Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。
好快宣布少少嘢先：
我最近寫完一本免費43頁嘅溝女書，讓你學識10樣女人暗地裡想你知道嘅秘密。你有興趣嘅話呢，可以去www.manthefvckup.com/freebook 去下載呢本書。
返返嚟今日嘅主題：好多巴打問過我，點解我可以咁有效率幾乎每一日都出一段新片呢？
講真吖，其實每日花兩三個鐘做完嘢去整片真係都幾攰，同埋有時要諗要度講啲咩都真係幾大挑戰。
但係你都應該知道，無論喺你人生邊一方面要成功，其中一樣最大嘅因素就係：
即使當你唔想做某啲嘢嘅時候，你點都要一定去做你supposed要做嘅事，去做你心裏面知道『應該做嘅事』。
我知道每一段片都可能係一個機會去改變你嘅生命，一個機會去解答你嘅困難，一個機會去重燃你對生命嘅熱誠。
所以我先至承諾自己，每一日都需要為你創造價值，每一次為肯付諸行動嘅你去提供更好嘅建議。
咁喺我今日走之前，你想唔想知道擁有motivation嘅秘密呢？想唔想學識點樣喺艱難嘅時期仍然繼續keep fvcking going呢？
要擁有無限動力好簡單， 因為其實motivation/你嘅動力/你嘅積極性永遠都係短暫嘅，人類根本唔可能每一分每一秒都有動力去做一啲佢唔想做嘅嘢。
即係話，其實所謂motivation，只係一啲霎眼間嘅嘢，只係一啲你可能睇咗某啲有啟發性嘅嘢，之後三兩個鐘得到嘅額外能量。
事實就係，有時你會想做你應該做嘅嘢，但係有時你真係唔想做你應該做嘅嘢。
咁樣點撚算呢你問？
解決嘅方法，就係喺嗰啲好頹嘅時期，你要收你自己皮，唔好聽你自己內心把『懶惰聲』點樣講嘢， 而去開始做嗰樣嘢。
意思係：當你開始做嗰樣shitty work，你就會開始build momentum，你就會開始有少少『動力』繼續去做耐啲。
你都應該有聽過牛頓第一定律㗎啦？
牛頓教咗我哋：『動者常動，靜者常靜，除非有外力施加喺個物體身上。』
即係話，只要你肯一開頭花小小自己力量去take action，你過幾分鐘之後就會好神奇地開始有更多嘅『動力』去繼續維持嗰一個action。
所以要製造無限動力，只有兩個steps：
＃1 我通常會開我最鍾意嘅音樂，姐係EDM！
＃2 我會同自己講，我只會用兩首歌嘅時間去做呢件我唔想做嘅事。
你肯咁樣去自己呃自己呢，好神奇地，過咗兩首歌之後，你會發覺你比之前一開頭有更多嘅動力去繼續get shit done！
當然，其他嘅方法亦都包括：
每日去提醒自己set咗嘅目標，
每日去用自己嘅遠景去啟發自己，
每日去閱讀一啲有啟發性嘅自傳，
每日去睇其他能夠啟發你嘅人in action等等，都係一啲好好嘅方法去重燃自己嘅動力。
但係呢， 你真係試下用兩首歌呢個方法，超級有效！
就好似同一個女仔講，『你太過單純啦，我哋之間應該好難夾得掂…』
哈 ，又唔小心教多你一招添！好啦今日就係咁多，你都係時候去get shit done，我哋聽日再講！
