MAN THE FVCK UP

溝得女多，某啲巴打自然地就會唔小心拍咗拖。拍拍下拖，自然地就會遇上需要分手嘅時候。

究竟幾時應該考慮分手呢？究竟你而家個條女係咪一個合適保留關係嘅人呢？究竟有咩警號我哋需要注意，去決定一段感情仲值唔值得keep呢？

今日我就會教各位巴打學識幾時應該『止蝕』，同埋遇上錯嘅女人嘅時候點樣盡快move on。

如果你鍾意今日嘅topic嘅話，就請你即刻LIKE同訂閱我哋嘅YT channel，follow我manupmanson嘅IG，睇完後留言話我知你嚟緊想睇咩內容啦！

警號＃1 你發覺佢太想干涉你其他嘅關係

當條女好想擁有你全部嘅時候，開頭當然你會覺得好正啦；但好快地你就會發覺如果佢會一步步將你疏離，成日投訴你去見frd或者社交嘅話，你好快就會被孤立。

好多男士都會因為女人而失去以前嘅關係，甚至搞到要條女批准先至可以出去，返到嚟又話你去咁耐等等…

如果你得唔到你想要嘅私人空間，呢段關係就會充滿怨恨，所以你就要重新審視佢合唔合適你。

警號＃2 佢太過管束你

無論係你電腦做緊嘢期間係咁望住你整咩，定係成日問你msg邊個，定係你發覺佢越嚟越侵略你嘅私人空間，呢啲都係警號！

如果你唔能夠一早制止佢咁做，你就會淪為一啲被女人check手機甚至銀行簿嘅廢男；所以就算佢話愛你，你都唔會想要一啲控制狂去監視你一舉一動！

警號＃3 佢太快同你計劃結婚嘅嘢

如果你同佢一齊咗半年一年，佢就咁快同你講啲結婚嘢，甚至話要同你將來有幾多個仔女，呢條女肯定有啲問題！

因為就算你想結婚，條女過於興奮地話想同你一生一世，好大機會佢背後有其他目的；所以條女出現呢種警號，你準備定分手都唔遲。

警號＃4 佢無諮詢你嘅情況下幫你做計劃

點解呢種係警號呢？原因就係因為就算你同佢一齊咗都好，佢都無可能自己話事幫你決定點樣花你嘅時間。

如果佢未問過你就話『下星期你要同佢做XYZ』嘅話，佢根本就唔係尊重緊你個人，所以成段關係只會越嚟越箝制你。

警號＃5 佢太過痴身跟住你

意思姐係話：無論你做啲乜嘢，條女都想跟住你。

無論係你同其他男仔frd飲嘢，定係你要傾生意，定係你屋企人有聚會；如果條女次次都話要同你一齊嘅話，呢種跟蹤stalker行為係好撚恐怖同埋痴線，你一定要分手！

警號＃6 你發現條女成日講大話

如果你發現你條女講大話隱瞞自己去過邊度，同咩人一齊，空餘時間做過啲咩，洗過幾多錢等等嘅話，你都可以準備定分手。

因為當你發現呢啲謊言時，好多時都代表佢呃咗你好多嘢好一段時間；

所以如果連佢鍾意你嘅時候都咁做，你係想像唔到佢對你無feel嘅時候，可以再做啲咩！遇上咁樣嘅大話精，分手啦。

警號＃7 佢太過妒忌你

如果條女成日都投訴你同其他女人講嘢，或者郁啲就話你cheat緊佢嘅話，呢種過分妒忌嘅jealous行為係無得救。

因為呢條女本質就係太過insecure同needy，無論你做啲咩／點樣比信心佢，佢都會繼續搵位責怪你，唔會信任你。

過份妒忌嘅女人除咗會令你好煩之外，佢好多時都會想做啲令你妒忌嘅嘢去報復，譬如喺你面前同其他男人flirt。

所以呢啲毒性關係喺無得救，分手就係最好嘅選擇。

Anyway 巴打，以上就係7大警號，讓你知道你嘅relationship出現咗問題，並且警告緊你呢條女好大機會唔應該繼續keep。

仲有兩大徵兆我頭先係無講嘅，就係：

