標籤: EDM

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

當你攞左女仔電話之後，你會唔會覺得之後要whatsapp佢或者打電話比佢約佢出街，係一件好緊張好困難嘅事呢？

 

你會唔會成日喺度諗，自己應該講啲咩，應該約佢做啲咩，並且如果佢reject你嘅約會，你應該點樣做呢？

 

點解咁多男人，每次想約女仔出街嘅時候，都會覺得係一種咁困難嘅事呢？

 

如果你有以上嘅疑問，你就要明白你有以上感受嘅『根本原因』。

 

＃1 你好可能冇其他女人嘅options

 

如果你坐咗喺屋企淨係得一個女人嘅電話號碼，又或者你已經好多年冇出去date，你好大機會都會特別緊張。

 

因為當你冇其他女人選擇嘅時候，你面前唯一嘅一個女人，就會突然變得十萬倍更加重要。

 

你就會自己喺度幻想，如果今次你衰咗，你嘅人生就會好坎坷。

 

＃2 亦都係因為咁，你投放太多重要性喺某一位女性身上。

 

當你誤以為遇上某個心儀嘅女仔係一百萬分之一嘅機會，

 

你就會好自自然然地將你哋之間嘅關係無限放大，你就會投放太多significance喺呢個人身上。

 

但係如果你根本唔算好認識佢，又或者根本你都未date過佢，未見過佢點同其他人相處，

 

你咁快就將佢嘅重要性提升十萬倍，根本就係一種摧毀自己嘅行為。

 

＃3 你覺得你需要去留下好印象，去impress呢個女仔。

 

呢個係對好多男人嚟講，非常致命嘅死因。

 

大部分男人都會潛意識地有種『去留下好印象』嘅心態同行為，

 

佢哋覺得約女仔嘅時候，一定要努力impress佢呢個『幸咗好耐』／非常合心意／完美嘅對象。

 

但係你估下，當一個女人見到一個男人咁try hard咁落力去impress佢嘅時候，女人心裏面係諗啲咩呢？

 

答案就係，佢就會覺得你有啲唔對路。

 

呢條仔肯定有啲嘢隱瞞緊， 又或者佢肯定對自己好無自信，所以先至會咁快就係咁追我。

 

＃4 你不自覺地依附喺呢個女人身上，並且幻想各種美好嘅可能性。

 

當你開始有太大希望或者預期嘅時候，你就會開始attach自己係某女人身上，你就會自己製造好多妄想不切實際嘅fantasy。

 

呢種嘅依賴性，呢種嘅飢渴，呢種嘅neediness，絕對會摧毀你任何溝到佢嘅機會。

 

你太快鍾意佢太多，係會令到你約會女仔嘅時候，做好多黐線白痴嘅錯誤。

 

我哋講咗咁耐，究竟有冇一啲長遠約女仔出街嘅成功方法呢？

 

答案就係，你無時無刻都應該增加自己嘅選擇，increase your options！

 

每次你認識咗一位心儀嘅女仔之後，最好嘅下一步，就係再認識多兩三四個其他心儀嘅女仔。

 

咁樣嘅話，當你同佢哋喺電話溝通或者想約佢哋出街嘅時候，

 

你都知道自己仲有好幾個其他選擇，其他potential dates去約出街。

 

因為現實就係：

 

大部份你遇上心儀嘅女人，都會因為某啲天時地利人和嘅原因，最後失去資格成為你可能嘅對象／伴侶。

 

所以每次你覺得『某一個機會千載難逢』，遇上合適你嘅女人係非常罕見，你自己又會變得needy ＆ desperate。

 

永遠增加自己選擇嘅對象，係一種長遠建立你溝女自信嘅好方法。

 

所以每次你約女仔嘅時候，instead of擺到明想約佢，

 

你應該同佢講你會準備做啲XYZ嘢，但係佢得閒嘅話可以join你。

 

例如：『Hey，我晏啲會去Starbucks溫書呀，你可以join我。』

 

如果佢猶豫不決嘅話，你只需要略略同佢講類似『好啦，你嘅損失。』等等嘅說話。

 

Anyway，今日嘅重點就係：

 

＃1 記得永遠增加自己options

 

＃2 約女仔永遠應該約佢做一啲你一早已經決定會做嘅活動。

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今日想好快教各位巴打一個鮮為人知嘅原因，點解好多男人出去date嘅時候死咗都唔知咩事。

 

首先有三樣細微嘅basic重點我想你記住：

 

＃1 女人係能夠直覺地非常精準地知道自己係咪『俾人追緊』；

 

每次佢感覺到你想喺佢身上得到某啲嘢，佢嘅身價就會頓時提升。

 

＃2 每當女人嘅身價開始提升嘅時候，

 

意思就係女人就會意識到你鍾意佢，佢就會開始吊高嚟賣，play hard to get，而你就會開始失去control，失去控制權。

 

＃3 當你開始失去控制，你嘅選擇好多時都一係『追佢再追得肉緊啲』（呢種行為更加會令到女人攞曬所有power），

 

你一係直接放棄。以上呢兩個選擇都唔會係你想要嘅嘢。

 

所以預防永遠勝於治療，

 

解決嘅辦法就係一開頭你要謹記，唔好放棄屬於你嘅dating power；

 

