Yo! 我喺MTFU嘅Man神啊，歡迎嚟到新一集嘅ManTheFvckUp，
協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。
＃1 各位巴打聖誕節同Boxing Day已經過咗喇，唔知你過得快唔快樂呢！？
如果你仲未睇我哋『2018年成為真男人七步曲』嘅頭三步嘅話，
請你馬上停止呢段片，返返去睇返之前嗰三集！
＃2 我哋之前就講咗，大部分男人嘅『新年大計』之所以會失敗，
原因就係因為佢哋錯誤地集中喺『改變／change』之中，而唔係集中喺個人成長／growth之中。
佢哋亦都中途放棄，缺乏一種resolve／決心去持之而行。
同埋最後就係佢哋求其揀一啲random嘅目標，而忽略去搵出清晰同具說服力嘅願景／vision背後嘅原因／reasons，去支持自己嘅行動。
＃3 今日就講埋2018年成為真男人嘅第四步，
就係：你必須提升自己嘅水平標準／Standards！
因為講到尾，
如果你想喺任何方面（賺錢／溝女／健康／影響力etc）有持續嘅進步增長，你就必須提升自己嘅水平／standards。
＃4 目標可能有時係達唔到，但係你永遠會達到自己對自己嘅standards／標準。
因為目標／goals，係一啲我哋覺得需要額外追隨先至得到嘅東西，
好多時都未必係一啲『必需品』，好多時佢哋只係一啲『如果我有埋佢就會好好啦』嘅shoulds，而唔係musts。
＃5 譬如話：『我應該早啲起身／我應該做多啲運動／我應該出去識多啲朋友／我應該同多啲女仔傾計etc. 』
呢啲目標出現嘅時候當然你會好開心啦，
但係如果達唔到嘅時候，冇錯你可能都會幾失望，
但係其實你心底裏可能都一早預計自己唔會堅持完成／唔會follow through囉！
＃6 但係當你真實地提升自己人生某方面嘅水平標準standards，
當你嘅意識同潛意識確切地相信『某啲嘢一定要係咁樣去發生』，
當你將某種目標由shoulds轉變成musts嘅話，你先至能夠真實地搵到一條道路去達到你嘅目標！
＃7 而家你諗下你自己：
你生命上某一個area，唔係因為你首先提升自己對某方面嘅標準，你嘅人生先至會有改變咩！？
譬如可能你曾經係食好多煙，體能又差又癡肥；
但係到咗某一日，某啲事情發生咗，終於將你推向臨界點，
你終於由原本同自己講緊嘅『我要減肥啦／我應該減肥啦』去到『仆你個街，我唔再可以容忍自己咁撚肥啦！』 …
去到嗰一日，
你就將所謂嘅『目標』轉變成一種『必需品』，
就喺嗰一個moment你終於下定決心去做某件事，你先至能夠實質地達到你想要嘅結果。
＃8 重點就係：你必須首先提升自己嘅standards，提升自己對某件事『可接受程度』嘅標準，將佢視作為絕對嘅標準／生活質素嘅底線，咁樣你先至可以將夢想變為現實！
當你有咁樣嘅內在水平嘅時候，
你先至唔再需要意志力／willpower去協助你完成某件艱巨嘅事情，你先至能夠持之以恆地達到目標。
＃9 所以各位巴打請記住，
2018年成為真男人嘅第四步就係：Raise your fvcking standards！
唔好再妥協於選擇一啲你唔鍾意嘅女人，
唔好再妥協於接受一份你討厭嘅工作，
唔好再妥協於一個你慚愧嘅身材，
唔好再妥協於你接受唔到嘅所謂『社會現時現實』…
提升你自己嘅標準，你先至可以製造永久嘅改變。
鍾意今集嘅話，就畀個like呢段片並且comment話我知啦！
我會視乎大家嘅反應，再睇下幾時推出下一集嘅，
（下一集分享嘅嘢係我個人最鍾意！），
所以完唔完成到呢個系列就靠你支持喇！
希望今集幫到你！