Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。
嚟到超男之道系列嘅第29集，
今集叫做 Each Woman Has a “Temperature” That Can Heal or Irritate You，
每個女人都有一種特別『溫度』，去治療令你痊癒或者刺激你令你心煩！
作者意思係：某啲女人係比較熱情，但係某啲女人係比較冰冷。
即使男人決定commit落某一位女性身上，男人對雌性力量不同溫度嘅需求，係會隨時間而改變。
可能火辣辣好sexy嘅女人有好幾年係能夠激發男人對佢嘅passion，
但係過咗好幾年之後同一種嘅能量可能會令男人心煩。
同樣道理，一啲比較平靜冰冷嘅女人，以前可能能夠舒緩男人嘅心，
但係過咗好幾年之後，男人可能就會覺得好悶好攰。
重點就係，你對女人係會有唔同嘅taste。
呢啲taste嘅來源可能係你細個童年經歷／社會嘅影響／你嘅基因等等，
但係taste其中一方面，係一個女人點樣能量學上影響你。
譬如金髮嘅俄羅斯妹係相對冰冷，而拉丁美洲嘅紅髮女郎就會係相對熱情；
雖然女人嘅溫度並不完全取決於地區性，但係你應該都會感覺到，
唔同嘅女人係會有唔同嘅temperature，你亦都會大概知道自己嘅口味，傾向邊一類型嘅女性。
正正係因為每個男人係唔同嘅階段會對energy有唔同嘅偏好，
所以可能對住某啲『大眾都認為係索女』嘅時候，你對住佢可能就冇咩感覺。
即使你都會覺得佢靚，幾吸引，
但係唔知點解佢就唔係你杯茶，你可能會鍾意一個『冇咁靚』但係擁有唔同雌性能量嘅女人。
就好似你對食物嘅taste會隨時間改變，你對雌性能量嘅taste亦都會隨時間改變。
視乎你個人嘅健康，你嘅lifestyle生活質素，你工作嘅需求，你情感嘅狀態，你喺唔同時期都會需要唔同嘅雌性能量。
譬如如果你係一個冇咩動力，好easygoing嘅人，一啲火辣辣spicy啲嘅女人可能會適合你多啲，因為佢嘅慾火能夠激發你對生命的熱情。
相反，如果你本身個人比較暴躁激烈，可能你就會發覺一個相對冰冷嘅女人能夠治療你，平衡你嘅身體同心理質素。
重要嘅係：你要知道唔同女人係有唔同溫度，同埋佢哋點樣影響你。
留意一下，有時如果你會對某啲女人失去興趣，可能係一種你嘅life需要另一種能量balance嘅徵兆。
要學識觀察自己喺唔同時期對唔同能量嘅需求，
要學識喺女人以外嘅方式去幫自己升溫或者降溫，
咁樣你就唔會因為能量需求嘅改變，而影響你同某個女人嘅關係。
改變你嘅飲食，改變你嘅服裝，按摩揼骨，探索一下大自然，喺河流溪澗行山玩下水，全部都可以達到你能量嘅需求。
唔係嘅話，因為你一段時間嘅energy change，而決定同你原本鍾意嘅女人分開／分手／甚至離婚，
你好可能再過幾個月之後能量需求再次轉變，你就會後悔自己做錯決定。
所以你必須自己決定如何處理你對特定雌性能量嘅需求，點樣讓雌性能量充滿你嘅身心。
更重要嘅係，無論你對能量嘅需求係點樣，
最重要就係你嘅core，你嘅心每一日都係成長變得更加自由，更加公開，更加充滿愛。
一杯冰涼透心嘅新鮮果汁，一次夏威夷嘅渡假，一位紅髮嘅女郎可能可以暫時性地平衡你嘅生理需求；
但係只有持之以恆地不斷練習愛，先至能夠帶領你過渡任何恐懼，
穿越任何空虛感，引導你去搵到自己最深刻嘅真相！
希望今集幫到你！