1）如果條女嘅行為顯示佢仲掛住佢個EX e.g. 成日講起佢，或者成日想重遊舊地回憶某啲嘢；

2) 你發現咗佢cheat撚咗你

咁樣唔使我解釋，呢啲都係黑色警號，你絕對應該即刻分手！

如果你鍾意呢個topic嘅話，就請你即刻LIKE同訂閱我哋嘅YT channel，follow我manupmanson嘅IG，之後留言話我知你嚟緊想睇咩內容啦！

下集見，peace！

溝女最致命嘅錯誤，就係當你見到條女釋放興趣訊號比你嘅時候，你失敗無去approach同佢傾計。

無論你想搵女朋友定係純粹練習同女人對弈，當你見到條女對你有興趣而你又立下眼覺得對方ok，你就一定要行去同佢傾計。

因為咁樣你先會喺兩性關係上獲得最大收穫，並且同時增加你身為男人嘅自信。

對於新睇MTFU嘅巴打，最想見嘅IOI有咩呢？

＃1 Well，興趣訊號有時喺超細微超難偵測嘅，因為女人好少可會咁快見到你就即刻腥訊號比你。

但係以下呢啲就係一啲最常見嘅興趣訊號，請巴打你留心呢個list喇。

女人對你嘅興趣訊號包括：

－ 維持兩秒或以上嘅眼神接觸

－ 佢分別望你兩次，可能第一次望完你一秒幾就望地下，之後又望多你雙眼一次

－ 就算無望你，但條女郁動身體接近你身處環境

－ 佢喺你附近講嘢特別大聲，好似想攞你注意力

－ 你見到佢對住你時面紅，甚至留意到佢瞳孔擴張

－ 佢輕輕拍打你手臂位置

－ 佢雙腳指向你方向

－ 坐低時，佢橋腳嘅方向，喺膝頭指向你

－ 成班人一齊嘅話，你留意到佢特別注意你所講嘅嘢

－ 佢會主動同你傾計或者問問題

簡單講：咁多樣IOI，最重要嘅都係佢望住你嘅眼神；每次你喺任何場合見到條女望你兩秒嘅話，你都有責任行過去同佢傾偈。

＃2 點解呢？因為就算條女喺最鍾意你，99%嘅時候佢都係唔會做任何嘢去識你；

如果你唔負責任主動開始傾計嘅話，佢就會覺得你冇興趣算數，你就永遠無機會同佢發生任何嘢。

你要知道：喺條女嘅角度，佢望你兩秒已經喺主動溝緊你，佢已經開咗個波等你去接去一齊玩；

如果你戇鳩鳩唔知道或者唔識得主動follow up嘅話，你將來就一定會後悔。

『被拒絕永遠都係好過後悔』，你唔去approach就100%無得搞嘢，你兩分鐘後就會後悔點解自己無行動，你就會幻想你失去嘅『可能性』；

但係如果你去approach，你就有1-10%搞到嘢；

咁你會揀『一定輸』嘅局面，定係『有少少機會贏』嘅局面呢？

＃3 當宇宙賜一個機會喺你眼前，你喺一定要感恩並且把握佢。

雖然我哋唔應該依賴等條女比興趣訊號你你先至行動approach，我哋亦應該假設條女鍾意自己地去同佢對弈；

但當你咁好彩見到呢啲明顯嘅IOI，其實就係意味住你嘅外表／身體語言／衣著品味等等基本功搞掂咗，你唯一需要做嘅就係果斷行動同條女講嘢認識下佢。

你唔咁做嘅話，咁你搞到自己咁型咁靚仔身材咁fit做乜？

唔好再每日後悔啦…今日開始，見到IOI就即刻行動行過去啦！

好多學溝女嘅巴打嘅背後動機，其實都係想終於破處真正地做愛，而唔係靠自己或者叫雞。

今日我想形象化去比各位巴打睇到成個game點樣玩，等你唔洗覺得咁複雜不知所措。

如果你鍾意今日嘅topic嘅話，就請你即刻LIKE同訂閱我哋嘅YT channel，follow我manupmanson嘅IG，睇完後留言話我知你嚟緊想睇咩內容啦！