而其中一個最好嘅方法去keep control，就係永遠唔好約會期間主動畀晒錢。

 

當你唔再顯示傳統1-2-1男女約會，男人最後會比錢請女人食飯嘅時候，

 

你就能夠防止女人感覺你係『追緊佢』，防止佢覺得你處於求偶階段。

 

我當然唔係叫你『永遠唔好請女人食飯喇』，

 

我只係反對你有一種舊有傳統觀念，去利用『金錢／利益／著數』等等嘅外在因素，去嘗試令到女人鍾意你。

 

喺你一開頭認識／見面一啲有吸引力嘅女人嘅時候，你應該擁有咩心態呢？

 

最好嘅心態就係：

 

『呢個女人都好似幾nice嘅，不過我始終有保留。如果我真係想睇清楚啲，或者我都可以投資少少嘅時間金錢飲杯咖啡睇下嘅…』

 

明唔明？

 

你要畀佢少少嘅機會，去證明畀你睇，佢除咗表面幾靚女幾好身材之外，佢嘅性格人格道德操守仍然係一流先至得；

 

而你畀佢嘅機會，絕對冇需要要自己畀錢去一個完整嘅date囉！

 

再加上，如果你有『要畀錢去date，令到女人鍾意你』呢一種諗法，

 

你對女人嚟講一早就已經非常冇吸引力，你嘅態度同埋low self-esteem將會令所有女人厭惡。

 

你應該點樣做呢？

 

＃1 如果你真係控制唔到自己一定要畀錢請女人食飯，

 

唔該你至少用呢種心態，就係：『我想去呢間我最愛嘅餐廳食飯，如果你想嚟，我都歡迎你join我嘅。』

 

＃2 如果你真係決定去畀錢，至少你要講清楚你係為自己而去做，你唔係為條女而去做。

 

點都好，以上兩點都係唔係最好嘅策略。

 

約女仔出街最好都係creative啲，有創意啲，防止做一啲類似會同女人講『我願意花錢去得到你嘅注意力』嘅潛台詞。

 

所以instead of 傳統嘅dinner dates，

 

我比較主張你去做一啲social dates，做一啲一早已經包含有趣對話元素同刺激感嘅活動。

 

例如去一齊一大班人行山，略略喺某一啲較大型嘅公園行，

 

一齊去睇一啲藝術展覽，參觀一啲你身處嘅城市比較人少去嘅特色地區，又或者邀請佢去個friend嘅party。

 

因為講到尾，第一次就同一個『唔知你鍾唔鍾意』嘅陌生人，

 

一對一花幾個鐘坐喺一張枱食飯，最後唔知道你應唔應該畀錢定係AA制，呢種過時嘅策略已經失去效力。

 

所以唔該你依家花幾分鐘，諗下十種活動你係可以同女仔一齊去做；

 

而呢啲活動係唔需要點樣花錢甚至免費，但係裏面活動包含一啲有趣嘅對話，一啲冒險刺激嘅元素。

 

搞掂之後，你就馬上知道以後你任何嘅dates係應該做啲咩，並且防止自己再思考『應唔應該畀錢』呢啲無謂問題。

 

你哋之間嘅dates，亦都可以集中去玩／just to have fun，

 

而唔會令到雙方有好大壓力去『求偶』，玩樂期間亦都一早有好多有趣嘅對話元素係裏面。

 

最正嘅就係，你就能夠慳番好多錢，

 

首先投資喺自己身上，並且將來投資係一啲真係值得你投資嘅人身上。

 

希望今集幫到你！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第32集，

 

今集叫做 Her Complaint Is Content-Free，

 

女人對你嘅投訴，未必一定係投訴佢口中所講嘅內容。

 

作者意思係：

 

無論女人有咩特定嘅投訴或情緒，女人永遠經常都想要男人神聖嘅masculine presence，雄性嘅存在感。

 

女人嘅投訴係應該以『警告／警號』嚟看待，

 

但係男人必須盡力繼續將佢嘅生命，同佢真正嘅truth+purpose／人生真相+目的連成一致。

 

但係如果男人相信女人literal content／字面嘅投訴，男人就會馬上偏離自己方向，

 

因為其實女人字面嘅投訴，係反映佢當下嘅心情，多過係對你仔細觀察嘅投訴。

 

所以女人嘅complaints，

 

係應該被視作為一種『get it together／係時候改善自己』嘅提醒，多個係一種形容『有咩實質行動應該去做』嘅細節。

 

重點就係：唔好錯誤地輕易相信女人口中所講content，跟住對佢每一點嘅投訴作出回應。

 

如果女人投訴你哋之間財政嘅問題，好多時係因為佢感受到，

 

你缺乏咗屬於你嘅雄性力量，去清晰地／有意識地／有目的性地／有智慧地／正直地去direct自己嘅life，為自己繼續行正確嘅人生方向。

 

財政金錢只係次要問題，因為就算你呢一刻係貧窮無錢，

 

但係你係充滿意識嘅話，正直無懼開心充滿愛地貢獻最大嘅禮物比世界同女人嘅話，女人係唔會投訴你冇錢。

 

又例如，

 

如果女人叫你執下間房／洗下你自己嘅車，但係過咗成個禮拜你都冇咁做，佢投訴你其實唔係真係關於你間房或者車。

 

