Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。
好快宣布少少嘢先：
我最近寫完一本免費43頁嘅溝女書，讓你學識10樣女人暗地裡想你知道嘅秘密。你有興趣嘅話，可以去㩒一下片中description嗰條link，或者去www.manthefvckup.com/freebook 去下載呢本書。
返返嚟今日嘅主題：你想唔想知道一個好玩啲嘅方式去邀請女士出街玩呢？
好多男仔約女仔嘅時候，都係諗緊1-2-1嘅約會，但係如果你想長遠地，高回報率地，短時間地去識多啲女仔，你就應該用以下我教你嘅兩部曲。
準備好未？
我哋馬上開始！
第一步：首先傾計嘅時候，略略話畀佢知，你同你嘅朋友嚟緊會做啲咩，要講到好哪正，好難得先會有嘅活動咁樣。
例如：『我有咩做啊？ 冇咩呀，嚟緊呢個禮拜我同啲friend會去呢個pool party燒嘢食，咁橋我哋個friend有個做DJ嘅表哥會幫手打碟，所以嗰晚應該都會好哪正。』
第二步：喺佢畀反應你之前，專登好玩地同佢講佢唔可以嚟！
即係話你同佢講完『嗰晚應該會好哪正』之後，你即刻加多句：
『唉，好可惜啊，你唔可以嚟啦。Sor啊，你都知啦，姐係… 唉，算啦，都係唔畀你嚟喇… 』
當然你講呢番説話嘅時候，你保持你嘅奸笑，同埋用擺到明係玩緊佢嘅語氣去reject佢。
咁當佢問你點解佢唔可以去嘅時候，你就講一啲白痴原因去繼續玩佢，例如：
『你知啦…我哋又唔係咁熟，我帶你出去玩你影衰我就唔好啦…』
又或者係：『你知啦…我到時都好忙要招呼其他女仔㗎嘛，到時你話我冷落你就唔好啦…』
又或者challenge佢同佢講：『點解唔去得啊？冇咩嘅，不過我同我班friend玩得好癲㗎，我驚你嚟到應付唔到囉…』
總之佢問你點解嘅時候，你就求其搵一啲藉口等佢去qualify自己，等佢要賺呢一個invitation翻嚟；
你咁樣做呢，你之後容許佢嚟呢個party，你就會營造到佢欠你好大人情咁樣嘞！
最後今日想講嘅係，用以上呢一招嘅前提，係要你本身都積極地去建立你好玩嘅朋友圈，係需要你本身都有一個active嘅social life。
可能有啲男士會問，『溝女唔係應該單獨同佢出街咩？』
我畀你嘅建議係，冇錯，你終極目標當然係想同佢單獨相處啦。
但係，如果你啱啱先識佢無耐，最理想嘅做法係邀請佢去一啲你本身已經進行緊嘅social活動。
咁樣做好處有幾個：
＃1 一個高地位嘅男人唔係咁容易畀1-2-1私人時間一個啱啱識嘅陌生人，你應該係工作上好忙，有唔同嘅朋友要見，有唔同自己鍾意做嘅活動參加。
你咁容易畀你啲私人時間一個陌生人，其實暗示咗你比較low value，本身冇乜social life，本身個人都幾悶。
＃2 你邀請佢去一啲你本身都會做嘅social activities，你就可以透過你同其他人嘅相處方式，間接地顯示你係你朋友圈或者其他人面前嘅領導能力。
如果當時有其他女仔在場，更加會顯示你有更多嘅social proof，有更多間接嘅證據去證明你喺一個有價值嘅男人。
要記住：
女仔係鍾意爭高地位嘅男人嘅，你要畀任何一個女仔知道你有其他選擇，你有其他女仔對你有興趣，咁樣佢哋就會有更大的慾望去追你返嚟！
＃3 你可以同時邀請3-4個新識嘅女仔去嗰一個event，咁樣你一晚之內就可以觀察到唔同人嘅行為；
可以慳返啲時間知道邊一個啱自己多啲，之後先至考慮投資多少少喺某一個女仔身上。
呢個就係最理想約女仔出街玩嘅兩部曲，只要你肯花時間去建立你嘅朋友圈，用以上呢一招你就會一石多鳥！