除非讀medic/law或者乜乜師默默師，讀大學呢一項投資當然喺無保證啦。
呢個topic我哋將來可以再講，不過如果你準備或者而家讀緊大學嘅話，你就要知道大學嘅溝女方式，喺同你將來喺社會出面做嘢好唔同嘅。
今日就會好快比啲小貼士各位學生哥，如果你仲係讀書階段嘅話，相信你會覺得好有用！【Intro】
首先開始之前，如果你鍾意今集topic嘅話，記得率先LIKE同訂閱我哋嘅channel，並且一陣留言話我知你想我再教你啲咩。
＃1 好！大學生點樣溝女呢？
首先，你要明白大學的確喺一個社會嘅縮影，喺更加講求你有咩社交地位，甚至係呢個小社會嘅等級。
你嘅大學生活過得精彩與否，好多時取決於你屬於邊個社群，同咩人做朋友，最後就係溝到咩女。
如果你個朵喺屬於一般『毒撚engine或者IT仔』嘅話，唔好意思巴打，你個brand喺處於劣勢，除非你嘅形象同性格有所突破。
相反，如果你喺讀business或者sports類嘅學科嘅話，通常你嘅溝女起跑點都會較高。
＃2 重點喺：你各方面越有『好睇啲』嘅社交地位元素，你喺大學就會越溝到女。
有咩元素喺可以提升你喺大學嘅吸引力呢？
Well, 好嘅『點數』除咗你唔係典型嘅頹毒科之外，就係你個”社”係咪一向有型啲嘅聲譽？你身邊嘅朋友係咪都係好玩唔柒嘅人呢？你會唔會主動搞活動搞party呢？
你係校園係咪有領導嘅角色，做某啲club嘅president，做mentor，或者做O camp組爸呢？甚至你係咪有一向溝慣靚女嘅聲譽呢？
呢一系列嘅元素，再加埋你有其他嘅成就（比如玩運動，平時唔try hard溝女，又肯讀吓書），咁你就可以成為大學中嘅型男，喺呢個小圈子之中暫時突圍而出。
＃3 咁當然，大學嘅社會階級喺需要透過時間建立嘅。
但好多時，都係Year 1頭幾個月甚至O camp後頭幾個星期開始要做，咁樣你 Year 2,3,4先會有經驗同埋『大佬』嘅名銜去溝更多低form嘅妹妹仔。
醒目識咁做嘅仔，將會成為大學嘅Top 10%，享盡所有offer；但你屬於中游位置嘅話，咁樣你就會覺得溝女有啲難，令到你覺得大學平平無奇。
＃4 但記住：我哋今日之後探討大學點溝女，我哋喺無講點樣鋪排大學後做嘢嘅階段。
意思喺，出黎做野既世界喺好唔同，你識女溝女都需要新嘅途徑。
無人會太重視你喺大學有咩名譽，因為到時就係同整個社會嘅人競爭，你嘅名譽就係透過成就同埋新嘅場合一步步重新建立出嚟。
咁所以你可能會發覺，中學生或者大學生嘅『風頭躉』，好多時出到社會之後就無晒優勢，校草校花甚至變得越嚟越冇吸引力。
原因就係佢哋誤以為短暫嘅名成利就喺一世嘅名成利就，會因為太容易享受所有嘢而覺得唔需要俾咩effort去努力打拼，導致將來變得一文不值。
所以巴打你就要平衡兩者：既要盡量享受小社會嘅花花世界，亦要準備好大社會嘅更大更多嘅獎勵，咁樣你先會真係精彩地活出自己嘅人生！
鍾意今集嘅話，就俾個LIKE我同訂閱我哋嘅YT channel，之後留言話我知你想我再教你啲咩啦，下集見！