＃1 好，我想巴打你想像一個1至100嘅計分制。

跟住請你幻想，每一個你遇上嘅女人，內心都有一個1至100嘅秘密分數，而對住唔同男人佢都會比唔同嘅分。

佢比你嘅分可能喺72，而佢俾你另外嘅best friend可能喺47。

每一個分數嘅意思，就係代表可以搞到嘢嘅最低門欖。

如果你嘅分數超越到佢比你嘅最低門欖，佢就會同你搞嘢；

如果超越唔到但又唔算太低分既話，佢就可能friendzone你，吊住你癮，又或者繼續比你無限約會佢，

但你就係以『資源提供者』嘅角色同佢相處，讓你等到佢鍾意先會同你搞嘢。

但如果你真係太低分既話，佢就會收你皮或者忽視你同你唔存在。

＃2 基本上，女人比你嘅分數喺穩定固定嘅；你基本上喺無得點樣改變佢嘅諗法，無得降低佢嘅門欖。

女人內心對你嘅數目字，喺會根據佢自己嘅年齡，吸引力，手頭上有幾多選擇等等嘅因素而決定，咁所以呢啲嘢喺你永遠控制唔到。

但你可以控制得到嘅嘢：就係你可以點樣為自己加分，防止自己減分，尤其透過真人見面嘅時候。

譬如話：如果你打完波體臭就約會，你就會被減8分。

如果你著衫好睇夠型，可能就會加10分。

如果你有自信地玩下佢揶揄佢，可能就會15分。

但你first date咁快就講話將來同居嘅嘢，可能又會減25分。

呢一籃子可能綜合埋幾百樣嘅細微因素，最後加加減減就會決定你搞唔搞到嘢。

＃3 咁所以你識女溝女嘅目標，就係加多一分得一分，盡量所有嘢都upgrade到自己最盡。

你嘅外表，你嘅氣味，你嘅談吐，你嘅身體語言，你嘅勇武保護能力，你同佢講嘅話題，你嘅身體接觸，你點樣約會佢，

你同佢身處嘅地方環境，你嘅社交價值，你嘅社會地位，呢啲嘢全部都會加分或減分嘅因素。

每條女比你嘅門欖分數都唔同，而無男人喺可以攞足100分，咁所以無人喺可以屌晒所有嘅女人。

＃4 咁所以唯一可以不斷搞到野嘅方法就係：

不斷各方面加自己分去整靚自己嘅overall package，然後大量識女去睇下自己過唔過到某條女嘅秘密分數，

最後你就會搞到一部分嘅女人，呢個就係成個兩性遊戲最簡化版嘅演繹。

如果你明白以上比喻嘅話，咁巴打你又明唔明點解個人進修+兩性遊戲嘅認知就係你溝到更多女嘅必要條件呢？

如果你鍾意呢個topic嘅話，就請你即刻LIKE同訂閱我哋嘅YT channel，follow我manupmanson嘅IG，之後留言話我知你嚟緊想睇咩內容啦！

對於好多男士嚟講，佢哋都想要一啲無任何附加條件嘅性關係。

但係你可以點樣由識佢開始知道佢喺一個合適嘅SP或者FB，之後又可以點樣維持關係呢？

今日就會簡單講一講，如果你鍾意今集topic嘅話，就請你即刻LIKE同訂閱我哋嘅YT channel，follow我manupmanson嘅IG，睇完後留言話我知你嚟緊想睇咩內容啦！

