過往幾年我都收到唔少本地男士寫畀我嘅email，有時投訴港女話佢哋唔夠溫柔體貼，成日都話台灣妹／大陸妹／日本妹或者鬼妹先至夠小鳥依人。
但係我想問，如果你想要善解人意嘅小女人嘅話，點解你唔率先做返一個雄性領袖嘅大男人呢？
兩性關係上面嘅真理，就係擁有masculine／雄性／陽性特質嘅人，係會吸引得到擁有feminine／雌性／陰性特質嘅人，無論雙方嘅性取向係啲乜嘢。
咁所以某啲女士鍾意同TB一齊，係因為有唔少TB仲型過啲陰聲細氣嘅男仔。
調返轉，某啲鍾意HEHE嘅男士，其中一方一定係相對比較Man，另一方嘅行徑就會比較似女人，即使大家都係鍾意玩菊花格劍。
咁所以其實幾年前我已經喺MTFU唔同片段解釋過：
如果你係異性戀嘅男人，而你又想爭取擁有陰性特質異性戀嘅女人嘅話，你係一定要develop一系列嘅masculine特質，你先會吸引到feminine嘅女士。
咁所以以下我就列舉咗一系列常見嘅陽性特質畀大家參考 ，
巴打你可以客觀地問下自己有冇擁有呢啲qualities，同埋如果冇嘅話，依家開始點樣去補救！
特質＃1 獨立性／Independence
所謂嘅『獨立性』就係講緊你有幾依賴緊外界力量，去令到你嘅life變得更美好。
譬如話，你會唔會覺得你依家生活坎坷，完全係因為你投嘅政黨冇幫你做好某啲嘢，又或者個政權冇幫你伸張正義，將納稅人嘅資源亂鳩咁用呢？
你現時嘅收入來源，又係咪隨時可以畀公司或者制度秒殺，定係你有多條獨立嘅水路，令到其他人冇咁容易收你皮呢？
再講得微觀啲，你現時係咪仲依賴緊父母去支援你嘅生計呢？你可以點樣盡快離開父母保護嘅環境，獨立地開始生活呢？
特質＃2 唔容易情緒化／Unemotional
因為少少嘢就變得情緒化，或者當某啲人講咗某啲說話就傷害咗你嘅自尊心，跟住你就攞碌棍打戇人，話你唔應該挑釁佢嘅職業，話你一定要尊重佢嘅權威，其實呢啲係陰性特質女人嘅表現。
Feminine嘅特質就係情緒化，容易被情緒支配而影響行動；
但係Masculine嘅特質就係能夠『冷靜地隔離自己情緒一段時間』，運用自己理性去做決定，之後先至以正面適當嘅渠道去抒發自己情緒。
咁所以巴打，你除咗有熱情奔放嘅一面之外，你又有冇冷漠厚面皮嘅一面呢？
特質＃3 適當時有能力勇武／Proper Aggressiveness
正如我哋Man Talk第1集講過，暴力喺和平社會嘅必需品；喺任何社會裏面，和平理性秩序等等都係需要付出代價。
咁所以去到關鍵時刻，每一個擁有陽性特質男人都係必須有能力使用自己嘅武力同勇氣，去防止某啲仆街搞鳩你或者你屋企人。
咁所以問問自己：遇上街頭圍毆嘅事件，你會唔會成為下一個手無寸鐵嘅受害者呢？
定係你有能力去繼續生存，或者至少身體夠強壯去逃跑，脫離險境呢？
係溝女層面上，你日常生活之中見到有興趣嘅女士，你會唔會適當地運用自己嘅勇氣，make a move 行去同佢傾計，定係你會鳩縮然後埋怨話自己生活圈子，缺乏機會結識異性呢？
特質＃4 競爭性／Competitiveness
所謂嘅『競爭性』其實好簡單，就係講緊你每一日有冇主動積極地去令到自己變得更加有能力，去become better，而呢種特質亦都係我哋MTFU其中一個主要價值觀。
無論係令到你嘅身體操得更fit更強更快，定係積極地去發展多條水路增加自己嘅財富，又或者超簡單每日花幾個字睇本書去加強自己嘅思維或者某方面嘅技能…
…呢啲日常習慣全部都係會提升你喺社會上嘅競爭力，繼而增加你嘅吸引力同生存率。
人生好多時都係關於polarity／兩極性：陰性嘅女人一定會繼續鍾意有自信陽性嘅男人，而鄙視無視一啲毫無大志嘅頹廢毒撚。
就算唔少港女又叻又搵到錢，佢係異性戀嘅話，佢都一樣渴求將自己submit落一個更獨立更冷靜更勇武更有競爭性，比佢更強嘅男人。
類似嘅話題，我都會喺MTFU Daily Newsletter裡面同讀者們繼續分享；咁所以如果巴打你有興趣嘅話，你就去www.manthefvckup.com 訂閱我哋MTFU Daily嘅免費通訊啦！
即係你要問自己嘅問題就係：
呢個一切生活都會變得越嚟越艱難嘅動盪時代，你又會唔會繼續努力推進，為自己進行革命性嘅改變，定係你會放棄自己呢？
答案就留返畀你解答啦！