清潔嘅房或車只係表面嘅事情，

 

真正佢唔鍾意嘅係『你無做到你口講嘅嘢』，你冇『講得出做得到』，你冇做到應承自己嘅嘢，你缺乏integrity，

 

所以佢覺得自己唔能夠相信你，被你深深地hurt咗。

 

對你嚟講，你可能覺得佢神經緊張過份反應，只係一間房或者車啫！？

 

但事實係，

 

你冇follow through自己講過會做嘅嘢，

 

而男人口中嘅words，係顯示你雄性特質嘅core，顯示你雄性嘅目的purpose。

 

當你唔係一個『講完會盡力做』嘅男人，你嘅雄性core就係軟弱，

 

女人就會被你失望，唔再能夠相信你雄性嘅方向，對女人嚟講係一種好大嘅損失。

 

隨時間流逝，女人就會開始建立自己雄性嘅保護機制，去對抗你失去嘅integrity；

 

佢就會『硬化自己』，變得三尖八角同緊張，唔再能夠喺你面前完全放鬆信任你。

 

雌性女人嘅core就係energy同radiance，能量或者光芒流露。

 

所以因為你嘅lack of integrity，當女人唔再take care自己，

 

佢就會變得沉悶冇精神，佢就唔再能夠畀到你，你最渴望得到嘅雌性力量。

 

就好似男人係會被女人嘅feminine radiance吸引，

 

女人係會比你嘅masculine clarity，你雄性嘅清晰方向／正直感／存在感而吸引。

 

當女人投訴你成日睇電視係到hea，其實係求投訴你人生整體嘅生活缺乏持之以恆同清晰度，做人冇咩目的，

 

見你同佢一齊嘅時候又係『人在心不在』，缺乏presence。

 

重點就係：當你聆聽女人，你要視佢為預言家oracle，多過係一個顧問advisor。

 

女人通常以一種離題唔相干嘅方式去帶出重點，佢係會揭露你缺乏意識嘅習慣，一啲阻擾你喚醒自己意識嘅壞習慣。

 

如果女人唔能夠相信，你係以最deep嘅智慧同能力去彰顯自己生命，

 

佢就唔能夠相信你能夠帶領佢有最好嘅生命，佢就會慢慢地以靠自己嘅masculinity去補償。

 

所以如果你係愛你嘅女人，就唔該你根據佢表面嘅complaints，

 

坦白反思自己有咩地方係冇盡力而為，

 

坦白反思自己用咗幾多bullshit藉口冇活出自己嘅潛能，

 

跟住man the fvck up再次勇敢係屬於自己充滿目的性嘅道路上打拼！

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第31集，

 

今集叫做 What She Wants Is Not What She Says，

 

女人講嘅嘢未必係佢真正佢想要嘅嘢，即係話女人好多時都係口是心非。

 

作者意思係：

 

有時候女人會要求男人做某啲嘢，唔係因為佢真係想要某啲嘢，

 

而係去測試一下呢個男人係咪真係弱雞到真係會做呢啲垃圾嘢。

 

換句話講，女人係測試緊男人有冇能耐去做正確／啱嘅事情，而唔係女人叫你做乜你就做乜。

 

所以喺呢啲情況，如果男人真係做女人叫佢做嘅嘢，女人反而會變得失望同憤怒，

 

而男人就會完全死咗都唔知咩事，跟住喺度怨恨唔知用咩方法先至可以奉承女人。

 

身為男人嘅你要記住：

 

女人對你嘅信任，並唔係視乎你有幾完全滿足佢嘅要求；

 

女人對你嘅信任，係視乎你能否除咗喺佢嘅要求之外，

 

仍然能夠擴大愛，擴大你哋嘅consciousness／知覺／覺醒，同埋你哋各自喺生命上嘅成功。

 

作者之後畀咗一個真人真事嘅個案我哋。

 

喺不久嘅以前，有一個幾靜幾sensitive嘅男人喺度學習性力瑜珈。

 

喺呢種yoga裏面，佢要學識點樣喺佢高潮嘅時候繞過射精，

 

將佢被刺激嘅能量circulate／循環去身體其他部分同自己嘅心，令到自己有一個全身full body嘅高潮，而唔係平時嘅抽搐射精。

 

男人亦都要學識點樣釋放佢動物性嘅激情，而唔係做愛嘅時候成日太過平靜被動。

 

之後某一日，呢個男人同佢嘅老婆揸緊車，

 

經過一個公園嘅時候，佢哋不自主地決定停車，跟住走去附近隱蔽嘅草叢打野戰。

 

佢哋兩個都未試過喺戶外做愛，所以對佢哋兩個嚟講都係一種突破。

 

突然之間，男人意識到如果佢哋唔減慢啲，佢就會好快射精。

 

所以佢就同老婆講：『老婆老婆，唔得啦，我哋要減慢啲，唔係嘅話我好快射…』

 

但係個老婆un得更加快更加激烈，

 

跟住同老公講：『唔得，我要你喺我裏面內射！我想你用你嘅種子完全充滿我！』

 

跟住佢男人有百分之一秒，決定應該點樣去繼續，

 

最後只決定let it go，內射喺佢老婆裏面，滿足佢老婆嘅慾望。

 