＃1 揀合適嘅囡囡做SP

現實係，某啲囡囡會因為自己嘅人生階段或者情況，而特別有慾望去搵SP嘅；而你嘅任務，就係篩選佢哋出嚟。

通常二十頭嘅𡃁妹都係比較無所謂，因為佢地仲後生仲有時間玩，所以比較經常causal嘅關係。

同埋某啲啱啱分手嘅囡囡喺煨傾向casual嘅關係，因為啱啱分手情感上可能會好攰。

所以雖然有其他例外，但呢類型嘅妹妹通常都係SP嘅人選。

＃2 你一定要暗地裡一開頭就set落一個『我喺純粹casual』嘅框架，千祈唔好position自己成為一個『有潛質成為男朋友』嘅人選。

如果佢shittest你話佢有男朋友，你就話『我都無諗住偷你走』類似嘅說話，讓佢知道你係情人而唔係資源提供者。

而且你第一二次約會就要快速升溫，否則幾次都無sex嘅話，你就好難建立SP嘅框架。

＃3 行為唔好做到好似『男朋友』一般咁樣

你頭幾次見面嘅行為，喺會決定條女之後點樣睇你，劃分你屬於邊類人。

你要避免男朋友行為，例如同佢食飯，周末行街，煮飯比佢食等等。

你亦都唔好搵得佢咁頻密，盡量精簡地約出嚟，唔好問佢有冇見其他男人，出嚟飲杯嘢咁樣嘅話…佢基本上都會暗地裡get到見面嘅目的。

＃4 搞完嘢之後繼續保持執默

唔好通街唱條女同你嘅性關係，因為大部份女人仍然喺驚比人批判為蕩婦，咁所以你喺應該唔需要講都醒目地秘密地進行你哋嘅關係，尤其當你哋有mutual friend。

你同佢都係呢啲地下組織嘅成員，所以大家唔會公開任何嘢，見到面都要扮冇嘢。

＃5 確保你屌得佢爽快

你同佢嘅關係就係base on性，如果你搞得佢唔爽嘅話，佢就唔會滿足繼續飢渴地想要更多。

詳細嘅策略我喺《皇者房中術》喺有詳細地教巴打點樣做嘅，你有興趣可以去我哋官網索取詳情。

簡單你要做嘅嘢就係：Make sure你副偈喺掂，有肌肉有耐力，咁樣你每次先可以當正『最後一次做愛』咁樣征服佢。

＃6 最重要喺：你要接受你嘅SP屌緊其他仔，而佢某一日將唔會再屌你！

好大機會呢條女都係暗地裡見緊其他仔，亦可能收復緊一條Beta傻仔做佢男朋友。

無論點都好，呢啲外在因素都唔重要，你亦控制唔到佢做咩。

FB／SP嘅本質就係唔會長久，你要學識接受，並且純粹享受當下每次見到接觸嘅一刻，唔好情感地依附落條女到。

某啲女喺暫時性嘅伴侶，某啲就喺可能你會keep嘅人，某啲長久性接觸下先會喺可以keep嘅人選。

咁所以放鬆啲唔好咁認真，要留就留，要找就找，一切隨緣。

Anyway，以上就係玩SP／FB遊戲最重要嘅6大要點。

如果你鍾意今集topic嘅話，就請你即刻LIKE同訂閱我哋嘅YT channel，follow我manupmanson嘅IG，然後留言話我知你嚟緊想睇咩內容啦！我哋下集見！

上年我就出過一段片叫做 “為何『做返自己』令你溝唔到女？”，解釋點解『做返自己』喺唔能夠令你溝到女，因為你會好容易喺度鳩等條女，覺得上帝早已為你預備你嘅人生。

今日我就想進一步同各位巴打解釋，喺咩時候應該做返自己，但咩其他時候唔好做返自己，讓你學識平衡兩者嘅狀態，有效正面地得到你人生想要嘅嘢。

咁所以如果你鍾意呢啲deep啲嘅topic嘅話，就請你即刻LIKE同訂閱我哋嘅YT channel，follow我manupmanson嘅IG，睇完後留言話我知你嚟緊想睇咩內容啦！

＃1 『做返自己』呢個建議，其實喺同時最好亦都喺最差嘅建議。

因為如果你仲係一個30歲甚至35歲以下嘅青年才俊，或者啱啱讀完書出嚟做嘢，如果你真係聽人講類似『溝女最更要做返自己』嘅話…

你就會下意識搵好多藉口繼續懶惰，繼續唔去改善自己每一方面，未來數十年繼續滯留喺同一位置。

但係如果你喺一個已經主動努力地行動咗十多年去改善自己嘅人，有積極貫徹MTFU嘅價值觀去令自己成為一個擁有實質價值嘅男人嘅話，

咁樣『做返自己』可能就適合你，因為你已經有行動改善嘅習慣。

＃2 譬如話：對住一個18歲嘅年輕男仔講話『做返自己唔好理啲女就會溝到佢』，就係最差嘅建議。

因為呢條𡃁仔好可能喺一個又唔理會自己健康，又毒淨係識打機，又鍾意洗晒啲錢去買潮牌，又覺得無需要學習兩性對弈智慧嘅人；

你叫佢『做返自己』嘅話，佢就唔會有一種growth mindset／成長心態，佢就會繼續做一個一無是處嘅真廢青。

咁所以叫一啲人生唔成功嘅人『做返自己』嘅話，根本就係比藉口佢唔去改變，咁佢又點會投資時間金錢去強化自己身體，去學習操控自己情緒，去整型自己溝多啲女，去學習唔同嘅技能增加搵錢嘅能力等等呢？

所以『做返自己』喺絕對唔足夠嘅，你未去到成功贏盡一切嘅一日，你都要盡力去演化成長，去upgrade自己身體，大腦思維，兩性智慧，情感控制，生活質素，社交圈子等等嘅元素。

＃3 掉返轉，當你已經開展咗10幾年嘅自我進修嘅道路，你好可能已經喺愛上呢種不斷進步嘅習慣，你好可能已經習慣每日做運動，

有自己嘅生意，有繼續game女並且keep住幾個忠誠嘅女朋友，有繼續學習人類心理等等…

…喺咁樣長時間嘅浸淫下，叫佢『做返自己』就會喺一個唔錯嘅建議。

因為對於呢啲差唔多上到岸嘅成功人士，有時佢哋就要學識放鬆啲，否則佢哋太過沉迷變得完美嘅話，

好多時就會失去活在當下去享受一下嘅能力，最後再老啲就會miss out好多珍貴嘅回憶。

去到嗰啲階段，你就可以更加接受自己，接受自己永遠唔會完美，接受釣勝於魚，學習去放下結果，享受更多過程。

＃4 重點係巴打：人生就係充滿矛盾，你一方面要向住目標努力打拼，另一方面都要學識享受捱苦嘅過程；

你一方面學習時要謙虛，另一方面又要有『過份自信』嘅心態去溝女。

所以你就要學識『做返自己』，將自己唔好咁假成日戴面具溝女或做人；

但同時亦唔好『做返自己』，要好似做戲咁樣去act as if 你係一個比起你而家更成功更有吸引力嘅男人，咁樣你先會擴闊到自己嘅性格同能力，將來先會真係習慣有吸引力地『做返自己』。

