Yo！我喺MTFU嘅Man神啊。
點樣可以同任何女人順利地冇壓力地傾計呢？
點樣可以令到自己唔再喺索女面前咁緊張講嘢呢？
點解你會出現『唔知道下一句講咩』嘅溝女難題呢？
我相信我以上所問嘅問題，
都係因為一啲初階巴打誤解『甜言蜜語就係溝女致勝關鍵』，之後會出現嘅疑惑。
點都好，既然某啲嘅小男孩咁鍾意問我點樣傾計，
我今日就同你分享其中一個同囡囡傾計嘅頂尖秘密！
繼續去協助你成為一個更有力量，更有吸引力，更有影響力嘅現代雄性男人，
活出一個更有激情嘅生命！
＃1 首先想講嘅就係：男人同女人對話其中一個最大錯誤，
就係每次唔知道自己可以講乜嘅時候，就想先諗一啲『好問題』去問條女。
問題就係咁樣出現喇，因為狂問問題／Questions，係唔能夠帶出一個雙向嘅對話；
但係陳述句／Statements，就係一啲比人睇小但係非常有效延伸對話嘅說話工具。
＃2 所以無論你說話有幾流暢，
你總係會間唔中遇上呢啲『空白空虛』嘅寧靜位置，你總係會遇上deadair。
但係點解其實你冇需要咁驚deadair呢？
原因就係：Conversations／對話，並唔係純粹單向性倚靠你嘅大腦頭腦去產生；
Conversations／對話，係透過你觀察面前呢一刻呢條女同當時嘅環境，而去講一啲即興無需要預備無需要背稿嘅觀察性句子！
＃3 意思就係：你同女人傾計之所以會kick住，之所以會有困難，
原因就係你太過集中聚焦喺一個想得到嘅特定結果。
可能你想攞個電話，可能你想約佢出街，
可能你見到佢咁靚就戇九九地咁快想做佢男朋友等等！
Fvck that bro！
你做人可唔可以有啲標準呀？
對話嘅目的並唔係等你弱智地無限幻想延伸將來墮入愛河結婚生仔；
對話嘅目的係讓你對某個女仔嘅好奇感，促使你去be in the fvcking moment，然後發掘呢條女究竟係一個咩人！
＃4 如果你真係有反省過自己傾計嘅目的之後，
以下就等我教你一招傾計嘅技術，令到你對話一切自然流露。
你需要做嘅就係，一係你估下一啲關於佢嘅嘢，又或者一係作出一個assumption／假設，
以上兩者都係唔會問女仔問題嘅。
譬如話：如果你聽得出佢講野有口音或者有啲『唔知local港女』嘅感覺，
你就可以估下佢係邊度嚟，或者係咪浸過鹹水。
如果佢著衫佢嘅首飾佢嘅頭髮有啲特別，你就可以估下佢做咩工作。
或者你見到佢攞住一大咋書或者特別袋嘅時候，你甚至可以估下佢嘅嗜好。
如果真係再諗唔到，你甚至可以估下佢當時處於乜嘢嘅mood／情緒，
尤其是當佢表現得好開心正面等等嘅時候。
＃5 世上最好嘅溝女句子，全部都係一啲即興透過當時還境地理場合同埋當時嗰條女去取材，
所以根本你就有無限個選擇！
當你係做一個對環境同對人有觀察力／observant嘅男人，
停止係咁黏住喺自己嘅大腦裏面『諗下有咩搞笑嘢講』，
任何有創意嘅陳述句句子都會畀你諗到！
＃6 二人對話，尤其是一開頭認識嘅階段，其實就係來來回回嘅『假設』同『陳述句』。
可能你哋會講起相關嘅故事，可能你哋會繼續延伸同一個思想／念頭／topic，
可能你哋會過渡到去另一個類近嘅assumption，呢啲就係conversation嘅特色。
你越係講一啲關於個女仔嘅陳述句，你就係創造緊越多話題嘅價值，你就越容易能夠令到佢回應你。
＃7 Anyway，請你自己做好資料搜集，
喺我嘅channel裡面search『傾計』『對話』『話題』呢三個重點字眼，
你就會搵到所有關於傾計嘅教學片。
如果你睇曬之後都係唔識嘅話，
Well…
我相信我喺條囡都會對住你deadair啦！
鍾意今集嘅話就like並且comment話我知啦， 下集再見你！
喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。
想睇埋今集文字blog嘅話，當然可以去manthefvckup.com啦！
同埋最後想睇埋每日update嘅Instagram，可以去IG search manuptoday，下集再見啦！