搞掂咗之後，佢老婆個樣好似突然好upset，個男人就問佢發生咩事？

 

女人就好唔開心地答佢，話佢做乜喺佢裏面內射；

 

男人就好困惑，同佢講話：『你明明同我講，你好想我用我嘅種子完全充滿你㗎？』

 

女人就更加嬲地講：『係呀！但係我咁講都係想去睇下，你係咪真係咁strong可以去抵抗誘惑跟住say no咋嘛！』

 

男人覺得好空虛亦都好虛脫，因為佢感覺自己練習嘅性力瑜伽已經失敗。

 

佢知道當時嗰一刻佢唔應該內射，但係佢屈服咗喺佢老婆嘅意願；

 

而家佢老婆又好失望，因為老婆其實真正係想測試佢能唔能夠『做正確嘅事』，而唔係真係想佢射精。

 

因為如果男人能夠跟從自己意願喺關鍵時刻做正確嘅決定，

 

一切對女人嚟講都會更加色情，更加erotic，令女人更加能夠相信男人無論如何都會做啱嘅事情。

 

以上故事就完咗喇，重點就係：你嘅女人好可能會無時無刻都突然之間測試你。

 

女人最終極嘅慾望，係去感受你嘅完全意識／full consciousness，

 

你可以相信嘅正直／trustable integrity，

 

你不可動搖嘅愛／unshakable love，

 

同埋你對自己人生任務嘅自信／confidence in your mission。

 

但係好多時，女人係好少會直接問你以上呢啲重要嘅嘢。

 

女人係會寧願嘗試去distract你，嘗試去打擾你，嘗試去令你分心離開自己嘅道路／真相，

 

但係之後發覺佢唔能夠distract你，因為你能夠一路堅守自己嘅truth，一路去愛佢；

 

咁樣嘅矛盾之下，佢先至會真正覺得你愛自己+你愛佢。

 

如果你係一個弱雞男人，雌性女人呢一種三心兩意／口是心非嘅特質，口講想要一樣嘢但實質想要另一樣嘢，係會令到你好煩惱。

 

你可能會好嬲地怨恨：『點解啲女人唔直接話我知你哋想要啲咩？但係要口是心非，之後要我自己一個去估你想要啲咩！？』

 

如果你有呢種諗法，就代表你唔能夠明白女人係神聖feminine嘅化身，

 

而神聖feminine嘅化身絕對唔會妥貼於一個少於神聖masculine嘅化身。

 

神聖masculine嘅男人，就係你嘅consciousness，你嘅知覺意識，你係咪真正清醒；

 

一個超級男人，喺必須係任何情況之下，練習保持自己嘅full consciousness。

 

你嘅女人每一日都會叫你做不同嘅東西，

 

但係你絕對不能夠容許自己被搖晃，離開自己嘅truth／真相，離開你心裏面屬於你嘅道路！

 

喺女人所有表面嘅請求要求嘅深深處，其實係暗藏佢真正嘅慾望同需要：

 

女人係想要你充滿激情嘅完整性（fullness）去滲透佢，

 

女人係想能夠完全相信你不可動搖嘅愛，

 

女人係想骨子裏感受你神聖嘅雄性力量，感受你嘅存在 ／presence係比起任何令人分心嘅bullshit娛樂更加強壯。

 

所以女人係真正女神嘅化身，嘗試去奚落你，測試你，誘惑你，準備喺你流露軟弱含糊之際『斬你頭』；

 

但係亦都隨時準備，當你能夠充滿愛有意識地保持平穩鎮定，女人就會完全surrender投降於你。

 

所以身為男人，你要做嘅就係永遠保持自己最full嘅consciousness，最完整嘅意識。

 

永遠唔好咁膚淺相信女人表面所講嘅嘢，要記得去利用你嘅智慧同內心嘅真相，

 

去決定做最正確嘅事情，即使有時可能表面上係會令女人失望。

 

因為其實女人並不會真係失望，

 

當佢能夠感受到你係一個強壯清晰嘅雄性男人，能夠永遠忠於自己內心真正嘅道路去做人。

 

如果佢真係因為你內心嘅真相而對你失望，你都應該停止繼續同呢啲咁冇質素嘅女人一齊！

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

各位巴打可能留意到，

 

我係唔鍾意用『pickup』呢個term去形容溝女，

 

我亦唔認為一個真正具吸引力嘅男人係需要做一個PUA，先至可以溝到女。

 

所以今日想分享一個所謂『pickup 女人』嘅真相，一個好明顯但係99%男人睇唔到嘅溝女真相。

 

亦都係點解99%男人不斷重複犯錯，不斷自我毀滅原本對你有興趣嘅女人嘅機會。

 

首先就係，你應該可以睇到，

 

每次有機會認識某女性嘅時候，絕大部分嘅男人都係好畀心機／try so fvcking hard去impress女人。

 

大部分男人都會遲疑不決，口窒窒唔知應該講啲咩，

 

之後一係講太多嘢，一係就收曬聲唔識講嘢。

 

講嘢事講太快，又或者突然語言障礙講嘢講太慢。

 

總之佢哋傾計嘅時候，就會突然好緊張，非常formal／非常客套有禮貌地講嘢，令到成個對話好奇怪。

 

最後佢哋就會唔小心講咗先好lame嘅嘢，令到女人覺得佢有病想走人，

 