唔好完全唔改變一事無成，亦都唔好太沉迷改變而忽略當下嘅一刻；

永遠要改善，同時要永遠接受唔完美嘅自己；

你可以將呢啲矛盾嘅概念並存嘅話，你就可以真真正正成為最強版本嘅自己！

你鍾意今集mindfvck你大腦嘅特別topics嘅話，就係即刻LIKE同訂閱我哋嘅YT channel，follow我manupmanson嘅IG，最後留言話我知你嚟緊想睇咩內容啦！我哋下集見！

回望返過去10年，我發現自己都學咗唔少關於人生嘅大小課堂；某啲課堂喺我自己返過嘅錯，某啲就係睇住其他人犯錯而學精咗。

今日我分享俾你嘅人生4大課堂，正嘅地方就係因為呢啲原則喺可以應用喺你人生各方面：

健康，溝女game，mindset，情感狀態，做生意搵錢等等。

所以你醒目嘅話，就好好細心咀嚼今日教你嘅嘢；而如果你鍾意今集呢啲特別topics嘅話，

就係即刻LIKE同訂閱我哋嘅YT channel，follow我manupmanson嘅IG，最後留言話我知你嚟緊想睇咩內容啦！

人生課堂＃1 每個你遇上嘅人都只係過客

一樣好痛苦必須接受嘅現實，就係隨著你嘅成長，你會開始發現自己身邊嘅人有時會好頑固地唔肯改變。

你要學識接受嘅喺：你喺無辦法逼人哋去改變，你喺無辦法影響一啲唔想被影響嘅人。

無論喺你嘅父母親戚，兄弟姊妹，朋友…就算你有好嘅意圖去希望啟發佢改善自己嘅life，如果佢唔想嘅話，你都喺無辦法迫到佢『為自己改變』。

咁所以你要學識：如果你比起對方更加關心佢嘅利益嘅話，你只會喺自討沒趣，你只喺令自己嘥時間徒勞無功。

成長就係需要你放下某啲舊關係，只有你接受『幾乎所有人都唔會陪你走到最尾』，你先會珍惜大家相處過嘅時間，你先會真正接受每個人嘅好與壞。

人生課堂＃2 原則喺重要過技巧

無論喺做gym，定係學溝女，定係社交識朋友，定係工作賺錢，定係學功夫打交，每一個範疇都係有通用嘅原則去令你成功。

只有你知道某啲principles，你就會創造到無限techniques；但如果你淨係得技巧而唔明白背後原則，你就好難成功。

譬如話溝女：唔好whatsapp得咁密／搞笑揶揄佢／要有身體接觸等等呢啲喺技巧；

但溝女嘅原則，就係你嘅行為唔好needy，因為只有你唔需要條女喺身邊，佢先會更加想留喺你身邊。

又或者做gym，出面有十萬個workout program教你用咩技巧去增肌；

但大隻嘅原則，就係漸進性超負荷／progressive overload，隨著時間慢慢喺訓練之中比身體多啲負荷。

有時同一範疇都會有一啲對立嘅原則（譬如話一方面唔好追女仔，另一方面要果斷行動誘惑佢返嚟）；

巴打你嘅責任，就係學識平衡呢啲令人困惑嘅矛盾，識得變通喺唔同時候用唔同原則，你先會真正master嗰一門學問。

人生課堂＃3 成功嘅道路永遠唔係向上嘅直線！

無論喺做生意／溝女／運動成績，你一定會遇上高高低低坐過山車咁樣嘅cycle。

有時你會唔知點解『狀態特別勇武』，成日或者成個月都贏通街：做gym爆PB，又贏咗兩張拳賽，又食咗多咗三條女，公司開多咗10張單，投資又賺多咗幾十萬，一切都好癲好順利。

