Yo！我喺MTFU嘅Man神啊。
各位巴打有冇試過同個女仔first date完之後，覺得一切都幾順利，但係之後無論如何條女都唔肯同你second date呢？
又或者你有冇問過自己：究竟有啲乜嘢原因女人同你出完第一次街之後，佢係冇興趣同你再出第二次街？
呢個就係我哋今集ManTheFvckUp探討嘅重點，
繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！
首先你要明白嘅就係：女人淘汰你既原因，好可能係同你依家所諗嘅唔同，
所以今日我會為各位巴打列出一系列嘅可能性，令你唔好再重蹈覆轍！
＃1 女仔唔想同你second date第一個原因：
就係你畀太大壓力對方，畀太多期待／expectations對方，又或者講得太多你自己人生終極嘅目標。
意思就係：太多男人覺得first date就係一個黃金機會，
佢present畀條女知自己將來對婚姻／小朋友／去邊度旅行度密月／想點樣同伴侶終老等等嘅目標…
喂！大佬呀！
人哋第一日識你，你講得咁乸長遠咁乸深入咁乸deep做乜春！？
你唔單止將自己嘅飢渴／desperation／孤獨感／neediness表露無遺，
你咁認真喺度講咁長遠嘅嘢，根本就唔係女人想喺first date感受到嘅嘢！
你覺得你講到自己對感情婚姻拍拖幾有大志嘅時候，女仔能唔能夠放鬆relax去玩去笑呢？
＃2 女仔唔想同你second date嘅第二個原因：
你負面地批評自己以往嘅Ex或者任何一段感情。
就算你真係覺得你個ex係一隻痴線嘅蛇蠍大仆街，
你係咁形容自己曾經有幾被佢hurt，條女有幾賤格去呃曬你啲錢，條女有幾無良去玩你感情…
你覺得面前同你date緊嘅女仔係聽到啲咩呀？
佢聽到嘅並唔係『你個ex係一個痴線女人』，
佢聽到嘅喺你係一個毫無底線，毫無尊嚴，唔能夠control到自己生命嘅死廢柴！
你係咁有『質素』嘅話，咁你又覺得佢會唔會繼續想同你出街呢？
＃3 女仔唔想同你second date嘅第三個原因：
你date嘅時候表現得坐立不安，太過緊張，控制唔到自己嘅身體郁動！
意思就係：如果你成日講講下嘢就喺度掂自己後頸呀，
喺度成日自己卒手玩手呀，喺度拗大髀呀，喺度係咁整你啲頭髮呀…
…屌！
你真係好乸樣衰唔知喺度做乜柒囉！
一個荷爾蒙失調連自己嘅body都控制唔到嘅男人，
俾女人嘅感覺就係你係一個insecure唔可靠唔安全，好想得到女人認同／approval嘅毒撚。
尤其是係你哋first date，女人嘅自我保護反應係好高嘅；
所以佢一見到呢啲身體不其然嘅抽搐，佢內心就會響起警號，覺得你好可能有病， 又點會同你繼續date呢？
＃4 女仔唔想同你second date嘅第四個原因：
超級簡單，就係你同佢傾計嘅時候閃閃縮縮，唔能夠保持足夠嘅eye contact。
基本上，人與人對望嘅時候，好多時都會睇到對方內心嘅真相。
所以如果一個男人喺傾計期間，唔能夠有自信地望著女人雙眼，對女人嚟講係扣曬分；
因為好多時佢都會感覺你係一個缺乏肯定性，唔係好知道自己做緊乜嘅人，所以佢都好難有興趣繼續去同你出街。
＃5 最後第五個女仔唔想同你second date嘅原因：
好白痴，就係你飲得太醉 LOL
呢啲情況通常都係出現喺啲十零歲啱啱可以飲酒嘅小朋友身上。
無論你喺first date又或者普通喺bar／club裏面溝女，你飲酒當然可以暫時畀到你放鬆嘅感覺啦；
但係你飲太多過咗龍嘅時候，你就開始唔知自己喺度講緊乜，
又要係咁去廁所，條女又點會enjoy下次同你date呢？
所以都係一杯起兩杯止，請你唔好飲到成隻醉貓咁 。
Anyway，以上就係頭五種女人唔想同你second date嘅原因，
各位巴打又想唔想額外知道另外五大約會死亡原因呢？
如果你想知道第六至十種嘅話，就請你依家畀個like我；
如果反應好嘅話，我就下一集馬上為你揭露答案啦！
希望今集幫到你！