跟住個男人又會好緊張地致歉，嘗試解釋佢講嘢嘅真正意思。

 

Anyway，重點就係，每逢你見到想pickup女人嘅男人，

 

佢哋都係唔能夠自然地表達平時自己嘅行為，

 

佢哋都係太過小心謹慎地交際，

 

佢哋都係唔識得好似同best friend咁樣互相揶揄傾計。

 

所以溝女最大嘅地下秘密就係…

 

STOP trying so fvcking hard！

 

意思就係，

 

你必須停止『好努力地』去溝女，你先至能夠慢慢自然地溝到女。

 

當你唔再咁try-hard，當你一切表現得自然流露啲，你就唔會好似其他99%嘅狗公咁樣見到女就想衝過去食咗佢。

 

你就會開始對索女好似對返普通人咁，自然地同佢傾計，

 

自然地睇下對方係咪一個有質素嘅人，自然地好似識咗好耐嘅frd咁去玩吓佢挑戰吓佢。

 

咁樣你先至能夠攞返上把位，

 

你先至會開始假設自己係度努力地防止佢不斷溝你，你先至可以開始tease佢話佢喺你身上出招。

 

女人就會開始對你好奇並且一齊講笑，佢先至會覺得終於有男人可以正常地對返佢，並且開始覺得你與眾不同。

 

女人就會開始同你一齊進入輕鬆好玩嘅狀態，

 

唔再需要擔心去防止你不停嘅溝女攻勢，唔再需要擔心你不斷氹佢上床，唔再需要擔心你係另一個7頭做騷嘅PUA。

 

最重要嘅就係，當你唔再try so hard去溝女，

 

你就係話畀人哋知，你係一個絕對接受自己，舒服自然地表達真實自己既有自信男人，

 

you are just a cool guy who is comfortable in his own skin.

 

你控製到自己嘅現實，你活喺自己嘅現實，

 

你對自己的道路充滿自信，並且為未來嘅願景非常興奮；

 

因為你唔係其他99%嘅beta males，喺度重複做一啲悶死人冇意義嘅工作。

 

呢種就係自然地製造吸引力嘅方法，亦都係所謂『pick up』嘅最大秘密。

 

你越係努力去溝女，你越係try hard to get her，你越係溝唔到佢；

 

相反，你越係集中返喺自己身上，集中讓自己have fun跟住help others have fun，

 

集中地為自己講笑自high，集中毫不吝嗇地散發正能量，

 

集中成為一個同不同人都傾到計嘅社交領袖，

 

女人就會自然地被你嘅energy，被你嘅魅力，被你營造嘅氣氛吸引。

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

你應該知道，對女人產生恐懼係令你溝女失敗非常大嘅原因；

 

所以今日我想好快講下，

 

點樣利用我哋充滿威力嘅大腦同情感系統，點樣由溝女失敗轉化到去溝女成功。

 

首先等我問你一條問題：

 

你有冇試過遇上一個情況，當你見到並且想認識一位女性嘅時候， 你冇行過去同佢傾計呢？

 

LOL 白痴嘅都知道個答案係有啦！世界各地每個男人都試過。

 

問題就係，點解我哋冇咁樣做呢？

 

點解我哋見到想認識嘅女人嘅時候，我哋唔會自動自覺行過去開始同佢傾緊呢？

 

究竟我哋諗緊乜嘢，令到我哋防止自己去咁樣做呢？

 

點解當你勇敢開口講嘢就代表成功咗90%嘅時候，我哋仍然會防止自己成功呢？

 

其實答案好簡單，解決方法亦都係好簡單。

 

答案就係：

 

大部分嘅男人都會容許自己一開頭嘅情感反應／emotional reactions同埋自己嘅想像力／imagination防止自己take action。

 

意思就係，

 

當我哋見到我哋有興趣嘅女人嘅時候，我哋就會唔知點解好緊張，我哋感受到恐懼；

 

跟住就會開始想像一系列負面嘅畫面，

 

過多幾秒之後我哋就會決定『算吧啦，都係唔值得嘥時間無啦啦傾偈』，跟住就離開。

 

但係你同我都知道呢種行為係好唔make sense，因為其實現實中冇咩真係好驚，冇咩非常負面嘅嘢真係會發生；

 

我哋亦都知道應該行去講嘢，但係就係冇咁樣做。

 

有咩方法可以解決呢種困擾嘅問題呢？

 

Well，第一樣嘢你就要學識點樣破壞你舊有嘅壞習慣，破壞『令你感到冇自信或者害怕』嘅壞習慣，

 

跟住學識點樣習慣性地令自己正面地感覺良好。

 

記住，因為你『自我摧毀機會』嘅壞習慣都幾根深蒂固，

 

所以你係需要一段時間不停練習，先至可以慢慢建立新嘅良好習慣。

 

你需要做嘅action steps就係：

 

＃1 每日花啲時間去想像一下，當你勇敢行去同有吸引力嘅女仔say hi嘅時候，所有最美好有可能發生嘅結果。

 

用一個禮拜嘅時間，每次你見到想認識嘅女人嘅時候，即刻想像一下所有最理想最正面嘅畫面。

 

慢慢地你就會意識到，原來『最理想嘅結果』好多時會比起『負面嘅結果』更加有可能發生。

 