但有時你可能成年都好黑仔：父母又病，自己又無做運動肥咗10磅，啱啱失業要搵工，

你無運用MTFU教你嘅嘢而令到條女cheat，行街又無啦啦比人鬥身份證跟住扣留你48小時…一切仆街嘅嘢都擁著過嚟。

但巴打你記住：喺人生巔峰好風光嘅時候就要準備迎接谷底，而喺谷底嘅時候就要有希望，知道自己準備會向上爬返起身更上一層樓。

呢一種搖搖板嘅cycle永遠都會重複發生，所以你就要接受一切好壞都係暫時性；

只要你繼續行動做你應該做嘅嘢，學識平靜接受任何好與壞，你先會搵到平衡點去穿過所有呢啲時刻。

人生課堂＃4 理想嘅人生就係互補嘅人生

意思姐係話：你改善人生某一範疇嘅時候，你其他範疇亦都會改善；

掉返轉，如果你某一方面fuck up，你其他方面亦好大機會fuck up。

譬如話：當你減肥增肌嘅時候，你嘅吸引力就會增加容易溝女，性生活亦都會更加美滿；

而當你性生活滿足，你同條女嘅關係又會得到改善，令到佢更愛你；而當你感情搞得好，你搵錢又會更專心，你嘅工作效率又會增加。

咁所以你嘅人生範疇並唔係獨立斬件嘅，你做每一個決定都會影響整體大局。

呢個就係點解MTFU就係著重你每一方面嘅進步：有樣有身材，有型有健康，有女有性有愛，有錢有地位有影響力，

有社交有朋友，有得當下玩同享受，又有工作使命有將來。

咁所以你想要更多女嘅話，你就一定要成個package咁樣upgrade自己，應該純粹學game學技巧。

唔好成為一個日日做4個鐘gym，唔可以大飲大食，包晒瘡冇life嘅大隻佬；

唔好成為一個喺度狂daygame，成個人生淨係識講自己食過幾多條女嘅pickup傻仔；

唔好成為一個淨係做嘢搵錢，但係缺乏女人缺乏好玩社交嘅有錢人；

你個人唔夠多元化，你唔每一範疇都進步，你都唔係一個最有吸引力嘅男人。

Anyway巴打，今集好詳細地教咗你一系列嘅做人智慧，希望呢啲人生課堂能夠讓你有更多嘅insights，去重新審視自己嚟緊條路點樣行

如果你鍾意今集呢啲特別topics嘅話，就係即刻LIKE同訂閱我哋嘅YT channel，follow我manupmanson嘅IG，

最後留言話我知你嚟緊想睇咩內容啦！下集見！

由我哋細個開始，我哋已經被社會文化每日洗腦。

我哋呢一刻喺生存緊喺一個過度雌性化嘅社會裡面，充斥著一種『感受重要過事實』嘅氣氛。

今日想教導各位巴打極重要比較deep啲嘅嘢，我會為你揭穿5大嘅社會謊言，讓你真真正正地變得更加貼地，知道世界嘅遊戲點樣玩。

如果你鍾意今集呢啲特別啲嘅topics嘅話，就係即刻LIKE同訂閱我哋嘅YT channel，follow我manupmanson嘅IG，最後留言話我知你嚟緊想睇咩內容啦！

