman咁嘅嘢囉。lol』

 

條女就會問你『你噏乜春呀？』

 

你就可以繼續講笑地講話：『我認真㗎喎，我哋令到一啲原本身體有障礙嘅人，因為生物機械嘅科技，令到佢哋變返超人囉。』

 

重點就係：

 

任何相對認真嘅topic，你冇需要下下都咁認真咁logical地回答人哋，更加唔應該曬命咁樣，去曬自己有幾咁叻仔。

 

最能夠所謂『留下好印象』嘅方法，

 

就係令到女人感受到對你情感上嘅attraction，亦都係我平時教你需要淘氣地challenge佢揶揄佢嘅方法。

 

只有你保持F+C嘅氣氛，當你哋各自離開嘅時候，

 

女人先至會有慾望去追你，並且調返轉希望『留下好印象』畀你。

 

所以唔該，由今日起，請你停止impress女人，

 

請你畀個機會女人『留下好印象』畀番你，

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

好多巴打之前都問過我，first date／第一次見面應該有咩地方注意，應該有咩行為表現等等嘅問題；

 

所以今日我打算好快share一啲好重要嘅concepts比大家，解決以上嘅問題。

 

唔知你有冇留意得到，當男人女人出去date／認識異性嘅時候，佢哋通常有一種好折然不同嘅心態。

 

女仔出去識男仔，心態行為通常都會類似：

 

『唔，呢個男人都幾有趣，等我再認識佢更加深入先啦，再睇下我哋有冇機會發展。』

 

但係男仔出去識女仔， 心態行為都會類似：

 

『OMG，你實在太靚喇，我對你好有興趣所以我依家好緊張。事實上，其實我已經開始諗緊你有機會做我嘅女朋友或者老婆…

 

OMG，如果唔得嘅話，至少我哋都可以ONS啊？！』

 

換句話嚟講，女仔啱啱認識一個男仔，佢哋通常都係比較causal／laid back，比較輕鬆比較漫不經心；

 

但係男仔識女仔，就會好快當正佢係將來嘅女朋友／老婆咁樣看待。

 

你都可以幻想到，

 

咁樣嘅 dynamics係會製造好多不必要嘅張力同壓力，令到男人非常緊張地抖震，而女人面對一個咁緊張嘅男人亦都會變得好唔舒服。

 

有咩解決方法呢？

 

白痴嘅答案就係，唔該你停止睇得成件事咁大，唔好咁緊張咁慌忙地大失所措。

 

最好嘅辦法就係：

 

首先假設每一個遇上嘅女人，總會有一啲特質係騷擾你／麻煩你，令你好憎佢／令佢失去原本溝到你嘅機會。

 

點解要咁樣做呢？

 

Surprise Surprise！原因就係，根本呢個就係事實！

 

大部分嘅女人，根本就唔能夠同你長遠地compatible；

 

就算你同某個女人認真地開始long term relationship，你絕對會隨時間發現你唔鍾意佢嘅地方。

 

所以無論係心態又好，語言技巧又好，

 

你自己溝女嘅主題都可以係：『唉，你呢種嘅特質／你啱啱所做嘅行為，係會令我反感唔想再要你囉…』

 

又或者佢做咗一啲好白痴嘅嘢，你都可以講類似話：『 唉，你咁樣我哋係冇可能一齊囉…』

 

換句話嚟講，你嘅潛台詞就係『我當正你係我將來嘅女朋友／老婆』嘅180度相反！

 

當你能夠有呢種F+C嘅氣氛，你喺每一個當下享受自己，

 

你展露你不在乎／indifferent嘅態度，你先至會有更大嘅機會溝到某條女。

 

所以唔該你傾後番個身，冷靜自然啲，擺佢上枱講下笑話『你同佢永遠都唔夾』，

 

同佢講佢真係你一個好nice嘅frd，假設佢有一啲你好唔鍾意嘅性格特質跟住列點佢出嚟等等。

 

繼續保持你鋒芒畢露／沉著應戰嘅雄性力量，

 

你唔需要咩pickup lines／魔術技巧／思維操控，女人都會慢慢被你吸引過去！

 

希望今集幫到你！