＃2 列出一啲比較realistic／現實少少可以出現嘅情況，跟住決定當佢哋出現嘅時候，你大約可以點樣處理佢。

 

＃3 每日提醒自己，原來你唔去認識你有興趣嘅女人嘅風險，長遠地係比起你行去認識佢嘅風險更加大。

 

因為你永遠無可能知道有咩嘢可以發生喺兩個人身上，所以當你冒險唔去認識佢，你就會阻止自己去實現好多不同嘅夢想。

 

今集就係咁多，

 

快啲開始用以上嘅action steps，今個星期同多啲唔同嘅女人傾計啦，

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

其中一個困擾唔少男人溝女嘅問題就係，

 

當佢哋勇敢地踏上自己嘅dating旅程嘅時候，好多時佢哋都會害怕原本自己溝到既女仔，會唔小心之後被其他男人溝咗。

 

譬如話，你好叻仔地吸引到某啲索女同你hang out／social／出街玩／去飲嘢，你覺得自己吸引異性呢一方面都冇咩問題；

 

但係好多時心裏面都會害怕，

 

當你一不留神，當你離開女仔視線範圍，當你一陣去買嘢飲／去完廁所嘅時候，

 

返返嚟嘅時候會無啦啦見到佢同其他男人傾計，跟住害怕畀個男人撬牆腳。

 

尤其是你啱啱分完手，好耐冇出去social嘅時候，你更加唔識得點樣處理呢啲情況。

 

所以等我今日好快幫你正視下呢一個面對所謂competition嘅問題。

 

第一個重點就係：

 

我相信你害怕其他男人競爭嘅問題癥結，係因為你自己嘅insecurity同jealousy，即係你缺乏信心同埋妒忌其他人。

 

當你對自己冇信心，你就會成日喺度諗，幾時會有其他男人行過嚟跟住偷走你嘅女人。

 

亦都係因為你冇自信，所以你除咗會害怕失去你嘅女人，

 

同一時間你亦都會擔心當你失去呢個女人之後，你亦都唔能夠搵到另一個同等或者更加好嘅女人。

 

所以當你同一個女仔出街出去玩出去social出去蒲嘅時候，

 

無啦啦有男人當住你面前主動同佢傾計，就會更加動搖你嘅信心，之後引發你嘅妒忌猜疑jealousy。

 

面對呢啲情況最好嘅做法係點樣呢？

 

最好嘅做法就係，學識點樣輕鬆面對呢啲咁好玩嘅情況，

 

因為現實就係，無論對方表面睇落好似幾有威脅，

 

大部份『你所謂嘅競爭對手』根本就唔識得點樣溝女，根本就唔係真正Top1%高地位男人， 根本就唔知道佢面對緊嘅係咩人。

 

所以就算佢喺你面前pickup你條女，

 

其實係一樣好有趣好搞笑嘅嘢，去觀察聆聽下佢點樣小丑地表演，跟住好樣衰地自我收皮，之後你仲可以叫你條女分享有咩搞笑嘢發生。

 

重點就係：

 

無論對方出咩招，你自己一定要get over所有嘅恐懼／低自信／妒忌猜疑心態，因為根本就冇嘢好驚。

 

如果你流露到絲毫嘅insecurity，如果你女人feel到你站不住腳，如果你嘅自信心受到動搖，你女人原本對你嘅吸引力就會降低。

 

另一樣嘢就係：

 

當你表現到情感絲毫不受動搖之後，

 

如果你條女玩嘢，好似好想同條仔繼續傾計，

 

咁你可以選擇走去同其他女人傾計／flirt，並且畀你條女見得到你咁做。

 

因為女人天生就係competitive，所以當佢留意到你被其他女人圍住，

 

如果佢鍾意你嘅話，佢係一定會好快返嚟搵返你，同其他女人宣告『你係屬於佢』。

 

又或者如果你嘅競爭對手唔係喺現場溝你條女，

 

但係你知道條女身邊好似有冇多兵想溝佢，而佢又好似幾受落，

 

你就可以消失一段時間，停止所有communication先。

 

因為當你發現自己對某一位女仔太過擔憂，你就會有意無意地浪費自己精神能量喺一個人身上，唔記得點樣愛錫自己先。

 

所以喺呢啲『完全唔搵佢』嘅時刻，係讓你自己recover恢復理智嘅時候，

 

學識再次集中返喺自己身上，focus係可以控製到嘅事情，而唔係一啲『有冇其他人溝佢』控制唔到嘅外在因素。

 

更重要嘅係，你呢段時間一定要將你嘅attention轉移去你其他囡囡身上，

 

讓自己意識到原來身邊仲有其他女仔係鍾意你，穩固自己嘅自信心。

 

當你咁樣做嘅時候， 你原本嘅女仔亦都會同時感覺『好似失去咗你』，

 

你就可以利用佢嘅fear of loss讓佢突然再主動去留意你嘅一舉一動，主動去搵你約你投資喺你身上，咁佢就會更加想要返你。

 

總結就係：

 

你女朋友係索嘅話，你就無可避免地遇上競爭對手。

 

但係只要你處變不驚，並且暗地裏讓女人知道你身邊喺仲有大把選擇，隨時可以離開佢走人，

 

