Yo！我喺MTFU嘅Man神啊。
前日教識咗各位巴打點樣分清楚咩叫做casual dating，
今日就想教大家點樣分清楚自己係想要認真啲拍拖，定係想要一啲簡單啲戀愛生活。
繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！
＃1 首先想講嘅就係，casual dating雖然聽落好似好多著數，
對一啲冇乜掂過女人嘅年輕巴打們嚟講好似好正，擁有好多自由，鍾意幾時溝女就溝女／食女就食女。
但係事實上，casual dating未必係你內心真正想要嘅嘢，
所以以下有好幾樣因素你係必須考慮，先至決定呢個遊戲啱唔啱自己。
＃2 喺你決定想要乜嘢形式嘅男女關係之前，你需要坐低認真諗下自己真正想要啲乜嘢，譬如話：
－喺你腦海之中，大部分嘅時候所幻想最理想嘅男女關係喺點樣嘅呢？
－同完一條女親密之後又再同另一條女親密，對你嚟講會唔會好興奮好刺激呢？
－定係其實你想要一個穩定可靠嘅女仔，會對你忠心會投入喺你嘅世界裏面呢？
呢度喺無話啱定唔啱嘅答案，又或者正確錯誤嘅答案，
最重要嘅係你要好清楚exactly自己想要啲乜嘢先，你之後先至可以出去攞嗰樣嘢返嚟。
＃3 第二樣更加重要嘅嘢就係：
當你發現自己想要某一種relationship之後，你係更加需要釐清自己點解想要嗰一種嘅男女關係，譬如話：
－如果你話你想要一個認真commit嘅女朋友，呢一個idea係喺邊度嚟㗎呢？
係咪因為社會大眾／電影電視劇畫面／你嘅屋企人／你班frd話你知『一對一男女拍拖』就係必須擁有嘅關係呢？
你想要呢樣嘢，係咪真係因為你鍾意呢個女仔嘅為人呢？
定係其實自己想炫耀比身邊嘅人睇『自己有個好索嘅女朋友』跟住去曬幸福呢？
定係其實因為你內心寂寞空虛，所以想求其搵個人快快手填滿你嘅心靈空間呢？
－又或者如果你話你想『輕鬆玩下食下女』，其實你係咪想好似啲PUA咁，
透過『自己征服過幾多條索女』跟住同朋友開心share，間接地去希望得到佢哋嘅尊重，認同你嘅身份價值呢？
定係你真係享受咁樣去花自己嘅時間同精神呢？
重點就係：你要make sure自己係做緊自己真正想做嘅嘢，而唔係去滿足其他人對你嘅期待或者慾望。
＃4 要明白，如果你想試下casual dating嘅遊戲，咁你就必須明白casual dating係雙向嘅。
你唔可以一邊自己享受所有自由去溝其他女，但係就一邊逼你條女一定要效忠於你，唔可以溝其他仔；
唔係嘅話，你就會製造一種唔平等唔健康嘅男女關係，最後呢種relationship就一定唔work。
所以你諗清楚：你係咪真係接受到你嘅女人可以同時出去溝下仔，同其他男人拍拖，甚至同佢哋過夜瞓覺呢？
係嘅話，冇問題你可以一齊享受輕鬆冇壓力嘅有性關係；
如果唔係嘅話，就代表casual dating好可能唔適合你。
＃5 最後就係：如果你真係想要casual嘅關係，唔該你就唔好喺度呃女人，
喺度present自己成為一個『好好男朋友』咁，氹完佢上床之後就趙完鬆！
你會做呢啲咁賤格無恥嘅行為，就代表你唔配做MTFU嘅兄弟，
唔該你以後唔好再聽我講嘢同埋請你unsubscribe我個channel！
我哋MTFU建立嘅任何一定關係，無論係輕鬆定係認真，都係base on honesty，
都係以『誠實』作為基礎，所以我係會主張你一開頭就要讓女人知道你嘅意圖。
最理想就係，你必須透過你成個vibe，透過你分享嘅故事，透過你嘅行為舉動，
透過你分享自己嘅價值觀，透過你分享自己依家尋找緊啲乜嘢，
直接間接地令女人明白你依家並唔係『look for a serious relationship』，
你依家只係想casual少少冇乜壓力地去玩下。
冇錯，你咁樣當然係會可能損失幾條女啦，但係呢個就係重點！
你係篩選緊一啲『唔符合自己依家想要某樣嘢』嘅女人走 ，
咁樣你就會好快搵到一啲同你一樣想要同一樣嘢嘅對象，你哋就會絕對『一拍即合』，
而『誠實嘅溝通』亦都係一個成熟男人會做嘅事情！
所以如果你想一段關係輕鬆casual啲，你就必須set好一啲界線／boundaries：
唔好好似成個男朋友咁，日日喺度搵佢whatsapp佢；
唔好無啦啦見佢屋企人，或者次次都邀請佢一齊出席某啲場合，
唔係嘅話你就會將條界線越整越含糊，違反大家一開頭輕鬆嘅協議。
各位巴打，
以上咁成熟嘅諗法我相信你好少喺出面聽到，你又鍾唔鍾意類似呢啲形式嘅片呢？
鍾意嘅話就畀個like我啦，
希望今集幫到你！