謊言＃1 命中注定嘅嘢，就會發生

『一切隨緣』呢句說話喺好好聽令人好舒服，但如果你信一切都係『緣份』嘅bullshit話，你就會失去自我行動嘅執行力。

冇嘢喺會就咁發生嘅，幾乎所有嘢都係有因果。你嘅life喺唔會神奇地自我修復嘅，你唔出去打拼嘅話，你嘅生活質素就一定唔會有改善。

你想要女嘅話？就要出去識女溝女。

你想要有林寶嘅話？就要出去發揮創意搵錢賺佢返嚟。

你唔肯take action行動完成工作嘅話，冇嘢會為你而發生！

謊言＃2 你天生就係一個特別嘅人

呢一刻世界有超過75億嘅人，或者有0.0001%嘅人天生就係天才嘅，咁你信唔信自己真係嗰個咁特別嘅人呢？

現實喺：無人天生就係special；你眼見所有好成功『好特別』嘅人，都係花咗幾十年嘅努力，去變成Top 0.1%，之後世人先會稱讚佢喺天才。

無錯，愛因斯坦可能真係天生聰明啲，泰臣李小龍可能真係天生身體結構好打啲，莫札特可能5歲玩音樂已經勁過你35歲…

咁但係每個人生出來都會抽到唔同嘅牌，你都會被賦予某啲『天賦』，之後就視乎你有無陪養運用佢哋，去令自己真正變成『特別』嘅人。

咁所以你有咩特別容易上手架呢？有咩你願意花數十年時間磨練呢？你肯擺effort落去嘅話，你都會成為特別嘅人。

謊言＃3 放靚女人上神台跪拜

我諗我唔需要再多講：過去70-80年嘅男士都喺幾乎由母親養大，缺乏強勁嘅雄性角色去參照，繼而令到自己出現仰慕供奉女人嘅心理病。

再加上傳媒電視電影嘅渲染，女人就係美麗與智慧嘅象徵，男人就係一啲無能／弱智／戇鳩留係屋企做住家男嘅廢柴。

簡單講，女人一樣有優劣，女人一樣會屙屎；如果你覺得佢可以解決問題嘅話，你就係問題。

學識做一個高價值Alpha男，唔好被女人誘惑你離開你嘅道路，你先能夠活出精彩嘅人生。

謊言＃4 世界喺會好關心你

殘酷嘅真相喺：世界喺無人會care你嘅死活。

冇錯，少數嘅屋企人或朋友會關心你；少數嘅同路人會喺危難時為你伸出緩手。

但世界嘅本質就係一個又凍又冷漠唔會原諒你犯錯嘅地方。

如果你唔level up自己，你就會被淘汰；

如果你等人哋去拯救你，你就係等死；

如果你等政府國家制度改變令自己生命改變，你就係痴心妄想。

世界喺無欠你任何嘢，一切你想要嘅嘢，都要靠你自力更生去賺取佢哋返嚟：

包括你嘅健康，你嘅感情生活，你嘅財富，你嘅影響力，你嘅自由等等。

只有你記得呢樣嘢，你先會成熟接地開始果斷行動，去賺取你嘅夢想返嚟。

#5 總結就係巴打：可能你呢一刻仍然相信緊呢啲謊言，要接受遊戲規則嘅真相喺好困難；

但當你能夠內化以上嘅內容，用全新嘅角度去睇世界，你先會喺人生嘅遊戲之中贏得多啲。

唔好純粹接受一啲『令你feel good舒服』嘅嘢，要學識accept what it is，完全擁抱人性與大自然無情嘅現實，咁樣你將來先會突圍而出。

你鍾意今日呢啲比較特別嘅內容嘅話，就即刻LIKE同訂閱我哋嘅YT channel，follow我manupmanson嘅IG，

最後留言話我知你嚟緊想睇咩新片啦！下集見！

好多巴打都會諮詢我嘅意見，問我對住呢條女應該做乜，個條女應該有咩行動。

可能喺因為whatsapp時冷時暖，可能喺約會過兩三次之後無啦啦唔再覆你msg，

又或者某女同學或者女同事比自己一啲混合訊號，搞到自己唔知應唔應該approach同佢傾計等等。

Well巴打，面對過千種不同嘅溝女情況，答案幾乎都係一樣：

喺任何階段，你係應該比條女兩三次機會去發展；如果咩都發生唔到嘅話，你就應該暫時放棄NEXT走佢！

＃1 點解我哋唔應該堅持到底呢？點解我哋唔可以等耐啲，等一個啱嘅時機先再行動呢？

原因就係：呢條女喺呢一刻對你嘅投資慾望實在太少，無論係一啲外在因素定係你嘅個人問題都好，短期內你都基本上喺無乜嘢可以做得到。

面對呢啲無動力投資落你度同你擦出火花嘅囡囡，最好嘅方法就係唔好care唔好理佢！

因為身為一個每日變得越嚟越高價值嘅男人，你喺應該擁有其他可以打鐵趁熱嘅選擇，

所以你喺唔會理條女覆唔覆你，或者佢諗咩，或者佢會唔會同你一齊等等無謂嘅問題。

＃2 你要想像自己好似一個trader一樣，你每日都係個市場上面玩緊。

市場上永遠都會充斥著不明朗因素，股市每日都會上上落落，

有好多嘢都係會波動唔穩定，有時你會估中走勢，有時某隻藍籌會逆市而行…

咁所以你喺兩性市場上玩，你就應該預咗有輸有贏：

有時睇落對你好有興趣嘅女會無啦啦消失唔覆你，有時睇落無乜興趣嘅囡囡唔知點解就同你第一次搞上床。

你嘅疑問未必次次都有答案，但你可以知道嘅係：

如果你行動咗兩三次做某件事（e.g. 攞電話／約會／上床），而佢都好似無動於衷冇乜興趣嘅話，

咁好多時佢背後都係有啲嘢處理緊，又或者你呢一刻就唔係佢杯茶。