你就根本唔需要擔心任何佢俾人溝咗嘅可能性。

 

以上就係處理其他男人competition嘅大畫面，希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

你有冇一種擔心憂慮，

 

喺你出去認識新朋友或者溝女嘅時候，你會害怕遇上一啲對你好無禮貌／完全唔尊重你嘅女人呢？

 

相信你都曾經為以上嘅問題擔心過，

 

所以今日我想好快協助各位巴打，教你如何面對一啲對你態度非常差，完全冇基本禮貌，唔識得尊重人嘅女人。

 

如果有任何人，包括靚唔靚／索唔索嘅女人，係對你非常殘忍刻毒冇禮貌；

 

而你感覺到佢所講嘅說話『絕對唔係講笑』，你感覺到佢非常負面嘅能量攻擊緊你，佢係真心非常認真地對你態度差，

 

我可以向你保證，

 

當時嗰一刻嗰一個人，係擁有一種非常低嘅自我認同感，佢係有一種『低自尊心』／low self esteem。

 

點解呢？

 

科學原因就係：

 

如果你係本身自我感覺良好，

 

如果你嘅心理質素係健康，

 

如果你係見到『仲有半杯水』而唔係『淨返半杯水』，

 

如果你係散發著一種正面嘅情感能量，

 

根本要你無啦啦去對人冇禮貌／對人殘忍／態度差唔尊重人係非常困難嘅一件事，

 

你根本做唔落手！

 

所以如果有人真心地對待你差，你又想反擊佢嘅話，你就可以直接同佢講：

 

『Wow，乜嘢個人對自己咁冇自信嘅？你個人自尊心咁低嘅？Sorry，但係我真係覺得你好慘囉，希望你日子過得好啲啦。』

 

你真係可以認真地同佢咁樣講出事實嘅真相，

 

因為科學係已經證明，low self esteem嘅人先至有能力去無啦啦對其他陌生人態度差。

 

所以你要記住：

 

無論喺咩嘢情況場合環境之下，

 

如果有女人或者任何人無啦啦對待你好差，絕對係因為當時佢哋經歷緊『低自尊心』嘅表現。

 

所以每當有人粗魯地對待甚至情感虐待你，明白以下幾種事實：

 

事實＃1 任何mistreat你嘅人都係反映佢哋有好差嘅心理質素，佢哋嘅內心係非常脆弱。

 

事實＃2 如果你繼續容許自己，被任何其他人粗暴對待或者欺凌，亦都反映你自己嘅內心係非常脆弱。

 

事實＃3 當你明白以上兩點之後，你就明白，人哋對你差根本只係反映佢哋內心嘅軟弱，同你個人無關。

 

你只需要為自己step the fvck up，指出對方『低自尊心』嘅表現，

 

跟住容許自己walk away，離開呢啲負面嘅情況環境。

 

唔尊重你嘅女人根本唔值得你愛，如果你繼續去愛佢，只會令佢更加唔尊重你，變本加厲；

 

擁有健康心理質素嘅人，根本唔會比自己經歷呢啲drama bullshit。

 

女仔識得揶揄你係好好玩，

 

女仔識得淘氣地challenge番你係會產生火花，

 

女仔識得比shittest測試你係對你雄性力量嘅吸引力測試，

 

但係如果你真心feel到佢『起曬貢』，有惡意地去奚落中傷你，

 

咁樣你就知道呢條女心理有病，呢條女擁有非常低嘅自尊心，

 

無論佢有幾靚有幾索，你都絕對唔應該去招惹佢。

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

你可能都想像得到，

 

隨著MTFU每日不斷增長，我每一日都會接觸到越嚟越多唔同嘅巴打關於溝唔到女既問題。

 

好搞笑嘅就係，

 

幾乎每一個男人，對自己點解溝女失敗都有唔同嘅藉口，都有一啲『好好聽嘅原因』點解佢身邊冇女人。

 

所以我都開始相信，

 

大部分溝唔到女嘅男人，自己內心都帶住一種『秘密藉口』 解釋自己失敗原因。

 

有啲人覺得自己太高，有啲覺得自己太矮；

 

有啲覺得自己年紀大，有啲覺得自己太細個；

 

有啲人覺得自己太窮冇錢，有啲人覺得自己搵太多錢鍾意佢嘅女人都唔係真心。

 

甚至有啲男人會覺得，溝唔到女係因為外界嘅原因：

 

係因為佢住嘅地方冇靚女，又或者工作地方冇靚女，又或者佢自己嘅朋友圈無靚女，

 

總之就係一啲所謂『控制唔到』嘅外在因素。

 

Btw，咁你又有乜嘢『秘密藉口』for你自己呢？

 

你又覺得自己溝唔到女最主要係乜嘢原因呢？

 

以下就係我必須坦白同你講嘅no bullshit真相：

 

無論你覺得你所謂嘅『秘密藉口』 有幾私人獨有，無論你覺得你嘅『秘密藉口』有幾personal，

 

你所謂嘅excuse其實係非常普遍！

 

我保證，喺呢個世界一定有其他男人，喺面對住你同樣嘅情況，曾經用著一模一樣溝唔到女嘅『秘密藉口』，

 

但係最後能夠克服自己嘅困境，最後成為一個非常受女性歡迎嘅高地位男人。

 

