Yo! 我喺MTFU嘅Man神啊，歡迎嚟到新一集嘅ManTheFvckUp，
協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。
＃1 好快好快，我哋就會踏入我哋嘅聖誕節同新年啦！
但係我哋準備開champagne食大餐慶祝嘅時候，
因為你係依家聽緊MTFU嘅新片，所以我知道你係一個鍾意學習，
鍾意take action付諸行動，鍾意見到自己突破性嘅成績嘅人，
所以我想首先就恭喜你呢種有大志有野心嘅諗法！
＃2 前一集我就話咗畀你知：
2018年成為真男人嘅第一步，就係你必須集中喺自己嘅Progress／進步進展之中，而唔係純粹希望能夠改變；
因為change／轉變係一種自動會出現嘅事情，
但係你想進步你想有progress嘅話，
你就必須積極主動地去take ACTION，邁向你想要嘅方向，並且透過自己嘅成長得到永久性嘅快樂同滿足。
＃3 今日分享嘅第二步就係：你必須下定決心去fvcking DO IT！
你知唔知道點解超過95%嘅人都係唔會follow through／堅持完成自己定下嘅新年大計呀？
其中一個好大嘅原因，就係呢啲平庸average嘅人，
同你講嘅新年大計，其實只係自己鳩吹自己有啲乜嘢wishes／有乜嘢願望，
佢哋只係hope／希望嗰啲夢想會自己發生。
＃4 各位巴打你必須明白：
所謂resolution，所謂嘅大計，真正嘅意思係你必須resolve to fvcking do it！
你必須堅持完成你定下嘅目標，將你set好咗嘅行動進行到底！
＃5 只有當你有呢種必須完成嘅決心，
只有當你有呢種『唔完成就會死』嘅動力，
只有當你『被天時地理人和逼你去牆角』嘅危機感，
你嘅意識同潛意識先至會用盡一切有創意嘅方法去讓你完成你必須做嘅事！
＃6 點解咁多人都係停滯不前，永遠活喺自己舒適範圍／comfort zone裡面，永遠都處於一種靜止被動嘅狀態呢？
原因就係，comfort zone就係令你最舒服嘅死亡地帶，
comfort zone就係令你自以為事得過且過嘅溫床，
comfort zone就係令你墮入average平庸溫水煮蛙嘅陷阱！
＃7 你想離開呢種令你最終失敗退步墮落嘅matrix，你就必須製造足夠嘅power力量，去打破自己現有嘅舒適範圍。
最好嘅方法：就係每次當你感到有動力去take ACTION嘅時候，
你就必須喺嗰一個時刻，嗰種充滿動力嘅moment，
去做一啲嘢令到自己馬上得到槓桿效應嘅威力，逼你自己之後去持之而行follow through！
＃8 譬如話：
－ 你見到一個你感到有慾望想認識嘅女仔，你就必須馬上首先郁動你隻腳行過去佢度，而唔係喺度浪費時間猶疑諗下要講啲乜嘢！
－又或者下次有人約你去某個party玩嘅時候，你就首先say YES！即使你一啲都唔識點樣去係一個唔熟悉嘅環境去認識新朋友…
－又或者好簡單地擺低deposit，去你想參加嘅跳舞班／做gym嘅會籍／去一個探險性嘅歷奇訓練／去同朋友去陌生嘅地方旅行 etc.
＃9 重點就係：每次你下決定做一件事嘅時候，每次你make 咗 decision之後，
你當下都必須馬上付諸行動，take一樣少少嘅實質action，為你嘅目標踏前一小步，
咁樣你先至可以resolve，並且之後完成你想要嘅目標！
＃10 所以依家我要問你嘅就係：你喺今集之中又得到啲乜嘢啟發呢？
你有啲乜嘢大計係好想2018年做到呢？
你依家有乜嘢小小嘅實質動作係可以馬上take ACTION 㗎呢！？
請你立即做嗰樣嘢，如果鍾意今集嘅話，
如果你想繼續嘅2018年成為真男人嘅話，
就畀個like呢段片並且comment話我知啦！
我會視乎大家嘅反應，再睇下幾時推出下一集嘅，完唔完成到就靠你嘅支持喇！
希望今集幫到你！