Yo！我喺MTFU嘅Man神啊。
各位巴打，如果有留意生活細節嘅話，
你係應該有聽過一個term叫做Casual Dating／輕鬆約會㗎呵？
你亦都可能有問過自己：究竟咩叫做Casual Dating呢？
究竟點樣先知道自己係咪適合Casual Dating呢？
又或者如果一向你覺得『拍拖／愛情／戀愛呢啲嘢一定要好認真好serious哋去看待』嘅時候，你又會唔會有時諗下自己對dating嘅態度係咪太過嚴肅呢？
係唔係時候應該casual輕鬆返少少呢？
呢個就係我哋今集MTFU探討嘅重點，
繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！
＃1 首先我哋就不如概括地定義一下咩叫做Casual Dating。
所謂Casual Dating，
就係任何一種『無約束性／無獨特性／無話你唔準見其他男仔女仔』嘅約會關係。
咁所以如果你哋兩個人Casual Dating緊，
你哋係唔會假設每個星期五六日都一定要見大家去約會嘅，你哋係會『主動約先至會出嚟』嘅男女親密關係。
更加重要嘅係：
喺Casual Dating嘅階段，你或者個女仔好可能係同時約會緊其他親密對象，所以你哋雙方係唔會有乜嘢『實質承諾／commitment』嘅。
＃2 你明白咗呢一點之後，你又可以點樣知道Casual Dating係咪適合自己呢？
好好嘅一條問題，首先你必須明白嘅係：
Casual Dating絕對唔係一啲所謂『道德淪亡／對感情唔認真／一腳踏五船／收兵／花心』嘅行為舉動，因為對於唔同人喺唔同嘅階段，
Casual Dating絕對有當中嘅價值。
譬如話：如果你係喺工作上好忙或者生活上已經有好多嘅commitments嘅時候，
Casual Dating根本就係一個好好嘅方式，去保持住有自己嘅戀愛生活但係又唔會搞到所有關係太過認真太過投入。
又或者如果你啱啱先至分手失戀，唔想咁快又揼重本去投資係某一個人身上，
想睇清楚對方先，Casual Dating亦都係一個好好嘅選擇。
又或者如果你個人係可以接受到『唔commit』嘅男女關係，
Casual Dating亦都能夠提供一個傳統relationship以外嘅選擇。
重點就係：雖然社會上對Casual Dating有好多道德撚批判／moral judgement，
但係其實Casual Dating絕對可以係一啲因為有清晰頭腦，
因為想盡力追尋自己真正想要嘅嘢，
並且因為唔想太快做魯莽嘅決定而同某個啱啱識嘅人『承諾一生一世』嘅謊言，
有智慧嘅人會選擇嘅戀愛態度。
＃3 問題就係，面對『戀愛／拍拖／約會／溝仔溝女』嘅時候，你點樣先至可以知道幾時可以輕鬆啲？幾時需要認真啲呢？
以下就係一啲你可以考慮嘅因素，你可以問下自己：
－究竟我呢一刻想唔想要『exclusive／只能夠同一時間同一個人親密』嘅關係呢？
定係我想睇定啲，輕鬆少少，多啲選擇先，先至揀一個最合適自己嘅人呢？
－呢一刻嘅你，係咪同時date緊好幾個人呢？
如果唔係嘅話，如果你面前呢個人同你幾夾，大家又可以多方面地滿足到大家嘅需要嘅話，呢條女／呢條仔會唔會就係你一直想搵嘅人呢？
－喺可見嘅將來，譬如話嚟緊短短嘅一年，你又睇唔睇到呢條女／呢條仔係可以成為一個比較長遠相處嘅伴侶呢？
當然我唔係叫你諗下『將來生兒育女』咁乸長遠嘅事情啦，我只係問你你睇唔睇到『你同佢將來有可能嘅畫面』呢？
－你同呢個女仔／男仔有冇一齊經歷過一啲負面嘅事情／困境呢？
要明白，任何一段關係一定有高高低低，有開心有唔開心，有激情亦都有悲情，
絕對永遠無『王子與公主永遠幸福快樂咁生活落去』嘅fvcking bullshit！
如果你哋兩個係經歷過一啲低潮位，最後令到雙方嘅關係變得更牢固（而唔係即刻散），咁好可能呢個人至少可以同你再相處多一段時間。
－究竟呢個女仔係咪其實已經同你有少少『同居feel』呢？你哋屋企係咪已經充斥著對方嘅事物呢？
你哋雙方係咪已經習慣咗咁樣呢？如果係嘅話，咁好可能其實你哋已經由Casual Dating進展去到relationship嘅階段。
－最後就係：呢個女仔係咪暫時『你最喜愛嘅對象』去花時間一齊呢？
每逢你得閒嘅時候，呢個人係咪都會同你『共享』你嘅時間呢？
如果係嘅話，咁樣亦都係一個signal話你知你哋已經去到可以有relationship嘅階段。
以上就係關於Casual Dating入門需要知道嘅事情，
各位巴打又想唔想進一步釐清自己係想要casual定係serious，輕鬆定係認真嘅戀愛生活呢？
如果你想知嘅話，就畀個like呢段片並且留言話我知啦，希望今集幫到你！
喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。
想睇埋今集文字blog嘅話，當然可以去manthefvckup.com啦！
同埋最後想睇埋每日update嘅Instagram，可以去IG search manuptoday，
下集再見啦！