所以所有嘅『秘密藉口』其實只係讓自己好過啲，讓自己繼續否定真相嘅一種簡單逃避方式。

 

問題就係：

 

你依家所擁有嘅『秘密藉口』可能本身並唔係一種藉口，可能其實只係你唔識得點樣去克服自己嘅『秘密藉口』。

 

因為每個人心裏面嘅『秘密藉口』，都係一啲根深蒂固地埋藏喺我哋信念裏面，

 

而我哋可能根本冇意識到，原來佢哋一路影響緊我哋嘅行為舉動。

 

譬如話：你可能相信女人唔鍾意你係因為你太過瘦削，所以令你連出去識女仔都唔想做，

 

見到女仔試都唔試，講都唔講嘢，因為你一早已經假設咗做所有嘢都係徒勞無功。

 

日積月累之下，你就連自己一個出街都驚，你就變得好害怕接觸陌生人等等。

 

咁究竟有咩方法可以解決呢啲溝女失敗嘅案例呢？

 

答案就係，你至少有兩樣嘢你需要做：

 

Step 1：明確地鑑定你自己有咩『秘密藉口』，睇下自己成日有乜嘢excuses話自己溝唔到女。

 

跟住你就要喺身邊搵下有冇遇上相同情況嘅男人，但係佢哋能夠克服同樣嘅『障礙』，溝到佢哋想要嘅女人。

 

咁樣你就會有真實數據係話俾自己知，你呢一刻嘅藉口只係bullshit，你係絕對可以扭轉局勢。

 

Step 2：每日keep住聽住MTFU，並且加入我哋免費嘅電子郵箱，閱讀每一篇嘅額外溝女newsletter。

 

正正係因為你身邊未必有好多role model畀你參考，你嘅所謂朋友亦都未必好慷慨地灌輸正確概念畀你，

 

所以你必須浸淫自己係一個溝女嘅environment， 咁樣你先至可以隨時間改變自己嘅行為模式。

 

我保證，只要你持之以恆不斷學習，

 

你將會學到好多唔同嘅概念／策略／技巧等等，

 

令你終於明白dating真正應該點樣看待，終於睇到男女之間吸引力嘅真相。

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第30集，

 

今集叫做 Choose a Woman Who Chooses You，揀一個會揀你的女人！

 

作者意思係：如果男人想要一個唔想要佢嘅女人，男人係絕對贏唔到。

 

因為你嘅neediness／依賴性／依附性，係會徹底破壞任何有可能出現嘅關係，而你嘅女人永遠都唔能夠相信你。

 

所以男人必須決定：

 

呢位女性係咪『play hard to get』，提高身價扮晒唔鍾意你但係其實鍾意你？

 

定係其實呢位女性真係真心對你冇興趣唔想要你呢？

 

如果女人唔想要你，你就必須馬上停止任何『追隨佢嘅行為』，

 

接受事實嘅真相，停止你嘔心嘅neediness，跟住轉移你寶貴嘅精神能量去其他想要你嘅女人身上。

 

所以今集嘅重點好簡單：

 

如果一位女性真係唔想同你一齊，it’s fvcking over！

 

你越係再次嘗試說服佢，佢越係容易feel到你嘅neediness；

 

當佢感覺到『 你想要佢嘅程度，比起佢想要你嘅程度更加大』，佢就永遠不能夠相信你雄性嘅本質，你masculine嘅core。

 

點解？

 

好簡單，就係因為我哋講咗好多次：

 

雄性嘅本質，雄性嘅priority，雄性嘅力量，

 

永遠一定要將佢嘅mission／pupose／direction／任務／使命／人生目的／人生方向放喺第一位。

 

但係雌性嘅本質， 雌性嘅priority，

 

係去感受任何親密關係之中有冇愛嘅流動，the flow of love in intimacy。

 

所以如果女人感覺『 你想要佢嘅程度，比起佢想要你嘅程度更加大』，

 

如果女人感覺『你比起佢更加重視親密關係』；

 

咁樣即係代表你自己嘅雌性力量比起雄性力量更加強，你就會逼女人用佢嘅雄性力量同你相處。

 

最後就係女人就會好想要自己嘅私人空間，佢會想有自己自由去追隨自己嘅方向，並且被你嘅clinginess／依附性感到反感。

 

所以記住：

 

你永遠絕對唔可以比起女人更加想要一齊，更加想要一段relationship。

 

遇上任何女人，

 

最好嘅關係都係必需首先輕輕鬆鬆簡簡單單causal地一齊玩一齊瞓一齊感受一齊相處；

 

只有當女人ready嘅時候，

 

只有當女人想同你long term嘅時候，

 

只有當女人主動問你『我哋嘅關係即係點？』嘅時候，你先至需要決定大家未來發展嘅方向。

 

如果最後發現，原來佢唔係真係咁想同你一齊，原來『你比起佢更加想一齊』，

 

你就必須明白呢段relationship喺唔會work。

 

因為雄性嘅慾望係自由，雌性嘅慾望喺愛嘅流動，

 

女人必須首先渴望得到你嘅愛，你對佢嘅愛先至有價值有意思。

 

如果冇以上條件嘅話，

 

move the fvck on， 係時候搵下一個適合大家嘅女人喇！

 

希望今集幫到你！