所以你喺絕對唔應該繼續逗留喺呢啲『佢咁唔重視你存在』嘅情景裡面，

你最好做嘅就係後退抽離，唔好繼續拖住呢個困局，比返啲尊重自己先，咁樣半年一年後你先可能仲有機會。

＃3 唔好徙時間諗仲有咩方法可以改變條女嘅諗法，因為其實你已經將你自己呢件產品present咗出去，

但呢條女似乎無咩興趣或者睇唔到有咩需要去『投資將你購入』，咁所以你更加唔應該繼續狗公式死chur。

否則如果你繼續hard sell自己嘅話，繼續說服一個對你低興趣嘅女人擁有你嘅話，

佢就會永遠對你失去尊重，永遠都唔會鍾意你，永遠都會覺得你cheap爆零價值。

與其花精神能量落呢啲『低興趣』嘅女人，你不如投資同樣嘅精神能量落去認識其他『潛在候選人』上面，去同佢哋傾計／whatsapp／約會／升溫等等。

你有咁樣嘅自我尊重嘅話，你就永遠唔會burn咗某啲暫時低興趣嘅囡囡；

所以唔好為一條女諗咁多啦，『暫時所謂放棄先』，你呢條女將來先會有機會再次對你有興趣！

Get到我今日講咩嘅話，就係即刻LIKE同訂閱我哋嘅YT channel，follow我manupmanson嘅IG，最後留言話我知你下集想睇咩內容啦！

下集見！

今日想同各位巴打講啲比較deep嘅人生哲學，就係：

你嘅人生之所以未如理想，就係因為你諗太多，講太多，做得唔夠多。

無論你要喺兩份工之中揀一份，定係你有三條溝緊嘅女你要揀今個星期約邊個，定係你諗緊應該跟邊個教練做gym學拳，定係簡簡單單揀去邊間黃店食lunch…

我保證你，有超過九成嘅時間，你都係會諗多咗，諗太多，諗太耐。

而呢一種都市人『不斷思考不斷諗』嘅運作模式，就係令到佢哋最後唔成功既原因。

＃1 點解不斷思考唔係解決問題嘅方法呢？點解我哋唔應該用腦去多角度分析問題，然後搵出一個最合適嘅解決方案呢？

原因就係：無論你做任何嘢，成功嘅秘訣並唔係好似根據考試marking scheme咁『答啱晒所有嘢』先會成功；

成功好多時都係睇你行動做得有幾快，錯得有幾快，恢復改正得有幾快，最後就係多重嘅內外原因下成功得有幾快。

如果你太過『讀書模式』咁樣去小組討論，去聽所有人比你四方八面嘅意見，然後逐一列出好處壞處，再慢慢計算72個方案之中邊一個有最大嘅利益或成功率嘅話，

你成世都唔駛行動，你嘅現實仍然喺原地搭步。

＃2 但係人生喺有死線：你嘅身體顧住食嘢唔郁就會飛，你隻腳跑得唔夠快就會比人飛擒大咬屈斷你手臂，

你溝緊條女唔升溫佢就會對你失去興趣，你生意唔銷售更多就會執笠，你唔增值更多就會被社會淘汰…

所以無論你思考得幾耐幾詳盡，你都必須做決定；決定後，你就必須行動去實踐果樣野出嚟。

點解諗太多就係你所有問題嘅根源呢？

原因就係：無論你點樣徹夜難眠左思右想都好，你人生之中所做嘅每一個決定，每次做完你都係會有一種『驚做錯決定而後悔』嘅感覺。

無論係揀衫揀褲揀鞋，揀讀咩科做咩工，揀女揀朋友，揀居住環境，揀旅行地點等等…

如果你諗太多嘅話，你都會製造一系列不必要嘅思維情感束縛，令你失去一種心理精神上嘅自由。

#3 但你問問自己：無論喺咩經歷都好，有幾多次喺因為你諗太多而令到結果有好轉或改善；又有幾多次你發現原來諗咁多都係嘥氣，早知唔好折磨自己咁耐，一早乾乾脆脆做決定呢？

我相信，十居其九，你都會發現自己一早唔需要諗咁多。

事實就係巴打：大部分嘅決定，即使我哋做錯咗，或者揀唔到一個完美選擇…

呢啲決定到唔會中短期內令到我哋死亡，佢哋只會比到另一種嘅人生閱歷我哋去經歷。

既然我地幾乎喺無法預知未來每一步，我哋喺當下又使乜花過多嘅mental energy去折磨我哋嘅大腦同情緒，去擔憂一系列嘅未知數呢？

#4 做人要有plan要有方向，但同時你都要學識『唔好諗咁多』，唔好墮入分析癱瘓／Analysis Paralysis嘅陷阱，分析過多可能性而無法做決策，令到自己失去執行力而注定失敗！

更神奇嘅係：其實你內心好可能喺一早知道答案要做乜。

你喺知道自己體格弱，喺需要開始做gym跑步練體能；

你喺知道自己缺乏溝女經驗，喺需要開始任何地方都要game多啲練習多啲。

你喺知道自己未有足夠財力去對抗黑暗，喺需要搵多份parttime同埋開始創業。

你嘅身體已經知道你要做咩，唯一嘅障礙就係你被你嘅mind支配咗自己，搞到你咩都唔做。

咁所以巴打，你同成功嘅距離，就係取決於你有幾快可以忽略你嘅無限思考習慣，幾快可以身體力行去do shit take action，做你知道需要做嘅工作。

你諗少啲，講少啲，做多啲嘅話：我保證你各方面嘅人生都會有10倍更多嘅進展。

Get到我今日講咩嘅話，就係唔好諗咁多即刻LIKE同訂閱我哋嘅YT channel，

follow我manupmanson嘅IG，最後留言話我知你下集想睇咩內容啦！下集見！