Yo! 我喺MTFU嘅Man神啊，歡迎嚟到新一集嘅ManTheFvckUp，
協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。
Quick Announcement: Do you want quick 1-min dating tips on IG Story/ videos;
If yes, like this video and leave a comment for me 🙂
大部分嘅男人，尤其是細個讀男校嘅巴打們，
喺從來都冇人教過佢點樣同女人傾計，所以好多男人可能一大輩子都冇學過吸引女人嘅技能。
你遇上嘅問題可能就係：
－女仔覺得你好悶
－你唔識得點樣keep住女仔對你嘅興趣
－你唔知點樣令到佢笑
－你唔能夠喺佢面前做返真實嘅自己
－完全唔識得點樣製造吸引力
可能好多外面嘅人就會畀藉口自己，
話自己溝唔到女係因為唔夠靚仔／唔夠有錢／唔夠power地位／或者唔夠受歡迎。
但係事實就係，
如果你學識點樣正確地同女人傾計，學識點樣同佢調情flirt，學識點樣turn her on，
任何男人都絕對可以吸引到女人。
所以今日就首先等我調返轉，話畀你知女人唔想同你傾計嘅4個最主要原因。
＃1 要永遠永遠記住呢句說話，
『A man’s attractiveness is directly proportional to his level of non-neediness』，
一個男人嘅吸引力係同佢有幾『唔依賴／唔依附／唔依戀』成絕對嘅正比！
你比我更加清楚，
我過去好多個月都不斷同各位巴打講，
你必須成為一個non-needy／情感獨立嘅人。
Neediness嘅意思就係，你好似BB仔咁樣，需要外界嘅東西去填滿／充滿自己。
你需要外界嘅人去同你講『你係一個特別special嘅人』，
你需要外界嘅人去同你講『你係一個美麗聰明嘅人』，
你需要外界嘅人去同你講『你係一個值得被愛嘅人』等等。
但係你要明白：
任何needy嘅男人，任何需要女人去填補佢嘅男人，
其實就係根本就係利用女人去滿足自己情感嘅空虛，
根本就係一條令人厭惡嘅情感寄生蟲！
所有健康嘅關係，必須由兩個獨立完整嘅個體去組成；
所以無論係男人女人都好，當某一方變得needy嘅時候，你係會破壞大家嘅健康兩性關係。
所以第一樣女人唔想同你傾計嘅原因，
就係因為佢透過你嘅行為舉動，感覺到你嘅neediness，
感覺到你try so fvcking hard去impress奉承佢，令到佢對你感到厭惡。
＃2 女人唔想同你傾計嘅原因，
就係因為佢感覺到你嘅insecure，感覺到你缺乏自信，同你傾計期間完全feel到你過份嘅神經質。
少少嘅緊張感係冇問題嘅，你抱著一種少少緊張嘅心情去同女人傾計，更加能夠顯示你嘅真誠。
但係女人都想要一個powerful，有自信，對自己secure， 有信心嘅男人；
所以如果佢sense到你冇咁樣嘅內在特質，佢好快就會對你失去吸引力。
＃3 第三樣女人唔想同你傾計嘅原因，就係好簡單因為你好撚悶！
你想同女人傾到計，
你就要學識點樣令到大家嘅對話充滿fun嘅元素，你就要學識點樣利用F+C去同佢玩，
而唔係淨係一味用邏輯悶爆嘅logical conversation同佢講嘢！
所以如果你不斷發現自己面對deadair，傾傾下偈成日變咗interview，
又或者講埋啲濕鳩『今日天氣幾好』嘅話題，
咁你都可以好肯定女人會好快對你失去興趣。
＃4 最後女人唔想同你傾偈嘅原因，就係因為你太過缺乏social intelligence，一啲社交嘅智慧。
女人天生就係一種社交嘅動物，
所以佢哋係好識得點樣跟從social norms，好快地觀察到某個場地嘅社交潛規則。
所以如果你唔能夠察覺到當時環境有乜嘢係socially acceptable，
有乜嘢行為舉動係可以接受，有乜嘢行為舉動係過火，
女人就會覺得你係『低等』過佢。
所以任何唔合適嘅comment，
或者你get唔到佢暗地裏send畀你嘅社交訊號，
又或者你喺度係咁講一啲完全唔好笑嘅嘢，
你都可以幾肯定自己係缺乏Social Intelligence！
以上就係女人唔想同你傾計嘅四種原因，
如果你細心諗一諗嘅話，
你就會明白，
冇女人係想要一個弱雞+冇自信+唔識得social+又悶+又needy嘅男人！
希望今集幫到你！