Yo! 歡迎嚟到新一集嘅Man The Fvck Up, 協助你創造一個你想要嘅戀愛生活。
如果一個女仔肯同你單獨出街, 但係你哋又未算係friend嗰一個層次, 其實意味著佢想bond with you, 想同你製造一個特別親密嘅關係。
一個好簡單嘅技巧令佢覺得同你特別親密, 就係你要留意女人講嘅嘢, 喺合適嘅時候, 加一句, “嘩, 係咩? 我哋遲啲應該一齊去嗰度” 或者 “我哋遲啲應該去玩嗰樣嘢。”
“我哋”呢兩個字唔好睇小佢, 係好有威力嘅。
當佢同你出街嘅時候, 如果佢同你講話有咩好食或者有咩好玩, 呢個係一個好好嘅機會畀你製造你哋下次再出街嘅藉口, 你可以直接講, “嘩,係咩!? 咁我哋遲啲一定要去啦。”
如果你對佢真係有興趣, 當然你就去用“我哋”呢一招啦。但係如果你對佢冇乜feel, 你就唔好濫用呢個技巧。
因為當你講完話,將來你同佢會做啲咩嘅時候, 但係之後你又唔做, 佢就會開始覺得你係一個唔誠實嘅男人。
你每個禮拜都date唔同嘅女仔當然係冇問題啦, 但係如果你覺得傾完一晚計之後, 真係同佢冇feel冇chemistry, 其實有時真係唔使喺度玩咁多mind games, 可以直接啲同佢講話雖然你都幾enjoy個date, 但係你覺得冇乜feel.
同女仔出街都係想一齊製造更多嘅positive energy, positive emotions。
當你係一個坦白嘅男人, 就算你同佢未必發展到成為浪漫嘅一對情侶, 佢亦都會認為你係一個有質素嘅男人, 將來更加可能會介紹佢朋友圈其他女仔畀你識。
所以如果你對一個女仔冇興趣, 你就唔好濫用你學到嘅溝女技巧喺佢身上。
一嚟你又嘥大家時間, 你只係喺度ego boost自己,2嚟你又喺度玩鳩人傷害人, 真男人係唔會咁樣做!
你對佢冇romantic feel, 但係你又覺得佢係一個好女仔, 咁你就可以當佢係一個新識嘅friend。
出去結識異性,真係唔好咁膚淺純粹為咗溝女, 如果佢係一個有質素嘅人, 你加佢哋成為你嘅新朋友對你長遠都有好處!