歡迎嚟到 <A Billion Wicked Thoughts/十億個邪惡的念頭> Ep.20，今集我哋會講吓點解某啲人咁鍾意BDSM，並且係最後會總結男女各自嘅性慾機制。
如果巴打鍾意咁嘅題材嘅話，就請你而家率先Like咗呢段片同訂閱我地MTFU嘅channel喇！
重點＃1 所謂嘅BDSM，其實就係Bondage, Discipline, and Sadomasochism嘅縮寫，中文喺綁縛與調教，支配與臣服。
好多人聽到BDSM呢四個字，可能腦海想像嘅畫面就係皮鞭，封嘴，夾鏈會痛嘅變態嘢。
但係當科學家仔細研究呢個文化之後，就發現某啲人之所以咁享受BSSM，係因為裡面『自願權力交換』嗰種感覺。
被支配者(Sub)喺會尊重同信任支配者(Dom)，而係呢個群體裡面嘅參與者，都會覺得Sub先至有控制權個個，因為係Sub自己比權力個Dom去支配自己；
而每當想總結一節嘅時候，Sub都會有一個『安全字眼』講出嚟，令到Dom即刻停止所有SM動作行為。
咁所以好多BDSM嘅參與者同其他人一樣，都係一樣浪漫，一樣有愛，一樣會忠誠於佢哋選擇嘅伴侶；
只不過佢哋覺得浪漫嘅嘢，並唔係普普通通咁樣錫吓對方，而係可能係因為對方某啲服裝或者所謂『變態行為』浪漫。
作者亦都提到，睇SM嘅人好多時係一啲知識分子，銀行家，CEO或者其他成功人仕；
原因係，佢哋日常生活已經有好多責任，所以係性生活上好想放棄所有『話事』嘅權利，有時想輕鬆啲玩下唔同嘅lifestyle。
所以就算好多BDSM粉絲喺『社會上具有支配性』，佢哋性愛上都prefer做被支配嘅一角；就算大部份嘅Alpha男都傾向做支配性嘅角色，少數嘅男士玩SM被支配時都會得到心理上解放嘅享受。
簡單講：BDSM就係強調power／權力權威上面嘅控制同享受，係透過一系列複雜嘅機制令到某啲人享受到性快感。
重點＃2 究竟兩性各自嘅性慾機制有啲咩唔同呢？
我哋以下就會總結一下重點，如果巴打你有咩唔明，請你睇返直至呢個series嘅片段，因為之前喺解說得較詳細。
首先，男士就係視覺性動物，佢哋除咗青春期時會比較飄忽之外，之後大咗之後嘅視覺信號都會係固定。
有咩視覺信號呢？譬如話因為精子戰爭而會留意不忠嘅信號，女人是否真誠嘅信號，花心中意多條女嘅新奇信號，會睇下伴侶做愛時是否享受緊嘅舒服信號等等。
任何呢啲信號都係可以有即時強大嘅效果，令到男士更加有性慾望同享受高潮。
有啲咩因素形成男士嘅性慾呢？
一，就係評估潛在女性伴侶嘅需要，要知道邊條女先可以提供同照料著健康嘅孩子。
二，就係當有機會時，可以立即做愛嘅需要。
三，就係生理上同其他可能會爭你條女嘅男人爭鬥嘅需要。
四，就係社會上同其他男人爭鬥女人嘅需要。
以上呢四點，就係形成男人嘅性慾。
所以作者現實啲講，男人嘅性慾喺有少少悲慘；
因為性慾望永遠都係無止境，永遠都想繼續打獵去食新嘢，因為呢條路係需要獨自去做。
但係同時間，男人嘅性慾亦都係好有威力同急切性；
呢種嘅性動力係可以帶領我哋去到一個陌生嘅地方，嘗試好多唔同嘅經歷，令我哋永遠都唔想停止呢一趟冒險之旅。
重點＃3 至於女人又有咩性慾機制呢？Well，女人係比較集中於情感上同心理上嘅信號，透過製造情慾故事去滿足佢內心嘅口味。
佢接收嘅信號非常之多，包括：男士嘅外觀外形，佢嘅社會地位，性格，忠誠度，情感上嘅真實性，自信，對家庭同小朋友嘅態度，仁慈善良與否，高度，氣味等等…全部都有影響。
但唔同男人嘅地方，就係佢哋唔會好似男人咁樣，見到一兩個信號就可以即刻 yes or no地挑選對方。
Instead，女人需要林林總總同時出現嘅信號，要達到某個臨界點先會被挑起性慾。有時可能係幾個好強嘅信號，但有時可能係幾十個整體一般唔太差嘅信號。
另一點就係，女人係想感受到自己有『無法抗拒/irresistible』同埋『被崇拜/adorable』嘅能力，而佢同時亦都會留意住環境嘅信號，譬如話食物／住屋／安全等等嘅因素。
最後就係，女人嘅性慾喺會根據月經而升升跌跌，但男人嘅性慾一年咁多日多多少少都一樣。
Anyway巴打，今集我哋總結咗好多呢本書嘅精華，希望大家可以溫故知新一下。
下集我哋就會進入大結局，會講下我哋學識咗咁多男女嘅性慾小秘密之後，可以點樣利用不同嘅fantasies，令到自己性生活更加精彩美滿。
如果巴打你鍾意今集嘅話，就Like呢段片同訂閱我地MTFU嘅channel喇。
有咩問題，就下面留言比我知啦，下集見！