Yo！我喺MTFU嘅Man神啊。
喺眾多嘅溝女問題之中，我發覺其中有一條喺比較特別，對各位巴打都有影響嘅。
就係：『Man神，我可以點樣先知道女人內心係諗緊啲乜嘢呢？我應唔應該相信佢口所講嘅嘢呢？』
所以今日想簡單地協助大家學識點樣閱讀女人，明白佢哋內心真正諗乜嘢。
繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！
＃1 首先開門見山我想你做嘅第一個練習就係：
請你求其搵一段肥皂劇嘅影片，較靜音mute咗佢，熄咗字幕，
跟住睇十零分鐘嘅一節，並且睇下你知唔知道故事內容發生緊乜嘢事。
如果你做呢個練習做得夠多嘅話，
你就會慢慢學識『咩都聽唔到嘅情況下』，你就會明白故事嘅主角係表達緊啲乜嘢。
＃2 所以如果你想閱讀女人心，我想你首先就學識點樣去『收聲並且較靜音』。
當你同囡囡傾計嘅時候，
我想你集中留意女人嘅行為『做緊乜嘢』，而唔係純粹聽佢口講字面嘅嘢。
我想你觀察佢嘅面部表情，佢雙手嘅旭動，佢雙腳站立嘅位置，
並且用心感受佢emotions／情感表達緊嘅意思，咁樣你先至可以真正發掘佢諗緊乜嘢。
＃3 譬如好簡單，如果佢一路橋住手一路同你講『我無嘢呀…』，你會唔會覺得佢真係冇嘢呢？
唔好咁傻仔啦…
好大機會女人嘅語言喺『講緊大話』，其實佢唔係無嘢，其實佢係好唔開心或者好唔gur你！
＃4 所以第二點我想問你嘅就係：
你通常係留意女人口講嘅字眼／words多啲，定係留意女人嘅行為舉動／actions ＆ behaviors多啲呢？
我想你記住一個真相，就係男人女人都會講大話，但係兩者講大話嘅方式會有唔同。
好多時男人會『對自己所做過嘅行為』講大話，但係較少『對自己嘅感受』講大話；
相反，女人通常會講大話『遮蓋自己嘅感受』，但係比較少『對自己所做嘅行為』講大話。
咁所以如果你淨係留意女人口中所講嘅嘢嘅話，好多時你都唔會聽到事實嘅真相，
好多時佢嘅actions／行為先至係表達內心真正嘅意思！
＃5 譬如話，如果你女朋友同你講：『啊，嗰個阿John真係好煩囉，我好憎佢成日喺度串我！』
你聽到咁樣，你千祈就唔好覺得阿John一定收皮，阿John一定冇機會，
因為你女朋友講話佢『好煩』或者『好憎佢咁串佢』。
你女朋友真正嘅意思可能其實係：
『阿John成日串佢呢種行為，搞到佢成日感受到一啲好激烈嘅情感，所以會成日諗起阿John，有時自己都唔知對阿John有咩感覺！』
咁所以你都要小心，因為你女朋友好可能已經被阿John吸引，只係佢唔知道應該點樣同你開口講。
＃6 最後第三點就喺：
雖然你主要嘅focus都係應該相信佢嘅行為／actions多過佢嘅說話字眼／words，但係你又唔可以完全忽略佢所講嘅嘢。
因為有時一啲細小嘅字眼或者句子，佢係會透露咗一啲重要嘅資料。
＃7 譬如話你哋喺度傾緊去邊度旅行，
你條女可能同你講：『去邊度都冇所謂啦…你之前咪話去日本嘅，都可以去嗰度嘅，我都冇話我唔想去…』
你聽到佢咁講，你又千祈唔好誤以為你條女真係想去日本！
佢只係話自己未必介意去日本，
但係佢都無話過『去日本會好撚興奮！』，所以你可能係需要再考慮去下其他地方。
＃8 又或者正如我之前嘅例子，
你留意到你條女係咁講一個男仔有幾賤格，話佢成日出去口花花正狗公，話自己有幾唔鍾意呢類型嘅男人等等。
咁你要真正留意嘅就係：你條女成晚嘅focus都係喺呢條仔身上，而唔係喺你身上，
所以呢條仔肯定令你條女『感受到某啲感覺』，所以你就真係要小心啲！
以上就係閱讀女人心嘅簡單方法，
請各位巴打多啲留意佢嘅actions，唔好盲目地相信佢嘅口講嘅words喇！
鍾意今集嘅話就like並且留言話我知啦， 下集再見你！
喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。
想睇埋今集文字blog嘅話，當然可以去manthefvckup.com啦！
同埋最後想睇埋每日update嘅Instagram，可以去IG search manuptoday，下集再見啦！