除咗『點樣識/溝/食更多女』嘅戀愛問題之外，我諗另一樣好多巴打有興趣了解嘅，就係『點樣可以擁有自己嘅事業王國賺大錢，唔需要成世打工？』類似嘅問題。
先旨聲明，我拍呢段片嘅呢一刻仲未喺億萬富豪，我仍然喺不斷從唔同嘅mentors身上學習緊關於財富嘅遊戲…
但我相信以下都能夠俾到啲基本建議巴打你，俾到一份藍圖讓你去度出你嘅出路。
咁所以如果靚仔嘅你有興趣除咗係我哋YouTube片上學習，你都可以去到 www.manthefvckup.com 免費索取我哋嘅Daily Newsletter，因為某啲題材我喺會淨係分享俾裡面嘅巴打。
Anyway，我哋事不宜遲，即刻開始教你獲得財政自由嘅4部曲！
Step＃1：量度一下你現時嘅財政狀況。
喺你去到下一個目的地之前，首先你要知道自己而家喺邊度。
譬如話：你而家係咪仍然負債緊，爭緊人錢呢？你每個月嘅支出係咪入不敷支，洗嘅錢仲多過你嘅收入呢？你有冇屋企人／細佬妹／甚至女人細路要供養呢？
如果你唔太清楚嘅話，唔該你乖乖地坐低，100%坦白地面對你嘅財政狀況，睇下而家喺咩狀態。
譬如：你銀行 + 現金total儲咗幾多錢呢？你每個月預留咗幾多錢，比你之後作為『緊急開支』呢？
你每個月有咩『必需嘅開支』，喺絕對無辦法減少架呢？請你計一計條數先。
Step＃2：好老土，但喺你需要諗下點樣可以暫時降低你嘅生活質素。
喺你叫我『慳啲』之前，我想解釋下點解你要暫時『慳啲』。
我絕對明白，慳錢／儲錢／Save Money 喺無可能令你致富！
但另一方面，如果你真心想離開你沉悶嘅工作，獲得財政自由嘅話，你短時間內亦都必須學識減少『不必要』嘅開支，譬如話：
你租緊個架車，係咪真係有需要呢？你睇中左嗰部單反相機／電話／Tom Ford嘅西裝，可唔可以等多幾個月之後先重新考慮應否購買呢？
你係咪真係需要晚晚出街食飯，唔可以自己準備返平平地一兩餐呢？
簡單講：你要做嘅喺列出你嘅需要 (NEEDS) VS 你嘅慾望 (WANTS)
因為做生意／建立財富好多時一開頭都係一個驚險嘅過程，好多嘢都需要開支，好多嘢都好麻煩好唔穩定，你喺需要多手準備。
冒險喺好事，但你要獲得財政自由嘅話，你就要盡量計算風險 calculated risks。
Step＃3：列出你會點樣額外創造價值，去取代你唔鍾意嘅工作！
如果你真係要quit，要做一個創業家，要建立你嘅生意嘅話，你會用咩工作模式取代呢？
喺呢個年代，尤其是你無龐大嘅資金，又或者唔想透過crowdfunding比其他人限制你嘅活動能力，
最理想地都係諗下有咩互聯網嘅生意，盡量數碼化地處理你嘅業務。
好處好明顯，就係你有『地理上嘅自由』，唔需要下下坐office；可以一邊同囡囡去旅行，一邊隨時隨地處理你生意上嘅業務。
咁所以你要做嘅，喺寫低你有咩技能／智慧／服務，可以透過網上幫人『解決問題』！
譬如你識整網頁？寫coding？畫工了得嘅話，可以幫人畫logo？
把聲靚嘅話，可以幫人錄音？語言一流，可以做文字翻譯？
做生意永恆嘅原則都係：找出市場需要，提供產品／服務解決市場問題，換取金錢得到利潤。
當你有兩三個ideas嘅時候，就資料搜集下市場上有咩競爭者，點樣彌補佢哋不足；又或者成為先鋒者，建立一啲未有人做過嘅嘢（好難，但收穫更大！）
最後最重要 Step＃4：繼續做住你份工，直至你盤生意嘅收入超過你份工！
我知道你好想秒速quit咗你份工，意氣風發地屌鳩老細，劈炮唔撈嘅。
但係請你等等…因為如果你肯冷靜啲嘅話，較為聰明穩妥嘅方法，喺你一邊做著你份9-7嘅工作，一邊part time地建立你嘅新business！
冇錯，你將會喺好撚攰好撚忙好撚辛苦，但係『創業／做生意／搵錢』開頭階段本身就係難！
如果你想10年後永遠有真正嘅地理自由 +財政自由嘅話，你而家喺無辦法唔暫時地犧牲自己某啲嘢，無論係娛樂，睡眠，旅行遊山玩水，定係休閒嘅嘢。
當然，如果你已經有一兩年『唔使做嘢都生活到』嘅積蓄嘅話，你係可以直接quit，然後完全focus喺建立新事業。
唔係嘅話，你都唔能夠避免『捱苦嘅命運』，因為當你做咗頭半年，你就會大概知道你嘅生意有無得做，並且更加清晰幾時可以正式離開你份工。
當你business嘅利潤持續一段時間（大概半年）都多過你份人工嘅話，你就可以終於堂堂正正quit你份工，成為一個成功嘅創業家，得到你最想要嘅『自由』！
總結係：呢個獲得財政自由嘅過程喺絕對辛苦艱難…
你嘅情感每日都會提心吊膽，你嘅身心魄力亦絕對會得到嚴苛嘅磨練。
但係『自由』從來都係需要爭取番嚟嘅，好多人都寧願做奴隸都唔願意捍衛自己嘅靈魂。
咁所以巴打你又會唔會『做極艱難嘅嘢』，搏盡無悔地做返個『財政自由西』呢？
下集見！